Sunday, December 9, 2012

ကမ္ဘာပျက်မဲ့နေ့ ...


အန်တီဆွိဟာ လေယာဉ်ပျံစီးရမှာ သိပ်ကြောက်တတ်တယ်။ ဖိုးဗီးယားလားမေးရင်တော့ အဲသလောက်တော့ မဆိုးဘူးထင်တာပဲ။ ဘယ်က စ ကြောက်တာလဲ မေးရင်တော့ လူဆိုတာ ကိုယ့် အသက်လေးကိုယ် ခင်တွယ်တတ်တော့ သေမှာ ကြောက်တာက စတယ်ပဲပြောရမယ်။ ကောင်းကင်ပေါ်မှာ ဒီလောက်လေယာဉ်ပျံ အလေးကြီး ပျံနေတာကိုက သိပ်ကို လေးလွန်းအားကြီးတယ်။ အချိန်မရွေး ပျက်ကျနိူင်တယ်။ လေယာဉ်ပျံပေါ်မှာ အသက်နဲ့ကိုယ် ဖက်နဲ့ ထုပ်ထားရတယ်လို့ အမြဲတွေးတယ်။ ဒါကြောင့် ခရီးသွားရတယ် ဘာညာဆို လေယာဉ်ခရီးဆို အမြဲရှောင်တယ်။ ဖြစ်နိူင်ရင် ကားနဲ့ ရထားနဲ့ သာသွားချင်တယ်။ ဒါပေမဲ့ လောကမှာ မလွှဲမရှောင်သာ ကိစ္စလေးတွေ ရှိမြဲ မဟုတ်လား။ ဥပမာ  တစ်နှစ်ခြားတစ်ခါလောက် မြန်မာပြည် အလည်ပြန်တာမျိုးဆိုရင်တော့ လေယာဉ်က မစီးမဖြစ် စီးရတယ်။

လေယာဉ်ပေါ်ရောက်ပြီ ဆိုရင်လည်း အရင်က ဒိုင်ယာဇီပင်လေးတွေ ဆောင်ထားတတ်တော့ အဲဒီဆေးလေးသောက်တယ်။ နောက်ပိုင်းတော့ စင်္ကာပူမှာ ဒိုင်ယာဇီပင်က မလွယ်တော့ ဘာမီတွန်ပေါ့။ အိပ်တဲ့ဆေး ရရာ တစ်လုံး ရေနဲ့ မျှောချထားလိုက်တယ်။ ဒါမှ လေယာဉ် ခရီးစဉ်တစ်လျှောက် အိပ် လိုက်သွားတော့ ဘာမှမသိတော့ အေးရောဆိုပြီး။ ပြီးတော့ လေယာဉ် စ တက်ပြီဆိုတာနဲ့  တတ်သမျှ၊ မှတ်သမျှ ဘုရားစာ အကုန်ရွတ်တော့တာပဲ။ လေယာဉ် အပေါ်တက်သွားလို့ အမြင့်ရောက်သွားတာနဲ့အမျှ အန်တီဆွိရဲ့ ဘုရားစာရွတ်သံကလည်း လေယာဉ်စက်သံကြားမှာ ပိုကျယ်၊ ပိုမြန်လာတတ်တယ်။ သမီးပါရင်တော့ သမီးကို အတက်မှာ ရေသောက်ဖို့၊ တံတွေးမြိုချဖို့ ဘုရားစာရွတ်ရင်းနဲ့ သတိပေးရသေးတယ်။ ဦးခြိမ့်ကတော့ သေလဲ အတူတူပဲ ဘာကြောက်စရာရှိလဲပေါ့ဆို အားပေးတယ်။ အကြောက်လွန်နေတဲ့  ဒေါ်ခင်မို့မို့ဆွိကြီးက " သေ အတူတူဆိုလဲ သေခါနီး ကျုပ်ဝေဒနာတွေ တော် ခံပေးမှာလားတော့ ... " ဆို အငေါ်ပြန်တူးတတ်သေးတယ်။

တစ်ခါသား လေယာဉ်တောင်ပံဘေးက ပြတင်းပေါက်နားမှာ နေရာရတယ်။ အိပ်မပျော်တော့  လေယာဉ်ပြတင်းပေါက်ကနေ တောင်တောင်အီအီငေးနေရင်းကနေ  တောင်ပံတွေကို တွဲထားတဲ့ rivet တွေဆီ မျက်လုံးက ရောက်သွားတယ်။ rivet လေးတွေနဲ့ တွဲထားတဲ့ လေယာဉ်ပျံတောင်ပံဟာ လေတိုးတိုင်း လှုပ်လီ လှုပ်လှဲ့ ရှိလှတယ်။ ကိုယ်တိုင်က မက်ကယ်နီကယ် အင်ဂျင်နီယာဆိုတော့ ရုံးမှာ နေ့စဉ် အဲလို rivet တွေ၊ screw တွေ၊  fastener  တွေနဲ့ အလုပ်လုပ်နေရတယ်။ အဲဒါတွေရဲ့ stress တွေ၊ strength တွေ၊ ကျိုးပြတ်တာတွေကို စမ်းသပ် လေ့လာနေရတာဆိုတော့ ဟမ်မလေး မတော်လို့ အဲဒီ rivet တွေထဲက တစ်ခုခုသာ လေယာဉ်ပျံတောင်ပံ လေအရိုက်မှာ ကျိုးပြတ်ခဲ့သည်ရှိသော်ဆိုပြီး ... ဆက်မကြည့်ရဲတော့ပဲ မျက်လုံးကို ဇွတ်မှိတ် ဘုရားစာသာ တတွတ်တွတ်ရွတ်တော့တယ်။ ဒါတောင် လေယာဉ်ပျံဆင်းခါနီး ဘေးက သူရဲံကောင်းကြီး ကိုကိုခြိမ့်က တို့တွေ ၅တန်း(5th year)တုံးက သင်ခဲ့ရတဲ့ turbulence flow ထကြည့်ပါဦးဆိုလို့ ကြောက်ကြောက်နဲ့ ကြည့်ခဲ့ရသေးတယ်။ လေယာဉ် ပန်ကာနားကထွက်တဲ့ air flow ရေခိုးရေငွေ့လို အခိုးလေးတွေဟာ လှိုင်းတွန့်လေးတွေလို ရှည်မျောမျော လေးတွေ ပြေးနေတာကို အတိုင်းသား မြင်နေရင်းနဲ့လဲ ဘာကိုကြောက်မှန်းမသိကြောက်နေပြန်တယ်။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx


 ဟိုတစ်လောက အော်ဇီက ၀န်ကြီးချုပ် ဂျူလီယာဂေးလတ်က "The end of the world is coming"

 ဆိုပြီး အူကြောင်ကြောင်နဲ့ ထ ပြောတာကို တီဗီ သတင်းတွေမှာ ကြ့်လိုက်ရတယ်။ သူကတော့ ဘာသဘောနဲ့ ပြောတယ်မသိ။ ကိုယ့်မှာတော့ သူလို အမျိုးသမီး ၀န်ကြီးချုပ်တစ်ယောက်ကနေ ပြောတာဆိုတော့ နားကအလိုလို စိုက်မိရက်သားဖြစ်နေတယ်။ တကယ်ပဲ ကမ္ဘာ ပျက်တော့မှလားပေါ့။  ၂၀၁၂ မှာ ကမ္ဘာပျက်မယ်ဆို ပြောထားတာ လွန်ခဲ့တဲ့ ၂နှစ်လောက်ကပဲ ဘလော့ဂ်တွေမှာ ၀ိုင်းတက်ဂ်ကြလို့ ရေးလိုက်ရသေးတယ် မဟုတ်လား။ ဟုတ်သော်ရှိ၊ မဟုတ်သော်ရှိ သေမှာကြောက်တတ်တဲ့သူဆိုတော့ စိတ်ထဲ နဲနဲပါးပါး ကြောက်စိတ်ကလေးကတော့ ရှိနေတာပါပဲ။ အဲ့တုံးကဆို အင်တာနက်ထဲ  " 2012 world end " ဆိုပြီး ဇစ်ဇစ်မြစ်မြစ်တွေထိ လိုက်ရှာဖတ်တာ နေ့စဉ်ရက်ဆက် တစ်ပတ်လုံးနီးပါးပဲ။ ဒီအယူအဆ ဘယ်ကလာသလဲ၊ ဘယ်လောက်သေချာလဲ။ ဘာကြောင့် ဒီလို ကောက်ချက်ချရလဲ၊ အစုံပဲ။ မနှစ်ကလဲ အဖိုးကြီးတစ်ယောက်က ၂၀၁၁ ဘယ်နေ့အတိအကျ ကမ္ဘာပျက်မယ်ဆို ပြောထားတာ၊ အင်တာနက်သတင်းတွေမှာဆို ပွနေတာပဲ။ တကယ်တမ်း အဲဒီနေ့လဲရောက်ရော ဘာမှလဲမဖြစ်တော့ လူတွေမှာ ဟာသကြီးကိုဖြစ်လို့။ နောက်နေ့ သူ့အိမ်ရှေ့ သတင်းထောက်တွေ ၀ိုင်းနေတော့ သူကထွက်လာပြီး သူတွက်တာမှားသွားပါတယ်ဆို  ပြန်ဝန်ချတောင်းပန်တာတွေ ဖတ်ရတော့ ဟယ် လူတွေက ဒီလိုတွေပဲ ပေါက်ကရ လျှောက်ပြောနေကြတာ မဟုတ်လောက်ပါဘူးပေါ့ဆို စိတ်အေးသွားပြန်ရော။

ဒီကြားထဲ ဟိုတစ်နေ့ကပဲ တီဗွီကနေ "2012 " ဆိုပြီး ကမ္ဘာပျက်တာကို ရိုက်ထားတဲ့ ရုပ်ရှင်လာတယ်။ အန်တီဆွိက ဒရမ်မာတို့ ဟာသကားတို့သာ ကြိုက်တာ။ အဲလို လူကို stress များစေတဲ့ကားတွေ မကြိုက်တတ်ပေမဲ့ ဟိုတီဗီကြိုက်တဲ့သားအဖနား ထိုင်မိတော့ မကြည့်ချင်ပဲလဲ မြင်နေရတယ်။ အမ်မယ် ရုပ်ရှင်ထဲမှာ ကမ္ဘာပျက်တော့ ဇာတ်လိုက်မိသားစုက လေယာဉ်ပျံကြီးနဲ့ ပြေးကြတာဗျ။ နောက်မှာ ကမ္ဘာမြေကြီးက ငလျှင်တွေလှုပ်၊ မြေတွေပြို၊ ရေတွေကြီးနဲ့ကျန်ခဲ့တာကို သဲထိပ်ရင်ဖိုပဲ ရိုက်ထားတာ။ နောက်ဆုံး တရုတ်မှာဆိုလား ကမ္ဘာ မပျက်တဲ့ နေရာလေးတစ်နေရာကို ပြေးကြတာတဲ့။ ကြည့်ပြီး မေ့မေ့ပျောက်ပျောက်ပါပဲ။

 တိုက်တိုက်ဆိုင်ဆိုင် အဲ့ကားပြပြီးလို့ မကြာခင်မှာပဲ ဆစ်ဒ်နီနားက ကမ်းခြေတွေမှာ ရေတွေ အနီရောင် ပြောင်းကုန်တယ်။ ဂျပန်မှာ မြေငလျှင်တွေ လှုပ်တယ်၊ ဆူနာမီ warning ဆို ဖေ့စ်ဘွတ်မှာ စတေးတပ်စ်တွေ တက်လာတော့ အောက်က ကွန့်မန့်တွေကလဲ ကြောက်စရာ။ ကမ္ဘာတကယ်ပဲ ပျက်တော့မှာလား။ နီးနေပြီ ကမ္ဘာပျက်ဖို့။ ကမ္ဘာပျက်ဖို့ ဘယ်နှစ်ရက်အလို ... ဆို ကွန့်မန့်တွေက ပွထနေတယ်။ ကြောက်တတ်တဲ့သူက ကြောက်မြဲပဲဆိုတော့ အော် သူတို့ပြောတဲ့ ကမ္ဘာပျက်မဲ့ရက်က နီးလာပြီပေါ့ ... ။ ဒီဇင်ဘာ ၂၁ရက်နေ့ တဲ့ လေ  ....

 xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

ကမ္ဘာပျက်မယ်ဆိုပြီး ထိုင်တွေးနေ၊ ငေးနေလို့လဲမရ လူ့ပြည် လူ့ဘ၀ လူ့ဌာနမယ် နေ့စဉ်လုပ်နေကျ routing လေးတွေက ရှိနေသေးတော့ အိမ်မှာ လုပ်စရာရှိတာတွေ လုပ်နေရမြဲ။ ဒါ့အပြင် မြန်မာပြည်ပြန်ဖို့ရက်က နီးလာတော့  အလုပ်တွေ ရှုပ်နေတယ်။ လက်ဆောင်တွေဝယ်၊ လပ်ဂေ့ခ်ျတွေ ထုပ်ပိုး၊ ဒီကြားထဲ သမီးမွေးနေ့ပွဲအတွက် အိမ်ရှင်း၊ ဈေးဝယ် ချက်ပြုတ် ပြင်ဆင်နဲ့ ရှုပ်ယှက်ခတ်နေတယ်။ တစ်ရက်တစ်ရက် နားရတယ်မရှိ၊ အိမ်အလုပ်တစ်ဖက် ရုံးအလုပ်တစ်ဖက်နဲ့ ဘလော့ဂ်လေးတောင် နပ်မှန်အောင် မနဲရေးနေရတယ် အရပ်ကတို့ရေ။


ဒီလိုနဲ့ အလုပ်ရှုပ်တဲ့ တစ်ရက် ညနေပိုင်း နားချိန်လေးပေါ့။ အိမ်ရှေ့မှာ တီဗီကြည့်ကြရင်း ကမ္ဘာပျက်မဲ့ အကြောင်းပြောရင်း မြန်မာပြည်ပြန်မဲ့အကြောင်း စကားက စပ်သွားတယ်။ အန်တီဆွိမှာ အမှတ်သညာ ဥာဏ်က အင်မတန်နဲတော့ ဘယ်နေ့ မြန်မာပြည်ပြန်မှာလဲ အတိအကျ မသိဘူး။ ဒီဇင်ဘာ၂၃ ရန်ကုန်ရောက်မယ်ဆိုတာပဲ သိတာ။ အမေတို့နဲ့ ဖုန်းဆက်ရင် အမေ သမီးတို့တော့ ၂၃ ရက်နေ့ ရောက်မယ်ဆို အမြဲပြောဖြစ်နေတာကိုး။ ကြားထဲ ထရန်စစ်က ရှိနေသေးတော့ ညအိပ်ရမှာတွေရော ဘာတွေရော ပြန်မဲ့ရက်ကို  သေချာမသိဘူးရယ်။

ဒါနဲ့ စကားစပ်ကြတော့ အန်တီဆွိက

 " တော့ ကမောင်ခြိမ့် ... ဒါနဲ့ ကျုပ်တို့ မြန်မာပြည် ပြန်မှာ ဘယ်နေ့တုံးတော့ ... "

ဆိုတော့ သူက စိတ်ကြည်နေချိန်ဆို ထုံးစံအတိုင်း လေအေးအေးနဲ့ ...

" ၂၁ ရက်နေ့လေ  အမေကလည်း ... မလေးရှားကို ၂၂ရက်နေ့ ထရန်စစ်ပါဆို ပြောထားသားနဲ့ ... "

  ၂၁ ရက်နေ့ နေ့ နေ နေ့ နေ့ ....  ဆိုတာဟာ ငယ်ငယ်က ကက်ဆက်ဇာတ်လမ်းတွေထဲကလို အန်တီဆွိရဲ့နားမှာ ပဲ့တင်ထပ်သွားတယ်။ ဘုရား ဘုရား ကမ္ဘာပျက်မဲ့ နေ့ကြီးပါကလား ...


 အဲသမှာ  သေမှာ ကြောက်တတ်တဲ့ ဒေါ်ခင်မို့မို့ဆွိကြီးက သူအင်မတန်ကြောက်တဲ့  လေယာဉ်ပျံကြီးကို ကမ္ဘာပျက်မဲ့ နေ့ကြီးမှာ စီးရမှာဆိုတော့

"ဟမ်မလေး ကမောင်ခြိမ့်ရယ် ... တော် ကျုပ်ကို ရက်စက်လှချည်လား ... ကမ္ဘာပျက်မဲ့ နေ့မှာ လေယာဉ်ပျံစီးခိုင်းရတယ်လို့ပဲ။  ရက်စက်လိုက်တာ ကိုမောင်ခြိမ့်ရယ် ... ဘယ်လို သဘောနဲ့များ အဲဒီနေ့တည့်တည့်ကိုမှ ရွေးဝယ်လိုက်ရသလဲတော့ .. "  


ဆိုတော့ ဦးမောင်ခြိမ့်က တစ်ချက်စဉ်းစားလိုက်ပြီး ၀မ်းသာအားရ ပြန်ပြောလိုက်တာက ...

" ဒီမယ် ဆွိလေးရဲ့ လေယာဉ်ပျံပေါ်ရှိနေတာမှ ကောင်းတာဟ ... ညည်း ဟိုကားမကြည့်ဖူးဘူးလား။ ကမ္ဘာပျက်တော့ လေယာဉ်ပျံကို မရမက စီးပြီးတောင် ထွက်ပြေးကြရတာလေ။ တို့က အဲဒီနေ့ ကျ ဘေးကင်းရန်ကင်း လေယာဉ်ပေါ်မှာရောက်နေပြီ ... ကမ္ဘာက တို့နောက်မှာ ပျက်ကျန်နေခဲ့မှာ  ... ညည်းဒါတောင် မစဉ်းစားမိဘူးလား ...  ဘယ်လောက်ကောင်းလိုက်တဲ့ အစီအစဉ်လဲ ... "တဲ့

သူပြောမှပဲ ကိုယ့်မှာ တဟားဟားနဲ့ ရယ်လိုက်ရတာ။ အဟုတ်ကောင်းတဲ့ အစီအစဉ်ပဲ ...   လေယာဉ်ကြောက်တဲ့ သူတောင် မကြောက်တော့ဘူး ဗျာတို့ရေ ...။ အဲဒီနေ့ကျ ဒို့တွေက လေယဉ်ပေါ်မှာ ဘေးကင်း ... ရန်ကင်း ....   ... ;)))



24 comments:

  1. Good husband.... Able to make wife happy :)

    ReplyDelete
  2. အစ်မရေးထားတာ ချစ်ဖို့ကောင်းလိုက်တာ၊ ဟုတ်တယ်နော်... ၂၁ရက်နေ့မှာ မမတို့က လေယာဉ်ပျံကြီးပေါ်မှာဆိုတော့ ကမ္ဘာကြီးတစ်ခုခုဖြစ်ရင်တောင် ဘေးကင်းရန်ကင်းရှိနေတာပေါ့။ :D

    ReplyDelete
  3. အာ.ဆိုလဲ တရုတ်ပြည်နားက နေရာကိုသာ မောင်းခိုင်းလိုက်တော. အမရေ
    ဘယ်နေရာလဲ သေချာမှတ်သွားဦး လေယဉ်မှူးကြီးကို ပြောရအောင်

    ReplyDelete
  4. တီဆွိနဲ့ ကြောက်တတ်တာခြင်း တော်တော်တူတယ် သိလား။ လေယာဉ်စီးရမယ်ဆိုရင် မျက်စေ့ပျက်မျက်နှာပျက်ပဲ။ အဲဒီနေ့ကျရင် စင်္ကာပူကို ငုံကြည့်ဖို့ မမေ့နဲ့ဦးတော် တီဆွိ၊ ရှိမှရှိသေးရဲ့လားလို့လေ :D :D

    ReplyDelete
  5. ဟမ်မလေး တီဆွီရယ် ရယ်ရတာ ရှူးရှူးတွေတောင်ထွက်တယ် ခွေဖြူလဲ လေယဉ်လက်မတ် ပြေးဝယ်လိုက်အုန်းမယ် အဟီး

    ခရေဖြူ

    ReplyDelete
  6. ဘုရား ဘုရား တူလိုက်တာ... တူလိုက်တာ.. လေယာဉ်ပျံစီးတိုင်း လေယာဉ်ဦးမော့ပြီး တက်သွားတာကို ကြိုက်သလောက် ကြောက်တာလည်း အရမ်းပဲ ဒီလောက် လေးလံ ၀တုတ်တဲ့ ကိုယ်ထည်ကြီး လေထဲမှာ အမြင့်ကြီးမှာ ပျံနေတာ တွေးမိတိုင်း တကယ်ကြောက်တယ်... တီဆွိပြောသလိုပဲ ၂၁ ရက်နေ့ လေပျံပေါ်သွားနေရင် လွတ်မယ် ထင်တယ်လို့ အိမ်မှာ ပြောလိုက်တယ်... ထုံးစံအတိုင်း ရယ်နေပြန်တယ်.... :D :D :D

    ReplyDelete
    Replies
    1. တီဆွိဆို တော့ အန်တီသက်ဝေမှ ဟုတ်ရဲ့လားလို့ ဘလော့ဂ်ကို နှိပ်ကြည့်ရသေးတယ်။ ကိုယ်လို ဘ၀တူချင်းဆိုတာ သိရတော့ ၀မ်းသာလိုက်တာ။ ၂၁ ရက်နေ့ လက်မှတ်ဝယ်ထားနော်။ ကိုကြီး ကိုကြီးကို ရယ်မနေနဲ့ ...ရယ်မနေနဲ့ ဒါဟာ တကယ့် အဖြစ်အပျက်လို့ ပြန်ပြောလိုက် ...

      Delete
    2. ဟား ဟား ဟား... အဲဒီအတိုင်း သံစဉ်လေးနဲ့ ပြောလိုက်မယ် ပြောလိုက်မယ်...

      Delete
  7. တီဆွိ ရဲ့  ဦးခြိမ့် က idea အတော်ကောင်းတယ် ..သူများတွေ ဆို လက်မှတ် တင် Millions ရဲ့ ချီပြီးပေးရတာ.

    ReplyDelete
  8. အော်ရယ်မိတယ် တီတီဆွိရေ။ လေယာဉ်တောင်ပံကို မြင်ရတဲ့ထိုင်ခုံမှာ ထိုင်တိုင်း တီတီဆွိတွေးသလို တွေးမိတယ်။ ဦးခြိမ့်ကတော့ အကြံပိုင်သဗျာ.......
    (လီယို)

    ReplyDelete
    Replies
    1. ကိုယ်လို လူမျိုး ရှိသေးသကိုး ...ခုတော့ လေယာဉ်တောင်ပံဘေးထိုင်မိလဲ ဘယ်တော့မှ မကြည့်တော့ဘူး။

      Delete
  9. တီဆွိ

    ညီမလည်း ၂၁ ရက်နေ့ ကို စကာင်္ပူကနေ မြန်မာပြည်ပြန်မှာ အညာထိပြန်မယ် တီဆွိကို တွေ့ ဖူးချင်ပါတယ်..

    တီဆွိမအားတောင် ဖုန်းလေးတော့ ဆက်ချင်တယ်..

    တီဆွိ တို့ က ဘယ်နှစ်ပတ်လောက်နေမှာလဲ

    :)

    ကြည်စန္ဒာ

    ReplyDelete
    Replies
    1. အန်တီဆွိတို့ ၈ရက်နေ့မှ ပြန်မှာပါ။ ၂၃ ကနေ ၂၈ ထိက နယ်ဖက်က အမျိုးတွေဆီသွားကြမှာ။ sweetee2008@gmail.com ကို email ပို့လိုက်ပါနော်။

      Delete
  10. လိန်ပျံဆင်းမယ်ကြည့်လိုက်တော့ ကမ္ဘာပျက်ထားလို့လေယာဉ်ကွင်းမရှိရင် တီဆွိတော့ခက်ဦးမယ်နော် (လေယာဉ်ဆီကလည်း ကုန်ခါနီးပေါ့ တီဆွိရာ...) ...အဟိ

    ReplyDelete
    Replies
    1. အဟမ်း ... ခုပဲ လေယာဉ်မှူးဆီ ဖုန်းဆက်မလို့ ... တရုတ်ထိသွားလို့ရအောင် လေယာဉ်ဆီများများ ထည့်ခဲ့ပါလို့ ... များတို့ luggage လျှော့ယူခဲပါမယ်လို့ ... ... (ကဲ ဘာတတ်နိူင်သေးလဲ ... အန်တီဆွိ၏ ညစ်စုတ်စုတ် မျက်နှာပေးမြင်ယောင်ပါ ...)

      Delete
    2. ဟားဟား ရီနေရတယ်

      Delete
  11. mstint

    Dec 9 (1 day ago)

    to me
    mstint has left a new comment on your post "ကမ္ဘာပျက်မဲ့နေ့ ...":

    လေယာဉ်စီးရတာကို ကြောက်တတ်တဲ့ ဆွိတီရဲ့ပို့စ်ကိုဖတ်ရင်း ထပ်တူညီတဲ့ အိမ်ဦးသခင်ကိုသတိရသွားတယ်း)
    တီတင့်တော့ သေရွာပြန်ခဲ့သူဖြစ်လို့လားမသိဘူး သေခြင်းတရားနဲ့ပတ်သက်ရင် တုန်လှုပ်မှုအားနည်းသွားပြီ။
    ဆွိတီရဲ့ ပို့စ်ကိုဖတ်ရတာ စိတ်ကြည်နူးစရာကောင်းတယ်။
    စိတ်ဓာတ်အစဉ်ကြည်လင်အေးမြပါစေကွယ်။

    မေတ္တာဖြင့်
    အန်တီတင့်

    ReplyDelete
  12. Anonymous

    Dec 9 (3 days ago)

    to me
    Anonymous has left a new comment on your post "ကမ္ဘာပျက်မဲ့နေ့ ...":

    so cute sis sweet!!!
    :muahzz
    Anne<3

    ReplyDelete
  13. Hi Dear ma sweety,

    let meet at Yangon, we also going back (21/Dec/2012) .
    see you soon with cupid friends at Yangon.

    best wishes (Bala & Maykyaw)

    ReplyDelete
  14. Hi Dear ma sweety,

    let meet at Yangon, we also going back (21/Dec/2012) .
    see you soon with cupid friends at Yangon.

    best wishes (Bala & Maykyaw)

    ReplyDelete
  15. Hi Dear ma sweety,

    let meet at Yangon, we also going back (21/Dec/2012) .
    see you soon with cupid friends at Yangon.

    best wishes (Bala & Maykyaw)

    ReplyDelete
  16. မေကျော်ရေ
    ရန်ကုန်မှာ ကျူးပစ်တွေနဲ့ ဆုံဦးမှာပါ။ ၃၀ရက်နေ့ နောက်ပိုင်းဖြစ်မယ်။ မေကျော်တို့လဲ အဲဒီနေ့ အားရင်တော့ ဆုံကြတာပေါ့။ ပထမရက်တွေက နယ်ဖက်တက်စရာရှိလို့ ၂၉ရက်နေ့မှ ပြန်လာမှာမှို့ပါ။ pm နဲ့ ဖုံးနံပတ်ဆက်စရာရှိရင် ပေးထားပါလား။ pm ပို့လိုက်မယ်နော်။

    ReplyDelete
  17. လေယာဉ်စီးပြီး turbulence ကိုကြောက်တတ်ရင် ကပ္ပတိန် lim ရေးတဲ့ အောက်ပါလင့်ကိုဖတ်ဖူးမလားမသိဖူး၊ မဖတ်ဖူးရင် ဖတ်ကြည့်ပါ၊ စိတ်ဝင်စားဖို.ကောင်းပါတယ်

    http://www.askcaptainlim.com/air-turbulence-weather-58/218-please-help-i-am-terrified-of-turbulence.html

    ReplyDelete
  18. ဟား..ဟား..ဦးခြိမ့် အဖြေကို သဘောကျသဗျားး..း)

    ReplyDelete