Wednesday, February 29, 2012

အန်တီဆွိရဲ့ အိမ်ရှင်မဘ၀ တစ်နေ့စာ အလွဲများ

 ငါ့အသားစ ဘယ်ရောက်သွားသလဲ ....း)

အရင်စင်္ကာပူမှာနေတုံးက NTUC က ဓားတွေ ပလိုမိုးရှင်းပေးလို့ ဦးခြိမ့်တို့ မောင်နှမ၂ယောက် အလုအယက်ဝယ်ကြတဲ့ အကြောင်းတစ်ခါရေးဖူးသေးတယ်။ ဒီရောက်တော့ အိမ်ရှင်မအသစ်က အဲ့ဓားသစ်တွေ အကုန်ထုတ်သုံးပလိုက်တယ်။ အဟက် ... ဘယ်ရမလဲ။ အစွမ်းကုန်ပညာ ပြတော့မယ်ပေါ့။

ဓားတွေက နာမည်သာကြီးတာ၊ လှီးလို့ ချွတ်လို့ တော့ ဒီလောက်မကောင်းလှဘူးရယ်။ ဓားတွေက ထူတော့ ကြက်သွန်လို ပါးပါးလှီးချင်ပြီဆို ဘယ်လိုမှ လှီးလို့မရဘူး။ ဒီတော့ စလုံးကပဲ ပါလာတဲ့ ဓားပါးပါး အဟောင်းလေးနဲ့ပဲ လှီးချွတ်နေရတယ်။ အဲ့ဓားလေးကလဲ လှီးပါများလို့ အလယ်မှာတောင်ခွက်လို့။ ဦးခြိ်မ့်ကတော့ သူတို့ ပျဉ်းမနားအိမ်က ဓားတွေဆို ဒီ့ထက်တောင်ဆိုးသေးလို့ အားပေးတယ်။ တစ်ခါတစ်ခါ အဲ့ဓားအလယ်က အသားတွေ ဘယ်စားသွားလဲလို့ တွေးရင် အူယားသေးတယ်။ တို့ဗိုက်ထဲတွေများ ရောက်ကုန်လားပေါ့။ အလယ်ကခွက်နေတော့ သူကလဲ မရှိလို့သာသုံးရ၊ လှီးလို့ သိပ်ကောင်းတယ် မဟုတ်လှဘူး။

ဟိုနေ့ကတော့ ဒီက ဂျက်စကိုဆိုတဲ့ တရုတ်ပစ္စည်း တိုလီမိုလီလေးတွေ ရောင်းတဲ့ဆိုင်မှာ ဓားပါးပါးလေးတစ်ချောင်း ရှာဖွေတွေ့ရှိခဲ့တယ်။ ဘရန်းက ကီဝီတဲ့။ သစ်သားလက်ကိုင်လေးနဲ့။ ပါးပါး ပြားပြားလေး။ တော်တော်လှီးလို့ကောင်းမဲ့ဓားပေါ့။ အန်တီဆွိ အဲ့ဓားလေးရလာတော့ သိပ်သဘောကျတာ။ ဦးခြိ်မ့်ကို ခဏခဏကိုပြောနေတာ။ ဓားလေးကောင်းချက် ယောက်ျားရယ်တဲ့။ လှီးလို့ သိပ်ကောင်းတာပဲ တဲ့။ ထက်လဲ အရမ်းထက်တယ်တဲ့။ အဲနေ့က ဘာရယ်မဟုတ် ဂျက်စကိုမှာ လျှောက်ကြည့်ရင်း ရခဲ့တာတဲ့။ အော်ဇီ တစ်မြို့လုံးပတ်ရှာတောင် ဒီလို ပါးတဲ့၊ ထက်တဲ့ဓားမျိုး ဘယ်မှာမှ မရနိူင်ဘူးတဲ့ ... စုံလို့ပဲ။ ဓားချီးကျူးခန်းဖွင့်နေတာလေ။

 *******************************************************************

အန်တီဆွိ  တစ်ယောက် စလုံးမှာနေတုံးက ရှမ်းခေါက်ဆွဲချက်တာ နာမည်ကြီး။ အိမ်မှာ တစ်ခုခုချက်လို့ ဖိတ်ကျွေးပြီဆို ဦးခြိ်မ့် သူငယ်ချင်းတွေက ရှမ်းခေါက်ဆွဲပဲချက်ပါဆို ပွဲတောင်းကြတယ်။ ဒီရောက်တော့ ရောက်ကတည်းက တစ်ခါမှ မချက်စားဖြစ်ဘူး။ ရှမ်းခေါက်ဆွဲက လုပ်ရတာ အမယ်များတာရော။ ၂ယောက်တည်း လုပ်စားရမှာ ပျင်းတာရော။ ဒါနဲ့ ဟိုနေ့က ပဲပင်ပေါက်လေးတွေ လတ်လတ်ဆတ်ဆတ်လေးတွေတွေ့တာနဲ့ ဆီတို့ဟူးလေး ၀ယ်ပြီး ရှမ်းခေါက်ဆွဲချက်စားဦးမယ်ဆို စိတ်ကူးရတယ်။ မြန်မာဆိုင်ကလဲ ပဲပုပ်ပြားလေးတွေ ၀ယ်ထားသေးတာကိုး။

အိမ်ရောက်တော့ ကြက်သားရင်ပုံသားလေးတွေကို ကီဝီဓား ပါးပါးလေးနဲ့ ဇတ် ... ဇတ် ဆို လှီးနေတယ်။ လှီးနေရင်းနဲ့ စိတ်က ကြက်သားဆီမရောက်။ ဟိုရောက်ဒီရောက်နဲ့ ရုတ်တရက် ကြက်သားကိုင်ထားတဲ့ လက်ညှိုးလေးက ပူကနဲ၊ စူးကနဲ နာသွားတယ်။ ဟမ်မလေး ဓားပြတ်ပဟဆို .. ကြည့်လိုက်တာ လက်ညှိုး ဘေးသားတစ်ခုလုံးကို လှီးချပလိုက်တာဗျား။

 အန်တီဆွိ မီးဖိုချောင်မှာ ထိခိုက်ရှနာ အင်မတန်ဖြစ်ခဲပါတယ်။ အရင်ကဓားတွေ တုံးတာထူတာလဲ ပါမှာပေါ့။ ခုဓားက ထက်မှန်းသိတော့ အမြဲသတိထားလှီးပါတယ်။ ဒီနေ့တော့ မတော်တဆ ထိသွားပြီပေါ့။ ဘယ်တတ်နိူင်မလဲ။ အရင်ထိဘူးတာတွေက ဓားက ရှရုံရှတာမျိုး။ ရှတဲ့နေရာကို လက်ကလေးနဲ့ အသာဖိထားလိုက်။ ခဏနေတော့ သွေးတိတ်သွားရော။ ခုတော့ ကီဝီဓားကောင်းချက်။ ရှရုံမက လက်ညှိုးစွန်းတစ်ခုလုံးပါ လှီးချလိုက်တာဆိုတော့ သွေးက မတိတ်တော့ဘူး။ ဘေးက ကမန်းကတမ်း တွေ့တဲ့တစ်ရှူးနဲ့ လက်တွေကိုသုတ်၊ တစ်ရှူးလေးအောက်ကခံ လက်နဲ့ အကြာကြီးဖိထားပေမဲ့ သွေးကတော့ တော်တော်နဲ့ တိတ်မဲ့ပုံမပေါ်ဘူး။ အဲလို အနာကပွင့်နေရင် သွေးတိတ်အောင် ဘယ်လိုလုပ်ကြလဲဆို စဉ်းစား။ လက်ဖျံကိုလှီး ကိုယ့်ကိုယ်ကို သတ်သေသူတွေက သွေးထွက်လွန်ပြီး သေကြတာဆိုတာကို စဉ်းစား ...

ဟမ်မလေး သွေးထွက်လွန်ပြီးများ သေမလား ကိုယ့်ကိုယ်ကို စိတ်ပူနေသေး။ ဆေးခန်းပဲ သွားရမလား။  triple zero ပဲခေါ်ရမလား တွေး။ ဦးခြိ်မ့်ကို ဖုန်းဆက်မယ်လုပ်တော့ အလကား စိတ်ပူနေပါမယ်လေဆို ကိုယ့်ဟာကိုယ်ပဲ ဆေးသတ္တာထဲက ဂွမ်းတွေထုတ် ပွင့်နေတဲ့ အနာကို ဂွမ်းနဲ့ဖိ၊ အရေးထဲ ပလပ်စတာ အရှည်က ရှာမရတာနဲ့ တိတ်လေးနဲ့ ငုံပြီးပတ်ထားလိုက်တယ်။ သွေးထွက်လာရင်လဲ အသိသာကြီး အပြင်ကို စီးထွက်လာမှာပေါ့။ အဲလောက်ထွက်ရုံတော့ သွေးထွက်လွန် မသေလောက်ပါဘူးဆို။
ဘလော့ဂါ ပီပီသသ မှတ်တမ်းတင်
 ခပ်ပေပေပဲ၊ လက်ညှိုးလေးထောင်ပြီး ကြက်သားဆက်လှီး။ ချက်ရပြုတ်ရမှာတွေ ဆက်လုပ်တယ်။ ကြက်သားကို ဆီသတ် ခရမ်းချဉ်သီးနဲ့ ချက်တယ်။ ကြက်သွန်ဖြူပါးပါးလှီး ဆီချက်ချက်တယ်။ ၀က်ရိုးပြုတ်တယ်။ ဆီတို့ဟူး အရည်ဖျော် ဆီသတ်တယ်။ ပဲပင်ပေါက် ရေနွေးဖျောတယ်။ ရှမ်းခေါက်ဆွဲဖတ် ရေစိမ်တယ်။ တို့ဟူးပျော့ပျော့လေးကြိုထားတယ်။ မုန်ညင်းချဉ် ပါးပါးလှီတယ်။ ငရုပ်သီးမှုန့်ကို ဆီနဲ့ ပြန်ကြော်တယ်။ ကြက်သွန်မြိတ်၊ နံနံတွေကို ပါးပါးလှီးတယ်။ နှမ်းလှော်ဗူးနဲ့ မြေပဲခွဲခြမ်းဗူးတွေကို အဆင်သင့်ချထားတယ်။

လက်ကတော့ နာလဲနာ၊ တိတ်ကလဲ ပတ်ထားဆိုတော့  တော်တော် ကသိကအောက်နိူင်တယ်။ လုပ်လို့ကိုင်လို့ မကောင်းဘူး။ ပန်းကန်တွေဘာတွေဆေးရင် ရေတွေက အနာပတ်ထားတဲ့ ဂွမ်းထဲဝင်ကုန်တယ်။ ဖြည်ကြည့်တော့ အထဲမှာ ပဲကြီးရေတွန့်ကို ဖြစ်လို့။ လက်ညှိုးလေး မြှောက်မြှောက်လုပ်ရတာဆိုတော့ ဒုက္ခတော့ တော်တော်ရောက်တယ်။

****************************************************************************


ညနေကျ ဒီနေ့ရှမ်းခေါက်ဆွဲချက်ထားတယ် ယောက်ျားရေ ... စားတော့မလား ဆို ယောက်ျားကို မျက်နှာလုပ်တယ်။ ရှမ်းခေါက်ဆွဲ ဖတ်တွေကို ၀က်ရိုးပြုတ်ထဲထည့်၊ ပြီးတော့  ပန်းကန်လုံးထဲ ဆယ်ထည့်၊ ကြက်သားဟင်းထည့် ခူးခပ်ပြင်ဆင်ရင်း နေ့ခင်းက ဓားပြတ်တယ်ဆိုတဲ့ အကြောင်းပြော။ ဘာလို့ ပလစတာနဲ့ မကပ်သလဲမေး။ ပြီးတော့ အဲ့ကိစ္စ မေ့မေ့ပျောက်ပျောက်ဖြစ်။ ရှမ်းခေါက်ဆွဲကို ဟင်းချိုပူပူလေးနဲ့ ၂ယောက်သား လွှေးကြတော့တာပဲ။ အန်တီဆွိက diet လုပ်နေလို့ နေ့လည်စာမစားတော့ အတော်ဆာနေပြီလေ။ ( ဂျူဂျူကတော့ ညကျမှ သူ့စိတ်ကြိုက်တစ်ခုခု လုပ်ပေးရမှာ။)
စားနေရင်းနဲ့ ဦးခြိ်မ့်ကပြောတယ်။ ဒီနေ့ချက်တဲ့ ရှမ်းခေါက်ဆွဲက သိပ်ကောင်းတယ်တဲ့.။ အရင်ကချက်ဖူးတာတွေနဲ့ မတူဘူးတဲ့။ ရှမ်းခေါက်ဆွဲ အစစ်ကို စားရသလိုပဲဆို ပြောပြော စားစား။ ၀ိတ်လျှော့နေတယ်ဆိုပြီး နောက်တစ်ပွဲ ထပ်တည့်ပြန်တယ်။ အန်တီဆွိကိုယ်တိုင်လဲ ကိုယ်ချက်တဲ့ ရှမ်းခေါက်ဆွဲ ကိုယ်တိုင်သဘောကျ။ ဟိုးအရင် မန်းလေးဖက်က အိမ်ဆိုင်လေးတွေမှာ စားဖူးတဲ့ ဟင်းချိုပူပူလေးနဲ့ ရှမ်းခေါက်ဆွဲနဲ့ တူသဟဆို တွေးတွေးပြီးစား။ အမှန်က အရင်ချက်တုံးက ဆီတို့ဟူးမပါ။ ခုတော့ ဆီတို့ဟူးထည့်လို့ ကောင်းတာဆို ဦးခြိမ့်ကို ရှင်းပြ။

 အဲဒီရှမ်းခေါက်ဆွဲ ပန်းကန်တွေထဲမှာ အန်တီဆွိ လက်က ပြတ်ကျသွားတဲ့ လက်ညှိုးအပြတ် အသားစလေး ဘယ်သူ့ထဲ ပါသွားလဲ။ ဘယ်သူများ စားမိလဲဆိုတာတော့ လက်ညှိုးလေးတထောင်ထောင်နဲ့ စားနေတဲ့ အန်တီဆွိလဲ တွေးမနေဘူး။ အဲဒီအကြောင်းတော့ ဘယ်သူမှ အတွေးနယ်ချဲ့ မနေကြတော့ဘူးပေါ့။ ။

-----------------------------------------------------------------------------------------------------------
 လက်နှီးစုတ် အလွဲ ...

 အရင်ကတော့ မီးဖိုချောင်မှာ လက်သုတ်ပုဝါတွေ၊ လက်နှီးစုတ်တွေ ညစ်ပတ်ပြီဆို တစ်ထည်ချင်းကို မီးဖိုချောင် ဗေစင်မှာပဲ ဆပ်ပြာမှုန့်လေးစိမ်ပြီး လျှော်လိုက်တယ်။ နောက်များလာလို့ လက်ကလဲ လျှော်ရညှစ်ရ သိပ်မသန်တာနဲ့ လက်နှီးစုတ် အညစ်ကလေးတွေကို ကြွပ်ကြွပ်အိပ်ကလေးနဲ့ စုထားလိုက်တယ်။ များလာရင် အ၀တ်လျှော်စက်နဲ့ပဲ Quick wash လုပ်လိုက်တော့မယ်ဆိုပြီး၊ ကြက်ဥအနှစ်တွေ ဖိတ်လို့သုတ်ထားတဲ့ လက်နှီးစုတ်လဲပါရဲ့။ ဆီတွေသုတ်ထားတဲ့ လက်နှီးစုတ်၊ အာဗန်က အမဲတွေ သုတ်ထားတဲ့ လက်နှီးစုတ်။ အစုံပါပဲ မီးဖိုချောင်ဆိုတော့ ညစ်ပတ်တာပေါ့။ 


ဒီနေ့တော့ လက်နှီးစုတ်အညစ်တွေများပြီ၊ လျှော်တော့မယ်ဆို အ၀တ်လျှော်စက်ကို လက်လေးနှိုက်ပြီး စမ်းကြည့်သေးတယ်။ အရင်လျှော်ထားတဲ့ အ၀တ်တွေအထဲများ ကျန်ရစ်နေမလားဆိုပြီးပေါ့။ ပြီးတော့ လက်နှီးစုတ် ကြွပ်ကြွပ်အိမ်တစ်ခုလုံး အထဲထည့် လက်နှီးစုတ်တွေခါချ။ ဆပ်ပြာမှုန့်ထည့်။ quick wash ဆိုတာလေး နှိပ်ထားလိုက်တယ်။

အ၀တ်လျှော်စက်လည်း သခင်မက တာဝန်ပေးလာတော့လဲး) သူ့တာဝန်သူယူ၊ တ၀ုန်းဝုန်း တရွှီးရွှီး နဲ့ လျှော်တော့တာပဲ။ စာဖတ်နေရင်း အသံတွေ အတိုင်းသား ကြားနေရတယ်။ ခုတစ်လော ဆစ်ဒနီမှာ နွေကုန်ခါနီးမှ နေက တော်တော်ပူတယ်။ ဆိုတော့ကာ လျှော်ပြီးပြီးချင်း နေပူထုတ်လှမ်းမယ်ဆို အသံရပ်တာကို စောင့်နေတာ။ အ၀တ်လျှော်စက်အခန်းက ဘာသံမှမကြား ငြိမ်သွားမှ စာဖတ်နေရာက အသာထ အ၀တ်တွေကိုထုတ် ခြင်းတောင်းအကြီးကြီးထဲကို ထည့်တယ်။

ထုတ်လိုက်တာ လက်နှီးစုတ်တွေ ၃-၄ထည်နဲ့အတူရောပါလာတာ အမဲရောင် စွတ်ကျယ်သားတစ်ထည်။ ဘာများတုံးဆို ဖြန့်ကြည့်လိုက်တော့၊ ဟမ်မလေး ဦးခြိ်မ့်ရဲ့ အတွင်းခံ ဘောက်ဆာ ဘောင်းဘီကြီး။ ကောင်းတော့မှာပဲပေါ့။ လက်နှီးစုတ်နဲ့ အတွင်းခံဘောင်းဘီ။ အဟက် ... အဟက် ဘာဖြစ်သေးတုံးပေါ့။ အတွင်းခံဘောင်းဘီပဲဆို အန်တီဆွိက စိတ်ထဲက ကျိတ်ပြီး ရယ်နေတာ။ လက်နဲ့ သေချာလှည့်ပြီး စမ်းတာတောင် ဘယ်ချောင်ကပ်ကျန်နေလဲပေါ့။ ဒီဘောင်းဘီ။

နောက်ကျန်တဲ့ လက်နှီးစုတ်တွေ ဆက်နှိုက် ဆက်ထုတ်၊ ဟော  ထွက်လာပြန်ပါပြီ။ ဟမ်မလေး ဒီတစ်ခါတော့ အန်တီဆွိတို့ ရင်ကွဲနာကျ။ အဟက် ...  အဟက်လဲ မဟက်နိူင်တော့ပြီ။ ဒီတစ်ခါ ပါလာတာက အန်တီဆွိရဲ့ အကီ်ျ အသစ် နို့နှစ်ရောင်လေး။ အင်မတန်ကြိုက်လွန်းလို့ ချက်ချင်းတောင် မလျှော်ပဲ  ချိတ်နဲ့ ချိတ်လိုက် ပြန်ဝတ်လိုက်နဲ့ ၄-၅ခါလောက် ၀တ်ပြီးမှ လျှော်တဲ့ အင်္ကျီလေး၊ ကောင်းတော့မှာပဲ။ ဒီကြက်ဥပေ၊ ဆီဂျီးပေတွေနဲ့ ရောလျှော်ပလိုက်တာ။

နောက်တစ်ခါတော့ ဒီအ၀တ်လျှော်စက် ဓာတ်မီးနှင့်ပါ ထိုးစစ်ရပါတော့မည်။  ။


23 comments:

  1. အသစ်ဖတ်ချင်နေတာ ပျော်လိုက်တာ

    :)

    မဖတ်ရသေးဘူး comment အရင်ပို့ တယ်

    ZZ

    ReplyDelete
  2. ဓါးပြတ်မှာ သိပ်ကြောက်

    အသည်းယားစရာကြီးပါလား တီတီဆွိ

    ZZ

    ReplyDelete
  3. အ၀တ်လျှော်ရင် တစ်ရှူးတွေ ဘောင်းဘီအိပ်ထဲမှာကျန်ခဲ့မှာပဲစိုးရိမ်တယ်၊ အ၀တ်လှန်းတဲ့ အခါ တစ်ရှူးတွေက အ၀တ်တွေအားလုံးကို ကပ်ကုန်တော့တာပဲ၊

    ကွန်မန်.တွေဖတ်ပြီး နေ.လည်နေခင်း မဆွိ တရေးအိပ်လို.ရပြီ။ ZZZZZZZZZ

    ReplyDelete
  4. ဟမ်မလေး ဒီနေ့ ကိုဇီ အတော်အားပေးနေပါပေါ့လား။ ကွန့်မန့်၃ခုလုံး သူချည်းပဲ။ အန်တီဆွိ အားငယ်နေမှာစိုးလို့ အားလာပေးတာထင်ပါရဲ့။ ဟိုနေ့ကတောင် ဦးခြိမ့်က ကိုဇီတစ်ယောက် ခုတလော မတွေ့ဘူးပြောနေသေးတယ်။ မှတ်မှတ်ရရ။

    တစ်ရှူးတော့ တစ်ခါမှမပါဖူးဘူး။ အ၀တ်လျှော်ရင်တော့ ဘောင်းဘီအိပ်တို့ ဘာတို့ သေချာနှိုက်စစ်ရသေးတယ်။

    By the way ZZ နဲ့ zzz နဲ့ တူတူပဲလား အကိုတို့ရေး)

    ReplyDelete
  5. နောက်တစ်ခါတော့ ဒီအ၀တ်လျှော်စက် ဓာတ်မီးနှင့်ပါ ထိုးစစ်ရပါတော့မည် <<hee hee :D

    ReplyDelete
  6. ဆွေလေးမွန်February 29, 2012 at 7:07 PM

    စဉ်းစားနေတာ အလွဲများဆိုတော့
    လက်ညှိုးအပြတ် အသားစလေး ဘယ်သူ့ထဲ ပါသွားပြီလဲလို့ ..တော်သေးမပါလို့ ..:P
    အ၀တ်လျှော်စက်အကြောင်းကတော့ အန်တီဆွီနဲ့ အဖွဲ့ဝင် member လုပ်ရင်ကောင်းမယ်
    အိမ်မှာလဲ ဒီိလိုပဲ အင်ကျီအသစ်တွေ ခဏခဏလွှတ်ပစ်ရတယ်.
    မီးပူတိုက်တာ ကျွမ်းသွားလို့ ကတစ်မျိုး အရောင်စွန်းသွားလို့ တစ်ဖုံနဲ့ လေ..

    :) :)

    ReplyDelete
  7. ဘလော့ဂါပီပိ လက်ဓားရှတာတောင် ဓာတ်ပုံရိုက်ယူနိုင်တာ မအံ့သြတော့ပါဘူး။ ဒါမှ ဘလော့ဂါ..လို့ ကြိတ် အားပေးလိုက်တယ်။ ရှမ်းခေါက်ဆွဲလေးစားကောင်းတာ လက်က အသားဖတ်လေးများ ပန်းကန်ထဲ အရည်ပျော် ပါသွားလေသလား...? အ၀တ်ကောင်းတွေ လက်နှီးစုတ်နဲ့ ရောလျှော်မိတာနားရောက်တော့ ရယ်မိတယ်..။ ဖြစ်ရလေ အစ်မဆွိ...။

    ReplyDelete
  8.ွှTTSweet ရေ အဝတ်လျော်စက် ကတော. တခါတလေ
    အဲလိုပဲနော် ဘယ်လိုများ အဝတ်တွေ ကြားကပ်နေတယ်မသိ
    တခါတခါ ခြေအိတ်လျော်မှာမို. သေချားကြည်.တယ်
    ဘာမှမတွေ.ဘူး အဲလျော်ပြီး လှမ်းမယ်ဆိုမှ တခြားဟာတွေပါ
    ထွက်လာတာဗျာ

    ReplyDelete
  9. ခြေအိပ်နဲ့လဲ ရောလျှော်ဖူးတယ်။ front loading တွေ အဆိုးဆုံးပေါ့။ ဒလက်လေးတွေမှာ ကပ်ကျန်နေတာ။ ဟုတ်တယ် ခြေအိပ်တွေ လှမ်းမယ်ဆိုမှ ထွက်လာတာ။ တစ်ခါတစ်လေ ဘော်လီတွေတောင်ပါသေး ဟေးဟေး။

    ReplyDelete
  10. This comment has been removed by the author.

    ReplyDelete
  11. စာတော့မကြာမကြာလာဖတ်ဖြစ်ပါတယ်၊

    ကျွန်တော့် ZZZ ကပရိုဖိုင်းဓါတ်ပုံပါပါတယ်၊ ကျွန်တော့်သားဆွဲထားတဲ့ ပန်းချီကားချပ်လေးပါ၊ (ကြေညာဝင်သွား)

    ခင်တဲ့

    မောင်ဇီ

    ReplyDelete
  12. အ၀တ်စုတ် အလွဲကို ဖတ်ပြီးတော့ ဟားဟား..ဟားဟား နဲ့တောင် မရယ်နိုင်ပါဘူး...
    အူတက်ပြီးတော့ အသံကို မထွက်တော့တာ...
    =)
    -m

    ReplyDelete
  13. တီဆွိရေးတာ သိပ်ဖတ်လို့ကောင်းတာပဲ။ စလုံးက ဓါးအကြောင်းမှတ်မိသေးတယ်။ လက်နှီးစုတ်ဇတ်လမ်းဖတ်ပြီး ရယ်လိုက်ရတာ

    ReplyDelete
  14. လက်ဓါးထိတာဖတ်တော့ အူယားတယ်။ အ၀တ်လျှော်တာ ဖတ်ရတော့ အူတက်တယ်။ အ၀တ်လျှော်စက်နဲ့ လျှော်ရင် ကျနော်လဲ ခြေအိတ်တွေ တအားပျောက်တယ်။
    (ပိုစ့်အသစ်လေးဖတ်ရလို့ ၀မ်းသာပါတယ်ဗျာ။)
    လီယို

    ReplyDelete
  15. လွဲချက်များကတော့
    ပို့စ် တက်တက်ချင်း ဓားကြီးမြင်လိုက်တော့ လန့်တောင်သွားတယ်
း)

    မောင်ဘကြိုင်

    ReplyDelete
  16. အသားဖတ်လေးပါလို့ များပိုစားကောင်းသလား ဟိ

    ReplyDelete
  17. တီဆွိရေ... လက် ဓားရှတဲ့ ပို.စ်လေးကိုဖတ်ပြီးတော့ မရီနိုင်ဘူး။ အိမ်ရှင်မတစ်ယောက်ရဲ. ဘ၀ကို နားလည်လို.။ ငယ်ငယ်တုန်းက မိဘအိမ်မှာ လက် ဓားရှလို. သွေးလေးနည်းနည်းထွက်တာကို မူးမေ့လဲကျခဲ့ဘူးတယ်။ ကိုယ်တိုင် အိမ်ရှင်မဖြစ်လာတော့ ချက်ရင်းပြုတ်ရင်းတန်းလန်း ဓားရှလည်း ရေလေးဆေး၊ ပလာစတာလေးအုပ်ပြီး ချက်ရတာပဲ။ မဟုတ်ရင် ချက်ပြုတ်ဖို. ပြင်ဆင်ထားတာတွေ တန်းလန်းကို ပြန်သိမ်းရ ဆေးရမှာနဲ. မထူးလို.။
    ဟိုတလောကပဲ မနက်အိပ်ယာထတော့ လူကတော်တော်နေလို. မကောင်းဘူး။ ဒါပေမယ့် ညနေ ဧည့်သည်တွေ ထမင်းကျွေးမယ်ဆိုပြီး ဖိတ်ထားတော့ လုပ်ရတာပေါ့နော်။ ယောက်ျားကလည်း အလုပ်သွားနေတယ်။ ချက်နေရင်း ချက်နေရင်းနဲ. ဘယ်လိုမှ မဟန်နိုင်တော့လို. ချက်ရင်းတန်းလန်းတွေ အကုန်ပစ်ထားခဲ့၊ မီးဖိုထဲဝင်ရင် ၀တ်တဲ့အကျီနဲ.ပဲ အိပ်ယာပေါ်သွားခွေနေတာ ယောကျာ်းပြန်လာလို. အဖျားတိုင်းတော့ အဖျား ၁၀၄။ ဒါနဲ. ဆေးသောက် နည်းနည်းသက်သာလာတော့ မီးဖိုထဲပြန်ဝင်၊ လူ ၁၀ယောက်စာပြန်ချက်။ သူကတော့ပြောပါတယ် ဧည့်သည်တွေကို ထမင်းစားဖိတ်ထားတာ ဖျက်လိုက်ဖို.။ အားနာလို. မဖျက်ခဲ့မိဘူး။ အိမ်ရှင်မဆိုတာ ဒီလိုပါလားလို.ပဲ မှတ်လိုက်မိပါတယ် အန်တီဆွိရေ...။

    ReplyDelete
  18. အလွဲတွေရှိတော့ မပျင်းရဘူးပေါ့။

    ReplyDelete
  19. ဒီမှာလည်း အဝတ်လျှော်ပြီးတိုင်း၊ အခြောက်ခံစက်ထဲက ထုတ်တိုင်း တီတီဆွိပြောသလို ဓာတ်မီးထိုးပြီး ရှာရမယ်..ကြယ်သီးတွေ ပြုတ်ကျန်နေတတ်လို့ ..:)

    ReplyDelete
  20. တီဆွိ..ဖတ်ပြီး ရီရတယ်..မေမေ ဆို အဖေ ဓါးသွေးပြီးတိုင်း လက်ရှတာကိုလဲ သတိရတယ်....ပိုစ့်အသစ်မျှော်နေတုန်း ပျော်သွားတယ်..ဖတ်ရင်းနဲ့ မျက်စိထဲမှာ ပုံတွေမြင်ယောင်နေတယ်..

    yuki

    ReplyDelete
  21.့ ဖြစ်ရလေ တီဆွိရယ်...လက်က အခုရော ဘယ်လိုနေသေးလဲ။

    ReplyDelete
  22. ama post ka tot always lu si pae :D
    ya... really blogger (like above comments)... during the time u have pain, u still can shoot picture... that is called Blogger :D

    everyone has daily life but if u do not have talent of writing, that article of daly life could not able to attract reader..

    but for u, u have a talent...
    tsu

    ReplyDelete