ရောင်စုံပဲသုပ်နဲ့ ကြက်သားကင်

 Colourful bean salad and paprika grilled chicken

ယနေ့ည ဒင်နာရဲ့ theme ကတော့ colorful healthy food ဖြစ်ပါတယ်။

ထမင်းလို အာလူးလို ကာဗိုဟိုက်ဒြိတ် လုံးဝမပါပဲနဲ့ ဗိုက်ကားအောင်စားပြီး ဝိတ်ချနိူင်တဲ့ menu လေးပါ။

ဒီက fish and chip ဆိုင်တွေမှာ အဲလို အသီးအရွက် salad မျိုးစုံ ရောင်းတာ bean salad ကလဲ စားကောင်းလို့ မကြာခဏဝယ်စားဖြစ်ပါတယ်။ ဒီနေ့တော့ အိမ်က အိမ်သားက သူ့ဗိုက်ပြုတ်ချင်လို့ ဝိတ်ချနေတာ bean salad စားချင်တယ်ဆိုလို့ သုပ်စားဖြစ်ပါတယ်။

salad ကို အရောင်စုံလေး လိုချင်လို့ ပဲကို ၃ ရောင် ၃ဗူးဝယ်ပြီး သုပ်ထားတာပါ။

အသီး အရွက်တွေက ခရမ်းချဉ်သီး၊ ငရုပ်ပွ၊ သခွားသီး၊ ကြက်သွန်အနီ၊ ကြက်သွန်အဖြူ၊ နံနံပင်တွေနဲ့ sauce ကို ချိုချဉ်လေး စပ်ပြီး သုပ်ပါတယ်။ sauce ထဲမှာ သံပုရာရည်၊ ဆား၊ ပျားရည်၊ ငရုပ်ကောင်းအမဲ မှုန့် နဲ့ Kewpie Japanese Dressing Roasted Sesame တို့ပါပါတယ်၊ အလွန် အနံ့ အရသာနဲ့ပြည့်စုံသော dressing sauce လေးပါ။

ကြက်သားကတော့ ကြက်ပေါင်သားကို အသားချည့် အပြားလိုက်လေးရအောင် ထွင်ပြီး အောက်ပါ ingredient များနဲ့ နယ်နှပ်ပြီး ရေခဲသေတ္တာထဲ တစ်ရက် ထားပါတယ်။ ပြီးတော့ air frier နဲ့ ၁၈၀ deg ၁၀မိနစ် တစ်ဖက် နောက် တစ်ဖက်လှန် ၅ မိနစ် ကင်ပါတယ်။

ကြက်ပေါင် အသားချည့် ၇၀၀ ဂရမ်

garlic powder - 1.5 tsp

ပဲငံပြာရည် အကြည် - 1 tbs

ဆား - 0.5 tsp

ခရုဆီ - 1 tbs

ကိုရီးယားငရုပ်သီးမှုန့် (paprika) - 1 tbs

ငရုပ်ကောင်းမှုန့် အမဲ ခွဲခြမ်း (crushed black pepper) - 0.5 tsp

သကြား - 1 tbs

တရုတ်မဆလာ - 0.25 tsp

ဆီ - 1 tbs

အ ကြော်မှုန့် - 1 tbs

tsp= tea spoon, tbs = table spoon

တကယ့် အတိအကျ ချင်တွယ်တဲ့ ဇွန်းတွေ သုံးပါတယ်။

..

အိမ်မှာ သုပ်စားကြည့်ပါနော်။ ကျန်းမာရေးနဲ့လဲ ညီညွတ်၊ အရသာလဲရှိ ထမင်းဟင်းလဲ ချက်စရာမလိုတော့ပါ။

Nasi Lemak Sambal (မလေး ငပိချက်)

 မနေ့က အိမ်မှာ မလေးရှား အုန်းထမင်း (Nasi Lemak) ချက်မှာမှို့ သူနဲ့ တွဲဖက်စားမည့် sambal (မလေး ငပိချက်) ကို အရင်ချက်ထားပါတယ်။

ပထမဆုံး ငရုပ်သီးတောင့် ၂၀ ခန့်ကို ရေစိမ်ထားပါ။

ပြီးရင် ငရုပ်သီးတောင်တွေရယ်၊ စပ်တဲ့ထိုင်းငရုပ်သီး အစို အနီတောင့် ၂တောင့်ရယ်၊ ဂျင်း လက်တစ်ဆစ်ခန့်၊ ကြက်သွန်ဖြူ ၁၀မွှာခန့်၊ စပါးလင် တစ်ချောင်း ပါးပါးလှီးထားတာရယ်၊ ခရမ်းချဉ်သီး တစ်လုံးခန့်၊ ကြက်သွန်နီ တစ်လုံးခန့် ပါးပါးလှီး၊ ငါးနီတူ လက်တစ်ဆုတ်ခန့် ကိုလှော်ထားတာရယ်၊ ပုဇွန်ခြောက် လက်တဆုတ်ခန့်ကို သစ်သီးဖျော်တဲ့  blender ထဲမှာ ရေ အနည်းငယ်နဲ ထည့်ပြီး ညက်အောင်ကြိတ်ပါ။

ပြီးရင် ဒယ်အိုးကို မီးအနေတော်နဲ့တည်ပြီး ဆီထည့် အပေါ်က ကြိတ်ထားတဲ့ အနှစ်ကို ထည့်ဆီသတ်ပါ။ ရေတွေ အကုန်ကုန်ပြီး အနှစ်က ခြောက်ပြီး မွှေးလာပြီဆို အထဲကို ငပိ ထမင်းစားဇွန်း ၃ဇွန်းခန့် ကို ရေဖျော်ပြီးထည့်ပါ။

မန်ကျည်းရည် ကိုလည်း အနှစ်တိုက်ပြီး အနည်းငယ် အချဉ်ဓာတ်ရအောင် ထည့်ပါ၊ ငနီတူ လက် ၂ဆုတ်ခန့် ပစ်ထည့်ပါ။ ချခါနီး ကြက်သွန်အနီ ပါးပါးလှီးထားတာ ၂လုံးခန့်၊ သကြား အနည်းငယ် အချိုဓာတ်ရအောင် ထည့်ပြီး ကြက်သွန်နီတွေ အိလာပြီဆို စားလို့ရပါပြီ။

အချို အငံ အပေါ့ ကို မချခင် မိမိစိတ်ကြိုက် ပြင်နိူင်ပါတယ်။

(Photo credit Google)

ကြက်ဆီ ထမင်း ထမင်းပေါင်းအိုး ချက်နည်း

Last week က ကြက်ဆီ ထမင်းချက်စားတယ်။

ဒီတစ်ခါတော့ ခါတိုင်းလို ကြက်သားကို သပ်သပ် မပြုတ်ပဲ rice cooker ထဲ ထမင်းနဲ့ အတူ ထည့်ချက် လိုက်တာ အရမ်းကို အဆင်ပြေပါတယ်။

ခါတိုင်းလို အလုပ်တွေ မရှုပ်တော့တဲ့ အပြင် ကြက်ဆီထမင်းက ကြက်ကောက်ညှင်းလိုလေး ပို အရသာရှိသွားပါတယ်။

ကြက်သားက ကြက်ပေါင်သားကို ထွင်ပြီး အသားလေးတွေချည်းပဲ ထည့်ချက်ထားလို့ အလွန်နူးညံ့ပြီး ချိုနေတာပဲ။

..

ချက်နည်းလေးကတော့

ကြက်ပေါင် ၆ခုလောက်ကို အသားအပြားလိုက်ရအောင် အသားထွင်ယူထားပြီး အရိုးတွေကို ဂျင်း၊ ကြက်သွန်ဖြူ၊ ကြက်သွန်မြိတ် အရင်းပိုင်း၊ နံနံမြစ်၊ ဆား၊ သကြား၊ ဟင်းခတ်မှုန့် တို့နှင့် ရေ များများ ထည့် ပြုတ်ထားပါ။

ကြက်ပေါင်သားတွေကိုလည်း ဆား၊ ပဲငံပြာရည် အကြည်၊ အနောက်၊ ခရုဆီ၊ နှမ်းဆီ၊ ဟင်းခတ်မှုန့်၊ ငရုပ်ကောင်း၊ သကြား၊ တရုတ်ဟင်းချက်ဝိုင် စသည်တို့နှင့် နယ်နှပ်ထားပါ၊

ကြက်ဆီထမင်းချက်ရန် ကြက်သွန်ဖြူ နှင့် ဂျင်းတို့ကို ညက်ညက်ထောင်းပြီး ဆီအနည်းငယ်နှင့် ဆီသတ်ထားပါ။

ဟင်းချိုက ၄၅မိနစ်ခန့်တည်ပြီး အချိုရည် ထွက်လာပြီဆို ဆန်ချင်ခွက် ၄ခွက်လောက် ရေဆေးပြီး အဲ့ထဲကို ဂျင်း၊ ကြက်သွန်ဖြူဆီသတ်ရယ်၊ ဟင်းချိုရည်ရယ်အရင် ထည့်ပြီးမွှေပါ။ ပြီးရင် ကြက်သွန်မြိတ် အရင်းပိုင်းတွေရယ်၊ ဆွမ်းမွှေးရွက် တွေကို အောက်က အရင်ခံပြီး စောနက ကြက်ပေါင်သားနယ်ထားတာတွေကို အပေါ်ကနေ စီထည့်ပါ။

ပုံမှန်ထမင်းချက်တဲ့ အတိုင်း ချက်လိုက်ရင် အလွန်မွှေးကြိုင်ပြီး အရသာ ရှိလှပါသော ကြက်ဆီ ထမင်း ရပါပြီရှင်။

ဝက်သားမှို ခေါက်ဆွဲ

 

အရမ်းစားကောင်းပါသော ဝက်သားမှို ခေါက်ဆွဲ။

မှိုကြောင့်လားမသိ၊ ဟင်းက တော် တော် ချိုပြီး အရသာ သိပ်ရှိတယ်။

ရှမ်းခေါက်ဆွဲလို အမယ်အများကြီးလဲ မလိုဘူး။ ချက်ရတာသက်သာပြီး စားကောင်းတယ်။

ဝက်သားအကြေကို ကြက်သွန်ဖြူညက်ညက်ထောင်းတာနဲ့ နယ်ပြီး ဒယ်အိုးထဲဆီထည့် ဝက်သားရေကုန်တဲ့အထိ ကြော်ပေး။

ပြီးရင် ဂျပန် Shiitake မှို နှုတ်နုတ်စင်းထားတာရောထည့် အရသာအတွက် ပဲငပိ၊ သကြား၊ ပဲငံပြာရည် အကြည်၊ အနောက်၊ ခရုဆီ၊ ဟင်းချက်ဝိုင် ၊ အရောင်လှချင်ရင် ငရုပ်သီး အရောင်တင် အနည်းငယ်ထည့် မှိုကျက်တဲ့ အထိ ရေထည့် အဖုံးအုပ်ပြီး တည်ပေး၊ ချခါနီး ကော်ရည်လေး နဲနဲရယ် ကြက်သွန်မြိတ် လှီးထားတာရယ် ထည့်ပြီး ရင် ခေါက်ဆွဲနဲ့ တွဲစားလို့ ရပါပြီ၊ အရွက်လေးပါအောင် ထိုင်ဝမ်မုန်ညင်း Bok Choi လေးရေနွေးဖျောပြီး ထည့်ပေးပါ။

ယိုးဒယားစတိုင် ပဲကြာဆံသုပ်

ယိုးဒယားစတိုင် ပဲကြာဆံသုပ် (Thai glass noodle salad)

Wow!!! တကယ် စားကောင်းပါတယ်။

ချိုချဉ်စပ်လေး။ healthy လဲ ဖြစ်တယ်။

ဘော်ဘော်တွေကို healthy food လေး စားဖြစ်အောင် သုပ်နည်းလေး ပြောပြမယ်။

..

ပထမဆုံး အသားတွေ ပြင်ပါမယ်။

ဝက်သား အကြေကို ဆား၊ ကြက်သွန်ဖြူညက်ညက် ထောင်းထားတာလေးနဲ့နယ် ဆီလေး နဲနဲ နဲ့ ကျက်ရုံလေး ကြော်ထားပါ။

ပုဇွန်ကို အခွံအကုန် ချွတ်ပြီး ပြုတ်ထားပါ။ ထပ်ခြမ်းခြမ်းထားပါ။

..

အသီးအရွက်တွေ ပြင်ပါမယ်။

ဂေါ်ဖီ ၊ မုံလာဥနီ ကို ခြစ်နဲ့ သေးသေးလေးတွေခြစ်ထား၊ ကြက်သွန်နီ၊ သခွားသီးကို ပါးပါးလေးတွေလှီးထား၊ ခရမ်းချဉ်သီး ရှစ်စိတ်စိတ်ထား၊ နံနံပင် လှီးထားပါ။

..

Sauce ပြင်ပါမယ်။

သကြား ၃ဇွန်း၊ ငါးငံပြာရည် ၃ဇွန်း၊ ကြက်သွန်ဖြူ ၅ မွှာလောက် နဲ့ ငရုပ်သီးစိမ်း အနီ ၃တောင့်ခန့် နုတ်နုတ်စင်း၊ သံပုရာသီး တစ်လုံးခန့် အရည်ညှစ်ထည့်၊ သုံးတတ်ရင် အချိုမှုန့် အနည်းငယ် ထည့်ပြီး သကြားပျော်တဲ့ထိ မွှေပေးပါ။ (ဇွန်း= tablespoon)

..

ဆီနီ

အရောင်လှအောင် ဆီအိုးတည် ငရုပ်သီး အရောင်တင်မှုန့် နဲနဲထည့် ပြီး ဆီနီရ‌ အောင် ဆီသတ်ထားပါ။

..

ပဲကြာဆံ

ရေပွက်ပွက်ဆူထဲ ပဲကြာဆံ ထည့်ပြုတ်ပြီး ရေစစ်ထားပါ။

သုပ်မယ်
ပြီးရင် အားလုံးပေါင်းပြီး ဇလုံခပ်ကြီးကြီးထဲထည့် လက်အိတ်စွတ်ထားတဲ့ လက်နှစ်ဖက်နဲ့ ခပ်ဖွဖွ နယ်ပါ။ မြေပဲဆံ ထောင်းထားတာလေး အပေါ်က ဖြူးပြီး စားလို့ရပါပြီ။

..

အိမ်မှာတော့ အများကြီးမှို့ ထမင်းလွတ်စားပါတယ်။

အချိုးသိချင်ရင် ဟင်းသီးဟင်းရွက် တွေ နဲ့ ပဲကြာဆံက volume ဆတူလောက်ပါပဲ။

sauce ကိုတော့ နဲနဲချင်း ထည့်သုပ်ပါ။ မိမိ စိတ်ကြိုက် အပေါ့ အငံအချဉ် အချိုရအောင် ချင့်ချိန်ထည့်ပါ။

အသာလုပ်ပါ အက်မေရယ် ..

အိမ်မှာ သားအဖ၂ယောက်က သတင်းပလင်းစုံသည်။ နိူင်ငံမှာ တစ်ခုခု ဖြစ်ပြီ၊ ကမ္ဘာမှာ တစ်ခုခု ဖြစ်ပြီဆို သူတို့ အရင်သိနှင့်သည်။ TV ကနေ လိုင်းပေါ်က‌နေ သတင်း ပလင်း update တွေကြည့်ပြီး သားအဖ နှစ်ယောက် အမြဲ ဆွေးနွေးနေတတ်သည်။

ဥပမာ.. ခုတက်လာတဲ့ ဝန်ကြီးချုပ် အသစ်က တလွဲနော် .. %^&())))(%$$@#%^^&&&&&

ထရန့်က ရှက်လဲ မရှက်ဘူး လျှောက်ပြောနေတာ ...

ဘီလ်ဂိတ်က ရုရှမ တွေနဲ့ ရှုပ်တာ ဝန်ခံလိုက်ပြီ နော် ဘလာ .. ဘလာ..

...

ထိုသတင်းများကို သူတို့ဟာသူတို့ ဆွေးနွေးရုံမက ဘေးက အသာနေသည့် အန်တီဆွိပါ ဆွဲဆွဲထည့်သေးသည်။

အမေ သိပြီးပလား.. &^%$#$*))__*&^%@@$&)(&^%&&***^$#@$^&(( ဘလာ .. ဘလာ

...

...

ဒီမနက်လဲ စောစောစီးစီး အိပ်ရာမှ နိုးနိုးချင်း အဖေလုပ်သူက သတင်းပေးလာသည်။

ဆွိလေးရေ သိပြီးပလား ...

..

ဘာတုံးတော့။

ထရန့်က အီရန်ကို စစ်ကြေငြာလိုက်ပြီ။

သူပြောပုံက ခြောက်ခြောက်ခြားခြား ရှိလှသည်။

ဟိုး ဝထ္ထုတွေထဲမှာဖတ်ဖူးသလို အဘွားတို့ ခေတ်က ဒုတိယကမ္ဘာစစ်ကြီး စဖြစ်တုံးက အခြေ အနေ ပြောပုံမျိုးကြီး။

အို ..ဟုတ်လားတော့ ))))))

အဲဒါဆို ကမ္ဘာစစ်တောင် ဖြစ်တော့မလား မသိဘူးတော်။

..

အေးကွာ.. အခြေအနေက မပြောနိူင်ဘူး ...

..

သူပြောမှပဲ မပြေးသော်လည်း ကံရာရှိ ကမ္ဘာစစ် ဖြစ်ရင် ဘယ်နား ပြေးရမလဲစဉ်းစား။ ဆစ်ဒနီဆိုတာ မြို့ကြီးဆိုတော့ အနုမြူဗုံး လာ ချရင်ဒုက္ခပါပဲတော်။

အန်တီဆွိ ကတော့ ထုံးစံအတိုင်း တဆုံးတွေးချလိုက်သည်။

သြဇီ အလယ်က Alice Spring ဆိုတဲ့ မြို့သေးလေး ဆိုရင်တော့ မဆိုး။

အိမ်စျေးတွေ ဘယ်လောက်ရှိလဲ ကြည့်ဦးမှပါဆို Au ရဲ့ Real Estate ကြော်ငြာ တွေထဲ ဝင်ကြည့်သည်။

ယောက်ျား‌ရေ အိမ်စျေးတွေက သက်သာသားတော့၊ ဆစ်ဒနီ တစ်ဝက်လောက်ပဲရှိတာ ... ဘလာ .. ဘလာ ... လင်မယားနှစ်ယောက် စစ် အကြောင်းကနေ အိမ်အကြောင်း ရောက်သွားကြသည်။

..

..

သို့နှင် မနက် ထမင်းဟင်း ထချက်ပြီး သမီးတော် နိူးလာသည်။

သမီးနိုးပြီလား .. အမေ ဘာတွေ ချက်နေလဲ နှုတ်ဆက်ကြရင်း ဂျူဂျူမှ ရုပ်တရက်ကြီးမေးချလာသည်။

အင်တန်မှ အရေးကြီးသော သတင်းကြီးတစ်ခု သူမထံမှာ ရှိနေသည့် ပုံစံမျိုး ..

..

မေမေ သိပြီးပလား။

..

ဘာတုံးဟက်။

..

ပထမတော့ ဘာပြောမှန်းမသိ ကြောင်နေရာကနေ စောနကပဲ သူ့အဖေက သတင်းကို ဦးအောင် ပြောပြီးပြီဆိုတော့ သတိရလာသည် စစ်သတင်းပဲ ဖြစ်မှာပေါ့..

..

..

..

အော် ဒါလား ... အမေက စစ်ဖြစ်ရင် ပြေးဖို့ နေရာတောင် ရှာပြီးနေပြီ...

Alice Spring မှာ သွားနေမလားလို့ စောနက အိမ်ကြော်ငြာတွေတောင်ကြည့်နေတာ၊

..

ဟာ ... မေကလဲ ... လုပ်ပြီ ...

ဂျူဂျူကား သူ့ အမေကြီး သူမနိူင်ဆိုသော ရုပ်ဖြင့် ထုံးစံအတိုင်း ပြောလေသတည်း။

non-sticker ကင်းစင် ... မီးဖိုချောင်တွင်

အလုပ်ကနေ အနားယူပြီးနောက်မှာ healthy life style ဖက်ကို ပိုသွားမယ်လို့ တွေးထားတာ။

...

မနှစ်လောက်က ၊ ကြာပါပြီ..

အိမ်မှာတစ်ရက် သမီးတော်က အမေနယ်ပေးထားတဲ့ ကြက်သွန်မြိတ် ဝက်ဂုတ်သားကို ကြော်နေတာ gas မီးဖိုးမှာ မီးခိုးတွေ ထောင်းထောင်းထ၊ သုံးတာက non-sticker အိုးနဲ့ ဆိုတော့ သမီးအတွက် စိတ်ပူမိတယ်။

သမီးရေ non-sticker အိုးတွေက အပူချိန် အရမ်းမြင့်ပြီး ဆီတွေက smoking point ရောက်သွားရင် Teflon coat တွေကနေ chemical တွေ ထွက်ပြီး ကျန်းမာရေး အတွက် အန္တရာယ် ရှိနိူင်တယ်၊ non-sticker အိုး မသုံးပါနဲ့လားဆိုတော့ အဲဒါဆို steel အိုး ဝယ်ပေးပါလားတဲ့။

အိမ်မှာ အမြဲကြော်နေကျ တရုတ် wok အိုးကြီးရှိတာကို၊ သူက ကြီးလွန်းတော့ အိမ်က princess လေးက မသုံးချင်ဘူးလေ။

ကိုယ်ကတော့ အဲဒီ chemical တွေ အူယားလွန်းလို့ အိမ်မှာ ဘာကြော်ကြော် ဘာချက်ချက် တရုတ်အိမ်တွေလို အဲဒီ ဆီဝနေတဲ့ wok ဒယ်အိုးကြီးပဲ ထည်လဲသုံးတာ၊ ချက်လိုက် ဆေးလိုက် အပူပေးလိုက်၊ ဆီသုပ်လိုက်နဲ့ ဟန်ကျနေတာ။

အဲဒီက ထွက်တဲ့ smoke ကတော့ chemical တွေ မပါတော့ သုံးရတာ စိတ်ထဲ အန္တရာယ်ရှိတယ် မထင်ဘူး။

ဒီ non-sticker တွေက ကြက်ဥကြော်ေလာက်တဲ့ အပူချိန် (deg C) ၁၆၀ ကနေ ၂၀၀ လောက်သာ အကောင်းဆုံး ဖြစ်ပြီး၊ ၂၀၀ ကနေ ၂၃၀ လောက်အထိက ဆီမီးခိုးတွေ ထွက်သည်အထိ အချိန် အကြာကြီးသုံးမိရင် အန္တရာယ် ရှိပါတယ်တဲ့။ အပူချိန် ၂၆၀ နောက်ပိုင်းတော့ coating တွေ ပျော်ကျ ပြတ်ကျ နိူင်တဲ့ အပူချိန်မှို့ သုံးဖို့ လုံးဝ မသင့်တော်ပါဘူးတဲ့။ ဘယ်သူကများ အပူချိန် တွေ တိုင်းပြီးသုံးနိူင်မှာမှို့လဲ။ ဒီအပူချိန်တွေ ချက်ရင်းကြော်ရင်း သုံးမိကြမှာပဲ မဟုတ်လား။

ဒါကြောင့် အိမ်မှာ အန္တရာယ်ကင်း၊ဘေးရှင်းအောင် non-sticker တွေကို တတ်နိူင်သမျှ မသုံးရအောင်ဆို မိသားစု တိုင်ပင်ကြတယ်။ သမီးက အဲ့ဒါဆို သူ့အတွက် steel ဒယ်အိုး ဝယ်ပေးဆိုတာနဲ့ ဒီပြောင်းလာတော့ စင်္ကာပူကနေ WMF စတီးအိုး set လိုက်ဝယ်တာ သတိရ၊ အဲ့ တုံးက စတီးလ် ဒယ်အိုးက ကပ်လို့ဆို ထုတ်ကိုမသုံးခဲ့တာပါ။ non-sticker အိုးတွေပဲ သုံးတာ များတယ်။ မကပ်တော့ အရမ်းကြိုက်ခဲ့ သုံးခဲ့တာပေါ့။

ဒါနဲ့ ကားဂိုထောင်ထဲက အထုတ်တွေ ပုံးတွေထဲ ရှာတာ မတွေ့တာနဲ့ ဒီတိုင်းပဲထားလိုက်တာ။ သမီးကတော့ non-sticker အိုး မသုံးပဲ air frier သုံးတာ များလာတယ်။

ဟိုတလောကတော့ steel ဒယ်အိုး ရှာမတွေ့လဲ အသစ်ဝယ်တော့ မယ်ဆို မဝယ်ခင် နောက်ဆုံးတစ်ခေါက် အင်တိုက် အားတိုက် ပြန်ရှာတာ.. ကားဂိုထောင်ထဲက ကပ်ထူပုံးတစ်လုံးထဲမှာ ကြွပ်ကြွပ်အိပ်နဲ့ သေချာထုတ်ထားတဲ့ steel ဒယ်အိုး ပြန်တွေ့ပါလောရော၊ ပျော်လိုက်တာဆိုတာ ရွှေအိုး ပြန်တွေ့တဲ့ အတိုင်း။

steel ဒယ်အိုးလေး ပြန်တွေ့တော့ သမီးကိုလဲ အဲ့အိုးပဲ သုံးခိုင်း၊ ကိုယ်လဲ ဆီဝနေတဲ့ wok ကြီး အပြင် အဲဒီ စတီးလ်အိုးလေး သုံးတော့ တော် တော် အဆင်ပြေသားပဲ။ ခုဆို ဆီပဲ ဝသွားလို့လား သိပ် ကပ်လှတယ်ရယ်လဲ မရှိပါဘူး။ 90% လောက် ကတော့ မကပ်တဲ့ အစားအ‌သောက်တွေပဲ ကြော််ဖြစ် ချက်ဖြစ်တာများလို့ အရင်ကလို non-sticker ရဲ့ အဆင်ပြေမှုကို သိထားလို့ သုံးတာမျိုး မဖြစ်တော့ဘူး။

ဟင်းချက်တဲ့ အိုးတွေကတော့ အိမ်မှာ အားလုံး steel အိုးပဲ သုံးတာ ကြာပါပြီ။ non-sticker တစ်လုံးမှကို မရှိတော့တာ။ အိမ်က ခုသုံးနေတဲ့ WMF model ကို ကြိုက်လွန်းလို့ နောက် တစ်ဆက် ေတာင် ထပ်ဝယ်ထားတာ။ ဒယ်အိုးေတာ့ မပါဘူး။ ခု ဒယ်အိုးသာ ပြောင်းနိူင်ရင် တော် တော် များများ အန္တရာယ် ကင်းပါပြီ၊

အိမ်မှာ သမီးအမြဲသုံးတဲ့ ဒယ်အိုး အသေးဆုံးလေးက နောက်ဆုံး non-sticker လေးပါ။ ပြီးခဲ့တဲ့ အပတ်ကပဲ ပစ်လိုက်ပြီး သမီးနဲ့ ကိုက်မဲ့ scan pan stain less steel ဒယ်အိုး အသေးလေးတစ်လုံး ဝယ်လိုက်တယ်။

လောလောဆယ် rice cooker ကတော့ non -sticker ပဲ၊ Air fryer က တော့ Al foil သုံးတော့ ကိစ္စမရှိလှ။

Carbon steel (wok) အိုးကို မကပ် အောင် seasoning လုပ်လို့ရပေမဲ့ stainless steel အိုးကတော့ မရပါဘူးတဲ့။ လုပ်ကြည့်ရင်လဲ ခဏသာ ခံပြီး oil coating က ပြန်ကွာသွားတတ်ပါတယ်တဲ့။

stainless steel အိုးကို အကပ်သက်သာအောင် သုံးနည်းရှိပါတယ်။

ပထမဆုံး အိုးကို ဆီမထည့်ခင် medium heat နဲ့ တစ်မိနစ်-၂မိနစ် လောက် ပူနေ ‌အောင်ထားပြီးမှ ဆီကိုထည့် ခဏစောင့်ပြီးမှ ကြော်ရင် အိုးကပ်သက်သာပါတယ်တဲ့။

ငါးတွေ ဘာတွေ ကြော်လဲ ပူနေတုံး မလှန်ပဲ သူ့ သဘာဝအတိုင်း အေးသွားမှ ခွာရင် အဆင်ပြေပါတယ်။

stainless steel အိုးကို seasoning လုပ်ချင်လဲ အ ပေါ် က အတိုင်း လုပ်နိူင်ပါတယ်။ permanent non-sticking ဖြစ်မသွားပေမဲ့ အိုးကသိပ်မကပ်တော့ပဲ ပို သုံးရတာ အဆင်ပြေပါတယ်။

အိမ်မှာတော့ non-sticker free kitchen လုပ်ဖို့ rice cooker ကို ဒန်အိုး ဖြစ် ဖြစ်၊ စတီးအိုး ဖြစ်ဖြစ် ရှာရပါဦးမယ်။

ဒီရောက်စက စင်္ကာပူရီယမ် သူငယ်ချင်းမ တစ်ယောက်ရှိတာ၊ သူက အဲ့အချိန်ကတည်းက non-sticker free, microwave free သူ့ အိမ်မှာ။

အဲ့တုံးက သူက rice cooker ကို non-sticker မဟုတ်တာ လိုက်ရှာတာမှာ သူနဲ့ ခြေတိုအောင် သွားရှာခဲ့ကြတာ သတိရတယ်။

သူ့ကို kiasu ဆိုပြီး အတင်းပြောခဲ့တာလဲ သတိရတယ်။

ခုတော့ ဝဋ်လည်ပြီပေါ့။

...

ရေးရင်းနဲ့ ဗိုက်ဆာလာပြီ။ steel ဒယ်အိုးလေးနဲ့ ကြက်ဥလေး half fry လေးသွားကြော်စားလိုက်ဦးမယ်နော်၊

စမ်းကြည့် မလို့။ ကြက်ဥတော့ မကြော် ဖူးသေးလို့၊။

...

non-sticker ကင်းစင် ... မီးဖိုချောင်တွင်

...

အားလုံး ကျန်းမာကြပါစေ။

Superstitious အယူသီးခြင်း (အပိုင်း ၅, ဇာတ် သိမ်း )

မနေ့ညနေကတော့ 3D printer အကြောင်းပြောနေကြရင်း အနားမှာ လူစုံတုံး ကိုယ် သိချင်နေတဲ့ အကြောင်း အရာကို မေးလိုက်တယ်။ အရမ်းသိချင်နေပြီကိုး။

...

"ဒါနဲ့ .. ငါ ထွက်သွားတော့ နောက်ထပ် ငါး တစ်ကောင်ကျန်ခဲ့တာ ... တစ်ယောက်ယောက်များ flip လုပ်မိလိုက်ကြလား .."

...

ဘေး စားပွဲက ဖိလစ်ပင်းကောင်လေးကတော့ ခေါင်း ရမ်း ပြနေတယ်။ သူမသိဘူးဆိုတဲ့ အဓိပ္ပါယ်။ သူလဲ အစောကြီးထဲက ထွက်သွားတာ။

...

ရှေ.ခုံက တစ်ယောက် ကတော့ ထိုင်နေရာကနေ မတ်တပ်ရပ်လိုက်ပြီး ပြုံးနေတယ်။

ပြီးမှ ...

..

"အေး.... ငါ ငါးရိုးကို ဖယ်လိုက်ပါတယ် ... ဘယ်သူမှ ငါးကို flip မလုပ်ကြပါဘူးဟ"

...

ဖြေတဲ့သူက Alex ဆိုတဲ့ ဟောင်ကောင်က တရုတ်လေး။ သူက စကားနဲတယ်။ မမေးရင် တော်ရုံ ဘာမှ ဝင်ပြောလေ့မရှိသူ။ ပြီးတော့ ဆက်ပြောသေးတယ်။

..

"ငါ့အမေက အိမ်မှာလဲ အဲလို ငါးပေါင်းနေကျ။ အဲလိုပဲ ငါး ကို လှန်မစားပဲ ငါးအရိုးဖယ်နေကျ လေ .. ငါလဲ used to ဖြစ်နေပြီ ..."

..

အော် ဟုတ်သားပဲ... ငါက နင်ဟောင်ကောင်က ဆိုတာ မေ့နေတာ...

ဆို ပြောပြီး စိတ်ထဲကနေ တော်သေးဆို သက်ပျင်းတစ်ချက် ခိုးချ ရပါတော့တယ်။

...

" နို့ .. ဒါနဲ့ နေပါဦး အဲဒီ အယူအဆက ဘယ်ကနေ ဘယ်လိုဖြစ်တာလဲ ရှင်းပါဦး ..."

...

"အေး ... ဒါက..ဒီလို ... သင်္ဘော တွေမှာ ငါးတွေဖမ်းလို့ရလို့ ချက်စားကြပြီဆို ငါးကို အဲလို တစ်ဖက် လှန်စားရင် ငါး ကို up side down လုပ်ရတာ မလား"

..

"အေး .. "

...

" အဲလိုဆို သင်္ဘော လဲ up side down ဖြစ်ရောတဲ့။ သ‌င်္ဘော မှောက်တတ်တယ်ပေါ့ ဟာ ... အဲလို အယူရှိတာ .."

...

" အဲဒါကို အစွဲပြုပြီး တို့တွေ ငါးကို လှန်စားမိရင်လဲ အဲလို ကျွမ်းထိုး မှောက်ခုံ ... up side down တွေ၊ ကမောက် ကမတွေ ဖြစ်မယ်လို့ ယူဆကြတာပါ .."

..... .... ....... .... .... .... ... ... ... ...

.... ...

... ...

... ...

ဟင်း ... ))))) .. ငါးကို မလှန်လိုက်မိတာ တောင်နော် ...... See less

Superstitious အယူသီးခြင်း (အပိုင်း ၄ )

 

ရောဂါပျောက်သွားတော့လဲ ဇာတ်လမ်း က မပြီး သေး ပြန်ပါဘူး။

ဒီလိုပဲ ကွန်ပြူတာရှေ့ အလုပ်လေး ဆက်လုပ်နေတုံး lab ထဲက CNC machining လုပ်တဲ့ သူက ကိုယ်ခိုင်းထားတဲ့ ပစ္စည်းလေး ပြီးလို့ လာပေးတယ်။ Aluminium part ကို prototype လုပ်ဖို့ machining လုပ်ခိုင်းထားတာပါ။ holiday မတိုင်မီတစ်ပတ် အလို ကတည်းက လုပ်ခိုင်းထားတာ ခုမှပြီးတာ။
..
သူလာပေးမှပဲ ကိုယ်လဲ အဲဒီ part နဲ့ assembly လုပ်ရမဲ့ 3D print လုပ်ဖို့ မေ့နေတာ။ အမှန်ဆို ကိုယ်က သူ့ဆီက ပစ္စည်းရတာနဲ့ assembly လုပ်ဖို့ ရည်ရွယ်ထားတာ။ စိတ်မြန်တဲ့ ကိုယ့်ရဲ့ ထုံးစံအတိုင်း မနက်ဖြန်တော့ assembly လုပ်နိူင်အောင်ဆို လုပ်လက်စ အလုပ်ကို ရပ်လိုက်ပြီး 3D print အတွက် ပြင်ဆင်ရပါတော့တယ်။ အားလုံးပြင်ဆင်ပြီး software မှာ "print file " ဆိုပြီး လုပ်လိုက်ရော 3D printer က ကွန်ပြူတာနဲ့ အဆက် အသွယ် မရှိပါဘူးဆိုပြီး message ကြီး ပေါ်် လာတယ်။
..
အဲဒီကျမှ စောနက မီးပျက်တုံးက boss က ငါ 3D printer တွေ မီးပြန်လာရင် damage ဖြစ်မှာစိုးလို့ သွားပိတ်လိုက်ဦးမယ် ဆိုပြီး သွားပိတ်တာ သတိရ၊ machine ကို power on ဖို့ lab ထဲသွားရပါတော့တယ်။ တစ်ခုခု ပြသနာဖြစ်မှာ စိုးလို့ ဘေးက boss ကိုခေါ်် ပြီး အတူ ဖွင့်ဖို့ရာ သူက တခြား colleague တစ်ယောက်နဲ့ စကား လက်ဆုံကျနေလို့ မခေါ်ဖြစ်တော့ပါဘူး။
..
Printer နားရောက်တော့ စက်မဖွင့်မီ နောက်မှာ စက်ကို protect လုပ်မဲ့ transformer လို စက်တွေ ဖွင့်ထားရဲ့လား သေချာစစ်၊ မီးလင်းနေတာ သေချာမှာ 3D printer ရဲ့ နောက်နားမှာရှိတဲ့ ခလုပ်လေးကို နှိပ်ဖွင့်လိုက်တာ စက်က ကွန်ပြူတာတွေ ဖွင့်သလို စက်သံမျိုး ကြားရတော့ ok ... စက်က အလုပ်လုပ်သားပဲပေါ့ ဆို တွေးနေတာ။ အတွေးတောင် မဆုံးသေး "ဖောင်း " ဆို အ ထဲက တစ်ခုခု ပေါက်ကွဲသံလိုမျိုး ကြားလိုက်ရပါတယ်။
လူက လန့်သွားပြီး ဘေးက Lab ထဲက technician ကို ဟာ အထဲမှာ တစ်ခုခုတော့ ဖြစ်ပြီ ထင်တယ်။ Electrical short ဖြစ်တာလား မသိဘူးဆိုတော့ သူက အရင်ကလဲ ငါ ဒါမျိုးကြားဖူးပါတယ်။ ဒါ အထဲက air ပိုက် ပေါက်တာ နေမှာပါ။ စိတ်မပူပါနဲ့ဆို စိတ်က အေးသွားတယ်။
..
ဒါပေမဲ့ ရှေ့က screen display က ၂ မိနစ် လောက်ကြာသည်အထိ ဘာမှ မပေါ်လာပဲ black screen ပဲ မြင်နေရတာတော့ သိပ်တော့ မဟုတ်သေး ဘူး ဆို တွေးနေမိတယ်။
၅ မိနစ်လောက်ကြာတော့ လဲ ဘာမှ မထူးတော့၊
ဟေး William ဒါတော့ ပါဝါ က တခုခုဖြစ်တာ နေမှာဆို boss ဆီ အကြောင်းကြား။
boss နဲ့ တခြား ကျွမ်းကျင်တဲ့ တစ်ယောက်က လာကြည့် ပြီး power supply ကျွသွားတာလို့ ကောက်ချက်ချကြတယ်။
..
နောက်နေ့ ကျတော့ 3D printer ကို support လုပ်တဲ့ ကုမ္ပဏီက လာကြည့်၊ပြီးတေ့ သူ့ကုမ္ပဏီပြန်ပြီး power supply လဲပေးဖို့ ပြန်ယူနေတယ်ပြော သံ ကြားလိုက်တယ်။
...
နောက်ဆုံး ဇာတ်သိမ်းသော် ... လာပြင်တဲ့ သူလဲလက်လျှော့သွားပြီး 3D printer ကို write off လုပ်လိုက်ပါတော့တယ်။ ဒီ printer က အရင်ကလဲ အဲလို ပြသနာ ဖြစ်ဖူးလို့ power supply နှစ်ခါလောက် လဲဖူးပြီးသား ပါတဲ့။
ခုတော့ နောက်ထပ် 3D printer အသစ် ဝယ်ဖို့ရာ market မှာ research လုပ်နေရပါတယ်။ budget က အရမ်း မများပါဘူး၊ ဒေါ်လာ တစ်သိန်းခွဲ လောက်ပါ။ industrial သုံး 3D printer ထဲမှာတော့ အလယ် အလတ်လောက်ပဲ ရနိူင်တဲ့ budget ပါ။
...
(စကားချပ် ... ထိုနေ့က အိမ်ပြန်ရောက်တော့လဲ ညနေစာ စားပြီးပြီးချင်း နေ့ခင်းက ဖြစ်သလိုမျိုး ထက်တောင် ပြင်းထန်တဲ့ နာကျင်မှုမျိုးနဲ့ ဗိုက်အောင့်လို့ emergency ခေါ်် ရမလောက် အထိ အခြေအနေဖြစ်ခဲ့တာ၊ ည အိပ်ခါနီးလောက်မှ ဝေဒနာ ပြန်သက်သာသွားတယ်ဆိုတာတော့ ဇာတ်ရှည်နေမှာစိုးလို့ ခုလို အတို ချုံးပြီးရေးလိုက်ပါတယ်။ မဟုတ်ရင် ပိတ်သပ် က ဇာတ်ရှည်လွန်းလို့ သေနတ်ထုတ်တဲ့သူက ထုတ်ကုန်ကြပြီ Thet Wai )
.....
တစ်ရက်တည်းနဲ့ ဒီလောက် ပြဿနာတွေများတာ၊ ပြသနာ တစ်ခု ဖြစ်တိုင်းလဲ boss ကို ဒါတောင် ငါ ငါးကို မလှန်တာနော် ဆို သွားပြော၊ boss ကလဲ ရယ်မြဲ။ နင်မရှိတုံး တစ်ယောက်ယောက် flip လုပ်လိုက်တာနေမယ်ဆို နောက်မြဲ။

superstitious အယူသီးခြင်း (အပိုင်း ၃)

 

စိတ်ထဲမှာတော့ အော် ... ဒီလောက်နဲ့ ပြီးသွားတာ တော်သေးတာပေါ့ ၊ ငါထွက်သွားပြီး ၊ နောက်ငါးတစ်ကောင်ကို သူတို့ အရိုးမဖယ်ပဲ တစ်ဖက်လှန်စားလိုက်ကြတယ်ထင်တယ်ဆို တွေးနေတာ။
...
ဇာတ်လမ်းက မပြီးသေး...
မီးပြန်မလာခင် ၁၀ မိနစ်လောက်မှာပဲ ကိုယ်လဲ ဟိုဒီလျှောက် လမ်းသလားပြီး လေကပစ်ထားတော့ ရေက ဆာလာပါလေရော။ စားပွဲ ပြန်ပြီး ရေယူတော့ ရေဗူးထဲ ရေက တစ်စက်မှမရှိ။

ခါတိုင်းဆိုရင်တော့ မနက် ရုံးရောက်တာနဲ့ အိတ်ကလေးအသာချ ကွန်ပြူတာလေး ထပ် ကနဲ ဖွင့်ပြီး ထိုင်တောင် မထိုင်ဘူး။ ရေဗူးရယ် ကော်ဖီ ဖျော်တဲ့ မတ်ခွက်လေးရယ်ကိုင်ပြီး pantry ထဲသွား။ နွားနို့ကိုခွက်ထဲ အပြည့်ထည့် မိုက်ခရိုဝေ့ထဲ နွှေး ထားခဲ့ပြီး ရေအိမ်ဝင်၊ ပြန်လာ ကော်ဖီဖျော် ရေဗူးထဲ ရေ အပြည့်ဖြည့်နေကျ။

ဒီနေ့ကျတော့ ခဏနေ steam fish စားမှာပဲဆို ခါတိုင်း လုပ်နေကျ routine တွေ မလုပ်မိတော့ဘူး။

ဒါနဲ့ ရေဗူးလေးယူပြီး pantry ထဲ ရေသွားခပ်တာ ရေအေး ပိုက်ကလဲ မီးပျက်လို့ အလုပ်မလုပ်ရှာဘူး။ လူက ရေဆာနေပြီ။ နောက်တော့ ငါဒီနေ့ နွားနို့ မှ မသောက်ရသေးတာဆို မတ်ခွက်လေး ပြေးယူ နွားနို့ ထည့်ပြီး နွှေးမယ်ကြံတော့ မိုက်ခရိုဝေ့ကလဲ အလုပ်မလုပ် တာနဲ့ (မီးမှ မလာတာ) နွားနို့ ကို ခွက်အပြည့် အစိမ်းအတိုင်း မော့ချလိုက်တာ ရေဆာတော့ တော်တော် ပြေသွားတယ်။

နောက်တော့ မီးပြန်လာတာနဲ့ ကွန်ပြူတာရှေ့ထိုင် အလုပ်လုပ်နေတာ ။
၁၅ မိနစ်လောက်ပဲ ရှိသေး ဗိုက်ထဲကနေ မခံမရပ်နိူင်အောင် ထိုးအောင့် လာပါလေရော။ နောက်တော့ အစာအိမ်နေရာလောက်မှာ လေတွေခိုသလို လေပျို့ချင်သလိုလို အန်ချင်သလိုလို ဘဝမှာ တစ်ခါမှ မခံစားဖူးတဲ့ ဗိုက်အောင့် လေထိုး ဝေဒနာကြီးကို ခံစားရတော့တာပါပဲ။ ဗိုက်ခဏခဏ အောင့်ဖူးပါတယ်။ ဒါပေမဲ့ အဲလို ရင်ခေါင်းကနေ လှိမ့်ပြီး လေပူပေါင်းလိုဖြစ်ပြီး တစ်ခါမှ မအောင့်ဖူးတော့ တော်တော်ခံရခက်ပါတယ်။

မခံနိူင်တော့ အိမ်သာထဲသွားထိုင်လိုက်၊ စားပွဲဆီပြန်လာလိုက် ၊ ဆေးခန်းပြေးရင်ကောင်းမလား စဉ်းစားနေတာ။ ဘာဖြစ်တာလဲဆို google ကြည့်တော့ နွားနို့မှာပါတဲ့ lactose intolerance ဖြစ်တာလို့ သဘောပေါက်လိုက်တယ်။ ပြောရရင်တော့ food poison သဘောမျိုးဖြစ်တာ။

နွားနို့ အစိမ်းကို နေ့စဉ်.နှစ်ပေါင်းများစွာ သောက်ခဲ့ဖူးတာ (ကိုယ်က ဝမ်း ချုပ် တတ်သူမို့ တမင် သောက်တာပါ) ဒီနေ့ကျမှ ဘာလို့ ထူးဆန်းစွာ ထ ဖြစ်ရလဲဆိုတာ တွေးနေမိပြီး ဟို ငါးလှန်စားတဲ့ ကိစ္စ ကိုပဲ စိတ်က ရောက်သွားပြန်တယ်။ ဒီနေ့ကျမှ ဒီလို ထူးထူးဆန်းဆန်း တစ်ခါမှ မဖြစ်ဖူးတာတွေ ထ ဖြစ်နေရတာလဲ ??

ဆက် google ကြည့်တော့ ဒီရောဂါက သိပ်စိတ်ပူစရာ မရှိပါဘူး။ နာရီဝက် တစ်နာရီလောက်နေရင် ကောင်းသွားတတ်ပါတယ်ဆို တော့ တကယ်ပဲ တစ်နာရီခွဲလောက် နေတော့ ပြန်ကောင်းသွားပါတယ်။ ရေအိမ်ထဲတော့ ခဏခဏ သွားထိုင်လိုက်ရတယ်။

ရုံးကလူတွေကတော့ ဒီနေ့ Cho Cho တစ် ယောက်တော်တော် ဂဏှာမငြိမ်ဖြစ်တယ် ထင်နေမှာပဲ။ ဘယ်သူ့မှတော့ ပြော မနေပါဘူး။ ဆေးခန်းမှ မသွားလိုက်ရတာဆိုတော့။
ရောဂါပျောက်သွားတော့လဲ ဇတ်လမ်း က မပြီး သေး ပြန်ပါဘူး။