အင်ဒိုနီးရှား ကြက်သား ကြော်

 

ဒီနေ့ ညနေစာ လုပ်စားဖြစ်တာလေး

အင်ဒိုနီးရှား ကြက်သား ကြော် ငရုပ်သီးထောင်း လေးပါ။

သူ့ ကြက်သားကြော််လေးက ခါတိုင်းကြော်နေကျလို မဟုတ်ပဲ အပေါ်် ရံက ကြွပ်ရွနေပြီး အထဲက အိစက်နူးညံ့ နေပါတတယ်။ အနံ့လေးက လဲ မွှေးကြိုင် နေရောပဲ။

ငရုပ်သီးထောင်း ရှူးရှူးရှဲရှဲနဲ့ စားလို့ ကောင်းမှ ကောင်းပဲ။

ချက်နည်းလေးက

ကြက် ပေါင်သား (chicken maryland) ၄ ခု ကို ဆား ဟင်းခပ်မှုန့် နနွင်းမှုန့်တို့နဲ့ နယ်ထားပါ။

..

ဟင်းခတ် အမွှေးအကြိုင်တွေ ကြိတ်ရန်အတွက်

ကြက်သွန် အသေး တစ်ဥ

ကြက်သွန်ဖြူ ၅မွှာခန့်

ဂျင်း လက်တစ်ဆစ်ခန့်

နံနံစေ့ အမှုန့် 1 tea spoon

နံနံမြစ် အနည်းငယ် အစရှိသည်တို့ကို blender နှင့်ညက်နေအောက်ကြိတ်ထားပါ။

...

ကြက်သားပြုတ်ရန် အတွက်

အိုးတစ်လုံးထဲ ဆီ 2 table spoon ခန့်ထည့် ပြီး ဟင်းခတ် အမွှေးအကြိုင်များကို ဆီသတ်ပါ။ စပါးလင် တစ်ချောင်း နှင့် ရှောက်ရွက်အနည်းငယ်ကို လည်းထည့်ပါ။ ကြက်သားထည့်၊ ရေ မြုတ်အောင်ထည့်ပြီး ၂၅ မိနစ်ခန့် ကြက်သား အနည်းငယ် နူးသည်အထိ ပြုတ်လိုက်ပါ။

.

ပြီးရင် ကြက်သားကိုရော ကြက်သားပြုတ်ရည်ကို ရောအအေးခံထားပါ။ ကြက်သားပြုတ်ရည်ကို အဖတ်တွေမပါအောင် ဇကာနဲ့ စစ်ထားပါ။

..

ကြက်သားကြော်ရန်အတွက်

အကြော်မှုန့် အနည်းငယ်ကို ကြက်သားပြုတ်ရည်နဲ့ ရောပြီး အကြော် မုန့်အနှစ်ရည်ရအာင် စပ်ထားပါ။

ဒယ်အိုးထဲ ဆီများများထည့်ပြီး ကြက်သားပြုတ်ထားတာတွေကို အကြော်မုန့်ရည် နိူင်နိူင်လူးပြီး ကြွပ်ရွလာအောင် ကြော်််ပြီး ဆယ်ထားပါ။

..

ငရုပ်သီးစိမ်းထောင်းရန် အတွက်

ကြက်သားကြော်ထားတဲ့ ဆီထဲကို ငရုပ်သီးစိမ်းအတောင့်အကြီး ၁၅ တောင့် ကြက်သွန်ဖြူ ၅မွှာ ကြက်သွန်နီ ဥသေး တစ်ဥခန့်လေးစိတ်စိတ် ထည့်ပြီး ဆီနဲ့ ကြော် ပေးပါ။

ကြော်ထားတဲ့ ငရုပ်သီးစိမ်း ကြက်သွန်တွေကို ဆား ဟင်းခတ်မှုန့် အနည်းငယ်ထည့်ပြီး ငရုပ်ဆုံထဲ မညက်တညက်ထောင်းပါ။

..

ဟင်းပွဲ ပြင်ရန်အတွက်

ကြက်သားကြော်ထားတာကို‌ရော ငရုပ်ကျည်ပွေ့ နဲ့ အသာထုပြီး အပေါ် က ငရုပ်သီးစိမ်းထောင်း တင်ပြီး စောနက ကြက်သားကြော်ဆီ ခပ်ပူပူကို အပေါ်က လောင်းချပါ။

ထမင်းဖြူနှင့် ပူပူလောလော ရှူးရှူးရှဲရှဲ သုံးဆောင် နိူင်ပါပြီ။

စားလို့လဲကောင်း ချက်ရတာလဲ မောသွားပါပြီ။ ဟောဟဲဟောဟဲ ရှူးရှဲ ရှူးရှဲ

ဝက်သုံးထပ်သား ပဲငပိ ကြော် (Stir fried pork belly with bean sauce)

ဒီနေ့ ညစာ

ဝက်သုံးထပ်သား ပဲငပိ ကြော်

Stir fried pork belly with bean sauce

စားကောင်းလွန်းလို့ ‌ဘော်ဒါတွေလဲ ချက်စားရအောင် ချက်နည်းလေး ရှယ်ပေးလိုက်မယ်။

ဝက်သုံးထပ်သား ၅၀၀ ဂရမ်လောက်ကို 3mm လောက် အထူလေးတွေ လှီးပြီး ပဲငံပြာရည် အကြည်ရေ လက်ဖက်ရည်ဇွန်း တစ်ဇွန်း၊ ဟင်းခပ်မှုန့် အနည်းငယ်၊ တရုတ်ဟင်းချက်ဝိုင် 2 table spoon နဲ့ အရင်နယ်ပြီး နာရီဝက်ခန့် အနည်းဆုံးနှပ်ထားပါ။

..

အသီးအရွက်တွေ ထည့်ကြော်ဖို့

ကြက်သွန်နီ ၂လုံးခန့် ၄စိတ်စိတ်

ကြက်သွန်ဖူးလေးတွေ လှီးထား

ငရုပ်ပွအချို အနည်းငယ်လှီးထား

..

ဟင်းခပ်အမွှေး အကြိုင်အတွက်

ဂျင်း များများကို ခပ်ပါးပါးလှီးထား

ကြက်သွန်ဖြူများများနဲ့ ငရုပ်သီးစိမ်း၄တောင့်လောက်််ကို နုတ်နုတ်စင်းထား

ငရုပ်ကောင်း အနက် မညက်တညက် 1/2 tea spoon

ဇီချွမ် ငရုပ်ကောင်း ထောင်းထားတာ အနည်းငယ် (1/4 tea spoon)

ကြက်သွန်မြိတ် ၃ချောင်းလောက် အပိုင်းကြီးကြီးဖြတ်ထား

..

အရသာနဲ့ အရောင်လှအောင်

ပဲငပိ 3 table spoon

သကြား 1.5 table spoon

ဟင်းခပ်မှုန့် အနည်းငယ်

အရောင်တင်မှုန့် 1 tea spoon

..

Wok လို ဒယ်အိုးထဲကို မီးပြင်းပြင်း နဲ့ ဆီများများထည့် ဝက်သားလှီးထားတာတွေ အရင်ထည့် ကြော်။

ဝက်သားက အရည်တွေ ခမ်းပြီး ဆီတွေပဲ ကျန်ရင် ဇီချွမ်၊ ဂျင်း၊ကြက်သွန်ဖြူ ကြက်သွန်မြိတ် အရင်းပိုင်း အစရှိသည် ဟင်းခတ် အမွှေးအကြိုင်တွေ ထည့် ကြော်ပါ။

အတန်ငယ်ကြာလို့ အနံ့မွှေးလာရင် အရောင်တင်မှုန့် ထည့်ပါ။ အနည်းငယ်မွှေပြီး

အသီးအရွက်တွေ ထည့်‌ကြော်ပါ။ (ကြက်သွန်ဖူးက မာလို့ အရင်ထည့်ကြော် ပြီးမှ ကြက်သွန်နီနဲ့ ငရုပ်ပွထည့်ပါ)။ အရသာအတွက် ပဲငပိနဲ့ သကြား ထည့်ပြီး မွှေပေးပါ၊ ချခါနီး မှ ကြက်သွန်မြိတ်လေး ထည့်‌ကြော် အလွန်စားကောင်းပြီး အနံ့ အရသာနှင့် ပြည့်စုံသော ဝက်သုံးထပ်သား ပဲငပိကြော် ရပါပြီ။

ထမင်းဖြူလေးနဲ့ ရေနွေးကြမ်းနဲ့ တခြားဘာဟင်းမှ ထပ်မလိုပဲ စားလို့ကောင်းလို့ အိမ်မှာ ခုတလော အဲလို တရုတ် stir fry တွေ စားဖြစ်နေတယ်၊ ဦးခြိမ့်ကလဲ ကြိုက် တယ်တော်။

..

Tips- တရုတ်စာကြော်ရင် wok လို ဒယ်အိုးထဲမှာ မီးပြင်းပြင်း ဆီများများနဲ့ ဆီ မီးခိုးထွက်အောင် ကြော်မှ အနံအလွန်မွှေးပြီး စားကောင်းပါတယ်။