ဂျူဂျူလေး အကြိုက် Pancake

  ဒီအပတ်တော့ pan cake လုပ်နည်းလေး ပြောပြပါ့မယ်။ ခလေးအမေတစ်ယောက်ကလည်း တောင်းဆိုထားလို့ပါ။

ပန်ကိတ်လုပ်ဖို့ လိုတဲ့ ingredient တွေက

(ပန်ကိတ် ၈ခုစာလောက်ပါ)

၁။ ဂျုံမှုန့် 500 ml (ပလပ်စတစ် ဆန်ချင်ခွက် ၃ခွက်ခန့်)

၂။ နွားနိူ့  400 ml (ပလပ်စတစ် ဆန်ချင်ခွက် ၂ခွက်ခွဲခန့်)

၃။ ကြက်ဥ ၂လုံး

၄။ ဆော်ဒါ  လက်ဖက်ရည်ဇွန်း ၂ဇွန်း ( Bicarbonate soda)

၅။ ထောပတ် (ပျော်ပြီးသား)  စားပွဲဇွန်း ၃ဇွန်းခန့် (မုန့်ဖျော်ရန်) ၊ ထောပတ် စားပွဲဇွန်း ၁၆ဇွန်းခန့် (မုန့်လုပ်ရန်)

၆။ သကြား 80ml (ပလပ်စတစ် ဆန်ချင်ခွက် တစ်ဝက်ခန့်)

ဒီဂျုံမှုန့်ကတော့ ဆိုဒါပါပြီးသားမှို့ ဆိုဒါထပ်ထည့်စရာမလိုတဲ့ အစားမျိုးပါ။

 

Baking soda

 

မုန့်နှစ် မွှေပြီ ....

ပထမဆုံး မုန့်နှစ်ဖျော်ဖို့  ဇောက်နက်နက် ခွက်ထဲမှာ ဂျုံ၊ ဆော်ဒါ နဲ့ သကြားကို အရင် ရောနယ်ထားပါ။

ပြီးတောမှ နွားနိူ့ထည့်ပြီး မွှေပေးပါ။ ကြက်ဥပါထည့်ပြီး အားလုံး နှံ့နေအောင် ကြက်ဥခေါက်တဲ့ ဇွန်းနဲ့ နာနာမွှေပေးပါ။ လက်နဲ့ ဆိုရင်တော့ တော်တော်မွှေရပါမယ်။ (လက်နဲ့ မွှေမယ်ဆိုရင်တော့ အချိုးအစားနဲနဲသာ လုပ်ပါ)

(သို့)

အိမ်မှာ mixer ရှိရင် mixer နဲ့ ၃မိနစ်လောက် မွှေပေးပါ။

ပန်ကိတ် လုပ်ပြီ ....

 အားလုံ ရောသမမွှေပြီး သကာလ ...  ပန်ကိတ်ကြော်ရန် မုန့်နှစ်ရပါပြီခင်ညာ။ တစ်ခါထဲ မစားချင်ရင်ပလပ်စတစ်ဗူးလေးနဲ့နောက်နေ့တွေအတွက်ပါ ရေခဲသေတ္တာထဲ သိမ်းထားလို့ရပါတယ်။ ၂ရက် ၃ရက်တော့ ခံပါတယ်။

မီးကို အအေးဆုံးထားပါ။ ဒယ်အိုးထဲ ထောပတ်အရည် စားပွဲဇွန်း နှစ်ဇွန်းခန့်ထည့် မုန့့်နှစ် တစ်ဇွန်းခန့်ထည့်ပြီး မုန့်နှစ်တွေကို အဝိုင်းပုံလေးဖြစ်အောင် ဒယ်အိုးကို စောင်းပြီး လှည့်ပေးပါ။

 ပြီးတော့ အဖုံလေး အုပ်ထားပါ။
 

ခဏနေရင် ဆော်ဒါကြောင့် မုန့်ကပွပြီး အပေါက် အပေါက်လေးတွေ ဖြစ်လာပါလိမ့်မယ်။ မုန့်လုပ်ရတာ ငယ်ငယ်က မြေကြီးပုံထဲ ရေလောင်းချပြီး ကစားသလိုပဲ ပျော်စရာကောင်းပါတယ်။

အဲ

မုန့်က သကြားပါတော့ အောက်ပိုင်းက တူးလွယ်ပါတယ်။ ဒါကြောင့် မီးအအေးဆုံးနဲ့ တည်ခိုင်းတာပါ။ အောက်ကမတူးခင် အရောင်အနဲငယ်ညိုလာရင် ဇွန်းအပြား ခပ်ကြီးကြီးနဲ့ အပေါ်အောက် လှန်ပေးပါ။

၂ဖက်လုံး အရောင်လေး ညိုလာရင် ချလို့ရပါပြီ။

စားတော့မယ်၊ ဝါးတော့မယ် ...

ပန်ကိတ်က အရမ်းကြီးတော့ မချိုဘူးခင်ည။ အိမ်မှာတော့ ထန်းလျှက်ရည်လို maple syrup နဲ့ ဆမ်းပြီးစားကြတယ်။ ချိုတော့ ဂျူဂျူတို့ အကြိုက် ပေါ့ဂျာ။

 မုန့်က ဘိန်းမုန့်လေးလိုပဲ ကျွပ်ကျွပ် ပွပွ ချိုချိုလေး စားလို့ အင်မတန်ကောင်းပါတယ်။ ဘိန်းမုန့်အလွမ်းပြေပေါ့။