ဆိုဖာပေါ်မှ ဟာသများ

ဂျူဂျူလေး နွေရာသီကျောင်းပိတ်ရက်မှာ သူ့အမေက မြန်မာစာသင်ပေးတယ်။ အပျော်သင်တာဆိုတော့ အရင်ကျောင်းပိတ်ရက်က သင်ထားတာတွေ ပြန်နွှေးနေတာနဲ့ပဲ သင်ခန်းစာက ရှေ့မတက်နိူင်ဘူး။ 

ဒီနေ့သင်ခန်းစာကတော့ ယပင့်နဲ့ ရရစ်ကို သင်တဲ့သင်ခန်းစာ။ အိမ်ရှေ့က ဆိုဖာပေါ်မှာ သားအမိသားအဖ ၃ယောက်  တီဗီကြည့်နေရင်း သမီးက စာအံနေတယ်။

ဆရာမ စာပြသည်။

မြေဖြူ ယူလာသည်။

မိမိနေရာ နေကြပါ။

စကားကျယ်ကျယ် မပြောရ။

ခလေး စာဖတ်နေတုံး အမေလုပ်သူက မီးဖိုထဲ ဟင်းအိုး တည်ထားတာ သတိရတာနဲ့ ...

" တော့ ....ကမောင်ခြိမ့် ... ကျုပ် ဟင်းအိုးသွားကြည့်ဦးမတော် ... တော် ခလေးစာ အံတာ သေချာနားထောင်ပြီး ကြည့်ပေးလိုက်ပါဦး ... " ဆို သားအဖ၂ယောက် တည်း ထားပခဲ့တယ်။

ဟင်းအိုးကိစ္စ ဝိစ္စပြီးလို့ ဆိုဖာပေါ်ပြန်ရောက်တော့ သမီးက စာအံလို့ ကောင်းတုံးရှိသေး။

အမေကြီးက တီဗီတောင်မကြည့်နိုင်၊ အိုင်ပက်တစ်လုံးနဲ့ ဖေ့ဘွတ်ထဲ မဲကြည့်နေရင်းနဲ့ ခလေး စာအံသံက မကြားတစ်ချက် ကြားတစ်ချက် ...

တစ်ခါကျ သူ့အဖေက

" ဟဲ့ ကောင်မလေး ... ကျားကြီး ခြေရာကြီး ...ဟ ...." ဆို ကြားလိုက်တော့မှ အွန်လိုင်းကမ္ဘာကနေ  လက်ရှိ ပစက္ခအခြေအနေကို  ပြန်ရောက်သွားတယ်။

ဒါနဲ့ သမီးက ဘယ်လို ဆိုလိုက်လို့တုန်းလို့ မေးတော့

" ညည့် သမီး ဆိုနေတာ ကျားကြီး ... ခြေထောက်ကြီး ... ဆိုပြီး ဆိုနေတာဟ" ဆိုတော့

ရီကြတာ သားအမိသားအဖ ၃ယောက်လုံး တဟားဟားနဲ့။ ဂျူဂျူက အဲလိုပဲ တစ်ခါတစ်လေ သူမသိတာဆို ဝါးချတာ ။  တကယ်တော့ သူဆိုတာလဲ မှားမှ မမှားပဲကိုး။

-------------------------------------------------------------

ဒီနေ့တော့ ဂျူဂျူလေး ကျောင်းမှာ camping ရှိတာနဲ့ အိမ်မှာ တိတ်ဆိတ် ခြောက်ကပ်လို့နေသည်။ အိမ်ရှေ့က ဆိုဖာမှာ ဦးမောင်ခြိမ့်တစ်ယောက်တည်း ထိုင်နေရင်း တကျီကျီအော်နေသည်။ အိမ်ရှေ့ကို လာခဲ့ပါ။ တစ်ယောက်ထဲ ပျင်းလို့ပါတဲ့။

ကိုယ်ကလဲ တီဗီကြည့်တာ ဝါသနာက မပါ။ ခါတိုင်းလဲ သမီးက အတင်းခေါ်လို့သာ သူတို့သားအဖ နှစ်ယောက်ကြား ဝင်ထိုင်လိုက်ရသည်။  သူတို့ ပြောတာတွေ နားထောင် လိုက်ရသည်။ စိတ်ကတော့ သိပ်ပါလှသည်မဟုတ်။ ခဏနေတော့ အိုင်ပက်ကလေး ကောက်ကိုင်ကာ အွန်လိုင်းတက်နေလိုက်သည်။ သူတို့ သားအဖကတော့ အင်မတန် ကီးကိုက်သည်။ ၂ယောက်လုံး တီဗီ သူရဲတွေကိုး။

ခုလဲ တီဗီမှာ လာနေသည်က MKR လို့ခေါ်တဲ့ My Kitchen Rules. ၂ ယောက်တွဲ အဖွဲ့လေးတွေ ၁၀ဖွဲ့လောက် တစ်ဖွဲ့ချင်းစီ အိမ်မှာ ချက်ပြီး ထမင်းဖိတ်ကျွေး၊ ဒိုင်တွေက အမှတ်ပေး၊ အမှတ်အနဲဆုံးလူတွေ တစ်ဖွဲ့ချင်း ပြုတ်သည့် အစီအစဉ်။ ဂျူဂျူကတော့ အင်မတန်ကြိုက်သည်။ သူကြိုက်တာနဲ့ သူ့အမေကြီးလဲ ဒီစီးရီးစ်နဲ့ဆို ၂ခု -၃ခုလောက် ရှိပြီထင်သည် ကြည့်ဖူးတာ။ လူတွေ စိတ်ဝင်စားအောင် အထဲမှာလဲ character အမျိုးမျိုးရှိသည့် အဖွဲ့တွေ နှင့် ဆိုတော့ စီးရီစ်က အထိုက်အလျှောက်တော့ နာမည်ကြီးပါသည်။ ဘယ်လောက်ပင်နာမည်ကြီးကြီး တီတီဆွိကတော့ မကြိုက်ရေးချမကြိုက်ပါ။ စိတ်လဲ မဝင်စားပါ။

သူ့အဖေဘေးမှာ ဝင်ထိုင် ကြည့်နေရင်း သူက ရှင်းပြနေသည်။ ဒီနေ့တော့ လူသစ်တွေ ပါသည့် အစီအစဉ်တဲ့။ လူသစ်တွေကို တစ်ဖွဲ့ပြီး တစ်ဖွဲ့ ပြနေသည်။ ခါတိုင်းတွေ့နေကျ လူတွေမဟုတ် တော့ ပိုလို့ပင် ပျင်းစရာ ကောင်းသေးသည်။ မျက်နှာစိမ်းတွေမှန်းတော့ သိသည်။ သူတို့ ဘယ်မြို့ကလာသည်။ သူတို့နာမည်တွေ နှင့်  တစ်ဖွဲ့ပြီး တစ်ဖွဲ့ မိတ်ဆက်ပေးနေသည်။ ဒီနေ့အစီအစဉ်မှာလည်း ထိုလူသစ်အဖွဲ့ထဲက တစ်ဖွဲ့က ချက်မည်တဲ့။

ဟော လူသစ်တွေ  ပြနေရင်းနဲ့ ဖြတ်ဆို လူ၂ယောက် တေ်တော် ရင်းရင်းနှီးနှီးကြည့်ဖူးသည့် ၂ယောက်ပါ။ ... ငါ သူတို့တွေတော့ အရင် တုံးက ကြည့်ဖူးသားဟ။ ဆို ဝမ်းသာ အားရနဲ့  လူဟောင်းတွေ ပြန်လာ ပြီဆို ပြောတော့ ဦးခြိမ့်က

ဟဲ့ အဲဒါ ဒိုင်တွေဟဲ့ ... ဒိုင်တွေ ဆို ပြောပြီး ၂ယောက်သား ရီကြတာ ။  အမှန်က လူဟောင်းဆိုတာ အရင် စီးရီးစ်မှာကြည့်ဖူးတဲ့ ပြိုင်ပွဲဝင်အဟောင်းတွေမှတ်လို့၊  ဒီတစ်ခါတော့ ငါသိ ပဟဆို အော်လိုက်တာ။ စီးရီးစ်တိုင်း ၃နှစ်ဆက်တိုက်ပါသည့် ဒိုင်တွေ ဖြစ်နေလေသတည်း။

ကဲ အန်တီဆွိ တီဗီကို ဘယ်လောက် စိတ်ဝင်စားလဲ ဆိုတာ ... သဘောပေါက်။ းo)

1st School Camping

ဒီေန႔ သမီးရဲ႔ ဘ၀မွာ ပထမဆံုး School Camping ထြက္တဲ႔ေန႔။ သမီးေလးဟာ သူ႔ရဲ႔ အေဖ အေမေတြ မပါပဲ သြားရမဲ႔ ညအိပ္ခရီးအတြက္ သိပ္ကို စိတ္လွဳပ္ရွားေနခဲ႔တယ္။ ေက်ာင္းကေန notice စာရြက္ထြက္ကတည္းက (တစ္ပတ္ေလာက္ၾကိဳၿပီး) camping အတြက္ ယူသြားရမဲ႔ ပစၥည္းေတြကုိ သူ႔ဟာသူ ၿပင္ဆင္ေနခဲ႔တယ္။ ခါတိုင္းေတာ႔ သူ႔အေမက အားလံုးၿပင္ဆင္ေပးေပမဲ႔ ဒီတစ္ခါေတာ႔ သူ႔ဟာသူ စီစဥ္လုပ္ကိုင္တတ္ေအာင္ သူ႕အေမက ဒီတိုင္းပဲ ၾကည္႔ေနလိုက္တယ္။

မနက္သြားခါနီးေတာ႕ မိုးကလဲ တစ္ေပါက္ ႏွစ္ေပါက္ က်စၿပဳၿပီ၊ ရာသီဥတုကလဲ ေအးေနတာနဲ႔ သမီး၀တ္မဲ႔ ဂ်င္းေဘာင္းဘီ အတိုကို ေဘာင္းဘီအရွည္နဲ႔ လဲ၀တ္ဖို႔ ေၿပာေပမဲ႔၊ ဆရာမက ေဘာင္းဘီအတိုပဲ ၀တ္ခိုင္းတာဆို ေခါင္းမာစြာနဲ႔ ၿငင္းဆိုခဲ႔တယ္။ အေႏြးထည္ေလးေတာ႔ သူ၀တ္ပါမယ္ေၿပာတယ္။ သူလဲ စဥ္းစားေတြးေခၚႏိူင္တဲ႔ အရြယ္ေရာက္ၿပီမိွဳ႔ လြတ္လပ္ခြင္႔ ေပးထားပါတယ္။ ေဘာင္းဘီအရွည္ကို ေၿပာင္း၀တ္ဖို႔ သားအမိ၂ေယာက္ အေၿခတင္ အေတာ္ၾကာေၿပာေနၾကေပမဲ႔ အမိန္႔အာဏာလိုမ်ိဳး အတင္းအက်ပ္ေတာ႔ မေတာင္းဆိုခဲ႔ပါဘူး။

ေက်ာင္းေရာက္ေတာ႔ သူ႔သူငယ္ခ်င္း မိန္းခေလးေတာ္ေတာ္မ်ားမ်ားဟာ ေဘာင္းဘီအရွည္ေတြနဲ႔ ၿဖစ္ေနၾကၿပီး သူတစ္ေယာက္တည္း အတုိေလး ၿဖစ္ေနေတာ႔ သူ႔ဟာသူ သေဘာေပါက္သြားတယ္။ ေနာက္ကို အေမေၿပာတာ နားေထာင္မွာလားဆိုေတာ႔ ေခါင္းၿငိမ္႔ၿပတယ္။

ကားလာေတာ႔ ကားကလဲ ၾကည္႔ရတာ air-con နဲ႔ အေတာ္ေအးမဲ႔ ကားမ်ိဳး။ သမီးေတာ႔ တစ္လမ္းလံုး ေအးေနေတာ႔မွာပဲလို႔ စိတ္ပူမိတယ္။ အေမစကားနားမေထာင္တဲ႔ သမီးေလး သူ႔ဟာသူ လြတ္လပ္စြာ စဥ္းစားေတြးေခၚၿပီး အေတြ႔ အၾကံဳေတြကေန သင္ယူႏိူင္ပါေစလို႔။

မွေးနေ့ မှတ်စု (သို့) မိတ်ကပ်မှတ်စု ...

တီတီဆွိသည် နေရာတော်တော်များများမှာ flexible ဖြစ်ပေမဲ့ တစ်ချို့နေရာတွေမှာတော့အစွဲအလန်းကြီးသည် ပြောရမလား။ ဥပမာ အစားအသောက်ဆို စင်္ကာပူရောက်စက ကြက်ဆီထမင်း။ စ စားတော့ ဘာမှန်းမသိ။ နောက်ပိုင်းစားရင်းနှင့် ကြိုက်လာတော့ ဘယ်ဟော်ကာ၊ ဘယ် food court သွားသွား ကြက်ဆီထမင်းသာ မှာတော့တာပဲ။ နောက်ပိုင်းကျ အိမ်ကလူက ဒုတ်တပြတ် ဓားတစ်ပြတ်နှင့် တခြားစားစရာတွေ အတင်းကျွေးမှပဲ စားတတ်လာသည်။ ဒါတောင် ကြက်ဆီထမင်းပြီး Mee pok ဆိုတာနှင့် မိတ်ဆက်ပေးတော့ ဒါကြီးပဲ ဆက်တိုက် စားနေရာ နောက်တစ်ခါ ဒုတ်တပြတ် ဓားတစ်ပြတ်တွေ ဖြစ်ကြပြန်သည်။

ေမြးေန႔မွာ ဘုန္းဘုန္းကို မန္းေလး မုန္႔တီ ကပ္ပါတယ္။

နောက် သူနေ့စဉ် သုံးစွဲနေတဲ့ မိတ်ကပ်၊ နှုတ်ခမ်းနီ၊ ရေမွှေး အစရှိတာတွေလည်း အပြောင်းအလဲမရှိ။ အသစ်အဆန်း စမ်းသုံးခြင်းမရှိ။ ကိုယ်ကြိုက်တဲ့ ပစ္စည်းလေး တွေသာ နှစ်ပေါင်းများစွာ စွဲသုံးခဲ့သည်။ ဒီဖက်ကျွန်းကြီးပြောင်းလာတော့ သူ့အကြောင်း သူသိလို့ သုံးနေကျ မိတ်ကပ်ဗူးတွေကို ၄-၅ဗူး ဝယ်ချလာခဲ့သည်။ ဟိုဖက်ရောက်လျှင် ဘာမှန်းမသိ။ ဝယ်လို့မရလျှင် ဒုက္ခရောက်လှချည့်ပေါ့။ ခု ၃နှစ်လောက်ကြာတော့ ကိုယ်ဝယ်လာတာလေးတွေလဲ တဖြေးဖြေးကုန်လုပြီ။ အထူးသဖြင့် Foundation ဟုခေါ်သည့် မိတ်ကပ် အစိုလိမ်းပြီး အပေါ်က အသာ ပုတ်ရသည့် ပေါင်ဒါဖြစ်သည်။ ဟိုမှာတုံးက ရှော့ပင်းစင်တာကြီးတစ်ခုမှာ sale ချလို့ ဝယ်ရာမှအစ စမ်းသုံးကြည့်ရာ မထင်မှတ်ပဲ အလွန်ကောင်းသည့် မိတ်ကပ်ဖြစ်နေလေသည်။ ပြီးတော့ မိတ်ကပ်တွင် အသားအရောင်အလိုက် နံပတ်များရှိရာ သုံးသည်က အရောင်က အနည်းငယ်ရင့်သော ညိုသည့် သူ့အသားနှင့် လိုက်ဖက်သော Medium 2 ဆိုသော နံပတ် ဖြစ်သည်။ တီတီဆွိသည် ကမ္ဘာပေါ်တွင် ထိုမိတ်ကပ်မှလွဲ၍ တခြားမိတ်ကပ်များ မရှိတော့သည့်အလား ထိုမိတ်ကပ်တစ်မျိုးတည်းသာ စွဲသုံးခဲ့ပါသည်။


 
 တစ်ရက်တော့ ဝယ်လာသည့် မိတ်ကပ် re-fill ဗူးတွေ ကုန်တော့ အင်တာနက်ထဲ ဟိုဟိုဒီဒီ လိုက်ရှာကြည့့်ရာ ထိုမိတ်ကပ်သည် ဆစ်ဒနီမပြောနှင့်၊ တကမ္ဘာလုံး ဘယ်နေရာမှ ရှာမရ။ အတော်ထူးဆန်းလှချေတကား။ အားနာတတ်သော တီတီဆွိသည် စင်္ကာပူမှာ သူငယ်ချင်းတွေ မှိုလို ပေါပေ့မယ့် မမှာရက်။ ဒါလေးနဲ့တော့ ဒီလောက်ဒုက္ခမခံဆိုကာ အစားထိုး မိတ်ကပ်ဗူးတွေ ကို ဘရန်း ၃-၄မျိူးလောက် လိုက်ရှာဝယ်လေသည်။ ဒါလေး ကောင်းနိုးနိုး၊ ဟိုဟာလေး အဆင်ပြေနိူးနိူးနှင့် စမ်းသုံးကြည့်ရာ စိတ်ကြိုက်ကတော့ မတွေ့လှပေ။ သို့ပေမဲ့ဝယ်ပြီးပြီဆိုတော့လဲ မလွှင့်ပစ်ရက် ။ ဒါတွေသာ သည်းခံသုံးရလေသည်။ ထိုထဲမှ မိတ်ကပ်တစ်ဗူးသည် အရောင်ကို ဖြူသည့်ဖက်ရွေးမိရာ ထိုမိတ်ကပ်လိမ်းမိပါက မျက်နှာတစ်ခုလုံး ပေါင်ဒါဗူးထဲပဲ ပြုတ်ကျသလိိုလို၊ မျက်နှာပဲ မှိုတက်နေသလိုလို ရီချင်စရာကောင်းလှသည်။ အနည်းငယ်ကြိုက်သည်ဆိုသော မိတ်ကပ်ဗူးသည် texture အနေနှင့် တော့ အလွန်ကောင်းပါသည်။သို့ပေသိ အရောင် အရင့်ဆုံးကို ရွေးမိလိုက်ရာ သူက အညိုတင်မက အနီရောင်ပင် ရောစပ်နေရာ ထိုမိတ်ကပ်လိမ်းလိုက်လျှင် မျက်နှာသည် ပါးနီလိမ်းစရာမလိုပဲ နီနေ၏။ သို့ပေမဲ့ နှမြောတော့ ကိုယ့်စိတ်ကို ဖြေကာ အဲသလောက်တော့လဲ မဆိုးပါဘူးဆိုကာ ကြိတ်မှိတ်လိမ်းလေသည်။

ဒီနေ့မနက် မွေးနေ့ဆိုတော့ သွားနေကျ ဘုန်းကြီးကျောင်းတွင် အာရုံဆွမ်း သွားကပ်ရန် စောစောထကာ လှတပတ ပြင်တော့သည်။ မွေးနေ့ရှင်ကြီးဆိုသော အထူးအခွင့်အရေးကိုသုံးကာ မ်ိတ်ကပ်ကို ခါတိုင်းထက် ထူထူလိမ်းသည်။  အကျီအသစ်ဆုံးကို ဝတ်သည်။ ပြီးလျှင် ဦးခြိမ့်ကို မွေးနေ့အမှတ်တရဆိုကာ ဓာတ်ပုံရိုက်ခိုင်းရဦးမည် မဟုတ်လား။ မနက် ၄နာရီပဲ ရှိသေးရာ အပြင်တွင် အလင်းရောင် မထွက်သေး။ ဆစ်ဒနီနံနက်ခင်း ငှက်ကလေးများ၏  တေးသံကို ပင်မကြားရသေးရာ  သူကိုယ်တိုင် တေးညည်းကာ အလှပြင်နေလေသည်။

 
 အားလုံးပြီးတော့ မှန်ထဲ သေချာကြည့်လိုက်ရာ သူမ၏မျက်နှာသည် ထူထူလိမ်းထားသည့် မိတ်ကပ် အနီရောင်ကြောင့် အမှတ်တမဲ့ လန့်ပင်သွားလေသည်။ မျက်နှာတစ်ခုလုံး နီရဲလျက်ရှိရာ ငန်းမန်းထနေသည့် လူမမာပမာဖြစ်နေလေရာ ရီစရာပင်ကောင်းနေသေးသည်။ ပြန်ပြင်ဖို့လည်း အချိန်မရှိတော့ပြီ။ ဘုန်းဘုန်းဆွမ်းကပ်ဖို့ အချိုပွဲတည်းဖို့၊ သမီးနှိုးဖို့၊ အိမ်ကလူကို ဆော်သြဖို့ ပြင်ရဆင်ရဦးမည်။ သို့နှင့် ဒီအတိုင်း ငမ်းမန်းထသည့် အနီရောင် မျက်နှာနှင့်ပင် ဘုန်းဘုန်းကျောင်းသို့ သွားကာ မွေးနေ့ နံနက် အာရုံဆွမ်းကပ်ခဲ့ပါသည်။ ဦးဇဉ်းက ဒကာမကြီး နေမကောင်းဘူးလားဟု မမေးသည်မှာ ကံကောင်း။ ။