Monday, January 20, 2014

Chinese Wok

ဟိုနေ့က ဆတ်ဆော့ပြီး Chinese wok တစ်လုံးဝယ်လာတယ်။ တရုတ်ဆိုင်မှာ ကြာဆံကြော်တို့ ထမင်းကြော်တို့ ကြော်ရင် သံဇွန်းကြီးနဲ့ တဂွက်ဂွက်ခေါက်ပြီး မီးတွေတောက်အောင် ကြော်တဲ့ သံဒယ်အိုးပေါ့ဗျာ။

အိမ်မှာလဲ စင်္ကာပူက အစာတွေ ငတ်တိုင်း၊ ဗမာပြည်က ဟင်းတွေ ငတ်တိုင်း ကြော်စား၊ ချက်စားနေကျဆိုတော့ တရုတ်ဆိုင်တွေလို ဒယ်အိုးကပ်နံ့ သင်းသင်းလေးနဲ့ ကြာဆံကြော်တို့၊ ထမင်းကြော်တို့ ကြော်စားချင်တာ။ လက်တည့် စမ်းချင်တာ အဓိကပေါ့။

ဒါနဲ့ အဲလိုဒယ်အိုးတွေက စစချင်း ဆီဝပြီးကြော်လို့ကောင်းအောင် seasoning ဆိုတာလုပ်ရတယ်ဆိုတာ ကြားဖူးတော့ ဂူဂဲထဲရှာဖတ်ပြီး သူတို့ပြောသလို ဒယ်အိုး ဆပ်ပြာရည်နဲ့ဆေး၊ အ၀တ်နဲ့သုတ်၊ ဆီသုတ်ပြီး မီးပြင်းပြင်းနဲ့ တည်ဆို လုပ်နေတုံးရှိသေး ဦးခြိမ့်က ဒယ်အိုးနဲ့ ပါလာတဲ့ အညွှန်းကို ပြပါလေရော။ အဲဒီကျ ကြည့်လိုက်တော့ သူက ပိုလို့တောင် ရှုပ်သေး။ Repeat လုပ်ရတဲ့ အဆင့် ပါ ထည့်တွက်ရင် အဆင့် က ၁၇ဆင့်လောက်ဖြစ်နေပြီ။ အပေါ်က ဆားနဲ့ လုပ်တဲ့ အဆင့်တွေက ပြန်လုပ်လို့ မရတော့ အဲဒါတွေ ကျော်ပြီး ဆီသုတ်ပြီး ၁၀မိနစ်စီ မီးပြင်းတိုက်တဲ့ အဆင့်ပဲ ဆက်လုပ်ရတော့တယ်။

အိမ်ထဲ မီးခိုးတွေ ရိုက်မှာစိုးလို့ အပြင်က barbecue burner မှာ သွားပြီး ဆီသုတ်လိုက် ကင်လိုက် ဒယ်အိုးအပူကြီးက အမဲအမှုန်တွေ သုတ်လိုက်နဲ့ ၃ခါလောက်ဆိုတော့ လူတွေလဲ တော်တော်မောနေပြီ။ ဟမ်မလေး ဒယ်အိုးလေး သုံးရပါမဲ့ အရေး ဒီလောက် အပင်ပမ်းခံရလား ဆို ငြီးတွားနေကြပြီ။

အားလုံး အဆင့်တွေပြီးတော့ လူက မနေနိူင် စမ်းသပ်ကြည့်ချင်တာနဲ့ မနက်စာ ထမင်လေး ထကြော်တယ်။ ဆိုးတော့ မဆိုးဘူးပေါ့။ non sticker လိုပဲ မကပ်ဘူးပေါ့။ ပြီးတော့ တရုတ်တွေ ကြော်တဲ့ ဇွန်းကြီး တဂွက်ဂွက်နဲ့ မာန်ပါပါနဲ့ ကြော်နေတာ။ ထမင်းကြော်လေး မွှစိနှောက်ကို။ မဆိုးပါဘူး။ ပုံမှန်ကြော်တာထက် တရုတ်ဆိုင်ကြော်နဲ့ တော်တော်တူတယ်ဆို တွေးပြီးကျေနပ်နေတာ။

ထမင်းကြော်စားပြီးသကာလ ... မည်သို့မည်ပုံ ဆေးကြောရမည်လဲဆိုတာ မသိလို့ အညွှန်း ပြေးဖတ်ကာမှ ဒေါ်ဆွိတီတစ်ယောက် ပုံလဲကျမတတ် ဖြစ်သွားရတယ်။

ဒယ်အိုးကို ဆပ်ပြာရည်နဲ့ အသာဆေးပြီး အပေါ်က လုပ်ခဲ့ တဲ့ (မီးကင်တဲ့) အဆင့် ၃ဆင့်ကို repeat ပြန်လုပ်ပြီးမှ သိမ်းပါတဲ့ခင်ဗျား။
ဂစ် ... ဂစ် ...

Sunday, January 5, 2014

အမေ့ ပီတိ




အရင်ကလိုဖြင့် ဒီလိုပုံလေးတွေ တင်ရင် အန်တီဆွိတစ်ယောက် ဟင်းချက်နည်းတွေ ရေးတော့မှာလား။ ဟင်းပုံတွေတင်ပြီး လူ့တကာ့လူ နှိပ်စက်တော့မှာလား တွေးမိကြမှာပါ။
ဒီနေ့တင်တဲ့ ပုံလေးရဲ့ အကြောင်းအရာကတော့ အရင်ကနဲ့မတူ တမူထူးခြားပါတယ်။
ပြောရရင်ဖြင့် ဒီနေ့ ဆစ်ဒနီက သူငယ်ချင်း အဖွဲ့တွေနဲ့ ဈေးရောင်းပွဲအပြီး` မြို့ထဲလျှောက်လည်ကြတယ်။ မိသားစုအလိုက်တွေပေါ့။ ခလေးတွေ တပြုံကြီးနဲ့တပျော်ကြီး သွားကြတာ။ family day လက်မှတ်တွေဝယ်ပြီး ရထားစီးကြ၊ သင်္ဘောစီးကြနဲ့ ဆစ်ဒနီ အော်ပရာဟောက်စ် ဖက်လဲရောက်တယ်။ Manly beach ကိုလဲ ရောက်ခဲ့တယ်။ ခလေးတွေလဲ ပျော်၊ လူကြီးတွေလဲ ပျော်ပေါ့ကွယ်။ ညနေ၈နာရီကျော်တဲ့ အထိ တစ်ဝ လည်ပြီးတာတောင် ခလေးတွေရော၊ လူကြီးတွေရော အိမ်မပြန်ချင်ကြပဲ ဆက်လည်ချင်ကြသေးလို့ မနဲလမ်းခွဲခဲ့ရတယ်။

အိမ်ရောက်ခါနီးတော့ ည၉နာရီ ထိုးခါနီးနေပြီ။ အိမ်မှာဘာမှချက်ထားတာ မရှိတာနဲ့ စားရအောင် Charcoal Chicken နဲ့ French Fried ၀င်ဝယ်ကြတယ်။ ဂျူဂျူလေးက ပထမတော့ မဆာဘူးဆိုပြီး ကြက်ကင်နံ့ရတော့ သူလဲ ဆာပါသတဲ့ ဆို အိမ်ရောက်တော့ သားအမိသားအဖတွေ ဆာဆာနဲ့ ညစာစားကြတာပေါ့။

ညစာစားပြီးတော့ မနက်ဖြန် ဦးခြိမ့်အလုပ်အတွက် ထမင်းချိုင့်ထုပ်ဖို့ရာ သတိရတယ်။ ကျန်တဲ့ ကြက်သားကင် ထုပ်ပေးလိုက်ရင်လဲ ဘာနဲ့ ဘယ်လိုစားမလဲ ဆို စဉ်းစားနေတုံး ဦးခြိမ့်က ည၉နာရီကျော်မှ ချက်မနေပါနဲ့။ ရှိတာသာ ထည့်ပေးလိုက်ပါတဲ့။ မဟုတ်ရင်လဲ သူဘာဂါဝယ်စားမယ်လဲ ဆိုလာတယ်။ ဒါပေမဲ့ ထုံးစံအတိုင်း ချက်ရမှ ကျေနပ်တဲ့ အန်တီဆွိက နေ့လည်က ထုတ်ထားတဲ့ ၀က်သားလေးနဲ့ ကြက်သွန်ဖူးနဲ့ တရုတ်လိုလေး ကြော်ထည့်ပေးမယ်ဆိုတော့ ဦးခြိမ့်က အင်းမလုပ် ... အဲမလုပ်။ တစ်နေကုန်ပင်ပမ်းပြီး ပြန်လာတော့ မချက်စေချင်တော့ဘူး။

ဒါပေမဲ့ စိတ်မြန်တဲ့ အန်တီဆွိက ချက်ချင်း ထ ၀က်သားတွေ လှီး၊ ကြက်သွန်ဖူးတွေလှီးပြီး ချက်ပါလေရော။ ဂျူဂျူလေးကတော့ စားနေတာ မပြီးသေး။ သူ့အဖေကတော့ အခန်းထဲ ၀င်သွားပြီ။ ချက်နေတုံး သမီးကို အမေဟင်းချက်နေတယ်။ သမီးလေး စားပြီးရင် အဲဒီစားပွဲပေါ်က ဟာလေးတွေ မေမေ့ကို ကူရှင်းပေးနော်ဆို ... ဂျူဂျူ သိတယ် လုပ်ပေးမယ် မေမေတဲ့။

ချက်ရင်း ပြောရင်း ဂျူဂျူလေးလဲ စားလို့ပြီးတော့ သူ့ဟာသူ ပန်းကန်တွေ ဇွန်းတွေ ရေနဲ့ကျင်း၊ ပန်းကန်ဆေး စက်ထဲထည့်၊ coke သောက်ထားတဲ့ ဖန်ခွက်တွေလဲ ပန်ကန်ဆေးစက်ထဲထည့်တဲ့ အပြင် စားပွဲပေါ်ကျန်ရစ်တဲ့ ကြက်သားကိုပါ မေမေ Cling Wrap နဲ့ ထုပ်လိုက်မယ်နော်ဆို သူ့ဟာသူ ယူပြီး သူ့ဟာသူလုပ်နေတာ၊ စားပွဲကိုပါ အ၀တ်နဲ့ သုပ်ပြီး သန့်ရှင်းထားသေးတယ်။

တစ်နေကုန်လျှောက်လည်ထားလို့ ပင်ပမ်းနေတဲ့ အန်တီဆွိတစ်ယောက် စားပွဲပေါ်က cling wrap နဲ့ အကျအန ထုပ်ထားတဲ့ ကြက်ကင်အကျန်တွေကိုကြည့်ရင်း
သြော် ...သမီးလေးမွေးထားတာ အားကိုးရပါလားဆို ပထမဆုံးအကြိမ် ကျေနပ် ပီတိတွေဖြစ်နေမိတယ်။


ဂျူဂျူလေး ၁၀နှစ်ပြည့် မွေးနေ့ပုံရိပ်တွေပါ။ ဒီဇင်ဘာ ၁၇ ရက်နေ့က သမီးလေး ၁၀နှစ် ပြည့်ခဲ့ပါပြီ။