Saturday, August 11, 2018

ဖက်ထုပ်ဆီချက်

ဒီနေ့ည ဖက်ထုတ်ဆီချက်လေး ရှိတာလေးတွေနဲ့ ဖြစ်သလို လုပ်စားတယ်။
Image may contain: food
နောက်တစ်ခေါက်လုပ်ရင် မေ့သွားမှာစိုးလို့ သတိရတုံးလေး ချရေးလိုက်ဦးမယ်။ ဖက်ထုပ်ကတော့ ပြီးခဲ့တဲ့ အပတ်ကထဲက လုပ်ထားတာလေးတွေ ကျန်နေတာပါ။
ဖက်ထုပ်အတွက် 
ဝက်သား အကြေ - ၄၀၀ ဂရမ် (အဆီပါတဲ့ ၀က်သားအကြေကိုရွေးပါ)
ပုဇွန် - ၃၀၀ ဂရမ် ( အခွံခွာပြီးသားဆို ၁၅၀ ဂရမ်ခန့်- ပုဇွန်ကို အခွံခွာ အညစ်အကြေးတွေ သန့်ရှင်းပြီး ဆား၊ ဆိုဒါလေးနည်းနည်းထည့် ရေအေးအေးနဲ့ ၅ခါလောက်ဆေးချ၊ ရေခြောက်အောင်သုပ်ပြီး၊ အတုံးသေးလေးတွေ တုံးထားပါ။)
တရုတ် မှိုခြောက် (Shiitake mushroom) - ၂ ခုခန့် (ရေ၄နာရီခန့်ကြိုစိမ်ပြီး အစိတ်သေးသေးလေးတွေ လှီးထားပါ)
ဆား - လဖက်ရည်ဇွန်း တစ်ဝက်
သကြား - လဖက်ရည်ဇွန်း ၂ ဇွန်း
ပဲငံပြာရည် အကြည်ရည် -  လဖက်ရည်ဇွန်း တစ်ဇွန်း

ခရုဆီ - လက်ဖက်ရည်ဇွန်း တစ်ဇွန်းမောက်မောက်
ငရုပ်ကောင်းမှုန့် အဖြူ - လဖက်ရည် ဇွန်းဝက်
နှမ်းဆီ - လဖက်ရည် ဇွန်းဝက်

ရိုးရိုးဆီ - လက်ဖက်ရည် ဇွန်း တစ်ဇွန်း
တရုတ်ဟင်းချက်ဝိုင် - လဖက်ရည် တစ်ဇွန်း
ကြက်ဥအကာ - တစ်လုံးစာ
ပြောင်းဖူးမှုန့် - လဖက်ရည် ၂ဇွန်းမောက်မောက်

တရုတ်မဆလာ - လဖက်ရည်ဇွန်း လေးပုံ တစ်ပုံခန့်
ဟင်းခပ်မှုန့် - သုံးတတ်ရင် လဖက်ရည်ဇွန်း လေးပုံ တစ်ပုံခန့်

အပေါ်က ingredient တွေ အားလုံးကို နှံ့နေအောင် ၅ မိနစ်ခန့် ရောနယ်၊
ပြီးရင် ဖက်ထုပ်ထဲထည့်ပိတ်ပြီး ဖက်ထုပ်ကို အဆင်သင့်ပြင်ထားပါ။

ဆီချက်ခေါက်ဆွဲအတွက်
ခေါက်ဆွဲ တစ်ကေဂျီ (chong mai noodle)
ကြက်သွန်ဖြူ ဥ ၁၅ မွှာခန့်  ( blender နဲ့ ကြိတ်ပြီး ဆီချက်ချက်ထားပါ။ မီးများရင် အပေါ်ရံ တူးပြီး အတွင်းမကျက်ဖြစ်တတ်လို့ မီးအေးအေးနဲ့ချက်ပါ)
ကြက်သွန်မြိတ် ၃ပင်ခန့် (ပါးပါးလှီးထားပါ)
ခေါက်ဆွဲ တစ်ကေဂျီ (chong mai noddle)
ကြက်ရိုးပြုတ်ရည် ၂ လီတာခန့်

ြ့ကက်ရိုးပြုတ်ရည်အတွက် ကြက်ရိုးများများ (တစ်ကေဂျီခန့်) ကို ဂျင်းနဲနဲ ငရုပ်ကောင်း ဆားနဲ့ ကြက်ရိုးပြုတ်ရည် ၃လီတာခန့် ရအောင်ပြုတ်ထားပါ။
ပြီးရင် အရည်ကို အိုးသေးတစ်လုံးထဲ စစ်ထည့်ပြီး ဖက်ထုပ်ကို အရင် ပြုတ်ပါ။ ၅ မိနစ်လောက်ပြုတ်ပြီး ဖက်ထုပ်လေးတွေ ဆယ်ထားပါ။
ခါတိုင်းတော့ ဆီချက်ခေါက်ဆွဲလုပ်ရင် ခေါက်ဆွဲအပြား ( egg noodle ) ကို သုံးပါတယ်။ သူက အပြုတ်မခံလို့ ခေါက်ဆွဲ တစ်မျိုးပြောင်းသုံးတာ တော်တော်ကောင်းတယ်။ chong mai noodle လို့ခေါ်ပါတယ်။
chong mai noodle ၃ပွဲစာပြင်လောက်ကို  စောနက ကြက်ရိုးပြုတ်ရည်ထဲ ထည့်ပြီး ၈ မိနစ်လောက်တော်တော်ကြာပြုတ်ရပါတယ်။ ဒါမှ ခေါက်ဆွဲလဲအိ၊ ကြက်ရိုးပျြုတ်ရည် အချိုက ခေါက်ဆွဲထဲ ၀င်ပြီး အရသာ ပိုရှိပါတယ်။ အဲဒီခေါက်ဆွဲက ဆား၊ ဟင်းချိုမှုန့် ဘာမှ ထပ်ထည့်စရာမလိုတော့ပါဘူး။
ခေါက်ဆွဲအိရင် ဆန်ကာနဲ့ စစ်ပြီး ပွဲပြင်လို့ရပါပြီ။
ပန်ကန်လုံးထဲကို ခေါက်ဆွဲအရင်ထည့်၊ ဖက်ထုပ်လေးတွေထည့်၊ ဆီချက်ထည့်၊ ကြက်သွန်မြိတ်လေးထည့်ပြီးစားရင် အင်မတန်မှ အနံ့အရသာနဲ့ ပြည့်စုံတဲ့ ဆီချက်ခေါက်ဆွဲရပါပြီ။
(ဒီညတော့ အိမ်မှာ ပြီးခဲ့တဲ့ အပတ်က ဆီချက်လုပ်ထားတာ ကျန်တာတွေရယ်၊  ကြက်ရိုးပြုတ်ကလဲ အဆင်သင့်၊ ဖက်ထုပ်ကလဲ ခေါက်ထားတာတွေ အဆင်သင့်ရှိတာနဲံ့ ဖက်ထုတ်လေးပြုတ်၊ ခေါက်ဆွဲလေးပြုတ်လိုက်ရုံနဲ့ ဂျုဂျူုလေးရဲ့ ခေါက်ဆွဲ စားချင်နေတဲ့ ဆန္ဒကို ဖြည့်ဆည်းပေးလိုက်ရတယ်။ )

No comments:

Post a Comment