အိမ်ရှင်မတို့ အတွက် မြန်ကောင်း သက်သာ နည်းလမ်းကောင်းများ .. (၃)

မြန်ကောင်းသက်သာ နည်းလမ်းလေးတွေ ဆက်ရေးပါဦးမယ်။ တစ်ပတ်လုံး ပျင်းနေတာနဲ့ ခုမှ ဆက်ရေးရတယ်။ နောက်ကျသွားတာ ခွင့်လွှတ်တော်မူကြပါ။

(၅) ဈေးဝယ်တာနဲ့ ပတ်သတ်ပြီးပဲ ဆက်ရေးပါဦးမယ်။

ဈေးဝယ်တဲ့ နေရာမှာ One Stop တစ်နေရာတည်းမှာ၊ ပစ္စည်းတွေ အားလုံးရနိူင်တဲ့ နေရာမှာ တစ်ခါထဲ ၀ယ်ပါ။

ဈေးဝယ်တဲ့အခါမှာ အရင်ကတော့ အားနေတော့ ကြားရက်တွေမှာ သမီးကျောင်းပို့အပြန် နီးတဲ့ စူပါမားကတ်မှာ ကြုံရင်ကြုံသလို ၀ယ်တယ်။ တခြား ဈေးသက်သာတဲ့ ပစ္စည်းလေးတွေရောင်းတဲ့ စူပါမားကတ်မှာလဲ ၀ယ်တယ်။ ဟင်းသီး ဟင်းရွက် သစ်သီးတွေ ပေါတဲ့ နေရာ မှာလဲ ထပ်ဝယ်ပြန်ရော။ နောက် အသား၊ငါးရောင်းတဲ့ နေရာ တစ်ခု ။ နောက် တရုတ်စာ အေရှန်စာတွေ ရောင်းတဲ့နေရာတစ်ခု ... အဲသလို ဈေးသွားရင် ၅နေရာလောက်ပြေးနေရတယ်။ ခုတော့ အဲဒီပစ္စည်းတွေ အကုန် လုံး တစ်စုတည်းရနိူင်တဲ့ စူပါမားကတ်ကြီး တစ်ခုမှာ ကားကို တစ်ခါထဲ park ထားခဲ့ပြီး စူပါမားကတ်တစ်ခုက တွန်းလှည်းတစ်ခုနဲ့ အားလုံးစုဝယ်တော့ ကား parking ရှာရတာလဲ သက်သာတယ်။ ဓာတ်ဆီကုန်တာလဲ သက်သာတဲ့ အပြင် အချိန်ကုန်လဲ သက်သာသွားတယ်။ သမီးကို စနေမနက် ကျောင်းပို့ပြီးတာနဲ့ ဦးခြိ်မ့်နဲ့၂ယောက်သား ဈေးဝယ်ကြတယ်။၊ သူက တွန်းလှည်းတွန်းပေးတော့ ကိုယ်လဲ သက်သာတာပေါ့။

(၆) တစ်ပတ်အတွက် ဈေးစာရင်းကို လဲ သေချာ ပြင်ဆင်ထားပါ။ မီးဖိုချောင်ထဲမှာ ပစ္စည်းလေးတွေ ပြတ်သွားရင် ချက်ချင်းချရေးတဲ့ အကျင့်ကို လုပ်ထားပါ။ ကိုယ်က သတိမေ့တတ်တော့ မမှတ်ထားမိရင် နောက်အပတ် ဟင်းချက်လို့ လိုတာ မရှိရင် ပြသနာတက်ပြီလေ။ Ingredient မစုံရင် မချက်တတ်တဲ့ အကျင့်ကလဲ ရှိနေတော့   မီးဖိုထဲမှာ white board လေးဖြစ်ဖြစ်၊ စာအုပ်လေးနဲ့ ဘောလ်ပင်လေးဖြစ်ဖြစ်၊  ချထားပြီး လိုတာကို ချက်ချင်းချရေးတာ အကောင်းဆုံးပါ။

နောက် ဈေးစာရင်းရေးတာလဲ အချိန်သိပ်မကုန်ပါဘူး။ အလွန်ဆုံး ၅မိနစ် -၁၀မိနစ်လောက်ပါပဲ။အန်တီဆွိကတော့ စနေမနက် သမီးကျောင်းမပို့ခင် ရေခဲသေတ္တာထဲ အသားငါး၊ ဟင်းသီးဟင်းရွက်တွေ စစ်ဆေးပြီး နောက်အပတ်အတွက် ချက်မည့် ဟင်းကို စဉ်းစားပြီး ရေးရတာပါပဲ။ စိတ်ထဲမှာ ကိုယ်စားချင်တာရယ်၊ ကိုယ့်အိမ်ကလူတွေရဲ့ ဆန္ဒရယ် ကောက်ခံပြီး နေ့စဉ်ဟင်းချက်မဲ့ စာရင်းကို ရေး၊ အဲဒီကမှ ၀ယ်ရမဲ့ ပစ္စည်းစာရင်း ထွက်လာတာပဲ။

(၇) ဈေးဝယ်တဲ့အခါ ကိုယ့် အတွက်လွယ်ကူမယ်၊ မြန်မယ်ထင်တဲ့ ပစ္စည်းလေးတွေကို လည်း သေချာစဉ်းစားပြီး ၀ယ်ပါ။ ဥပမာ ကြက်သွန်ဖြူဆိုရင် ဟင်းချက်ခါနီးတိုင်း နွှာရတာ အချိန်သိပ်ကုန်တယ်။ အဲဒါမျိုးကျ တစ်ခါထဲ အခွံချွတ်ပြီးသားတွေ ရောင်းပါတယ်။ ဈေးလဲ သိပ်ကွာလှတာမဟုတ်။ တစ်ကေဂျီ တစ်ဒေါ်လာလောက်ပဲ ပိုပေးရတာနဲ့ ကိုယ့်အတွက် အချိန်တွေ အများကြီး ပိုထွက်လာပါလိမ့်မယ်။ နောက်ပြီး တချို့ Ready made အနှစ်ထုပ်လေးတွေလဲ တစ်ခါတစ်လေ စားလို့ကောင်း ချက်ရတာလဲ လွယ်ကူပါတယ်။ Lemon chicken အနှစ်ထုပ်လေးတွေ၊ ကုန်းဘောင် အနှစ်ထုပ်လေးတွေ ၊ butter chicken အစရှိသဖြင့် brand ကောင်းကောင်းလေးတွေ ၀ယ်ထားရင် အသားလှီး၊ ကြော်ပြီး အနှစ်လေးထည့် Capsicum လို ငရုပ်ပွလေး ၀ယ်ထားရင် တရုတ်စာ ဟင်းတစ်ခွက်က ၅မိနစ်လောက်နဲ့ ချက်နိူင်ပြီး စားလို့လဲ အရသာရှ်ိလှပါတယ်။

(၈)ချက်ပြုတ်တဲ့ အခါလည်း ရုံးကအပြန် ချက်ရမဲ့နေ့တွေမှာ  မြန်ကောင်းသက်သာအောင် ကြိုတင်စီမံထားပါ။

ကြက်သွန်ဖြူ - နီတွေကို  ကြိတ်ပြီး အပေါ်က freezer ထဲထည့်ထားရင် အနှစ်နဲ့ချက်ဖို့ လိုတဲ့ အခါ ယူသုံးရုံပါပဲ။ ခဲနေတာတွေ ပျော်ဖို့အတွက်တော့ မနက်ထဲက အပြင်ထုတ်ဖို့လည်း မမေ့နဲ့ဦး။ အသုပ်တွေအတွက် လွယ်ကူစေဖို့ ပုဇွန်ခြောက်မှုန့်၊ ပဲမှုန့်၊ မြေပဲမှုန့်၊ ငရုပ်သီးလှော်မှုန့်၊ နှမ်းလှော်၊ ဆီချက် အစရှိတာတွေကို ပုလင်းလေးတွေနဲ့ များများ လုပ်ပြီး သိမ်းထားပါ။ ကြားရက် ထမင်းစားမကောင်းတဲ့ အခါ ထမင်းသုပ်ပဲ ဖြစ်ဖြစ်၊ အသုပ်စုံပဲ ဖြစ်ဖြစ် ချဉ်ငံစပ် အသုပ်လေးတွေက တကယ်ကို ခံတွင်း မြိန်စေပါတယ်။

နောက်  ရေခဲသေတ္တာထဲ ထားခံမဲ့ ( freezer ထဲ မဟုတ်ပါ) ဟင်း ၃မျိုးလောက် ပထမ ၃ရက်စာ ကို ကြိုချက်ထားလို့ရပါတယ်။ (freezer အပေါ်ခန်းထဲတော့ ဟင်းတွေ မထည့်ပါဘူး။ တစ်ချို့တွေလဲ ထည့်ကြပါတယ်။ အန်တီဆွိကတော့ ဟင်းချေးများတဲ့ သူဆိုတော့ အပေါ်ခန်းထဲက ရေခဲပြီးထွက်လာတဲ့ ဟင်းက ဘယ်လိုမှ အရသာ မရှိလို့ မစားနိူင်ပါဘူး။ freezer ၀ယ်ထားတာလဲ တစ်ပတ်ပဲ ခံပါတယ်။ ခုတော့ တခြား သမီးစားစရာတွေနဲ့ ပြည့်နေပါပြီ။ ) နောက် ၂ရက်ကတော့ ရုံးပြန်ချက်ဖို့အတွက် အသားငါးလှီးထား နယ်ထားတာတို့ တခြားလိုတာကို ဗူးလေးတွေထဲ လှီးချွတ်ထည့်ထားပြီး အဆင်သင့်ချက်နိုင်အောင်  ကြိုတင် ပြင်ဆင်ထားပါတယ်။ အပေါ်က မြန်ကောင်းသက်သာနည်းတွေသုံးတော့ ဟင်းသုံးခွက်ချက်တာလဲ သိပ်ကို မြန်ပါတယ်။ အန်တီဆွိကတော့ စနေညမှာ လိုတဲ့ အသားငါးတွေ freezer ထဲက အပြင်ထုတ်ထားပါတယ်။ တနင်္ဂနွေ မနက် ၇နာရီဆို စချက်ပါပြီ။ ဦးခြိမ့်ကတော့ ဘေးကနေ အနှစ်ထောင်းပေးတာတို့၊ ကြိတ်ပေးတာတို့ ကူလုပ်ပေးပါတယ်။ ဂတ်စ်မီးဖို ၄ဖိုနဲ့ တပြိုင်တည်းချက်လိုက်တာ မနက် ၉နာရီဆို တစ်ပတ်စာ အားလုံး ချက်ပြုတ်ပြင်ဆင် ရေခဲသေတ္တာထဲ ဗူးတွေနဲ့ အဆင်သင့်ဖြစ်နေပါပြီ။ အားလုံး ၂နာရီပဲ ကြာပါတယ်။

(၉) စနေ၊ တနင်္ဂနွေတွေမှာ အလုပ်သက်သာအောင် တခြား အိမ်သန့်ရှင်းရေးတို့၊ မြက်ရိတ်တာတို့၊ ကားဆေးတာတို့၊ လူမှုရေး အလုပ်တို့ လုပ်နိူင်အောင် အိမ်မှာ ဘာမှ ချက်မစားပဲ မိသားစုလဲ  အပျော်ဖြစ်အောင် အပြင်မှာ စားကြတာ အကောင်းဆုံးပါ.။  တစ်ပတ်လုံး အိမ်ချက်တာတွေ စားရတာ ငြီးလာတော့ သမီးကအစ ဒီ၂ရက်ကိုတော့ အပြင်မှာပဲ စားချင်ကြတာပါ။ ( ဒီနေရာမှာ ဆစ်ဒနီက စင်္ကာပူနဲ့တော့ ဆန့်ကျင်ဖက်ဖြစ်နေပါမယ်။ စင်္ကာပူမှာက ဟော်ကာတွေ food court တွေ ပေါတော့ ကြားရက်ဆို ချက်မစားကြပဲ အပြင်မှာပဲ ၀ယ်စားကြ၊ စနေ တနင်္ဂနွေဆို အိမ်မှာ သေချာ ချက်စားကြတာ။) ဒီမှာတော့ ကြားရက်မှာ ရုံးမှာလဲ ဘယ်သူမှ အပြင်ထွက် မစားကြပါဘူး။ Lunch အတွက် ဖြစ်သလိုပဲ အေရှန်တွေဆိုလဲ ထမင်းချိုင့်လေးတွေ၊ ခေါက်ဆွဲဗူးလေးတွေနဲ့ အဖြူတွေဆိုလဲ sandwich လေးတွေနဲ့ ဖြစ်သလို ပဲ ပြီးလိုက်ကြတာပဲ။

(၁၀) ညစာ- နေ့လည်စာ ပေါင်းချက်ပါ။ ဥပမာ တနင်္လာ ညစာဟာ နောက်နေ့ အင်္ဂါနေ့အတွက် နေ့လည်စာ ထမင်းထုတ် အတူတူပါပဲ။ လင်မယား၂ယောက်လုံး အလုပ်လုပ်တဲ့ မိသားစုမှာ ဘယ်သူုမှ တစ်နေ့ ဟင်း၂မျိူး ချက်စားနိူင်မှာ မဟုတ်ပါဘူး။ မိသားစုတွေ ညနေစာ မစားခင် ညစာ dinner ထဲကပဲ ထမင်းဗူး ၂ဗူးထဲကို ရေခဲသေတ္တာထဲ စီထည့်ပြီး တစ်ခါထဲ နောက်နေ့ အလုပ်သွားဖို့  ညကတည်းက ပြင်ဆင်ထားပါတယ်။ ခလေးကတော့ ကျောင်းမှာ microwave နဲ့ မနွှေးရတော့ မနက်ကျမှ ထပြီး thermal ထမင်းဗူးထဲ နွှေးပြီး ထည့်ပေးရတာပါ။

(၁၁) တစ်မိသားစုလုံး စားတဲ့ ဟင်းမျိး အစားအသောက်မျိုးကို ရွေးချက်ချက်ပါ.။

ခလေးရှိတဲ့ မိသားစုတွေဆို ခလေးတွေက စပ်တဲ့ဟင်းတွေ မျှစ်ချဉ်လို နံတဲ့ဟင်းတွေ spicy ဖြစ်တဲ့ ဟင်းတွေ မစားနိူင်ကြဘူး။ အဲဒီကျ သူတို့အတွက် နောက်ထပ် ဟင်းတစ်ခု ထပ်စီမံရတော့ ဟင်း ၂နပ်စာ ချက်ရသလိုပဲ ပင်ပမ်းကြရောပေ့ါ။ အဲဒီတော့ ခလေးရော လူကြီးရော စားနိူင်မဲ့ ကြိုက်နှစ်သက်မဲ့ အစာလေးတွေ ဥပမာ ၀က်သားမျှစ်ချဉ်ဟင်းခက်မဲ့အစား ၀က်သားအာလူးတို့ ၀က်သားအချိုချက်တို့ဆို ခလေးတွေလဲ ကြိုက်တော့ အတူတူချက်လို့ရတာပေါ့။ အမြဲတမ်းတော့လဲ မဟုတ်ပဲ ကိုယ့်စိတ်ကြိုက် ချဉ်ငံစပ်လေးတွေ လဲ တစ်ပတ် တစ်ခါလောက်တော့ ချက်ကြတာပေါ့။ ဒါ့အပြင် ခလေးတွေကျောင်း ထမင်းချိုင့်အတွက် ထမင်းတွေချည်း ထုတ်ပေးမဲ့အစား Bread Talk လို ဆိုင်ကောင်းကောင်းကနေ ဒီအတိုင်းဘာမှ ထပ်မထည့်ရပဲ ready made ပေါင်မုန့်ကောင်းကောင်းလေးတွေ ၂ခု ၃ခုလောက်  ၀ယ်ထားရင် ပထမ၂ရက်အတွက် ခလေး ထမင်းဗူးအတွက် စဉ်းစားရတာ သက်သာသွားတာပေါ့။

(၁၂) မီးဖိုချောင်မှာ ingredient ထည့်တဲ့ ပုလင်း၊ ဗူးလေးတွေကို အလွယ်တကူ ယူနိူင်အောင် label လေးတွေ တပ်ထားပါ။ ဒါမှ ကိုယ်က ရုံးပြန်ချိန်အရေးတကြီးလိုတဲ့ အခါမှာ လိုက်ရှာမနေရပဲ အလွယ်တကူ ယူလို့ရမှာပါ။ အိမ်မှာတော့ အဲလို ငရုပ်သီးမှုန့်၊ ပုဇွန်ခြောက်၊ နောက် spice မျိုးစုံထည့်ထားတဲ့ ဗူးတွေ၊ အမှုန့်ဗူးတွေက အရမ်းကို များတော့ သေချာကိ်ု နေရာတကျ တူရာတူရာ စုထားရပါတယ်။ တစ်ခါတရံ လိုတာရှာမရတော့ ဟင်းချက်ရတာ မကြာပဲ ingredient ရှာရတာ ပိုကြာတတ်လို့ပါ။

(၁၃) မီးဖိုချောင်မှာ မလိုတော့တဲံ့ ဗူးခွက် အလွတ် အသုံးနဲတဲ့ ပစ္စည်းတွေကိုလဲ  မလွှတ်ပစ်ချင်ရင် ကတ်ထူပုံးတစ် ခုနဲ့ ထုတ်ပြီး စတိုခန်းလို၊ ကားဂိုထောင်လိုမျိုးထဲမှာ ထည့်ထားပါ။ တစ်ခါတစ်လေကျ မီးဖိုချောင်ထဲမှာ မလိုတဲ့ ပစ္စည်းတွေနဲ့ ဖောင်းပွနေပြီး ရှူုပ်နေတော့ စောနကလိုပဲ ပစ္စည်းတစ်ခုရှာရင် အတော်နဲ့ရှာမရလို့ မီးဖိုချောင်ကို ရှင်းနိူင်သမျှရှင်းနေအောင် ရည်ရွယ်တာပါ။ မီးဖိုချောင် ရှင်းရလဲ သက်သာသွားတာပေါ့။

ဒီအပတ်တော့ ဒီလောက်ပါပဲ။ နောက်အပတ်ကျ အ၀တ်တွေ ထိမ်းသိမ်းဖို့နဲ့  အိမ်သန့်ရှင်းရေးအတွက်  မြန်ကောင်းသက်သာလေးတွေ ပြောပြပါဦးမယ်။