Showing posts with label (၂-၁၃) မုန့်လင်မယား. Show all posts
Showing posts with label (၂-၁၃) မုန့်လင်မယား. Show all posts

Sunday, March 24, 2019

မုန့်လင်မယား

Image may contain: food
ဆရာ Eric ရဲ့ နည်းနဲ့လုပ်ထားတာ။
ဆရာရဲ့ video က ရှည်လွန်းလို့ အမြန်နည်း ရေးပေးလိုက်ပါတယ်။
အချိုမှုန့်မပါ၊ ဆော်ဒါမပါတာ ကြိုက်လို့ သူ့နည်းအတိုင်း လုပ်ကြည့်တာပါ။

မုန့်လင်မယားလုပ်နည်း (ဆရာ Eric နည်း)
ဆန်မှုန့် တစ်ခွက် ၊ ပဲမှုန့် တစ်ဇွန်း၊ ကောက်ညှင်းမှုန့် တစ်ဇွန်း၊ အကြော်မှုန့် တစ်ဇွန်းကို ရောပြီး စကာ အရင်ချပါ။
ပြီးရင် ရေ ကြက်သီးနွေး တစ်ခွက် နဲ့ အရင်ရောပြီး ကြက်ဥခေါက်တံနဲ့ တစ်ဖက်တည်းကို လှည့် မွှေပေးပါ။
ဆား လက်ဖက်ရည် ဇွန်းဝက်လျော့လျော့ ကိုလည်း ထည့်မွှေပေးပါ။
ကြက်သွန်မြိတ်ကိုလည်း ပါးပါးလေးတွေ လှီးပြီး မုန့်နှစ်ရည်ထဲ ထည့်မွှေပါ။
ရေ အရမ်းပျစ်နေရင် အခြေအနေကြည့်ပြီး ရေအနည်းငယ် ထပ်ထည့်နိူင်ပါတယ်။
မုန့်လုပ်တော့မယ်
မုန့်လင်မယား အိုးကို မီးအနေတော်နဲ့ တည်၊ ဆီအနည်းငယ်စီထည့် ၊ ဆီကျက်လာရင် မုန့်နှစ်ထည့်၊ ပဲပြုတ်ကို အပေါ်က ၄- ၅ စေ့လောက်ဖြူးပြီး ၃မိနစ်ခွဲလောက် စောင့်ရင် မုန့်လင်မယားလေးတွေကို ကော်လို့ရပါပြီ။
ကြွပ်ရွနေတဲ့ မုန့်လေးတွေကို ဆားနဲ့ နှမ်းရော ထောင်းထားတာလေးနဲ့ ဖြူးစားပါတယ်။
အင်မတန်အရသာရှိတဲ့ မြန်မာ့ရိုးရာ မုန့်လေးပါ။
(အန်တီဆွိက မုန့်မကြွပ်မှာ စိုးရိန်လို့ ကြက်ဥ ခေါက်ထားတာ တစ်ဇွန်းရယ် ၊ yeast 1/4 teaspoon ထည့်ထားပါတယ်)
ခွက် = အနောက်တိုင်း အတိုင်းအတာ 1 cup ပါ။
ဆရာ Eric ရဲ့ မူရင်း video file