ဒီနေ့ နေ့လည်စာ ပလောင်တောင်ယာဟင်း ချက်စားတယ်။
တစ်ခါတစ်လေ ချက်နေကျ ဟင်းတွေစားရတာ ပျင်းလာလို့ ချက်ကြည့်တာ တော်တော် စားကောင်းတာပဲ။
ဟင်းက ဆီလဲမပါပဲ ဟင်းသီးဟင်းရွက်တွေနဲ့ အရည်သောက်လေးဆိုတော့ ကျန်းမာရေးနဲ့လဲ ညီညွတ်၊ စားရတာလဲ အဆင်ပြေတယ်။ ဦးခြိမ့်ကလဲ ကြိုက်တယ်တဲ့။
ချက်နည်းလေး အကြမ်းပျင်းရေးပြဦးမယ်။
ကြက်သားကို ခပ်လတ်လတ်လေးတွေတုံးပြီး ဆား၊ ဆနွင်းနဲနဲ၊စပါးလင်ပါးပါးလှီးထားတာလေးရယ်၊ နောက် ကြက်သွန်ဖြူ ဂျင်း ငရုပ်သီးခြောက်လေးတွေ ရောထောင်းထားတာနဲ့ နယ်ထားလိုက်ပြီး မီးဖိုပေါ်တင် မွှေပေး၊ ရေခမ်းလာရင် ရေကို တော်တော်များများထည့်ပြီး တည်ထားလိုက်။
ကြက်သားကျက်ရင် ဟင်းရည်ထဲကို မုန်ညင်းရွက်၊ မှို၊ မျှစ်၊ ကြက်သွန်နီ လေးစိပ်ခွဲ၊ ငရုပ်သီးစိမ်း လေးစိတ်ခွဲ၊ နံနံပင်လေးတွေ ခပ်ပြီး စားလို့ရပါပြီ။
ဆစ်ဒနီဆောင်းမှာ ရာသီဥတုအေးလွန်းလို့ ဒီလို ဟင်းရည် ပူပူ စပ်စပ်လေး လးက အလိုက်ဖက်ဆုံးပါပဲ။
(ပိန်းဥလေးတွေကတော့ သူ့မူရင်း ဟင်းထဲမှာမပါပါဘူး။ ကိုယ်က ကြိုက်လို့ဆို ကြက်သား ရေထည့်ကထဲကထည့်ချက်တာ ဟင်းက ပိုကောင်းသွားတယ်။ )
ချက်စားကြည့်ကြနော်.။
နေ့ခင်းက ပဟေဠိ တင်လိုက်တာ တာလပေါ၊ ကြက်ကချင်၊ အစုံပါပဲ။ အမှန်ကတော့ တိုင်းရင်းသားဟင်းတွေက ခပ်ဆင်ဆင်တွေပါပဲ။ တောင်ယာထဲ တောထဲက ဆွတ်လို့ ရတဲ့ ဟင်းရွကေ်တွ အကုန်ခပ်ကြတာ။ ဒါကတော့ ပလောင်တောင်ယာဟင်း recipe အတိုင်း ချက်ကြည့်တာပါ။
.jpg)
healthy food. ဆီမပါပ်ားမပါ ဒါေပမယ့္ သြားရည္က်မိ။ က်န္းမာေရးနဲ႕ညီမယ့္ အစားအစာ။
ReplyDeleteVectors and Brimaxes of the Tinting and Vectors of the
ReplyDeleteby titanium exhaust tips LJ · 2007 — titanium canteen to the end of the century, the first large and “Vectors and Brimaxes of the Tinting and titanium car Vectors of the Tinting and Vectors of the Tinting and Vectors columbia titanium of the mens titanium watches Tinting and