ဆစ်ဒနီမှာ အိမ်ဝယ်မယ်ဆိုရင် ... (၂)

ဆစ်ဒနီမှာ အိမ်ဝယ်မယ်ဆိုရင် ... (၁) မှ အဆက်

အိုးပိုင် အိမ်ပိုင် အပိုင်း (၃)

 ၃။ ဘယ်ရပ်ကွက်မှာ ၀ယ်မလဲ။

အိမ်ဝယ်တယ်ဆိုတာ အဆောက်အအုံ (သို့) မြေကြီးကို ၀ယ်တယ်ဆိုတာထက် လမ်းပန်းဆက်သွယ်ရေးနဲ့ လူနေမှုအခြေခံအဆောက်အအုံတွေ (ဥပမာ ဆေးရုံ၊ စူပါမားကတ်၊ ကျောင်း) နဲ့၊ အလုပ်အကိုင်ရှိတဲ့နေရာတွေနဲ့ နီးစပ်မှုကို ၀ယ်တာလို့ ပြောလို့ရပါတယ်။

ဒါကြောင့် တတ်နိုင်သလောက် မြို့ထဲနဲ့ နီးနိုင်သမျှ နီးနီးမှာ ၀ယ်သင့်ပါတယ်။ ကိုယ်က မြိုထဲမှာ အလုပ်လုပ်သွားလုပ်တဲ့သူမဟုတ်ဘူးဆိုရင်တောင် ငွေကြေးတတ်နိုင်ရင် မြို့ထဲနဲ့ နီးတဲ့နေရာမှာပဲ ၀ယ်သင့်ပါတယ်။ ဘာလို့လည်းဆိုတော့ ကိုယ်ပြန်ရောင်းရင် ဈေးကောင်းရ၊ ၀ယ်သူပေါလို့ပါ။ ဥပမာ ဆစ်ဒနီမှာဆိုရင် Sydney CBD နဲ့နီးတာ second city လို့ဆိုတဲ့ Parramatta နဲ့ နီးနိုင်သမျှ နီးတဲ့နေရာမှာ ၀ယ်သင့်ပါတယ်။

ကိုယ်နေ့စဉ်သွားရမယ့် အလုပ်နဲ့ နီးတာ၊ ကလေးကျောင်းနဲ့နီးတာ၊ စူပါမားကတ်နဲ့နီးတာ အစရှိတဲ့အချက်တွေ ထည့်သွင်းစဉ်းစားရမယ်ဆိုတာကတော့ သိသာပေမယ့် တစ်ချို့တွေ ထည့်စဉ်းစားဖို့ သတိမေ့သွားတာ တွေ့ရပါတယ်။

အလုပ်လက်မဲ့များတဲ့ ရပ်ကွက်၊ မှုခင်းများတဲ့ ရပ်ကွက်မျိုးတွေကိုတော့ ဝေးဝေးက ရှောင်သင့်ပါတယ်။ အိမ်ခြေမဲ့ဖြစ်နိုင်မယ့်သူတွေအတွက် Department of Housing က ချပေးထားတဲ့ အိမ်တွေနဲ့ နီးတဲ့နေရာတွေဆိုရင်လည်း လူမကြိုက်ကြပါဘူး။ ပညာတတ်တွေ အနေများတဲ့၊ အလုပ်လက်မဲ့နည်းတဲ့ ရပ်ကွက်တွေဟာ နေလို့ကောင်းပါတယ်။ ပြီးတော့ အဲဒီရပ်ကွက်မှာ ကိုယ်နဲ့ သဟဇာတဖြစ်မယ့် လူမျိုးစုတွေနေတဲ့ ရပ်ကွက်မျိုးဖြစ်ဖို့ လည်းလိုပါတယ်။ အလွယ်နည်းကတော့ အဲဒီရပ်ကွက်မှာ ဘယ်လိုသူမျိုးတွေ အနေများသလဲဆိုတာ သိချင်ရင် အဲဒီရပ်ကွက်နဲ့နီးတဲ့ ဈေးဆိုင်တန်းတွေ၊ စူပါမားကတ်မှာ တပတ်လောက် လမ်းလျှောက်ပတ်ကြည့်လိုက်ရင် အကြမ်းဖျင်း သိသာပါတယ်။ အဲဒီရပ်ကွက်မှာ နေတဲ့သူငယ်ချင်းတွေကလည်း အများကြီး ပြောပြပေးနိုင်ပါတယ်။

အဲဒီလို ရပ်ကွက်နဲ့ ပတ်သက်တဲ့ သိစရာအချက်အလက်တွေက များတော့ ကိုယ်စိတ်ဝင်စားပြီး ကိုယ်တတ်နိုင်တဲ့ ရပ်ကွက်တစ်ခု၊ နှစ်ခုကို ဆန်ကာစစ်ရွေးပြီး အဲဒီရပ်ကွက်အကြောင်းကို အသေးစိတ်လေ့လာသင့်ပါတယ်၊ အဲဒီရပ်ကွက်မှာပဲ အိမ်ကို ပိုက်စိတ်တိုက် ရှာသင့်ပါတယ်။ အိမ်ရှာရင် တစ်ပတ်ကို တစ်ရပ်ကွက်စီ လျှောက်သွားကြည့်မယ်ဆိုရင် ကိုယ်ဝယ်မယ့်ရပ်ကွက်အကြောင်းမှ ဂဂနန မသိပဲ ၀ယ်ရတာ အန္တရာယ်များပါတယ်။

ရင်းနှီးမြှပ်နှုံမှု ရှုထောင့်ကဆိုရင်လည်း အပေါ်မှာ ပြောခဲ့တဲ့ အချက်တွေနဲ့ကောင်းမွန်တဲ့ ရပ်ကွက်က အိမ်တွေဟာ ရေရှည်မှာ ရွှေပါပဲ။ ဒါကြောင့် အိမ်ခြံမြေ၀ယ်ရင် အရေးကြီးတာ သုံးခုရှိတယ်လို့ ဆိုပါတယ်။ ပထမအချက်က location ၊ ဒုတိယအချက်က location ၊ တတိကအချက်ကလည်း location ပါပဲတဲ့။ "အိမ်ခြံမြေ၀ယ်ရင် ရှုံးတယ်၊ မြတ်တယ်ဆိုတာ ရောင်းတဲ့အချိန်က အဓိကမဟုတ်ပဲ၊ ၀ယ်တဲ့အချိန်မှာကတည်းကိုက စကားပြောသွားတာ" လို့ ဆိုပါတယ်။ ဈေးပေါတာကို လိုက်ရှာမယ်ဆိုတာထက် value ပါတာကို လိုက်ရှာမယ်ဆိုတဲ့ လမ်းကြောင်းလေး ထားသင့်ပါတယ်။ ဘာလို့လည်းဆိုတော့ ဈေးပေါတယ်ဆိုတာ အကြောင်းရှိလို့ ဈေးပေါတာပါ၊ ၀ယ်မိရင် ဈေးလည်းမတက်၊ ပြန်လည်း ရောင်းမထွက်နဲ့ ပိတ်မိတတ်ပါတယ်။ အိမ်ကောင်းဆိုရင် ဘယ်တော့မှ ဈေးမပေါပါဘူး။ ဒီနေ့ဈေးမတက်ရင် နောက်တစ်ချိန် ကျိန်းသေပေါက် ဈေးတက်ပါတယ်။ ပြန်ရောင်းရင်လည်း အချိန်မရွေး ဈေးကောင်းနဲ့ ရောင်းထွက်ပါတယ်။




အိုးပိုင် အိမ်ပိုင် - အပိုင်း (၄)

၎။ အိမ်ကြွေး ပြန်ဆပ်နိုင်ဖို့ ဘယ်အချက်တွေ ထည့်သွင်းစဉ်းစားရမလဲ။

ကိုယ့်အိုးကိုယ့်အိမ်လေးနဲ့ အိမ်ပိုင်ရှင်မျက်နှာ မကြည့်ရပဲ အိမ်မှာ ကိုယ်အလှဆင်ချင်သလိုဆင်၊ သံရိုက်ချင်သလိုရိုက်၊ ကိုယ်သုတ်ချင်တဲ့အရောင်လေး သုတ်၊ ကိုယ်ခုတ်ချင်တဲ့အပင်ခုတ်၊ ကိုယ်စိုက်ချင်တဲ့အပင်စိုက်ပြီးနေရတာ ဘ၀မှာ ပျော်ရွင်ဖွယ်ပါပဲ။ ဒါလေးတွေဖြစ်ဖို့အတွက် အိမ်ကြွေးလေးတော့ မှန်မှန်ဆပ်နိုင်ဖို့ လိုပါတယ်။ အိမ်ကြွေးပြန်မဆပ်နိုင်လို့ ညအိမ်မပျော်ဘူးဆိုရင်တော့ ဘ၀လေးက သာယာနိုင်တော့မယ် မထင်ဘူး။ အော်စီမှာ အိမ်ဝယ်ရတာ လွယ်ပါတယ်၊ အိမ်ပိုင်ဖို့သာ ခက်တာ။ ဘာလို့လဲဆိုတော့ အိမ်ဝယ်ထားပြီး အကြွေးမကျေမချင်း တကယ်တမ်းက ဘဏ်က ပိုင်တာကိုး။ ပုံမှန်အကြွေးမဆပ်နိုင်တာနဲ့ ဘဏ်က အိမ်သိမ်းပြီး လေလံတင်ရောင်းပစ်မှာကိုး။

များသောအားဖြင့် ကိုယ်ဝင်ငွေပေါ်မှာတွက်ပေးတဲ့ ဘဏ်ကအများဆုံးထုတ်ချေးမယ်ဆိုတဲ့ ပမာဏဟာ ကိုယ်တကယ် အများဆုံး ထုတ်ချေးနိုင် (ပြန်ဆပ်)တဲ့ ပမာဏ မဟုတ်ပါဘူး။ အသိတစ်ယောက်ဆိုရင် သူတို့ကို ဘဏ်က ၁၀ သိန်းတောင် အများဆုံးထုတ်ချေးပေးနိုင်တာ၊ သူတို့က သူတို့အခြေအနေနဲ့ ၃ သိန်းပဲ ချေးပါတယ်။ ဘဏ်ကတော့ များများချေးလေ၊ အတိုးများများရလေ၊ ပိုကြိုက်လေပေါ့။ ဒါပေမယ့် ဘဏ်က ၀င်ငွေပမာဏတစ်ခုထဲပေါ်မှာပဲ တွက်တာ။ ကျန်တဲ့ အရေးကြီးတဲ့ အချက်အလက်တွေအများကြီးကို ကိုယ်ဘာသာကိုယ် ချင့်ချိန်ပြီး ကိုယ်တကယ် ဘယ်လောက် ချေးသင့်သလဲဆိုတာ စဉ်းစားရပါတယ်။

ရယ်စရာလေး ဖြတ်ပြောရရင် ... အိမ်ဝယ်ရတာ တကယ် စဉ်းစားစရာ များပါတယ်။ ထောင့်ကိုစုံနေအောင် ချင့်ချိန်ရပါတယ်။ မိန်းမယူတာထက်တောင် ပိုပြီး စဉ်းစားရသေး။ မောင်ကန်ဂရူး မိန်းမယူတုန်းကတော့ ချစ်လို့ပဲ ယူထားတာ။ အဲလောက် မစဉ်းစားခဲ့ဘူး။ ခစ်ခစ် ... ချစ်တာ တစ်ခုပဲ သိတယ်။ အလဲ့ ... ကဗျာဆန်သား ... ပြည်ထဲရေး ၀န်ကြီးကလည်း အဲလိုပြောမှ ကြိုက်တာ ... ဟီးဟီး ... တစ်ခန်းရပ် ၀င်ပေါတာပါ။ ပြန်ဆက်ရအောင် ....

ဘဏ်က အရင်နှစ်တွေရဲ့ ၀င်ငွေကိုပဲ ကြည့်တာ ဖြစ်လို့ ရှေ့နှစ်တွေမှာ ကိယ့်အလုပ်အကိုင် တည်မြဲမှု၊ ရှေ့ဝင်ငွေ အလားအလာကို တွက်ချက်ရပါမယ်။

အိမ်ထောင်ရှိတဲ့သူတွေဆိုရင် ကိုယ့်မိသားစု စီမံကိန်းအတွက် ဥပမာ ကလေးယူမယ်ဆိုရင် ၀င်ငွေ၊ ထွက်ငွေ ဘယ်လိုဖြစ်မလဲ ဆိုတာ ချိန်ကြည့်ရပါမယ်။ ကိုယ့်အတွက် ရှေ့ဆက် ပညာသင် ကုန်ကျစရိတ် (ဥပမာ ဘွဲ့လွန်တက်ဖို့)၊ ကလေးတွေ ကျောင်းတက်တဲ့အရွယ်ရောက်ရင် ကုန်ကျစရိတ်၊ တက္ကသိုလ်သွားရင် ကုန်ကျစရိတ် အစရှိတာတွေကိုလည်း မေ့လို့မရပါဘူး။ အိမ်ဝယ်လိုက်လို့ ပညာရေးတွေ၊ တက်လမ်းတွေ အကုန်ပိတ်ကုန်တယ်ဆိုတာလည်း မဖြစ်သင့်ပါဘူး။

အရေးပေါ်အခြေအနေတွေ (ဥပမာ နာမကျန်းဖြစ်တာ၊ အလုပ်ပြုတ်တာ) တွေအတွက်လည်း အစီအမံတွေ ရှိသင့်ပါတယ်။ မရှိသေးရင်လည်း ရှိအောင် လုပ်ထားသင့်ပါတယ်။ များသောအားဖြင့် အနည်းဆုံး ခြောက်လစာလောက် ပြန်ဆပ်ငွေကို အရန်ထားထားမယ်ဆိုရင် လုံလောက်တယ်လို့ ယူဆကြပါတယ်။

အနည်းဆုံးပြန်ဆပ်ငွေအတိုင်း (အပို ထပ်မဆပ်ပဲ) နဲ့ နှစ် ၃၀ ပြန်ဆပ်သွားမယ်ဆိုရင် နှစ် ၃၀ စာအတိုးက ကိုယ်ချေးငွေလောက် နီးနီး ထပ်ပေးရပါတယ်။ ဥပမာ ၄ သိန်းချေးရင် အတိုးက နောက်ထပ် ၄ သိန်းလောက် ပြန်ဆပ်ရပါတယ်။ ဒါကြောင့် လက်ရှိအတိုးနှုန်း (၆.၄%) နဲ့ ဆပ်နိုင်တယ်ဆိုပေမယ့် အတိုးနှုန်းအဆမတန်တက်သွားရင်ရော ဆပ်နိုင်မလားဆိုတာလည်း တွက်ထားကြည့်ရပါမယ်။ လက်ရှိအတိုးနှုန်းထက် +၂% +၃% လောက် ပေါင်းပြီးတွက်ကြည့်မယ်ဆိုရင် လုံလောက်ပါတယ်။

 
ဆက်ပါဦးမည်။
(Credit to Ko Kangraoo and MMCP)