ပန်းလေးများ အမှတ်တရ ... ကကြီးမှ အ (အဆက်)

ပ - ပိတောက် (Pterocarpus macrocarpus )၊ ပန်းအိ ()၊ ပန်းထိမ်ငို၊ ပွင့်တူ၇ွက်တူ(Mussaenda)၊ ပေါက်ပန်းနီ ( Butea frondosa Roxb) ၊ ပျဉ်းမပန်း (Lagerstroemia speciosa)၊ ပုန္နရိပ် ပန်း(Rangan)၊ပိန်းပန်း (Anthurium)၊ ပုန်းညှက်ပန်း (Colophyllum inophyllum)၊ ပန်းချဉ်ပေါင် (Althaea rosea )၊ ပန်းခြောက် (Helianthus bracteatum )

ပန်းထိမ်ငို (Globba )
ကိုပေါ ... အဲ ဦးဝင်းဦးရဲ့ ပိတောက်ရိပ်ကို ရှောင်ပြီး ပန်းထိမ်ငိုကို ရွေးလိုက်ပါတယ်။ ပိတောက်ကတော့ လူတိုင်း သိပြီးသားဟာကိုနော့။ ပန်းထိမ်ငိုတဲ့ ။ ရွှေပန်းတို့ ငွေပန်းတို့လို Ginger မျိုးနွယ်ထဲကပါ။ ပန်းခက်လေး ပွင့်နေပုံက ပန်းထိမ်သည်တောင် ထိုင်ငိုရအောင် လှလွန်းလို့ ပုံမဖော်နိူင်အောင်ဖြစ်ရပါသတဲ့။ အိမ်မှာ အမေအမြဲတမ်း ဘုရားတင်တတ်တဲ့ ပန်းလေးတွေမှို့ အမှတ်တရ။

မူရင်းဓာတ်ပုံLink

ဖ - ဖယောင်းပန်း (Dendrobium )
ဖယောင်းပန်းလို့ခေါ်ကြတယ်။ ဒါပေမဲ့ သစ်ခွပန်းနဲ့ ဘယ်တော့မှ မကွဲခဲ့ဘူး။ မြင်ဘူးတဲ့ ဖယောင်းပန်းကတော့ အ၀ါရောင်လေးတွေ။ ပလပ်စတစ်နဲ့ လုပ်ထားတဲ့ ပန်းလေးတွေလိုပဲ သိပ်သပ်ရပ်တယ်။ အိမ်နားက ရေတွင်းနံရံမှတိုင်မှာ အုန်းဆံနဲ့ ကပ်စိုက်ထားတာမြင်ဘူးတယ်။ ရေပေါပေါလောင်းလို့လား၊ ရေနဲ့ နီးလို့လားမသိ။ ပွင့်ရင်တော့ အပင်သေးလေးနဲ့ မလိုက်အောင် ဝေနေအောင် ပွင့်တော့တာပဲ။
ဓာတ်ပုံမူရင်း Link
ဖယောင်းပန်း ခရမ်းရောင် (Credit to Myat No)
မူ၇င်းဓာတ်ပုံLink

ဗ - ဗုဒ္ဓသရဏံပန်း (Canna indica )၊ ဗေဒါပန်း (Water hyacinth)
Lily မျိုးနွယ်ထဲကပါပဲ။ အရောင်စုံအပွင့်ကြီးတွေပွင့်လေ့ရှိလို့ ပန်းခြံတွေမှာ အလှစိုက်ကြပါတယ်။ ရေကြိုက်လို့ ရေကန်တွေနားဆို ပန်းတွေ အရမ်း ပွင့်တယ်။ သစ္စာပန်းနဲ့ ပုံစံခပ်ဆင်ဆင်ပေမဲ့ သစ္စာပန်းကအပွင့်သေးပြီး ပိုသပ်သပ်ရပ်ရပ်ရှိတယ်။
မူရင်းဓာတ်ပုံLink


မ - မေမြို့ပန်း (Aster amellus)၊ မြတ်လေးပန်း၊ မုရိုးပန်း (Calotropis gigantean )၊ မာလာပန်း (Hitchenia glauca)

မြတ်လေးပန်း (Jasminum grandiflorum or Spanish Jasmine)၊
မြတ်လေးပန်းရယ်လို့ အသေချာ မမြင်ဘူးခဲ့ပေမဲ့ ၁၀တန်းတုံးက ချစ်ခဲ့ရတဲ့ ဆရာမနာမည်က ဒေါ်မြတ်လေးဦးတဲ့။ ဆရာမအတွက် အမှတ်တရ ပန်းပုံလေးတွေပါ။ မှားနေရင်လဲ ပြင်ပေးကြပါဦး။

ဓာတ်ပုံမူရင်းLink

ယ - ယုဇန (Murraya paniculata )၊
ပြိုင်ဖက်မရှိ ယုဇန၊ သူ့အကြောင်း တခုတ်တရ အက်ဆေးလေး ရေးဘူးတယ်။ ယုဇနလွမ်းချင်းတဲ့ ။ဓာတ်ပုံမူရင်း Link


ရ - ရင်းမာ၊ ရွှေတဆုတ်၊ ငွေတဆုတ် (Crape myrtle or Lagerstroemia indica)၊ ရွက်ကျပင်ပေါက် (Bryophyllum calycinum)၊

ရင်းမာပန်း(Chukrassia tabularis )
တောထဲက သစ်မာတစ်မျိုးကနေ ပွင့်တဲ့ပန်းဖြစ်မယ်။ တမာပန်းလေးတွေနဲ့ ခပ်ဆင်ဆင်ရယ်။
ဓာတ်ပုံမူရင်းLink


လ - လေးနာရီပန်း (Four O'Clock or Marvel of Peru)
ကိုယ်တိုင်ရိုက်ထားတဲ့ ပုံလေးပါ။ ၄နာရီမှာ ပွင့်လို့ ၄နာရီပန်းလို့ ခေါ်တာလားလို့ထင်မိတယ်။ အရောင်စုံ အသွေးစုံမှို့ ပန်းခြံတွေမှာ အလှစိုက်ကြတယ်။ အရောင်လေးတွေ သိပ်စိုတယ်။



ဝ - ၀ါဆိုပန်း (Globba schomburgkii )
သူက Ginger မျိုးနွယ်ကပဲဆိုတော့ ပန်းထိမ်ငိုပန်းလေးတွေနဲ့ အတော်ဆင်တယ်။ အရောင်လေးက လိမ္မော်ရောင်လေး။ ၀ါဆိုလမှာပွင့်လေ့ရှိလို့ ၀ါဆိုပန်းလို့ နာမည်ပေးထားဟန်တူပါရဲ့။
ဓာတ်ပုံမူရင်းLink


သ - သစ်ခွ (Orchid )၊ သနပ်ခါးပန်း (Aglaiaduperreana)၊ သပြေပန်း (Eugenia jambos)၊ သော်ကပန်း (Amherstia nobilis )၊ သဇင်ပန်း (Bulbophyllum auricomum)၊သစ္စာပန်း (Gladiolus)၊ သရဖီပန်း

သရဖီပန်း (Calophyllum amoenum)
သရဖီပန်းက ပုန်းညက်ပန်းနဲ့ ဆင်လှတယ်။ အဲဒီပန်း၂ခု ကို ကွဲကွဲပြားပြား ခုချိန်ထိမသိဘူး။
ဓာတ်ပုံမူရင်း Link
သော်ကပန်း(Amherstia nobilis )
သော်ကပန်းလေးတွေရဲ့ အပွင့်အခက်ဖျာဝေပုံ လှပပုံလေးကြောင့် ထပ်ဖြည့်လိုက်ပါတယ်။ အပင်ကနေ တွဲလောင်းလေးတွေ ပွင့်လေ့ရှိကြတယ်။ အမှတ်မမှားဘူးဆို ငယ်ငယ်က Mian ဘက်သွားလည်စဉ်က Mainထဲမှာ ပန်းတွေမြင်ဘူးခဲ့တယ်။
ဓာတ်ပုံမူရင်း Link


ဟ - ဟော်လန်ပန်း( Holland flower or Tulips)
အဲဒီကျူးလစ်စ်ပန်းလေးတွေကို ဟော်လန်ပန်းလို့လဲခေါ်ကြတယ်။
ဓာတ်ပုံမူရင်း Link



အ - အင်ကြင်းပန်း၊ ဧက္ကရာဇ်ပန်း(Millingtonia hortensis)

အင်ကြင်းပန်း (Pentacme suavis or shorea robusta)
ပွင့်ချပ်အကြီးကြီးတွေနဲ့ မြင်ရရုံနဲ့ ခူးချင်ရလောက်အောင် သိပ်လှတဲ့ပန်း။ လူတွေအလွယ်တကူခူးနိူင်အောင် ပင်စည်နိမ့်နိမ့်မှာ ကပ်ပွင့်ပေးရှာတယ်။


ဓာတ်ပုံမူရင်း Link

ပန်းအမည်များကို မြန်မာ-အင်္ဂံလိပ် အဘိဓာန်မှ ရယူပါသည်။

ပန်းလေးများ အမှတ်တရ ... ကကြီးမှ အ

ချစ်ခင်ရသော သူငယ်ချင်း မသက်ဝေမှ Tag ထားလို့ ချစ်ခင်စွာဖြင့် ရေးပါတယ်။ တစ်မျိူးလေး ဆန်းသွားအောင် ပန်းချစ်တတ်တဲ့ မဆွိတီမှ နှစ်သက်တဲ့ ပန်းကလေးတွေအကြောင်း ကကြီးမှ အ အထိ အမှတ်တရလေးများနဲ့ တင်ပြလိုက်ပါတယ်။ ပန်းနာမည်မရှိတဲ့ အက္ခရာလေးတွေတော့ ချန်လှပ်ထားခဲ့ရပါတယ်။ မူရင်း TAG ရဲ့ အဓိပ္ပါယ်နဲ့ နဲနဲ လွဲချော်နေပေမဲ့ စာရေးမကျွမ်းသူ၊ အတွေးမသန်သူမှို့ ခွင့်လွှတ်တော်မူကြပါ။ ကကြီးမှ အ အထိဆို ပုံတွေရောပေါင်းရင် ပို့စ်ရှည်သွားမှာစိုးလို့ တစ်ဝက်စီ ခွဲလိုက်ရပါတယ်။
ပန်းလေးတွေ google ချင်သူများအတွက် အင်္ဂံလိပ်လို ပန်းနာမည်လေးတွေပါ တစ်လက်စတည်း လက်ဆောင်ပေးလိုက်ပါတယ်။

က- ကံ့ကော် ၊ ကြာ(Lotus)၊ ကြက်တူရွေးနှုတ်သီးပန်း (Heliconia rostrata or Lobster-claw)၊ ကသစ်ပန်း (Erythrina arborescens)၊ ကြွေပန်း (Begonia )၊ ကြက်မောက်ပန်း (Celosia argentea “christata”)၊ ကစ်စ်မီ ကွတ် (Euphorbia milii or Crown of thorns)

ကံ့ကော်ပန်း(Mesua ferrea)
ငယ်ငယ်က နွေရောက်လို့ ကန့်ကော်ပွင့်ပြီဆို အလုအယက် ခူးခဲ့ရတဲ့ ပန်းကလေးတွေ။ ခြောက်သွားရင် ၀တ်ဆံလေးတွေ အခြောက်လှမ်း၊ သနပ်ခါးထဲ ထည့်သွေးလိမ်းရင်း ပန်းနံ့ကို တစ်နှစ်ပတ်လုံး ထိမ်းသိမ်းထားခဲ့ရတယ်။

ဓာတ်ပုံမူရင်းlink


ခ -ခရေ၊(Minusops elengi)၊ ခွါညို ၊ ခတ္တာ (Crinum amoenum)၊ ခေါင်ရမ်း (Hibiscus rosa sinensis)၊ ချယ်ရီ (Cherry) ၊ ခံပန်း (Carissa carandas)

ခွါညို (Clematis smilacifolia)
ခွါညိုပန်းလေးတွေ စ မြင်ဘူးတာ အညာက အဖွားတို့အိမ်သွားလည်တုံးက။ အိမ်ရှေ့ရေတံစက်မြိတ်နားမှာ စိုက်ထားတဲ့ အပင်ဟာ အိမ်နံရံကတဆင့် အိမ်ခေါင်မိုးအထိ တွယ်တက်လို့။ ပန်းမပွင့်မချင်း ဘာပင်လဲ မစပ်စုမိဘူး။ တစ်ရက် အဖွားက ခွါညိုပန်းတွေ တောင်ပွင့်နေပြီဆို အပေါ်မော့ကြည့်မှ အံ့မခန်းဖွယ်ရာ လှပနေတဲ့ ခွါညိုပန်းလေးတွေ မြင်ဘူးခဲ့တာ။ ပြီးတော့အဖွားက ဦးဦးဖျားဖျား ဘုရားတင်ဖို့ ၂ထပ်အိမ် အပေါ်ထပ်တက် ခူးခိုင်းတော့တာပဲ။
ဓာတ်ပုံမူရင်းLink



ဂ-ဂေါ်သဇင်၊ ဂမုန်း(Kaemp feria)၊ ဂန္ဓမာ (chrysanthemum)

ဂေါ်သဇင် (Porona spectablis)
ဆောင်းတွင်းနှင်းဖွဲဖွဲမှာ တရုံလုံး ဖွေးနေအောင်ပွင့်တတ်တဲ့ ဂေါ်သဇင်ပန်း။ နွယ်တက်တတ်တဲ့ အပင်တစ်မျိုး။ ခြံစည်းရိုး အ၀င်ဝမှာ ရုံနဲ့ အလှစိုက်လေ့ရှိကြတယ်။ တစ်ချို့ကလဲ ဆောင်တော်ကူးလို့ ခေါ်ကြပြန်တယ်။ အနံ့ကလဲ လေလာတိုင်း သင်းပျံ့လို့ ဆောင်းရဲ့ သရုပ်ကို ဖော်ကျူးတဲ့ ပန်းလေးတွေ။

ဓာတ်ပုံအတွက် Credit to Ko Moe Nyi (MMCP)


င- ငုဝါ၊ ငွေပန်း(Hedychium spicatum)

ငုဝါပန်း (Cassia fistula)
နွေရဲ့ အလွမ်းသရုပ်ကို ဖော်ကျူးတဲ့ ငုဝါပန်းလေးတွေပါ။ ခေါင်းမှာလဲ တင်မပန်၊ ဘုရားအိုးမှာလဲ မဝေရပဲနဲ့ အပင်ထက်မှာပဲ ကြာရှည်ခံတဲ့ ပန်းငုဝါလေးတွေ။

ဓာတ်ပုံမူရင်းLink



စ -စံပယ်ပန်း၊ စကားပန်း(Magnolia)၊စွယ်တော်(Bauhinia acuminata)၊ စိန်ပန်း(Poinciana regia)၊ စိန်ချယ်ပန်း (Coreopsis tinctoria)၊ စက္ကူပန်း (Bougainvillea)၊ စိန်နားကပ်ပန်း (Lantana aculeata)

စံပယ်ပန်း (Jasmine)
ဘယ်တော့မှ မရိုးနိူင်တဲ့ အေးချမ်းတဲ့ စံပယ်ပန်းလေးတွေပါ။ မိုးတွင်းမှာပွင့်တဲ့ စံပယ်ပန်းလေးတွေကို ကြိုက်သလို ဆောင်းတွင်း နှင်းဖွေးဖွေးမှာပွင့်တဲ့ တောထဲက တောစံပယ်လေးတွေလဲ ကြိုက်တယ်။ တောစံပယ်လေးတွေက ပွင့်ချပ်က တစ်ထပ်တည်း။ နံမည်ကသာ အရိုင်းစပယ် ... တောစပယ် ... ရနံ့ကတော့ မွှေးလှတယ်။
မိုးစံပယ်
ဓာတ်ပုံမူရင်းLink
တောစံပယ်
ဓာတ်ပုံမူရင်းLink


ဆ - ဆိပ်ဖလူးပန်း၊ ဆပ်သွားဖူးပန်း( Pandanus odoratissimus)၊ ဆယ့်နှစ်ရာသီပန်း (Thevetia peruviana )၊ ဆီမီးတောက်ပန်း (Gloriosa superba)

ဆိပ်ဖလူးပန်း(Nyctanthes arbor)
သူ့အနံ့က ခပ်အီအီနဲ့။ အနံ့ကိုတော့ သိပ်မကြိုက်လှ။ အပွင့်က စံပယ်ပန်းနဲ့ ခပ်ဆင်ဆင်။ တစ်ခြံကျော်က ဆိပ်ဖလူးပင်အောက် မနက်ခင်းစောစောထ ပန်းသွားကောက်ကြတာ သတိရမိတယ်။
ဓာတ်ပုံမူရင်းLink



ဇ -ဇီဇ၀ါ၊ ဇလတ်ပန်း(Cerbera fruiticosa)၊ ဇွန်ပန်း ( Jasminum auriculatum)၊ ဇော်မွှားပန်း (Dianthus species)၊ ဇော်ဂျီမုတ်ဆိတ်ပန်း( Tacca cristataDianthus species)၊ ဇကွဲပန်း (Pavetta indica)၊ ဇမ္ဗူပနီံ (Thespesia populnea)

ဇီဇ၀ါပန်း(Gardenia jasminoides)
မိုးရွာပြီးစ အိမ်ရှေ့ခြံစည်းရိုးအုံက ရေစက်လက်နဲ့ လန်းဆန်းနေတဲ့ ဇီဇ၀ါပန်းဖြူဖန့်ဖန့်လေးတွေကို သတိရမိတယ်။ အစိမ်းရင့်ရောင် သစ်ရွက်တွေ နောက်ခံနဲ့ အဖြူရောင် ဇီဇ၀ါပန်းလေးများဟာ ကြည့်ရတာ အင်မတန် လိုက်ဖက်ပဏာရလှပါတယ်။ အနံ့သင်းပြီး အပွင့်ပိုကြီးပေမဲ့ စံပယ်ပန်းလေးတွေလောက်တောင် မျက်နှာမရရှာတဲ့ ဇီဇ၀ါပန်းလေးများ။
ဓာတ်ပုံမူရင်းLink


ည-ညမွှေးပန်း(Cestrum nocturnum)
ညမွှေးပန်းဆိုတဲ့အတိုင်း ညကျမှ မွှေးတဲ့ပန်းကလေးတွေပါ။ အနံ့ကထူးခြားစွာ မွှေးပျံ့လွန်းလို့ ဘာပန်းများပါလိမ့်ဆို မေးမှ ညမွှေးပန်းဆိုလို့ မမြင်ဘူးလို့ အပြေးသွားကြည့်ခဲ့ဘူးတာ မှတ်မိပါတယ်။ အနံ့မွှေးသလောက် အပွင့်လေးတွေကတော့ ထူးခြားစွာ လှမနေပါဘူး။ အစိမ်းဖန့်ဖန့် ရိုးရိုးလေးတွေပါပဲ။
ဓာတ်ပုံမူရင်းLink


တ -တရုတ်စကား၊ တောင်ဇလပ်၊ တိုက်ပန်း (Antigonon leptopus)

တရုတ်စကား (Plumeria acutifolia)
တရုတ်စကားပင် နွားတင်းကုတ်နားမှာရှိသည်။ အပွင့်ကို လက်သုတ်သုတ်စားရသည်တဲ့။ငယ်ငယ်က အလွတ်ကျက်ခဲ့ဘူးတဲ့ စာပိုဒ်လေး။ ပန်းကလေးတွေက လှလွန်းတော့ အသုတ်သုတ်စားရမှာ အားနာပါသည်လေ။

ဓာတ်ပုံမူရင်းLink


ထ - ထားဝယ်မှိုင်း၊ ထပ်တစ်ရာပန်း (Marigold)

ထားဝယ်မှိုင်း (Quisqualis indica)
အဖြူရောင်၊ ပန်းရောင်ဖျော့ဖျော့လေးတွေကနေ အနီရောင်လေးတွေထိ အရောင် အနုအရင့်မျိုးစုံ ရောပွင့်လေ့ရှိတယ်။ ပွင့်ပြီဆိုလဲ အဆုတ်လိုက်၊ အခဲလိုက်၊ အနံ့ကလဲ မွှေးလှတယ်။ လမ်းထိပ်နားကအိမ်မှာ ခြံစည်းရိုးအနေနဲ့ စိုက်ထားတာ မှတ်မိတယ်။ ပန်းတွေ ပွင့်တော့ လမ်းကနေဖြတ်လျောက်တိုင်း ပန်းရနံ့လေး တသင်းသင်းနဲ့ ကြည်နူးစရာ ကောင်းလှတယ်။ နွေရာသီ သကြန်ချိန်လောက် ပွင့်လေ့ရှိလို့ အမည်မသိခင်က သကြန်ပန်းလို့ခေါ်ဘူးတာ သတိရတယ်။

ဓာတ်ပုံမူရင်းLink


ဒ - ဒေစီ (Daisy)၊ ဒေလီယာ(Dahlia)၊ ဒန်းပန်း(Lawsonia inermis)၊ ဒေါင်းဆုပ်ပန်း၊ ဒေါနပန်း (Artemisia pallens)၊ ဒေါင်းဖန်ဝါပန်း (Zinnia)

ဒေါင်းဆုပ်ပန်း (Peacock flower)
ပန်းခြံတွေမှာ အလှစိုက်အပင်အဖြစ် မြင်ဘူးနေကျ အပင်မျိုးဖြစ်ပါတယ်။ စိန်ပန်း အသေးစားမျိုး။ အနီရောင်၊ ပန်းရောင်၊ အ၀ါရောင် အရောင်မျိုးစုံရှိပါတယ်။ မြန်မာနာမည် မကြားဘူးသူတွေအတွက် ရှယ်ပေးလိုက်ပါတယ်။ ဒေါင်းဆုပ်ပန်းပါတဲ့။ စိန်ပန်းကလေးလို့လဲ အချို့ခေါ်ကြပါတယ်။
ဓာတ်ပုံမူရင်းLink


န - နေကြာ(Sunflower)၊ နှင်းဆီ(Rose) ၊ နှင်းပန်း(Polianthes tuberosa)၊ နန်းလုံးကြိုင်(Acacia farnesiana)၊ နွယ်သာကီ

နွယ်သာကီ (Nerium odorum)
ဟိုတလောလေးတင်ကမှ ပါဆန်မာလမ်း (စင်္ကာံပူပွဲဈေးတန်း) လျှောက်ရင်း ပန်းလေးတွေ လှလွန်းလို့ဆို အရောင် ၃ရောင် ၃ပင်ဝယ်ခဲ့ပါတယ်။ အနီ၊ ပန်းရောင်နဲ့ အဖြူရောင်တွေပါ။ မျိုးတစ်မျိုးတည်းပေမဲ့ ထူးခြားတာက အဖြူရောင်အပွင့်လေးတွေက သိသိသာသာကို အနံ့ပိုမွှေးပါတယ်။ ၀ယ်တုံးက ပန်းနာမည် မသိပါ။ ယခု မြန်မာ အင်္ဂံလိပ် အဘိဓာန်ကြည့်မှ နွယ်သာကီဆိုတာ သိလိုက်ရပါတယ်။ ၀ယ်ကတည်းက တစ်ခါပဲ ပွင့်သေးတာ။ ခု အဖူးလေးတွေ ထွက်နေပြန်ပါပြီ။

ဓာတ်ပုံမူရင်းLink


ဆက်ပါမည်။

ဂျူဂျူးနဲ့ Exam

ဂျူဂျူးအကြောင်းလေး လာ Update လုပ်ပါတယ်။

ဂျူဂျူက ဒီဇင်ဘာဖွားဆိုတော့ သူက အတန်းထဲမှာ အငယ်ဆုံးလို ဖြစ်နေတယ်။ ဒီလိုအရွယ်မှာ ခလေးတွေဟာ အသက် ၂လ ၃လလောက် ကွာရင်ကို တွေးခေါ်ပုံ၊ ရင့်ကျက်မှုချင်း မတူနိူင်တော့ တစ်ခါတရံမှာ ဂျူဂျူလေးဟာလည်း သူနဲ့ အတန်းတူတွေလောက်တော့ မရင့်ကျက် မတွေးခေါ်နိူင်တာကို တွေ့ရတယ်။

ဟိုတစ်လောက ကျောင်းက အတန်းတွင်း test အသေးလေးတွေ စစ်တော့ သင်္ချာမှာ ပုစ္ဆာ၂ပုဒ်၃ပုဒ်လောက်က မှား မှားနေတယ်။ ပြန်စစ်ကြည့်လိုက်တော့ သူက မေးခွန်းကိုသေချာမဖတ်တဲ့အပြင် တွေးတာကလဲတစ်မျိုးဖြစ်နေတယ်။

ဥပမာ ယုန်ကလေးမှာ မုံလာဥ ၁၀ဥရှိတယ်။ သူက တစ်ချို့ကို စားပြီးတဲ့ အခါမှာ ၄ဥပဲကျန်တယ်။ ယုန်ကလေး မုံလာဥ ဘယ်နှစ်ဥ စားလိုက်လဲ။
အဲလိုမေးခွန်းမျိုးဆို ဂျူဂျူက ဘယ်လိုတွက်လဲဆိုတော့

10 - 6 = 4

အဲဒီတော့ သူ့အဖြေက ၄ ဖြစ်နေရော .... အဲဒါအပေါ်က မေးခွန်းကို ထပ်မဖတ်ပဲနဲ့ အဖြေနေရာမှာ ၄ ဆိုရေးတော့ ဆရာမက cross ကြီးကြီးကို ခြစ်ပေးလိုက်တော့တာပါပဲ။

ဒါနဲ့ သမီးအဲလိုမဟုတ်ဘူးလေ။ ၁၀ခုမှာ ယုန်လေးက စားလိုက်လို့ ၄ခုပဲ ကျန်တော့ စားလ်ိုက်တာက ၆ခု... အဖြေက ၆ ဖြစ်ရမှာပေါ့ဆို။

သူက အနှုတ်ဆို ရှိတဲ့ အထဲက စားပစ်လိုက်တာနှုတ် ကျန်တာက ၄ဥပဲ။ ဘယ်လောက်စားလိုက်လဲဆိုတာလဲသူသိတယ်။ ဒါပေမဲ့ အဖြေက ကျန်တဲ့ ၄ပဲ ... အဲသလိုတွေ ဖြစ်နေလို့ မနဲရှင်းပြပြီး သင်ပေးနေရတယ်။
နောက်ပိုင်းတော့ မေးခွန်းဟောင်းတွေများများလုပ်ရင်းနဲ့ တဖြေးဖြေးတော့ နားလည်လာပါပြီ။

ပြီးခဲ့တဲ့ အပတ်ကပဲ ဂျူဂျူတို့ စာမေးပွဲတွေဖြေရတယ်။ SA1 လို့ခေါ်ပါတယ်။ (semesterial assessment 1) ပေါ့။ အင်္ဂလိပ်စာနဲ့ သင်္ချာက အမှတ် ၄၀%လောက်စီ ယူပါတယ်။ နောက် SA2 ကျရင် အမှတ်၄၀%၊ အတန်းတွင်းTest တွေ ၊ ပရောဂျက်ကလေးတွေက အမှတ်၂၀%၊ စုစုပေါင်း ၁၀၀% ပေါ့။ သူ့ကိုမေးခွန်းဟောင်းတွေ ၁၀စုံ ၁၅ စုံလောက် ဖိလုပ်ပေးပြီးတဲ့ ခါမှာတော့ တော်တော်လေးကို တိုးတက်လာတာတွေ့ရပါတယ်။ သင်္ချာဆို ကူမွန်ကလဲ တက်ထားတော့ ၁ကနေ ၂၀ အထိက အပေါင်းအနှုတ်ကို စိတ်နဲ့တင် တွက်တတ်နေပါပြီ။ အဲဒါကြောင့် အပေါ်က ပုစ္ဆာမျိုးဆို သူက အဖြေကို စိတ်က ကြိုသိနေပြီး တိုက်ရိုက်ရေးချလိုက်တော့ အတွေးတွေက တလွဲတွေဖြစ်ကုန်တာလဲ ပါပါတယ်။ တရုတ်စာကတော့ SA1 အတွက် ကဗျာလေးတစ်ပုဒ်ပဲ ရွတ်ရပါတယ်။အသံထွက်မှန်မှန်နဲ့ ဟန်အမူအယာလေးပါ လုပ်ပြရပါတယ်။

ခလေးက ငယ်သေးတော့ စာမှာ စိတ်ဝင်စားရကောင်းမှန်းလဲ မသိသေးပါဘူး။ ဆရာမတွေ အိမ်စာပေးရင် သူကျေပွန်အောင်လုပ်မယ်ဆိုတဲ့ စိတ်ကလေးတော့ ရှိပါတယ်။ အဲဒီထက်တော့ ပိုမလုပ်ဘူး။ မအေက ပိုတတ်အောင် ဆရာမသင်တာအပြင် ထပ်သင်ပေးတော့မယ်ဆို တီချယ်က အဲဒါမလုပ်ခိုင်းဘူးလေဆို လုပ်ခိုင်းလို့မရပါဘူး။ စာမေးပွဲဆိုတာလဲ serious ထားရကောင်းမှန်း မသိသေးပါဘူး။ မအေလုပ်သူက စာမေးပွဲတွင်းကြီး မှို့ စာဖိလုပ်ရမယ်ပြောရင် စာမေးပွဲတွင်းဆိုတာ ဘာလဲလို့ မေးပြန်တယ်။

မနေ့ညကလဲ ကျောင်းက SA1 အမှတ်တွေ ရလာတာကို မအေလုပ်သူကို မပြောဘူး။ ရုံးရောက်တော့မှ အဒေါ်လုပ်သူက ဖုန်းလှမ်းဆက်တယ်။ အမှတ်တွေ သိရပြီ။ မနက်ကျမှ ဂျူဂျူးကပြောလို့ သူလက်မှတ်ထိုးပြီး ပြန်ပေးလိုက်သတဲ့။ သင်္ချာက ၁၀၀ ပေးတာမှာ ၉၈ မှတ်ရသတဲ့။ အင်္ဂလိပ်ကတော့ ၅၆ ပေးတာ ၅၁ မှတ်ရသတဲ့။ မအေလုပ်သူကတော့ သမီးစာမေးပွဲဖြေပြီး အမှတ်ဘယ်လောက်များ ရမလဲလို့ စိတ်ဝင်တစား မျှော်နေရတာ။ သူကတော့ အမှတ်ရလာတာကို မေ့နေသတဲ့လေ။ အဲဒါသမီး အမှတ်က အတန်းထဲမှာ ဘယ်လိုနေလဲ။ ဘယ်အဆင့်လောက်ရှိလဲ။ ဘေးက သူငယ်ချင်းတွေရော ဘယ်လောက်ရကြသလဲဆို ... ဂျူဂျူ မသိဘူးချည်းပြောတာပဲ။

သူလဲ စာမေးပွဲတွင်းတုံးက တော်တော်ပင်ပင်ပန်းပန်းလုပ်ထားရတော့ စာမေးပွဲတွေ ပြီးသွားတော့ မအေလုပ်သူက သနားလို့ အနားပေးထားပါတယ်။ ၂ရက်၃ရက်လောက် မဂျူဂျူတို့ free ရိုက်နေတာ။ ကူမွန်ကတော့ ပျက်လို့မရဘူး။ တစ်နေ့ တစ်အုပ်ကတော့ လုပ်ရတာပဲ။ ဒါတောင် စနေနေ့က အိမ်ကို ဧည့်သည်တွေလာလို့ ကူမွန်ကို မလုပ်လိုက်ရဘူး။ တနင်္ဂနွေရောက်တော့ မအေ အခန်းထဲ လှဲပြီး အနားယူနေတုံး သူကလဲ ဘေးမှာ TV ကြည့် ။ ပါးစပ်ကလဲ အငြိမ်မနေ။ ကုတင်ပေါ်လဲ ဆော့လိုက်။ တစ်ခါတစ်လေလဲ မအေအိပ်ပျော်ခါနီး လာနှိုးလိုနှိုး။ မအေမျက်လုံး အတင်းဆွဲဖွင့်လိုဖွင့် လုပ်နေလို့ မအေအိပ်နေတုံး ငြိမ်ငြိမ်နေ မနှောက်ယှက်ရဘူးပြောလိုက်တော့ ငြိမ်ပြီး TV ဆက်ကြည့်နေတယ်။

မအေလုပ်သူကလဲ အိပ်မပျော် နိူးတ၀က်။ ခဏနေနိူးလာတော့ မဂျူဂျူတို့ TV ကြည့်ကောင်းတုံး။ ကူမွန်ကလဲ မနေ့က အကြွေးနဲ့ ၂ရက်စာ ၂အုပ်ဖြစ်နေတာ သတိရတယ်။ ဒါနဲ့ ကိုယ်ကလဲ လျော့လျော့ပေါ့ပေါ့ စဉ်းစားပြီး ပြောလိုက်တာပါ။ ကူမွန်စာအုပ်လေးဖွင့်။ ခဲတံလေး ခဲဖျက်လေးချပေးပြီး " သမီးရေ ... ကူမွန်တွေ တွက်ရဦးမယ်နော် ... အဲမှာ အဆင်သင့် ရေးရအောင် အမေ ပြင်ပေးတားတယ်။ အရင်လို အချိန်လဲ မမှတ်တော့ဘူး။ သမီး TV လေးကြည့်လိုက် ... ပျင်းရင် ကူမွန်လေး လာရေးလိုက် ... ပျင်းတိုင်းလာရေးနေနော် " လို့ ပြောလိုက်မိတာ ... ဟမ်မလေး မဂျူဂျူ ပြန်ပြောလိုက်တာက တစ်ခွန်းတည်း။

" မေမေ ဂျူဂျူ ခု မပျင်းသေးဘူး ... " တဲ့

ထုံစံအတိုင်း ဒေါ်ဆွိတီတို့ ဘာပြန်ပြောရမှန်းမသိလို့ ပါးစပ်အဟောင်းသား၊ ဒါမျိုးကျ ဂျူဂျူတို့ ရင့်ကျက်ချက်တော့။

မိုးနဲ့ ရေတွင်း

ရေတွင်းရေရဲ့ သဘောဟာ ဘုံဘိုင်ရေနဲ့တော့ မတူဘူး။ ရေတွင်းရေက နွေသိပ်ပူုတဲ့ အချိန်ဆို စိမ့်စမ်းရေလိုအေးတယ်။ ဆောင်းတွင်းချမ်းစိမ့်စိမ့်ဆို ရေက ခပ်နွေးနွေး။ ကျွန်မ၁၀တန်းလောက်က ကျောင်းပိတ်ရက်ဆို မနက်ခင်း နေမပွင့်မီ ကတည်းက ကျူရှင်တွေ သွားရတယ်။ မိုင်၂၀လောက်ဝေးတဲ့ မြို့လယ်ခေါင်က ကျူရှင်တွေ ပတ်တက်။ ပြန်လာရင် နေ့လည် ၁၂နာရီ၊ တစ်ချက်။ ကားဂိတ်ကနေ အိမ်ကိုလမ်းလျောက်ရတာက မိနစ်၂၀လောက်။ လမ်းမှာလဲ သစ်ပင်ရိပ်က မရှိဆိုတော့ အိမ်ရောက်တော့ လူကချွေးပြိုက်ပြိုက်။ အိမ်ရောက်တာနဲ့ မနားနိူင်သေးဘူး။ နောက်ကျူရှင်တွေက ဆက်တက်ရဦးမှာကိုး။ ပူလွန်းလို့ ရေတွင်းထဲက ရေအေးအေးကို ချက်ချင်းငင်ပြီး စဉ့်အိုးထဲထည့်။ ခေါင်းကနေ တ၀ုန်းဝုန်းနဲ့ လောင်းချချိုးတော့တာပဲ။ အဖွားတွေ အမေတွေက ဟဲ့ကောင်မလေး အပူရှပ်မယ် ဘာမယ် ပြောလဲ ဇွတ်တရွတ်ကျွန်မကတော့ နားမထောင်ရေးချ မထောင်။ ပူလွန်းတော့ ခေါင်းပေါ်က ရေလောင်းချပြီး တကိုယ်လုံးအေးချမ်းသွားမဲ့ အရသာကို လိုချင်တာကိုး။ အဲဒီအချိန်က တဒင်္ဂ အေးချမ်းသွားတဲ့ ကျွန်မကတော့ ရေတွင်းလေးကို သိပ်ကျေးဇူးတင်နေခဲ့တယ်။

ဆောင်းတွင်းဆိုလည်း အပြင်ပတ်ဝန်းကျင်က ချမ်းတဲ့ အချိန်ဆို ကျွန်မတို့တွေ ဘယ်တော့မှ ညသိပ်ရေမချိုးဘူး။ ရေတွင်းက ရေနွေးနွေးကို ချက်ချင်းငင်ပြီး ချိုးကြတာပဲ။ မနက်စောစောသိပ်အေးတဲ့အချိန်ဆို ရေက အငွေ့လေးတွေတောင် တထောင်းထောင်း ထနေသေးတယ်။ အဖေကတော့ သူတင်ရေချိုးရုံမက၊ ဖုန်သိပ်အောင်ဆို ခြံတစ်ခြံလုံးကို ရေပုံးနဲ့ ရေလိုက်ဖြန်းသေးတယ်။ မိုးတွင်းတုံးက ရေတွင်းနဲ့ ပြည့်လုနီးပါးရေတွေဟာ မိုးအကုန် ဆောင်းအကူးကစလို့ ရေတွေလည်း နည်းလာတယ်။ ရေတွင်းကလည်း တဖြေးဖြေးနဲ့ နက်နက်လာတော့တယ်။ ရေနက်တာနဲ့အမျှ ရေခပ်ရတာကလဲ ပင်ပန်းလာတယ်။ စက်သီးတိုင်ကို ရစ်ပတ် ချည်ထားတဲ့ ရေပုံးကြိုးကိုလည်း တစ်ရစ်ပြီး တစ်ရစ် ပြန်ဖြည်ရတော့တယ်။

နွေ၃လထဲမှာ ဧပြီလနဲ့ မေလကတော့ ရေဒုက္ခအရောက်ဆုံးလတွေပေါ့။ တစ်ခါတစ်ရံလဲ နွေကုန်လို့ မိုးကျသည်အထိ ရေဖောဖောသီသီသုံးနိူင်တဲ့ နှစ်တွေလည်းရှိခဲ့ဘူးပါတယ်။ အများအားဖြင့်ကတော့ သင်္ကြန်အချိန်လောက် ကျွန်မတို့တွေ လမ်းထိပ်ထွက် ရေပက်ချင်ပြီဆို ရေတွင်းကရေက ဖင်ကပ်နေပြီ။ အဲဒါဆို ရေစည်ဝယ်ပက်ကြရတယ်။ တစ်ခါတရံလဲ ရေတွင်းဖင်ကပ်ကိုပဲ စောင့်လိုက် ရေထွက်လာရင် ခပ်လိုက်နဲ့ နွေတစ်နွေလုံး မိုးကျသည်အထိ တပိန်ပိန်တလိန်လိန်နဲ့ ရေအသက်ဆက်နေကြရတဲ့နှစ်တွေလည်း ရှိခဲ့ဘူးတာပဲ။ ကံကောင်းတာက အိမ်နားပတ်ဝန်းကျင်ထဲမယ် ကျွန်မတို့ တွင်းလေးက ရေအကြာအခံဆုံး။ အိမ်နားက အိမ်တွေဆို ဆောင်းအကုန်လောက်ကတည်းက ရေစည်တွေ တကျိကျိနဲ့ တွန်းနေကြရပြီ။ တစ်ခါတစ်လေလဲ အိမ်နီးနားချင်းတွေ အိမ်ကတွင်းမှာ ရေလာချိုးကြတယ်။ နောက်ပိုင်းတော့ တစ်ချို့လဲ အ၀ီဇိရေတွင်းတွေတူးကြတယ်။ ရေဖောဖောတော့မရဘူး။ တစ်အိမ်သုံးစာလောက်ပဲရကြသတဲ့။

အဲလို ရေခမ်းပြီဆို ကျွန်မတို့တွေ မိုးကို မျှော်ရတော့တယ်။ ပူရအိုက်ရတဲ့ အထဲ ရေကလည်း ၀အောင် မချိုးရပြီကိုး။ ခပ်ရတဲ့ရေတွေကလဲနောက်ပြီလေ။ ရေကြည်အောင် စောင့်င်္ပြီးမှ လျှော်ရ ချိုးရတယ်။ အဲဒီအချိန်မှာ လျော်တဲ့ အကျီအဖြူတွေကလည်း မဖြူနိူင်တော့ပေ။ ခပ်ညစ်ညစ် ဖြစ်ကုန်ပြီ။ အဖွားကတော့ အိမ်ရှေ့က ဒညင်းပင်ရိပ်အောက်မှာ နှီးရက်တောင်ကြီး တဖျတ်ဖျတ်ခတ်လို့ ညည်းရှာတယ်။ ပူချက်တော့အေ ... ငရဲပြည်ကျနေတာ ပဲတဲ့။ အဖေ့မလည်း အိမ်ပတ်လည်အေးအေးလူလူဖြစ်အောင် ရေဖြန်းချင်ပေမဲ့ ဖြန်းရမဲ့ရေက မရှိပြီကိုး။

မှတ်မှတ်ရရ ဧပြီကတည်းက ရွာရမဲ့ သကြန်မိုးကလည်း မရွာတော့သည်မှာ ကြာပြီ။ မေလလည်လောက်ဆိုရင်တော့ မိုးအရိပ်အရောင်လေး စမြင်ရပြီ။ အမေကတော့ မုတ်သုန်ဝင်ရင် မိုးကရွာတော့မှာလို့ ပြောနေတယ်။ တစ်ခါတစ်ရံ တစ်နေရာ ခပ်ဝေးဝေးဆီက မိုးချိန်းသံသဲ့သဲ့ကြားလိုက်ရရင် ကိုပဲ မျှော်လင့်ချက် ရောင်ခြည်တွေနဲ့။ အပေါ်ကိုမော့ကြည့်ရင်း ကောင်းကင်က မိုးရိပ်တွေနဲ့ ခပ်မှိုင်းမှိုင်းဖြစ်လာပြီဆို ပျော်လိုက်သည့်ဖြစ်ချင်း။ တစ်ခါတစ်လေလဲ လေနဲ့အတူ မိုးကပါသွားတတ်သေးတယ်။ တစ်ပေါက်နှစ်ပေါက်သာကျပြီး ပြီးသွားပြန်တယ်။ မိုးပြေးပေါ့။ တစ်ခါတစ်လေလဲ ဖုံသင်းနံ့ လေး ရ ရုံ။ တကယ့်မှ ဘုရားစူး ရွာတယ်ဆိုရုံလေး။ မိုးဟာ တစ်ခါတစ်ရံခေါင်းသိပ်မာတယ်။ တော်ရုံမရွာဘူး။ တင်းခံနေတယ်။

မျှော်သူမောချိန်လောက်ကျ မိုးတွေ ရွာတဲ့တစ်နေ့တော့ ရောက်လာခဲ့ပါပြီ။ ရွာမဲ့ရွာတော့ လေတွေတိုက် မိုးကြိုးတွေ ပစ်ပြီးကို သည်းကြီးမဲကြီးရွာတာပါ။ ငရဲပြည်တမျှ ပူလောင် အိုက်စပ် နေတဲ့ သြကာသလောကကြီးကို အေးချမ်းစေမဲ့ မိုးရေတွေပါ။ ရေလဲ အတော်ပါပါတယ်။ရွာတာမှအကြာကြီး။ ညဘက်ပါဆက်ရွာတော့မယောင်။ တစ်ခါတစ်ရံနှစ်တွေမှာ မိုးသီးတွေပါ ရွာချတတ်ပါသေးတယ်။ အိမ်ဘေးက ခလေးတစ်သိုက်ကတော့ မိုးရေထဲမှာ ပြေးလွှားအော်ဟစ်လို့။ အမေကတော့ မိုးရေထဲ ထမီရင်ရှားကြီးနဲ့ အကိုတစ်ယောက်အကူနဲ့ ရေခံရအောင် အိမ်ရှေ့တံစက်မြိတ်အောက် စဉ့်အိုးတွေ ပြောင်းချနေတယ်။ ဟော မိုးအတော်ကြာရွာပြီးလို့ မိုးနဲနဲစဲချိန်ကျု အိမ်ရှေ့က ရေတွင်းလေးပြေးကြည့်ကြတယ်။ ချက်ချင်းတော့ ရေက ဘယ်တက်ဦးမလဲ။ တံစက်မြိတ်က မိုးရေတွေစင်ကျတော့ ရေတွေလဲ နောက်ကျိလို့။

နောက်နေ့မနက်စောစောမယ် အိပ်ကောင်းကောင်းနဲ့ နှပ်နေတဲ့ကျွန်မကို အမေကနှိုးပြောတယ်။ သမီးရေ ... ရေတွင်းက ရေပေါက်တွေ ပွင့်ပြီး အခု ရေတွေ ... ရေတွေ ရေတွင်း တစ်ဝက်လောက်ဖြစ်နေပြီတဲ့။ အမေပြောတာမယုံဘူး။ သွားကြည့်တော့ မနေ့ကတင် မိုးမရွာခင်အထိ ရွှံ့ရောင်ရေတွေနဲ့ ဖင်ကပ်သာသာရှိတဲ့ ရေတွင်းဟာ ညတွင်းချင်း ရေတွေ ပြည့်လာလိုက်တာ။ ပြောမယုံ ကြုံဘူးမှသိ။ ဘေးရေတွင်းနံရံက ရေစမ်းပေါက်တွေပွင့်ပြီး ရေတွေ ကျနေတာလဲ မြင်နေရတယ်။ ကျွန်မတို့လဲ စက်သီးကြိုးကို ပြန်တိုကြ။ ရေချိုးကြ။ အိမ်သန့်ရှင်းရေးလုပ်ကြ၊ အ၀တ်တွေ စုလျော်ကြနဲ့ ခြောက်သွေ့နေတဲ့ အိမ်လဲ ပြန်လည်စိုပြည်လာတော့တယ်။ တကယ်တော့ မိုးဟာ အများကြီး မလိုပါဘူး။ တစ်မိုးလောက်သာ ပြည့်ပြည့်၀၀ လိုတာပါ။ ဒါနဲ့များ ဘာကြောင့် ခေါင်းမာနေရသလဲ မိုးမင်းကြီးရယ်။




ပူပြင်းခြောက်သွေ့နေသော မြန်မာပြည်မှာ မိုးအမြန်ရွာပါစေ။ မြန်မာပြည်သူအပေါင်း အေးချမ်းကြပါစေ။

စာကြွင်း ။ ။ ခုလေးတင်ပဲ ရန်ကုန်မှာ မိုးရွာနေပြီဟုကြားရပါသည်။ အလွန်ပျော်နေပါသည်။

ရေတွင်းနဲ့ ကျွန်မ

ကျွန်မ အသက် ၁၃နှစ်၊ ၇တန်းအောင် ၈တန်းတက်ရမဲ့ နှစ်မှာ အဖေ၀န်ထမ်းဘ၀ကနေ ထွက်တယ်။ ရန်ကုန်မြို့စွန်နားမှာ နှင်းဆီပန်းစိုက်စားဖို့ ခြံတစ်ခြံရယ်၊ နေစရာ အိမ်လေးတစ်လုံးရယ် ၀ယ်ပြီး ပြောင်းနေကြတယ်။ အိမ်ကတော့ ဓနိမိုး ထရံကာ။ အသစ်ဆိုတော့ သပ်သပ်ရပ်ရပ်တော့ ရှိပါတယ်။ အိမ်ရှေ့တည့်တည့်မှာ ရေတွင်းတစ်တွင်းရှိတယ်။ ခြံအ၀င်ဝရဲ့ ညာဘက်လောက်မှာ။ အိမ်က ရေတွင်းရဲ့နောက်မှာ ကပ်ရပ်။ ရေတွင်းနဲ့ အိမ်ဘယ်လောက် နီးလဲဆို အိမ်တံစက်မြိတ်က ကျတဲ့ရေက ရေတွင်းထဲ ကျ မတတ်ပဲ။ အဲဒီရေတွင်းကိုတွေ့တော့ တစ်သက်လုံး ရေဘုံဘိုင်ခေါင်းက ထွက်တဲ့ရေသာမြင်ဘူးတဲ့ ကျွန်မစိတ်ထဲမှာ ဟင် အိမ်ကလဲ ရေတွင်းကြီးနဲ့ တောကျလိုက်တာလို့ ထင်တယ်။

ရေတွင်းကလည်း မြင်ဘူးနေကျ ရေတွင်းတွေပုံစံမျိုး သပ်သပ်ရပ်ရပ် အုတ်ဘောင်နဲ့ ဘာနဲ့ မဟုတ်ဘူးရယ်။ ရေတွင်း အပေါ်ရံနား မြေကြီးနဲ့ လယ်ဗယ်ညီကနေ အောက်ဖက်ကို တစ်တောင်လောက်ပဲ အုပ်စီထားတယ်။ မြေပေါ်မှာတော့ ရေတွင်းဝနဲ့ တစ်တောင် အကွာ ပတ်လည်လောက်မှာ သစ်သားတိုင်လေး ၅တိုင် ၆တိုင် ပတ်လည်စိုက်လို့ သံစကာလို့ပြောရမလား။ ကြောင် ၄-၅ကောင်စာ တစ်ပြိုင်နက် ၀င်ရလောက်တဲ့ အပေါက်ကြီးတွေနဲ့ လက်သန်းလုံးလောက် သံကြိုးတွေကို မညီမညာ ရက်ထားသလိုကြီးကို ပတ်လည်ခွေလို့ ကာထားတယ်။ ကြောင်၎-၅ ကောင်လို့ နိူင်းရတာက နောက်ပိုင်း အိမ်မှာ ကြောင်တွေမွေးတော့ အဲဒီကနေ ရေတွင်းထဲ ခဏခဏ ပြုတ်ကျလို့ ဆယ်ရတာလဲ ခဏခဏကိုး။

ရေတွင်းက ထုံးစံအတိုင်း စက်သီးနဲ့ကြိုးနဲ့ ရေငင်ရတာ။ ကြိုးက မော်တော်ကားတာယာကို ကြိုးဖြစ်အောင် ပတ်လည်ဖြတ်ထားတဲ့ လက်တစ်ဆုတ်စာလောက် အတုတ်ရှိတဲ့ အမဲရောင် ရာဘာကြိုး။ စက်သီးက တစ်ခါတစ်ခါ ဆီမရှိရင် တကျွိကျွိနဲ့ သံစုံမြည်တတ်သေးတာ။ နောက်ပိုင်း အရပ်မှီလာတော့ ကျွန်မကိုယ်တိုင်ဖြုတ်ပြီး စက်ချုပ်တဲ့ စက်ဆီထည့်တယ်။ ထည့်ပြီးကာစဆို စက်သီလေးက ချောမွတ်နေတော့ ရေငင်ရတာ အတော် သက်သာတယ်လို့ထင်တယ်။ တကျွိကျွိ အသံအလဲမကြားရတော့ဘူး။ တစ်ခါတစ်ရံလဲ စက်သီးထဲ ဆီထည့်တာများပြီး စက်ဆီတွေ ရေတွင်းထဲ ပြုတ်ကျလို့ ရေတွေမှာ ဆီတွေဝေ့ပြီး သက်တန့်ရောင်စုံဖြစ်တဲ့ အခါလည်းဖြစ်ရဲ့။

ရေပုံးကလဲ ရာဘာနဲ့ လုပ်ထားတဲ့ ရေပုံးမျိုး ခပ်ပျော့ပျော့ အနက်ရောင်ပဲ။ ပေါ့အောင် တမင်လုပ်ထားတာဖြစ်မယ်လို့ တွေးမိတယ်။ ရေငင်တဲ့ကြိုးရဲ့ နောက်ဆုံးပိုင်း အဖျားကိုလည်း ရေတွင်းဘေးက စက်သီးတိုင်ကို ပတ်ပြီးချည်ထားရသေးတယ်။ နောက်မှို့ဆို တစ်ခါတစ်ရံ နမော်နမဲ့ ရေခပ်ရင်း လက်ကကြိုး လွတ်ထွက်သွားရင် ကြိုးရော ရေပုံးရော ရေတွင်းထဲရောက်လို့ ဘေးအိမ်ကရေတွင်းကနေ နောက်ကြိုးတစ်ချောင်းငှါးပြီး ပြန်ဆယ်ရတာတွေလဲ ရှိခဲ့ဘူးတာကိုး။

ရေတွင်းထဲကို ငုံ့ကြည့်မယ်ဆိုရင် ရေကတော်တော်နက်တယ်။ ၀ါး နှစ်ပြန်စာလောက် ရှိမယ်။ ရေကအကြည်။ အထဲကိုဖောက်မြင်ရတယ်။ ရောက်စက ငုံ့ကြည့်ပြီး ကြောက်နေသေးတယ်။ နွေရာသီဆိုတော့ ရေက နက်ပြီလေ။ ရေတွင်းထဲမှာလဲ နံရံကို တွယ်ကပ်ပေါက်နေတဲ့ ရေညှိပင် အကြီးစား ခပ်စိမ်းစိမ်းလေးတွေကို မြင်နေရတယ်။ အရွက်လေးတွေ သိပ်လှလို့ နောက်ပိုင်း တံချူနဲ့ ထိုးချပြီးတောင် ခူးသေးတယ်။ နံရံမှာ တွင်းအချို့လဲရှိတယ်။ စာကလေးတွေ နွေပူပြီဆို အဲဒီတွင်းထဲမှာ လာနေကြတယ်။ အအေးလာခိုကြတာပေါ့။ ပြီးရင် အငြိမ်မနေကြဘူး။ ဆော့ကြတယ်။ ရေတွင်းထဲ မြေကြီးတွေ ပြုတ်ပြုတ်ကျတယ်။ တစ်ခါတစ်ရံ မြေကြီးတင်မက သူတို့ကိုယ်တိုင်ပါ ပြုတ်ကျပြီး ရေနစ်သေကြတယ်။

စာကလေးသေပြီးစ လတ်လတ်ဆပ်ဆပ်ဆိုရင် အိမ်က အချစ်ဆုံးကြောင် ငမဲလေးကို ခေါ်ပြီး ရေထဲက ငင်ပြီးကျွေးတယ်။ ရရချင်း ချီပြီး ပြေးတော့တာပဲ။ စာကလေးများ ရပြီဆို အဲဒီငမဲလေးဟာ ချက်ချင်း ဘယ်တော့မှ မစားဘူး။ အဲဒီစာကလေးကို လက်ကလေးနဲ့ပုတ် အပေါ်မြှောက်လိုက်၊ ပါးစပ်ကလေးနဲ့ အသာဖမ်းလိုက် မျိုးစုံကစားတယ်။ နောက်ဆုံး စာသေလေးလဲ နွမ်းဖတ်ပျော့ခွေသွားပြီ။ သူလဲဆော့လို့ မောပြီဆိုမှ တကျွတ်ကျွတ်နဲ့ စ စားတော့တာပဲ။ ကြောင်တွေအကြိုက်ထဲမှာ စာကလေးနဲ့ ကြွက်က ထိပ်ဆုံးကလို့ ထင်တယ်။ ရေတွင်းထဲ စာကလေးကျတိုင်း သူ့အတွက်တော့ စားကောင်းသောက်ဖွယ်စားရတဲ့နေ့ပဲ။

အိမ်စပြောင်းတဲ့နေ့က အတူနေတဲ့ အကိုဝမ်းကွဲက ပိန်လှီပြီး လက်တစ်ဆုတ်လောက်သာသာရှိတဲ့ ကျွန်မရဲ့လက်မောင်းခပ်ညိုညိုကို ကြည့်ပြီးပြောတယ်။ ညည်းလက်မောင်းလှချင်ရင်၊ လက်မောင်းကြီးချင်ရင် ရေငင်ပါလားတဲ့။ အကိုက နောက်ပြောတာလားတော့ ကျွန်မ မသိဘူး။ အဲဒီနောက်ပိ်ုင်း ကျွန်မလဲ ရေတွေငင်ရတော့တာပဲ။ အကိုတွေက နှင်းဆီခြံထဲ သွားအလုပ်လုပ်နေရတာများတော့ အိမ်မှာဆို ကျွန်မတစ်ယောက်တည်း ကျန်ခဲ့တာများတယ်။ အဖွားနဲ့ အမေကလဲ အိမ်မှာ အားပြီဆို ခြံထဲပဲသွားပြီး လုပ်အားပေးနေတော့ အိမ်မှုကိစ္စတွေ ကျွန်မလုပ်ရတာများတော့ ရေလဲငင်ရတာပေါ့။ ဥပမာ အိမ်မှာ ရှိသမျှသော ပုရိသအပေါင်း ၀တ်ထားတဲ့ အ၀တ်တွေ စုလျှော်ရတာမျိုး။ နွေရာသီကျောင်းပိတ်ရက်တွေ အားပြီဆို ကျွန်မ လုပ်ငန်းစတော့တာပဲ။ အိမ်က နေရှင်နယ်ကတ်ဆက်ကို အကျယ်ကြီးဖွင့် အိမ်ရှေ့က စဉ့်အိုးတွေ အကုန် ရေပြည့်အောင်ဖြည့်။ သီချင်းတကြော်ကြော်လိုက်အော်ဆိုပြီး လျှော်တော့တာပဲ အ၀တ်တွေ။ သီိချင်းလေးဆိုရင်းလျှော်တော့ မောမှန်းမသိလိုက်ရဘူး။ အိမ်နားက ပရိတ်သတ်ကတော့ အင်မတန် သနားဖို့ ကောင်းတာပါပဲ။

ရေငင်ရတာနဲ့ အမျှကျွန်မရဲ့ လက်မောင်းတွေ တုတ်လာ မလာတော့ မသိဘူး။ လက်ဖ၀ါးတွေက ကြမ်းလာတယ်။ အသားမာတက်တယ် ခေါ်ရမယ်။ ကျွန်မတက္ကသိုလ်တက်တော့ တွဲမိတဲ့သူငယ်ချင်းတွေက သူဋ္ဌေး သမီးတွေများတယ်။ အချစ်ဆုံး သူငယ်ချင်းကလည်း တော်တော် ချမ်းသာတဲ့ အသိုင်းအ၀ိုင်းက။ အတန်းတစ်တန်းက တစ်တန်းပြောင်းချိန်ဆို သူငယ်ချင်း၂ယောက် လက်ကလေးတွေ ကိုင်ပြီး နေရာဦးဖို့ ပြေးကြတာ။ သူ့လက်ကလေးများ ချောလို့နုလို့။ သူကလဲ ကျွန်မလက်တော့ အတော်ကြမ်းလှတယ် ထင်မှာပဲ။ နောက်ပိုင်းအရမ်းခင်သွားတော့ ကျွန်မက ပြောပြပါတယ်။ ငါ့လက်မှာ အသားမာတွေ တက်တာ အိမ်မှာ ရေငင်ရတယ်။ အလုပ်ကြမ်းလုပ်ရတယ်လို့ ဆိုတော့ သိပ်မစပ်စုတတ်တဲ့ သူငယ်ချင်းက ပြုံးပြုံးလေးသာ နားထောင်ရှာတယ်။ အလုပ်ကြမ်းလုပ်ရတယ်ဆိုတာက ကျွန်မလဲအားရင် တစ်ခါတရံ နှင်းဆီခြံထဲသွားပြီး မြေဆွ၊ ပေါင်းနှုတ်၊ မြေသြဇာကျွေး၊ ပန်းခူး၊ ကိုင်းခြောက်ညှပ် အစရှိသည် လုပ်ရတာကို ပြောတာပါ။

(ဆက်ပါမည်)

ကြေးအိုးဆီချက် ၊ ကြေးအိုး ...

ကြေးအိုးကို အရည်သောက်ထက် ကြေးအိုးဆီချက်ကို ပိုကြိုက်ပါတယ်။ မြန်မာပြည်ပြန်ရင်တော့ မိသားစုလိုက် ရန်ကင်းကြေးအိုးမှာ သွားစားကြတယ်။ ကြေးအိုးဆိုင်ကောင်းတာတွေ အများကြီးရှိတယ်ပြောကြပေမဲ့ ကိုယ်စားဘူးတဲ့ဆိုင်ပဲသွားစားလိုက်တာပါ။ ဒါတောင် လသာလမ်းက ကြေးအိုးကောင်းလွန်းလို့ဆို သူငယ်ချင်းတစ်ယောက်က အတင်းခေါ်ကျွေးတာနဲ့ စားရသေးတယ်။ ဆိုင်က လမ်းဘေးတင်ချရောင်းပေမဲ့ သူကရောင်းတန်းမဟုတ်ပဲ အိမ်ချက်လို အသားများများနဲ့ ကောင်းကောင်းကို ရောင်းတာပါ။ သူကရန်ကင်းကြေးအိုးလောက် သကြားတွေ အချိုမှုန့်တွေ မသုံးတော့ စိတ်ထဲမှာ အရသာက နဲနဲပေါ့နေတယ်လို့ တော့ထင်ရတယ်။ ဒါပေမဲ့ ကောင်းပါတယ်။ ကြေးအိုးအိမ်ချက်ကောင်းကောင်းစားချင်ရင်တော့ အဲဒီဆိုင်ကို ညွှန်းချင်ပါတယ်။

မဆွိတီတို့ အိမ်မှာလဲ ကြီးတော်ကလဲ ကြေးအိုးကြိုက်၊ မဂျူဂျူကလဲ ကြေးအိုးကြိုက်ဆိုတော့ မကြာခဏဆိုသလို ကြေးအိုး လုပ်စားဖြစ်ပါတယ်။ သမီးကတော့ အသားလုံးတွေနဲ့ ကြေးအိုးအရည်ကို ပိုကြိုက်ပါတယ်။ သူ့အဖေကတော့ သိပ်မကြိုက်ပေမဲ့ ၃မဲ-၁မဲ ဖြစ်နေတော့ ဂျီးများလို့မရဘူး ... စားရတာပဲ။

ကြေးအိုးမှာ မုန်ညင်းစိမ်းရယ်၊ အသားလုံးရယ်က အရေးကြီးတယ် ထင်တာပဲ။ ကြေးအိုးထဲထည့်တဲ့ မုံညင်းစိမ်းက တခြားမုံညင်းနဲ့ မတူဘူးနော် ။ ခါးသက်သက်နဲ့။ အရွက်တွေ အရိုးတွေကလဲ ပိုကြီးတယ်။ စင်ကာပူမှာတော့ wet market တွေမှာပဲဖြစ်ဖြစ် NTUC မှာပဲ ဖြစ်ဖြစ် ရနိူင်ပါတယ်။ ကြေးအိုးချက်ရင်တော့ အဲဒီမုံညင်းစိမ်းကို ရအောင် ၀ယ်စေချင်ပါတယ်။


အဲဒီနေ့ကတော့ ဂျူဂျူ့မွေးနေ့မှို့ အိမ်ကလူတွေလဲစားရအောင်၊ ထုံးစံအတိုင်း အိမ်နီးနားချင်း ဗမာအိမ်တွေလဲ လိုက်ဝေရအောင် လူ ၂၀စာလောက် ချက်ဖြစ်ပါတယ်။

ပထမဆုံး ၀က်ရိုး ၄-၅ရိုးလောက်၊ ကြက်ရိုး၊ ၀က်ခြေထောက်ရိုး အားလုံးကို ရေဆေး၊ ဂျင်းတက်လေး ၃လေးတက်လှီးထည့်၊ ကြက်သွန်ဖြူဥကြီး အလုံးလိုက်ပစ်ထည့်၊ ဆား၊ သကြားသင့်သလိုထည့်၊ ရေမြုတ်အောင်ထည့်ပြီး မီးအေးအေးနဲ့ အရိုးတွေဖြူတဲ့အထိ အချိုရည်ထွက်လာအောင် မီးအေးအေးနဲ့ပြုတ်ပါတယ်။

ဝက်သားအကြေ တစ်ကေဂျီခွဲလောက်ကို ဆား၊သကြား၊ အချိုမှုန့်၊ ငရုပ်ကောင်းမှုန့်၊ပြောင်းဖူးမှုန့်၊ ပဲငံပြာရည်အကြည်ရေ၊ ကြက်သွန်ဖြူ ညက်ညက်ထောင်းထားတာထည့်ပြီး ရောနယ်ပါတယ်။ ပြီးတော့ အပေါ်က ဟင်းချိုအိုးထဲကို လက်သီးဆုတ်သေးသေးစာလောက်စီ လုံးထည့်ပြီး စကာနဲ့ ပြုတ်ထားပါတယ်။ (ပထမ တစ်လုံးလောက်စမ်းပြုတ် မြည်းကြည့်ပြီး ကိုယ့်စိတ်ကြိုက် အရသာ ရသည်အထိ သကြား၊ ဆား ထည့်ပြင်ပါတယ်)








နောက် ၀က်ကလီစာတွေကိုလည်း အညှီနံ့ပျောက်အောင် မန်ကျည်းမှည့်၊ ဆားစတာတွေနဲ့ဆေးပါတယ်။ ဆား၊ထန်းညက်ခဲ ၂လုံးခန့်၊ အချိုမှုန့် (သုံးတတ်ရင် ထည့်ပါ)၊ ပဲငံပြာရည် အနောက်ရည်၊အကြည်ရေတို့ထည့်ပြီး မီးအေးအေးနဲ့နူးသည်အထိ ပြုတ်ပါတယ်။ အနံ့ပျောက်အောင် နာနတ်ပွင့်နဲ့ ငရုပ်ကောင်းလဲ ထည့်ပြုတ်ပါတယ်။


ဆီချက်ကတော့ ကြက်သွန်ဖြူများများကို ညက်ညက်ထောင်းပြီး ချက်ပါတယ်။



ပွဲပြင်ဖို့ရာ အားလုံးအဆင်သင့် ဖြစ်ပါပြီ။


အရိုးပြုတ်ရည်ကို ၂အိုးခွဲလိုက်ပါတယ်။ တစ်အိုးက ဟင်းချိုရည် သောက်ဖို့။ တစ်အိုးက ကြာဆံထည့်ဖျောဖို့ပါ။ ကြာဆံဖျောပြီးရင် ဟင်းရည်က နောက်ပြီး ဖြူကုန်လို့ ဟင်းချိုအနေနဲ့ သောက်မကောင်းတော့ပါဘူး။
ကြာဆံ၊ အသားလုံးတွေနဲ့ မုန်ညင်းရွက်တွေကို ၀က်ရိုးပြုတ်ရည်ပူပူထဲ နှစ်ပါတယ်။


အပေါ်က ကြက်သွန်ဖြူဆီချက်၊ ၀က်ကလီစာပြုတ်၊ ငုံးဥ၊ ကြက်သွန်မြိတ်၊ဆား၊ငရုပ်ကောင်း၊ပဲငံပြာရည် အချိုရည် လိုအပ်တာတွေ ထည့် ပွဲပြင်ပြီး သွားပို့ဖို့အဆင်သင့်ဖြစ်ပါပြီ။


အချဉ်အနေနဲ့ Sin Sin တံဆိတ် extra hot ကို မန်ကျည်းရေလေး အနည်းငယ်ရောပြီး စားပါတယ်။
ချက်ပြီးမောသွားတော့ အများကြီးမစားနိူင်တော့ဘူး။ တစ်ယောက်စာနဲနဲလေး လုပ်စားတာကို ဓာတ်ပုံရိုက်ထားတာ။ စားကြပါဦးရှင်။


ကြေးအိုး အရေဖျော်ကလဲ အကုန်အတူတူပါပဲ။ ကြေးအိုးဆီချက်ကို ဆီချက်တွေ မဆမ်းပဲနဲ့  သတ်သတ်ခွဲတည်ထားတဲ့  ဟင်းချိုရည်အိုးထဲက ဟင်းချိုတွေ ထည့်စားရင် ကြေးအိုး အရေသောက်ရပါပြီ။

စွန်လွှတ်ခြင်း

ပြီးခဲ့တဲ့အပတ်က ဂျူဂျူတို့ သားအဖ စွန်လွှတ်ကြပါတယ်။ ဂျူရောင်းပွိုင့်နားက Park ထဲအလည်ရောက်ရင်း စွန်တွေလွှတ်တာ တွေ့နေတာနဲ့ ဂျူဂျူက ပူဆာတော့တာပဲ။ မိုးပေါ်မှာ စွန်တွေ အကောင်ပေါင်းစုံ။ ရေဘ၀ဲပုံ၊ လိပ်ပြာပုံ၊ ငါးပုံ၊ စွန်ပုံ အစရှိသဖြင့် ကြည့်ရတာ အလွန်လှပါတယ်။

ဒါနဲ့ စွန်တွေဘယ်က၀ယ်ရလဲ စုံစမ်းပြီးတော့ Gek Poh Shopping Centre မှာ သွားဝယ်ကြပါတယ်။ အရုပ်ပုံလှလှပါတဲ့ အကောင်ကြီးတွေက ၁၂ကျပ်။ ရိုးရိုးစွန်တွေက ၄ကျပ်ခွဲ ။ ၅ကျပ်လောက်ပဲရှိပါတယ်။ ရစ်ဘီးနဲ့ ကြိုးက ၃ကျပ်တန်ကနေ ၆ကျပ်တန် အမျိုးမျိုးပါပဲ။ ကိုယ်တွေလဲ တစ်ခါမှ မလွှတ်ဘူးတော့ တက်မှန်းမသိ မတက်မှန်းမသိ အကာင်ကြီးတွေ မ၀ယ်ရဲပါဘူး။ စမ်းလွှတ်ရအောင်ဆို ရစ်ဘီးတစ်ခုရယ် ရိုးရိုး အရောင်စုံ စွန်လေးတစ်ကောင်ပဲ ၀ယ်ခဲ့ပါတယ်။ နာမည်က Rainbow တဲ့။

သားအဖ၂ယောက် ပန်းခြံထဲမှာ စွန်လွှတ်ဖို့ ချီအတက်။




Park ထဲရောက်တော့ ညနေ၅နာရီလောက်။ လေကမတိုက်တော့ စွန်လွှတ်တဲ့သူတွေ သိပ်မရှိသေးပါဘူး။ ဘေးက စက်ဘီးနဲ့ သားအဖ၂ယောက်ကတော့ လွှတ်နေတာ လေကမတိုက်တော့ အပေါ်ရောက်လိုက် ပြုတ်ကျလိုက်ပဲ။ စွန်ကသစ်ပင်ပေါ်တင်သွားလို့ အဖေလုပ်သူက သစ်ပင်ပေါ် ထန်းတက်သမားတက်နည်းတက်ပြီး ယူနေလို့ ရယ်နေရသေးတယ်။ အနောက်က သစ်ပင်လေးမှာ ငြိနေတာပါ။




မဂျူဂျူက စွန်ကို လွှတ်ပေးပါတယ်ချင်ဗျ။




စွန်နဲ့အတူ မဂျူဂျူပါ ပျံတက်တော့မယ့်အလား။


ဂျူဂျူ့ အဖေဟာ ခလေးဘ၀က တစ်ခါမှ စွန်လွှတ်ဘူးသူ မဟုတ်ပါဘူး။ သူ့သမီးအလှည့်ကျမှ သမီးအလိုကျ လွှတ်ပေးရတာပါ။ လေကငြိမ်နေတော့ သူဘယ်လိုကြိုးစားပေမဲ့ စွန်က အပေါ်ရောက်ပြီးမှ အောက်ပြုတ်ပြုတ်ကျတာ ၁၀ခါလောက်ရှိနေပါပြီ။ ကိုယ်ကတော့ စိတ်လျော့ပြီး ပြန်မလို့ဟာ။ ဂျူဂျူ့ အဖေ ကတော့ ယောကျားတို့ လုံ့လ သေခါမှ လျော့မယ်ဆိုလား ကြိုးစားရင်းနဲ့ လေနဲနဲ တိုက်လာတဲ့ အခါ စွန်လဲ အပေါ်တက်သွားပါတယ်။ စိတ်လျော့ပြီး ဘေးကတောတွေထဲ ပန်းတွေ လိုက်ရှာနေတဲ့ သားအမိ ပျော်လွန်းလို့ လက်ခုတ်လက်ဝါးတီးကြပါတယ်။ စွန်လွှတ်တဲ့သူတွေထဲ ဂျူဂျူတို့အဖေက ပထမဆုံး စတက်တာပါ။


သားအဖ၂ယောက် စွန်လွှတ်ရင်း ဂိုက်ပေးကြမ်းနေပုံတွေပါ။




စွန်ဆိုတာ အပေါ်အမြင့်မရောက်ခင်သာ ကြိုးစားပန်းစားလွှတ်ရတာ ။ အပေါ်အမြင့်တစ်နေရာက လေထုဖိအားကို ကျော်တာနဲ့ သူ့အလိုလိုသူ တက်တော့တာပါပဲ။ ရစ်လုံးကြိုးလေး ထိန်းကိုင်ထားရုံပါပဲ။


ညနေ၆နာရီခွဲလောက်ရှိပါပြီ။ လေစတိုက်လာပြီမှို့ စွန်လွှတ်တဲ့သူတွေ စွန်ရောင်စုံတွေ ကိုင်ပြီး အစီအရီ ရောက်လာပြီး လွှတ်ကြပါပြီ။ ပျားပုံလေးလွှတ်တဲ့ အမျိုးသမီးက တစ်ခါထဲနဲ့ကို တက်သွားပါတယ်။

>


စွန်ရုပ်နဲ့ ပုံကတော့ မသိတဲ့သူဆို တကယ့် သက်ရှိစွန် လေထဲမှာ ၀ဲနေဘိအလားပါပဲ။



လှိုင်းကြီးလှေအောက်တဲ့ ... စွန်ကြီး မြေကြီးရောက်တော့ ...



ညနေ နေ၀င်ခါနီးတော့ ဂျူဂျူတို့ သားအဖ၂ယောက်ပြန်ကြပြီ။ သူတို့နောက်မှာတော့ ကင်မရာကြီးတကားကားနဲ့ ဒေါ်ဆွိတီပါပါတယ်။ မြင်အောင်ကြည့်ကြပါ။ ဘလော့ဂါရဲ့ ဒုတ်ခတွေ။ ....