Monday, November 30, 2020

စင်္ကာပူစတိုင် Fried fish soup

 


စင်္ကာပူစတိုင် Fried fish soup အတွက် လိုတဲ့ ပစ္စည်းတွေက (လူ ၅ယောက်စာ အတွက်)

Ling fish  fillet (အသားချည်း )  - ၅၀၀ ဂရမ်

အကြော် မှုန့် - စားပွဲဇွန်း ၃ဇွန်းခ့န်

ငရုပ်ကောင်းမှုန့် (white pepper) အနည်းငယ်

ပဲပြား (Tofu) - ၂ခုခန့်

ခရမ်းချဉ်သီး - ၂လုံး

ဆလတ်ရွက် တစ်ထုတ် (Iceberg lettuce )

မုန်ညင်းဖြူရွက် တစ်စည်း (Choy Sum)

ကြက်သွန်မြိတ် (Spring Onion)

နံနံ (Coriander) 

ကြက်သွန်နီကြော် 

 နန်းလတ် မုန့် တီ အစို (မရှိရင်) အခြောက် တစ်ထုပ် (jiangxi rice stick)  

ကြိုက်တတ်ရင် ငနီတူကြော်၊ ရေညှိအခြောက်တို့ကိုလည်း အဆင်သင် ပြင်ဆင်ထားပါ။

-----------------------------------------

ဟင်းချို အတွက်

ငါးရိုး ၅၀၀ ဂရမ် (မရလျှင်) ဆယ်လ်မွန် ငါးရိုး - 1 kg

ငါးနီတူငါး  ၂၀ ကောင်ခန့်  (ikan bilis )

ပဲပိစပ် (Soy bean) -1 cup

ဂျင်း အနည်းငယ်

နွားနိူ့ အနည်းငယ်

-----------------------------------------------






မုန့်ဖတ် ပြုတ်ရန်

မုန့်ဖတ်အခြောက်ဆို ပြုတ်ပြီး ရေစစ်၊ အဆင်သင့်ဖြစ်အောင် အအေးခံထားပါ။


ဟင်းချို ပြင်ဆင်ခြင်း

ပထမ ဆုံး ဆယ် လ် မွန် ငါးရိုးတွေကို အညှိ အချွဲတွေပျောက်အောင် ဆားနဲ့ နယ်ပြီး ရေ ၃-၄ ခါလောက် ဆေးချပါ။

အညှိတွေ ပျောက်သွားရင် ငါးနီတူ၊ ပဲပိစပ်၊ ဆား ၊ ဂျင်း ပါးပါးလှီးထားတာ ၃-၄ ပြားလောက်ထည့်ပြီး ရေမြုတ်အောင် ၄၅ မိနစ်ခန့်ပြုတ်ပြီး အချိုရည်ရအောင် ယူထားပါ။ 

ပြီးရင် နွားနို့ အနည်းငယ် ရော၊ ဆူပွက်နေအောင် ပြန်ကျိုပြီး ဟင်းချိုကို အပေါ့ အငံ အချို အနေတော်် ဖြစ်အောင်ပြင်ထားပါ။


အခြား ingredient များ ပြင်ဆင်ထားရန် 

ငါးကို လက်တစ်လုံးခန့် အထူလေးတွေ လှီးပြီး ဆား (အနည််းငယ်သာ) ငရုပ်ကောင်း မှုန့်တို့နှင့် နယ်ထားပါ။

ပြီးရင် အကြော် မှုန့်ကို ရေအနည်းငယ်နဲ့ ဖျော်ပြီး ငါးအသားလွှာ တစ်ခုလုံးနစ်အောင် နှစ်ပြီးမှ  ကြွပ်‌ ‌နေအောင် ကြော်ပြီး ဆီစစ်ထားပါ။

ပဲပြားကို လက်မဝက်ပတ်လည် အတုံးလေးတွေ တုံးထားပါ။

ခရမ်းချဉ်သီးကို ၈စိတ်စိတ်ထားပါ။

ဆလတ်ရွက်ကို အရွက်လေးတွေ ခွါထားပါ။

မုန်ညင်းရွက်ကို နှစ်လက်မ အရှည်လေးတွေ ဖြတ်၊ အစိမ်းရောင် မပြတ် ‌ရေ‌နွေး‌ေဖျာပြီး စစ်ထားပါ။

ကြက်သွန်မြိတ် နံနံပင်ကို ပါးပါးလှီးထားပါ၊


ပွဲပြင်ရန်အတွက်

ပထမဆုံး ဇလုံခပ်ကြီးကြီးထဲကို ဆလတ်ရွက်အလွှာတွေ ကို ခင်းလိုက်ပါ။

အပေါ် ကနေ မုန့်ဖတ် ကို သင့်တော် သလိုထည့်ပါ။

မုန့်ဖတ်ပေ်မှာ ပဲပြား၊ ခရမ်းချဉ်သီး၊  မုန်ညင်းရွက်၊ ငါးကြော် အစရှိသည်တို့ကို လှအောင် စီထည့်ပြီး ဟင်းချို ပွက်ပွက်ဆူကို ဇွန်းနဲ့ လောင်းထည့်ပါ။

အပေါ်ကနေ နံနံ ၊ ကြက်သွန်မြိတ် ၊ ကြက်သွန်နီကြော်ဖြူးပြီး စားနိူင်ပါပြီ။

ကြိုက်တတ်ရင် ငနီတူကြော်၊ ရေညှိအခြောက်တို့ကိုလည်း ပြင်ဆင်ပြီး ထည့်စားနိူင်ပါတယ်။

အလွန် အရသာရှိတဲ့ fried fish soup ဖြစ်ပါတယ်။




Thursday, November 5, 2020

Singapore စတိုင် Carrot cake လုပ်နည်း



စင်္ကာပူမှာ fried carrot cake ဆိုတာ သိပ်နာမည်ကြီးပြီး စားလို့လဲ သိပ်ကောင်းတာ။ အိမ်က ဂျူဂျူလေးက သိပ်ကြိုက်လို့ ဒီရောက်မှ ခဏခဏ လုပ်စားဖြစ်နေတာ။ Carrot cake ဆိုပေမဲ့ မုန်လာဥနီလုံးဝ မပါပဲ radish - မုန်လာဥ အဖြူနဲ့ ပဲ လုပ်တာသာဖြစ်ပြီး မြန်မာပြည်က အော်််််််််််််််််််််််ကေ့ကြည်လုပ်နည်းနဲ့ တူတူပါပဲ။
လုပ်နည်းလေး အမှတ်တရဖြစ်အောင် မှတ်တမ်းလေး ရေးထားပါမယ်။
Fried Carrot cake ၆ ပွဲစာလောက်အတွက် လိုအပ်တဲ့ ပစ္စည်းတွေ ကတေ့ာ့့ ...
မုန်လာဥ ၆၅၀ ဂရမ်
ပုဇွန်ခြောက်မှုန့် စားပွဲဇွန်း ၃ ဇွန်း
ကြက်သွန်ဖြူ ၆ မွှာခန့် နုတ်နုတ်စင်းထားပါ
ဆီ စားပွဲဇွန်း ၃ဇွန်းခန့်
--------------
မုန့် အနှစ်အတွက်
300 gm rice flour
60 gm corn starch
1 ½ cup (350 ml) chicken broth
½ cup water (125 ml)
1 tsp sugar
1 tsp salt
------------
ရေနွေးငွေ့နဲ့ ပေါင်းဖို့ အတွက် အဆင်သင့် ပြင်ရန်
- ဆီသုပ်ထားသော လေးထောင့် ဖန်လင်ပန်း (သို့) စတီးလင်ပန်းကို အဆင်သင့်ပြင်ထားပါ။
- အိုးစောက်နက်နက်ထဲကို ရေ ၄လက်မလောက်ထည့်ဆူအောင်တည်ပြီး အပေါ်က သံစကာတင်ထားပါ။
------------
ပထမဆုံး မုန်လာဥနီ ကို အခွံခွါ ခြစ်နဲ့ ခြစ်ထားပါ။
မုန့်အနှစ်ကိုလည်း အားလုံးရောပြီး ဖျော်ထားပါ။
အားလုံး အဆင်သင့်ဖြစ်ရင်၊
ဒယ်အိုးအကြီး တစ်လုံးကို မီး အနေတော်နဲ့ အပူပေး ဆီထည့် ပူလာရင် ကြက်သွန်ဖြူနဲ့ ဆီသတ်ပါ။
ကြက်သွန်ဖြူ ရွှေဝါရောင် သန်းလာရင် ပုဇွန်ခြောက်မှုန့်ထည့်မွှေပါ။
ပြီးရင် မုန်လာဥခြစ်ထားတာတွေ ထည့်ကြော်လိုက်ပါ။
မုန်လာဥက အရည်တွေ ထွက်လာရင်လည်း အသာလေး မွှေပေးနေပါ။
၄မိနစ်လောက် မွှေပြီးသွားရင် စောနက ဖျော်ထားတဲ့ မုန့် အနှစ်ကို ထည့်ပြီးး အဆက်မပြတ်မွှေပေးပါ။
မုန့်နှစ်တွေ အရမ်းကိုပျစ်ပြီး ခဲလုနီးပါးဖြစ်သွားပါလိမ့်မယ်။
အဲဒီအချိန်မှာ မုန့်တွေကို စောနက ဆီသုပ်ထားတဲ့ ဖန် လင်ပန်းဇောက်နက်နက်ထဲ လောင်းထည့်ပြီး အပေါ်က ဆီနဲ့ အချောသတ်ပေးပါ။
----
ပြီးရင် ရေနွေးငွေ့နဲ့ ပေါင်းဖို့ စောနက ဆူအောင်တည်ထားတဲ့ ပေါင်းအိုးထဲထည့် ပေါင်းအိုးကို အဖုံးအုပ်ပြီး မိနစ် ၂၀ ကနေ ၂၅ မိနစ်လောက် မီးအနေတော်နဲ့ တည်လိုက်ရင် carrot cake ကျက်ပါပြီ။
(သေချာကျက်မကျက် စစ်ချင်ရင် တူတစ်ချောင်းကို မုန့်ထဲထိုးစစ်ကြည့်လို့ မုန့်နှစ်တွေ ကပ်ပါမလာတော့ဘူးဆို ရပါပြီ)
carrot cake ကို ပေါင််းအိုးထဲက ထုတ်ပြီး အပြင်မှာ အအေးခံထား ရင် carrot cake ကြော်စားဖို့ အဆင်သင့်ဖြစ်ပါပြီ။
--------------

Carrot cake ကြော်််််နည်း (တစ်ပွဲစာအတွက်)
ကြက်ဥ ၃လုံး ကို ငရုပ်ကောင်း၊ ဆား အနည်းငယ်ထည့် နှံ့အောင် ခေါက်ထားပါ။
Carrot cake ကို တစ်စင်တီမီတာ ပတ်လည် အတုံးလေးတွေ ဖြစ်အောင် လှီီးထားပါ။
ဆီ စားပွဲဇွန်း ၃ဇွန်းခန့်
ကြက်သွန်ဖြူ တစ်မွှာ နှုတ်နှုတ်စင်းထားပါ။
ကြက်သွန်မြိတ််််််အနည်းငယ် ပါးပါးလှီးထားပါ။
ငါးငံပြာရည်် အနည််းငယ်
ပဲငံပြာရည် အကြည် အနည်းငယ်
ပဲငံပြာရည် အနောက် 1/2 tsp

---------------
ပထမဆုံး မီးပြင်းပြင်းမှာ ဒယ်အိုး တည် ဆီထည့် carrot cake ရယ် ကြက်သွန် ဖြူနုတ်နုတ်စင်းထားတာရယ်ထည့် ပြီး carrot cake လေးတွေ မီးအနည်းငယ် ကျွမ်းသည်အထိ ဆီ ပူကပ်ထားပါ။


၃မိနစ်လောက်ကြာရင် ခေါက်ထားတဲ့့ ကြက်ဥ ထည့်ကြေ်ပါ။
ကြက်ဥ ကျက်လို့ ခဲလာရင် ပြန် မွှေ ပြီး ငါးငံပြာရည်၊ ပဲငံပြာရည် အကြည် အနောက်တို့ကို မိမိ စိတ်ကြိုက်အရသာရအောင် ကြိုက်သလို ထည့်၊ ကြက်သွန်မြိတ် လေး ဖြူးလိုက်ရင် အနံ့ အရသာနဲ့ပြည့့််် စုံတဲ့ Fried carrot cake ရပါပြီ။