နီညိဳေရာင္ တရားခံ ...

အန္တီဆြိငယ္ငယ္က အသားညိဳေတာ႔ အက်ႌ၊ထမီေလးေတြဆို အေရာင္ရင္႔တာေလးေတြ ေရြး၀တ္တယ္။ နီညိဳေရာင္၊ နက္ၿပာေရာင္၊ အနက္ေရာင္ အစရွိသၿဖင္႔ေပါ႔။ အဲဒီအေရာင္ေလးေတြက အသားေဆာင္တယ္ေပါ႔။ အဲဒီေခတ္ကေပၚတဲ႕ ေၾကာင္ၿခစ္တို႔၊ ဘီဘဲလ္ထမီတို႕ဆို နီညိဳေရာင္၊ နက္ၿပာေရာင္ကေတာ႔ မပါမၿဖစ္ပဲ။ ထမီတိုတို၀တ္၊ အဲဒီထမီအနားေလးေတြေအာက္က ေပၚေနတဲ႔ ေၿခသလံုးသားေလးေတြက ၀င္းေနတာလို႔ ကိုယ္႔ကိုကိုယ္ ထင္ေနတတ္ေသး။ ပါတိတ္ေတြ ဘာေတြဆိုလဲ အဲဒီအေရာင္ေလးေတြပါတာပဲ ၀ယ္ၿဖစ္တယ္။

ကိုယ္႔အိမ္ကလူကေတာ႔ ငယ္ငယ္က အိမ္မွာလဲ အငယ္ဆံုးလဲ ၿဖစ္ၿပန္၊ အကိုေတြကလဲ ၂ေယာက္ေတာင္ရွိေတာ႔ သူ႔မွာ အကိုေတြအက်ပဲ ၀တ္ရသတဲ႔။ အက်ဆိုေတာ႔ ဘာအေရာင္၊ ဘာအဆင္ ေရြးပိုင္ခြင္႔မရွိ၊ က်တာယူပဲေပါ႔။ အဲ ေရြးပိုင္ခြင္႔ရွိၿပီဆိုေတာ႔လဲ သူတို႕ အိမ္က အထည္ဆိုင္ဖြင္႔ထားေတာ႔ ဆိုင္က်အထည္ေလးေတြပဲ ေရြးရတယ္။ ဆိုင္က်ဆိုေတာ႔လဲ အေရာင္မလွ၊ အဆင္မလွတာေတြပဲ က်န္မွာေပါ႔။ အဲဒါသူငယ္ငယ္က "ဟဲ႔ အငယ္ေကာင္ေလး ၾကိဳက္တာတစ္ထည္ယူ"ဆို ဘာအေရာင္ေရြးေလ႔ရွိလဲဆိုေတာ႔ "ဖက္ဖူးစိမ္းေရာင္" တဲ႔ဗ်ား။ ခေလးမ်က္ေစ႔ထဲ ဖက္ဖူးေရာင္ေလးက တၿခားအေရာင္ေတြနဲ႔စာရင္ လွေနပါလိမ္႔မယ္။ ခုေခတ္မေတာ႔ အဲဒီအေရာင္က ထင္သာၿမင္သာ ေတာက္ပလြန္းလို႔ လမ္းလုပ္သားေတြ၊ ညဖက္ ေရာင္ၿပန္ၿပားေတြမွာပဲ ကပ္တဲ႔ အေရာင္ေပါ႔။ အဲဒီအေၾကာင္း အိမ္က ၾကီးေတာ္က ေၿပာၿပေတာ႔ ရယ္လိုက္ရတာ။ ဖက္ဖူးေရာင္ၾကိဳက္တဲ႔ လူၾကီးဆိုၿပီး။ သူကေတာ႔ ထံုးစံအတိုင္း "အို းးးး ..... "ဆိုၿပီး  ရွက္ၿပံဳးၾကီးနဲ႔ေပါ႔။

ဟိုေန႔က အၿပင္သြားေတာ႔ သူက တီရွပ္ နီညိဳေရာင္ ေလးနဲ႔ဗ်။ တစ္ေန႔ကလဲ အိမ္ေနရင္း တီဗီၾကည္႔ေနတဲ႔ သူ႔ကိုၾကည္႔လိုက္တာ နီညိဳေရာင္ တီရွပ္ေလးပဲ ၀တ္ထားတာ။ အမယ္ ငါ႔ေယာက္်ားက နီညိဳေရာင္ေလးနဲ႔ အေတာ္ၾကည္႔ေကာင္းသေပါ႔ေတြး။ မေန႔ကလဲ ေစ်း၀ယ္ၾကမယ္ဆို အက်ႌေလးလဲၿပီး ထြက္လာတာ ၾကည္႔လိုက္ေတာ႔ နီညိဳေရာင္ တီရွပ္နဲ႔ပဲ။ ဘယ္႔နွာေၾကာင္႔ အက်ႌတစ္ထည္တည္းကို ခဏခဏ ၀တ္ေနပါလိမ္႔ေပါ႔။ ဒါနဲ႔ ...

" အေဖေရ ... အေဖ႔ကို  ခုတစ္ေလာ ၾကည္႔လိုက္ရင္ အဲဒီနီညိဳေရာင္ အက်ႌခ်ည္းပဲ ၀တ္ေနတာ ... နီညိဳေရာင္ သိပ္ၾကိဳက္ေနတာေပါ႔ေလ....ဟုတ္လား ..."

" အမယ္ေလးဗ်ာ ... အဲဒီနီညိဳေရာင္က တစ္ထည္တည္း မဟုတ္ရေပါင္ဗ်ာ ... ၿပီးေတာ႔ အဲဒါေတြအကုန္လံုး အေမပဲ ၀ယ္ေပးထားတာပဲေလ ... ဘယ္တံုးကမ်ား ကိုယ္႔ဟာကိုယ္ ၀ယ္ဖူးလို႔လဲ ... အေမဆင္တာေတြပဲ ၀တ္ေနတာပဲကို ... "

" ဟင္ ... ဟုတ္လား ေသခ်ာေတာင္ မမွတ္မိေတာ႔ဘူး ... အဲဒါေတြအားလံုး  ဆြိေလး၀ယ္ေပးထားတာ ဟုတ္လား ... ဟားဟား ..."

ခုမွ ၿပန္ေတြးၾကည္႔ေတာ႔ သူက အက်ႌအ၀တ္အစား အင္မတန္ ၀ယ္ခဲတယ္။ ၀ယ္ေပးရင္လဲ အတိုက္အခံလုပ္ၿပီး ၀ယ္ေပးမွရတာ။ အက်ႌေတြ လွတယ္၊ မလွဘူး။ လိုက္တယ္၊ ေကာင္းတယ္။ ဘာရယ္မွလဲ အာသီသရွိတာမဟုတ္ပါဘူး။ အၿပင္သြားရင္လဲ ၿဖစ္သလိုပဲ။ ဘီရိုထဲ အေပၚဆံုးက ေတြ႔တာ ေကာက္စြပ္တာခ်ည္းပဲ။ အဲဒါသူ႔ကို တီရွပ္ေလးေတြနဲ႔ လိုက္တယ္ဆို တီရွပ္ေလးေတြေတာ႔ ေတြ႔တိုင္း၀ယ္ေပးထားတာ။ ဟိုးအရင္ကထဲက နီညိုေရာင္ၾကိဳက္တဲ႔ ဓာတ္ခံကရွိေတာ႔ အသားညိဳတဲ႔ေယာက္်ားကို အသားေဆာင္ေအာင္ နီညိဳေရာင္ေလးေတြခ်ည္းပဲ ၀ယ္ေပးၿဖစ္ေနတာ။ တစ္ခါနဲ႔တစ္ခါ ၀ယ္တဲ႔ အခ်ိန္ေတြက မတူေတာ႔ အဲလို နီညိဳေရာင္ေတြ အဲေလာက္မ်ားေနမွန္းလဲ မသိပါဘူး။ ေနာက္ အက်ႌအကြက္ဆို နက္ၿပာေရာင္ အကြက္ေတြမ်ားတယ္။ ေနာက္ နီညိဳေရာင္ၾကိဳက္ဆို အိမ္မွာလဲ ပထမဆံုး၀ယ္တဲ႔ ကားက နီညိဳေရာင္၊ ခုလက္ရွိကားလဲ နီညိဳေရာင္ပဲ ...

ေနာက္ဆံုးေတာ႔ နီညိဳေရာင္ေတြခ်ည္း ၀တ္လွေခ်ရဲ႕ဆို တရားခံက ကိုယ္ကိုယ္တိုင္ၿဖစ္ေနပါေရာလား ... း)

ထမင်းသုပ် စားမယ် ဝေ့ ...

ထမင်းသုပ်ကတော့ ငယ်ငယ်က ရထားစီးရင် ကြက်ကြော်နဲ့ ထမင်းသုပ်ဆို လိုက်ရောင်းတာ သတိရတယ်။ အဲဒါ ဘယ်လိုစားချင်မှန်းမသိဘူးဗျာ။ သူတို့ထမင်းသုပ်က ထမင်းကို ကြက်ကြော်ဆီ (ဆနွင်းမှုန့်နိူင်နိူင်နဲ့) ဝါထိမ်နေတာကို ဆမ်း၊ မြေပဲဆံကြော် ကျွပ်ကျွပ်လေး။ ငရုပ်သီးတောင့်ကြော် မွှေးမွှေးလေးနဲ့ တကယ့်ကို စားချင်စဖွယ်ပဲ။ ငယ်ငယ်ကတော့ ဆင်းရဲတော့ ရထားစီးရင်း သွားရေသာကျရတယ်။  နောက်ပိုင်းကြီးလာတော့လဲ ဘာလို့လဲမသိ ဝယ်မစားဖြစ်ဘူးခင်ည။   အင်း ... ဒီတစ်ခါပြန်ရင်တော့ ရထားစီးပြီး အဲဒီ ထမင်းသုတ် ဝယ်စားဦးမှလို့ တွေးနေတယ်။ း)

ခုကြီးလာတော့ ဟို အစ်မခင်ဦးမေပြောသလို သူငှေး ဖြစ်ပြီဆိုတော့ အိမ်မှာပဲ ကြက်သားကြော် ပြီး ခဏခဏ ထမင်းသုပ်စားပလိုက်တယ်။ အဲဒီ ထမင်းသုပ်ကိုပဲ ဘယ်လိုသုပ်ရလဲဆိုတာ ညီမတစ်ယောက်က ဂျီတော့ကနေ ခဏခဏဂျီကျနေတာနဲ့ ဓာတ်ပုံရိုက်ထားတာလေးတွေ ရှိလို့ တင်ပေးလိုက်တယ်။ ရထားပေါ်ကဟာကတော့ အလွယ်ပေါ့နော်။ အဲဒါကအပေါ်ကပြောသလိုပဲ လွယ်တယ်။  ခုဟာက ဆိုင်တွေမှာသုပ်သလိုမျိုး သုတ်စားတာ။

ထမင်းသုပ်မယ်ဆိုရင်တော့ ထမင်းကို မပျော့လွန်း မမာလွန်း အနေတော်လေးဖြစ်ဖို့တော့လိုမယ်နော်။ တချို့လဲ အာလူးလေးတွေ လှီးပြီး ထည့့်သုတ်တယ်။ စေးစေးလေးဖြစ်အောင်။

လိုတဲ့ပစ္စည်းတွေက

၁။ ထမင်း

၂။ ကြက်သွန်ဖြူ ဆီချက် (နနွင်းမှုန့်များများနဲ့ ဝါဝါထိမ်ထိမ်လေးချက်ထားပါ)

၃။ ပဲမှုန့် အကျက်မှုန့်

၄။ ငရုပ်သီးမှုန့်

၅။ မကျည်းရည် (ပျစ်ပျစ်လေးဖျော်ထားပါ)

၆။ ပုဇွန်ခြောက်မှုန့်

၇။ ငါးငံပြာရည်

၈။ အာလူး (ကြိုက်ရင် ၂လုံးလောက်ပြုတ်ပြီး ပါးပါးလှီးထားပါ။ အိမ်ကလူက အာလူးမကြိုက်လို့ ထည့်မသုပ်ပါ)

၉။ ဆီနီချက် (ဆီကို အရောင်တင်မှုန့် လေးထည့်ပြီး ချက်ထားပါ -အရောင်လှအောင်ပါ)

၁၀။ ကြက်သွန်နီ ပါးပါးလှီး (အခိုးထွက်အောင် ရေဆေးပြီး စစ်ထားပါ။)

၁၁။ နံနံ ကြိုက်တတ်ရင် ထည့်ရအောင် ပါးပါးလှီးထားပါ။

၁၂။ မြေပဲဆံ ကြော်ထားပါ။

၁၃။ ပဲပုပ်နဲ့ ငရုပ်သီးတောင့် ကြော်ထားပါ။

၁၄။ ကြက်သားကြော်ထားပါ။

၁၅။ ကြက်ရိုးကို ပြုတ်ပြီး ဗလာဟင်းချိုလေး လုပ်ထားပါ။ (ကြက်ရိုးကို ဂျင်း၊ ကြက်သွန်ဖြူ၊ငံပြာရည်တို့နှင့်ပြုတ် ငရုပ်ကောင်းများများထည့်ပြီး ဟင်းခါးချက်ပါ)

ပြီးရင် သုပ်မဲ့ ဇလုံခပ်ကြီးကြီးထဲကို အပေါ်က အဆာပလာတွေ ၁ကနေ ၁၁ထိ ထည့်သုတ်ရတာပါပဲ။ အချိုးအဆတွေကတော့ အသေးစိတ် မှတ်မထားတော့ပါဘူး။ မြည်းကြည့် လိုတိုး ပိုလျှော့ပေါ့။

နောက်မှ အပေါ်ကနေ မြေပဲကြော်၊ ပဲပုပ်၊ ငရုပ်သီးတောင့်တို့ကို ထည့့်ဖြူးပြီး စားရတာပါ။

 ကြက်သားကြော်လေး ကိုက်လိုက်၊ ထမင်းသုပ်လေးစားလိုက်၊ ငရုပ်သီးတောင့်လေးကိုက်လိုက်နဲ့ အာဂပါးစပ် လူဖြစ်ရကျိုးနပ်လောက်ရဲ့။

ဘ၀အနားဖြာ ...

မေမာ္က လွသလို အလွအပလဲ သိပ္ၾကိဳက္တယ္။ ၾကည္႔လိုက္ရင္ သူ႔ေဖးဘရိတ္ ႏွဳတ္ခမ္းနီ အနီေရာင္ေလးနဲ႔ ရဲလို႔။ မ်က္ခံုးေမႊးကိုလဲ လွလွပပ ပံုေဖာ္ၿပီး ႏွုတ္ထားေသးတယ္။ မ်က္လံုးကိုလဲ ခါခ်ယ္ေလးအၿမဲဆိုး။ မ်က္ေတာင္ေကာ႔ေအာင္ မက္စ္ကာရာေလး တင္ထားတယ္။ ေမးရိုးေလးေတြေပၚေအာင္ ပါးေပၚမွာ ပါးအို႔နီေၿပေၿပေလးလဲ ဆိုးတတ္ေသးတယ္။ မေမာ္ကို ၾကည္႔လိုက္ရင္ၿဖင္႔ ေခတ္မီသပ္ရပ္ၿပီး သိပ္လွတာပဲလို႔ ခံစားရတယ္။

မေမာ္ ငယ္ငယ္က ေက်ာင္းေတြပိတ္ေတာ႔ အထည္ခ်ဳပ္စက္ရံုတစ္ခုမွာ အလုပ္လုပ္ဖူးတယ္။ အဲဒီအခ်ိန္က စက္ရံုမွာ Levi's ေဘာင္းဘီအတိုေတြ ခ်ဳပ္တယ္။ Levi's အစစ္ေတြေနာ္။ အေနာက္တိုင္းႏိူင္ငံေတြကို ပို႔တာတဲ႔။ အဲဒီမွာ လုပ္ရတဲ႔ အလုပ္က အင္စပတ္တာ တဲ႔။ နာမည္ကသာအပ်ံစား။ ဘာလုပ္ရလဲဆိုေတာ႔ အထည္ေတြကို စစ္ရတာ။ ပလပ္စတစ္အိပ္နဲ႔ ပက္ကင္ပိတ္ခါနီး အထည္ေတြကို တစ္ထည္ခ်င္း ခ်ဳပ္ရိုးေတြ ၿပဳတ္ေနလား၊ ခ်ဳပ္ရိုးေတြ မလွဘူးလား၊ ခ်ည္ေတြ ထြက္ေနလား၊ အထည္သားမွာ ေရစီးေၾကာင္းေတြပါလား၊ အစြန္းေတြပါလား အစရွိသၿဖင္႔ စစ္ၿပီး အၿပစ္ေတြ႔ၿပီဆို အနီေရာင္ စတစ္ကာေလးကပ္ၿပီး ၿပင္တဲ႔ေနရာပို႔ရတယ္။ အမ်ားအားၿဖင္႔ေတာ႔ ခ်ည္ေတြညွပ္တာ က်န္တာပါပဲ။ သူတို႔ေရွ႔မွာ ခ်ည္ညွပ္တဲ႔အဖဲြ႔ ရွိတယ္ေလ။ အဲလိုဆိုရင္ေတာ႔ မေမာ္တို႕လို အထည္စစ္တဲ႔သူေတြက က်န္တဲ႔ခ်ည္ေတြကို ကပ္ေၾကးေလးကိုင္ၿပီး တဂ်ပ္ဂ်ပ္နဲ႔ ညွပ္ေပးလိုက္တာပဲ။

အဲဒီအထည္ခ်ဳပ္စက္ရံုမွာ လုပ္ဖူးကတဲက မေမာ္ဟာ အကႌ်ၿဖစ္ၿဖစ္ အ၀တ္အစား အသစ္၀ယ္လာရင္ အက်ႌကို ေၿပာင္းၿပန္လွန္ ကပ္ေၾကးေလးတစ္ေခ်ာင္းကိုင္ၿပီး အပိုထြက္ေနတဲ႔ အပ္ခ်ည္ၾကိဳး အစ၊ အနေတြ ညွပ္ေတာ႔တာပဲ။ သူ႔စိတ္ထဲမွာ အ၀တ္အစား ဘရမ္းေကာင္းေကာင္းေတြဟာ ဘယ္ေတာ႔မွ ခ်ည္တမွ်င္ အထြက္မခံဘူး။ အ၀တ္အစား ဘရန္းအေကာင္းစားေတြ မ၀တ္ႏိူင္ေပမဲ႔ သူ၀တ္တဲ႔အက်ႌေလးေတြ ခ်ည္တစ္စက္မွ မထြက္ပဲ သပ္သပ္ရပ္ရပ္ ၀တ္ခ်င္တဲ႔ သေဘာေပါ႔။

ခုေတာ႔ မေမာ္လဲ စကၤာပူမွာ အိမ္ေထာင္ရက္သားက်လို႔ သမီးေလးတစ္ေယာက္နဲ႔ အလုပ္လုပ္ရင္း ဘ၀ကို ေနသားက်ေနၿပီ။ ေန႔စဥ္ရံုးသြား၊ ရံုးၿပန္၊ ခေလးေက်ာင္းပို႔၊ အားရက္ေတြမွာ ခ်က္ၿပဳတ္ ၊ အၿပင္ေလးဘာေလးထြက္ လံုးလည္လိုက္ေနေပမဲ႔ ခ်စ္ရတဲ႔ သမီးေလးနဲ႕႔ ေယာက္်ားတို႔နဲ႔ အတူဆိုေတာ႔ ဘ၀ကို ေပ်ာ္ေပ်ာ္ပဲေနတယ္။ ရတဲ႔ အခ်ိန္ေလးနဲ႔ ေစ်း၀ယ္ သပ္သပ္ရပ္ရပ္ ၀တ္စားဆင္ယဥ္ လွလွပပေနၿမဲပဲ။

တစ္ရက္ေတာ႔ ေယာက်္ားလုပ္သူက သူ႔ခါးေအာင္႔ေအာင္႔ေနသတဲ႔။ ေၿပာေနတာၾကာၿပီဆိုေတာ႔ ဆရာ၀န္သြားၿပၾကည္႔ပါလားဆို စစ္ေဆးရာကအစ သူ႔မွာ ကင္ဆာက်ိတ္တစ္ခုကို ရွာေဖြေတြ႔ရွိခဲ႔တယ္။ မေမာ္ေတာ႔ သတင္းၾကားၾကားခ်င္း ၿပာေ၀သြားတယ္။ မူးလဲ မတတ္ၿဖစ္တယ္။ သိပ္ထိခိုက္လြယ္တဲ႔ ေယာက္်ားကိုသနားတာေရာ သူ႔ဘ၀ ကမၻာပ်က္မတတ္ပဲ။  ေယာက္်ားေရွ႔ ငိုခ်လိုက္ရမလား၊ ေအာ္ ငါငိုေနရင္ သူက ပိုဆိုးမေပါ႔ဆို ကြယ္ရာမွာသာ မ်က္ရည္က်တယ္။ က်ိတ္ကာ ရိွဳက္တယ္။ သမီးေလးမ်က္ႏွာၾကည္႔ရင္း ၀မ္းနည္းနည္း လာတတ္တယ္။ ေယာက္်ားအတြက္ ေဆးကုသမွုေတြ စလုပ္ရေတာ႔မွာမိွဳ႔ ေယာက္်ားက အလုပ္ကေန ၄လေလာက္ နားလိုက္တယ္။

ေယာက္်ားလုပ္သူက ကီမိုသြင္းလိုက္၊ ေရဒီယိုသရပီနဲ႔ ကုလိုက္နဲ႔ ေဆးရံုကို ၂ပတ္ဆက္တိုက္သြားရတယ္။ ေယာက္်ားကို ေဆးရံုလိုက္ပို႔၊ အလုပ္တစ္ဖက္ ခေလး ေက်ာင္းတစ္ဖက္နဲ႔ အေတာ္လဲ ကသီတယ္။ အိမ္ကိုလာ သတင္းေမးသူေတြကို ဧည္႔ခံရတယ္။ ေယာက္်ားအတြက္ နားစြန္နားဖ်ားၾကားတဲ႔ ေဆးမီးတို သေဘၤာရြက္သုတ္ေကြ်းတာတို႔၊ဘာတို႔ သက္သာမယ္ထင္ရာ ရွာလုပ္ေပးေသးတယ္။ ကီမိုသြင္းထားတဲ႔ ေယာက္်ားလုပ္သူက အစားပ်က္၊ ဘာမွစားလို႔မရလို႔ အမ်ိဳးေတြ အသိေတြကိုေတာင္ အကူအညီေတာင္းယူရတယ္။ ကိုယ္တိုင္လဲ တတ္ႏိူင္သမွ် ခ်က္ၿပဳတ္ေကြ်းရွာပါတယ္။ ကင္ဆာလို႔ သိလိုက္ရတဲ႔ အခ်ိန္ကစလို႔ မေမာ္ရဲ႔ ဘ၀ၾကီးတစ္ခုလံုး ေၿပာင္းလဲသြားတယ္။ စိတ္ဓာတ္ေရးရာအရေရာ၊ အၿပင္ပန္း ရုပ္ပိုင္းဆိုင္ရာ လူမွဳပတ္၀န္းက်င္ ဘ၀ေတြပါ ေၿပာင္းလဲသြားတယ္။ စိတ္ေတြ ညစ္ညူးရွဳပ္ေထြးေနတယ္။ ေလေၿပေလး သာေနရာကေန ေလၿပင္းမုန္တိုင္းတ၀ုန္း၀ုန္းနဲ႔ တိုက္လိုက္သလိုပဲ။ ဘ၀ဟာ ေနသားက်ေနရာကေန အားလံုး ရွဳပ္ေထြး ၿပန္႔က်ဲကုန္တယ္။

ဟိုေန႔က ေယာက္်ားက ကီမို တစ္ရက္နားလို႔ ဘုန္းၾကီးေက်ာင္းသြားခ်င္သတဲ႔။ သမီးေလးကို ေရမိုးခ်ိဳး၊ အစာမစားႏိူင္လို႔ ဗိုက္ကေနေဖာက္ၿပီး အစာသြင္းေနရတဲ႔ ေယာက္်ားအတြက္ လုပ္ကိုင္ေပး၊ ကိုယ္တိုင္လဲ ကမန္းကတမ္းေရခ်ိဳး။ မ်က္နွာကိုလဲ တို႔ပတ္ေလးနဲ႔ တက္သုတ္ရိုက္ၿပင္၊ နွဳတ္ခမ္းနီေတာင္ဆိုးဖို႕႔ အခ်ိန္မရေတာ႕။ အက်ႌလဲမလို႔ ကမန္းကတမ္း ဘီရိုအေပၚဆံုးက ေတြ႔တဲ႔ တစ္ထည္ ေကာက္ဆဲြၿပီး စြပ္ခ်လိုက္တယ္။ ၀တ္ရလြယ္တဲ႔ အက်ီအရွည္ေလး။ ၀တ္ၿပီးမွ မွန္ကို တစ္ခ်က္အၾကည္႔ အက်ီေလးက လည္ပင္းနားတစ္၀ိုက္မွာ ခ်ဳပ္ရိုးေတြေၿပလို႔ အနားေတြ ဖြာထြက္ေနတယ္။ ဘယ္နား ဘာနဲ႔ ၿငိလိုက္တယ္မသိ။ သိသိသာသာကို စုတ္ေနတယ္။

ပထမေတာ႔ အက်ီေလး ၿပန္လဲမလို႔ စိတ္ကူးေသးတယ္။ ေနာက္မွ သြားဖို႔ ေစာင္႔ေနတဲ႔ ေယာက္်ားရယ္ သမီးေလးရယ္ကိုၾကည္႔ၿပီး" ေအာ္ ... ဘ၀ေတြေတာင္ ဒီေလာက္စုတ္ၿပီး ၿပာယာခတ္ေနမွေတာ႔ ဒီအကႌ်ေလး စုတ္တာ ဘာအေရးလဲ " ေတြး နာနာက်ည္းက်ည္း ခပ္ေထ႔ေထ႔ ၿပံဳးလိုက္ၿပီး ဘုန္းၾကီးေက်ာင္းကို ဒီအတိုင္းသာလိုက္ခဲ႔ေတာ႔တယ္။ ။

ဂ်ဴဂ်ဴေလး အၾကိဳက္ Pancake

 ဒီအပတ္ေတာ႔ pan cake လုပ္နည္းေလး ေၿပာၿပပါ႔မယ္။ ခေလးအေမတစ္ေယာက္ကလည္း ေတာင္းဆိုထားလို႔ပါ။

ပန္ကိတ္လုပ္ဖို႔ လိုတဲ႔ ingredient ေတြက
(ပန္ကိတ္ ၈ခုစာေလာက္ပါ)

၁။ ဂ်ံံဳမွဳန္႔ 500 ml (ပလပ္စတစ္ ဆန္ခ်င္ခြက္ ၃ခြက္ခန္႔)
၂။ ႏြားႏိူ႔  400 ml (ပလပ္စတစ္ ဆန္ခ်င္ခြက္ ၂ခြက္ခဲြခန္႔)
၃။ ၾကက္ဥ ၂လံုး
၄။ ေဆာ္ဒါ  လက္ဖက္ရည္ဇြန္း ၂ဇြန္း ( Bicarbonate soda)
၅။ ေထာပတ္ (ေပ်ာ္ၿပီးသား)  စားပဲြဇြန္း ၃ဇြန္းခန္႔ (မုန္႔ေဖ်ာ္ရန္) ၊ ေထာပတ္ စားပဲြဇြန္း ၁၆ဇြန္းခန္႔ (မုန္႔လုပ္ရန္)
၆။ သၾကား 80ml (ပလပ္စတစ္ ဆန္ခ်င္ခြက္ တစ္၀က္ခန္႔)

ဒီဂ်ံဳမွဳန္႔ကေတာ႔ ဆိုဒါပါၿပီးသားမိွု႔ ဆိုဒါထပ္ထည္႔စရာမလိုတဲ႔ အစားမ်ိဳးပါ။

 

Baking soda

 
မုန္႔ႏွစ္ ေမႊၿပီ ....

ပထမဆံုး မုန္႔ႏွစ္ေဖ်ာ္ဖို႔  ေဇာက္နက္နက္ ခြက္ထဲမွာ ဂ်ဳံ၊ ေဆာ္ဒါ နဲ႔ သၾကားကို အရင္ ေရာနယ္ထားပါ။

ၿပီးေတာမွ ႏြားႏိူ႔ထည္႔ၿပီး ေမႊေပးပါ။ ၾကက္ဥပါထည္႔ၿပီး အားလံုး ႏွံ႔ေနေအာင္ ၾကက္ဥေခါက္တဲ႔ ဇြန္းနဲ႔ နာနာေမႊေပးပါ။ လက္နဲ႔ ဆိုရင္ေတာ႔ ေတာ္ေတာ္ေမႊရပါမယ္။ (လက္နဲ႔ ေမႊမယ္ဆိုရင္ေတာ႔ အခ်ိဳးအစားနဲနဲသာ လုပ္ပါ)

(သို႔)
အိမ္မွာ mixer ရွိရင္ mixer နဲ႔ ၃မိနစ္ေလာက္ ေမႊေပးပါ။

ပန္ကိတ္ လုပ္ၿပီ ....

 အားလံု ေရာသမေမႊၿပီး သကာလ ...  ပန္ကိတ္ေၾကာ္ရန္ မုန္႔ႏွစ္ရပါၿပီခင္ညာ။ တစ္ခါထဲ မစားခ်င္ရင္ပလပ္စတစ္ဗူးေလးနဲ ႔ေနာက္ေန႔ေတြအတြက္ပါ ေရခဲေသတၱာထဲ သိမ္းထားလို႔ရပါတယ္။ ၂ရက္ ၃ရက္ေတာ႔ ခံပါတယ္။

မီးကို အေအးဆံုးထားပါ။ ဒယ္အိုးထဲ ေထာပတ္အရည္ စားပဲြဇြန္း ႏွစ္ဇြန္းခန္႔ထည္႔ မုန္႕႔ႏွစ္ တစ္ဇြန္းခန္႔ထည္႔ၿပီး မုန္႔ႏွစ္ေတြကို အ၀ိုင္းပံုေလးၿဖစ္ေအာင္ ဒယ္အိုးကို ေစာင္းၿပီး လွည္႔ေပးပါ။

 ၿပီးေတာ႔ အဖံုေလး အုပ္ထားပါ။
 

ခဏေနရင္ ေဆာ္ဒါေၾကာင္႔ မုန္႔ကပြၿပီး အေပါက္ အေပါက္ေလးေတြ ၿဖစ္လာပါလိမ္႔မယ္။ မုန္႔လုပ္ရတာ ငယ္ငယ္က ေၿမၾကီးပံုထဲ ေရေလာင္းခ်ၿပီး ကစားသလိုပဲ ေပ်ာ္စရာေကာင္းပါတယ္။

အဲ

မုန္႔က သၾကားပါေတာ႔ ေအာက္ပိုင္းက တူးလြယ္ပါတယ္။ ဒါေၾကာင္႔ မီးအေအးဆံုးနဲ႔ တည္ခိုင္းတာပါ။ ေအာက္ကမတူးခင္ အေရာင္အနဲငယ္ညိဳလာရင္ ဇြန္းအၿပား ခပ္ၾကီးၾကီးနဲ႔ အေပၚေအာက္ လွန္ေပးပါ။

 ၂ဖက္လံုး အေရာင္ေလး ညိဳလာရင္ ခ်လို႔ရပါၿပီ။

စားေတာ႔မယ္၊ ၀ါးေတာ႔မယ္ ...

ပန္ကိတ္က အရမ္းၾကီးေတာ႔ မခ်ိဳဘူးခင္ည။ အိမ္မွာေတာ႔ ထန္းလ်ွက္ရည္လို maple syrup နဲ႔ ဆမ္းၿပီးစားၾကတယ္။ ခ်ိဳေတာ႔ ဂ်ဴဂ်ဴတို႔ အၾကိဳက္ ေပါ႔ဂ်ာ။

 မုန္႔က ဘိန္းမုန္႔ေလးလိုပဲ ကြ်ပ္ကြ်ပ္ ပြပြ ခ်ိဳခ်ိဳေလး စားလို႔ အင္မတန္ေကာင္းပါတယ္။ ဘိန္းမုန္႔အလြမ္းေၿပေပါ႔။

ကြ်န္မတို႔ မိန္းမေတြရယ္

Spring  ေရာက္ၿပီဆိုကတည္းက ရာသီဥတုေလးကလဲ ေၿခခင္းလက္ခင္းသာေတာ႔ အိမ္မွာ အပင္ေလးေတြစိုက္မယ္ဆို သစ္ေစ႕ေလးေတြ ၀ယ္လာခဲ႔တယ္။ နံနံ၊ ရံုးပတီ၊ ငရုပ္၊ ေဘဆယ္ နဲ႔ ပန္းပင္ေလးေတြ အစံုပါပဲ။ သစ္ပင္ေတြစိုက္ကာစ အေညွာင္႔ေလးေတြထြက္လာေတာ႔ ကိုယ္႔အိမ္ကလူက ၀ီရိယေကာင္းလွတယ္။ မနက္ခင္း ေစာေစာ ဘရိတ္ဖတ္စ္မစားမီ ေရပန္းခရားေလးကိုင္ အပင္ေတြ ေရထြက္ေလာင္းေတာ႔တာပဲ။ သူအက်င္႔က အဲလိုပဲ။ စစခ်င္း အင္မတန္ ၀ီရိယေကာင္းတာ။ သူ႔အေမဆို သူ႔တို႔ညီအကိုေတြကို အၿမဲဆံုးမသတဲ႔။ ေကာက္ရိုးမီးလို ၀ရိယက ခဏပဲေပါ႔။ အဲဒါကို ရယ္စရာ ၾကက္ ဘာၿဖစ္တယ္ဆိုလား ႏိွဳင္းယွဥ္ၿပီး ေၿပာသတဲ႔။

ဒီလိုနဲ႔ ရက္ေတြၾကာလာေတာ႔ အပင္ေလးေတြလဲ အေညွာင္႔ေလးေတြကေန အကိုင္းအခက္၊ အညြန္႔ေလးေတြ ထြက္လာခဲ႔ၿပီ။ အဲဒီအပင္ေတြထဲ အသန္ဆံုးကေတာ႔ နံနံပင္ေလးေတြပဲ။ ေစ်းထဲမွာေရာင္းသေလာက္ အရြယ္ေလးေတြ၊ ခူးဆြတ္ဖို႔ အရြယ္ေရာက္ေနေပမဲ႔ အိမ္မွာ နံနံေတြ၀ယ္ထားတာ မ်ားေနေတာ႔ ခူးၿပီး မသံုးၿဖစ္ဘူး။ ဒီေန႔မနက္လဲ ကိုယ္႔အိမ္ကလူက ထံုးစံအတိုင္း ေရပန္းခရား တစ္လံုးနဲ႔ အလုပ္ရွဳပ္ေနၿမဲ။

ေန႔ခင္းဖက္ ဟင္းခ်က္မယ္ၾကံေတာ႔ တစ္ေန႔က ခဲြခ်န္ထားတဲ႔ အမဲသားႏွပ္ေလးက ရွိေနေတာ႔ ခ်ဥ္ေပါင္မွ်စ္ေလးကို ကန္ဇြန္းရြက္အက်န္ေလးနဲ႔ ေရစပ္စပ္ခ်က္မယ္စိတ္ကူးလိုက္တယ္။ ခ်ဥ္ေပါင္ဟင္းနဲ႔လိုက္ေအာင္ ငရုပ္သီးေထာင္းမယ္ၾကံေတာ႔ ငရုပ္သီးမွဳန္႔က ကုန္ေနတာနဲ႔ ငရုပ္သီး ေလွာ္ေထာင္းဖို႔ သတိရသြားတယ္။ ဒါနဲ႔ ခ်ဥ္ေပါင္အိုးေလး အရင္တည္ ၿမည္းၾကည္႔၊ အခ်ဥ္ေပါ႔ ခ်ဥ္ေပါင္ထပ္ထည္႔နဲ႔ အလုပ္ရွဳပ္။ ခ်ဥ္ေပါင္ဟင္းက်က္ခါနီးမွ ငရုပ္သီးေလးေတြကို စိတ္ရွည္လက္ရွည္ေလွာ္၊ ၿပီးေတာ႔ဒယ္အိုးကို မီးပိတ္ထားလိုက္တယ္။ သူ႔အပူနဲ႔သူ က်က္ပေလ႔ေစေပါ႔။

ခ်ဥ္ေပါင္ဟင္းက်က္ခါနီး အိမ္အၿပင္ဖက္ မ်က္စိအေရာက္ နံနံေလးေတြ လဲေနတာ ေတြ႔သြားတယ္။ ဟင္ ဘယ္႔ႏွာေၾကာင္႔ လဲေနပါလိမ္႔ေပါ႔။ သြားၾကည္႔ေတာ႔ အပင္ေအာက္ ေၿမၾကီးမွာ ေရတစ္စက္မွမရွိ၊ ေၿခာက္သေယာင္းေနေတာ႔ အပင္က ခ်က္ခ်င္းလက္ငင္း ပူၿပီး ညိွဳးက်သြားတာ။ ဒါဆို မၿဖစ္ေခ်ဘူး။ ဒီနံနံေတာ႔ ခူးမွၿဖစ္ေတာ႔မွာ။ မနက္က ဟိုလူၾကီး ေရေလာင္းတာ ၿမင္သားနဲ႔ ဘယ္လိုၿဖစ္ပါလိမ္႔ စိတ္ကေတြး။ အင္း.. ခ်ဥ္ဟင္းအိုးလဲ က်က္ၿပီဆိုေတာ႔ နံနံေလးေတြ အေတာ္ပဲ၊ အပင္က လတ္လတ္ဆတ္ဆတ္ဆို အေတာ္ ေမႊးမွာပဲဆို နံနံေတြခူး၊ ေရေဆးၿပီး ခ်ဥ္ဟင္းအိုးထဲ ပစ္ထည္႔လိုက္တယ္။ ထည္႔ၿပီး အၿငိမ္မေန ဇြန္းေလးနဲ႔ေမႊ၊ ၿမည္းၾကည္႔ေတာ႔ ဟမ္မေလး ခ်ဥ္ဟင္းႏွယ္ စပ္ခ်က္ေတာ႔။ ငါခုနက ၿမည္းတာ မစပ္ပါဘူးေပါ႔။

ဒီမွာ သံသယ၀င္သြားတယ္။ ဟိုတစ္ေလာက အိမ္က ႏွင္းဆီပင္ေလးေတြမွာ ပိုးေကာင္ေလးေတြကိုက္လို႔ ၿဖန္းရေအာင္ဆို ပိုးသတ္ေဆး၀ယ္လာတာ။ သူက ပန္းပင္ေရာ၊ စားပင္ ဟင္းသီးဟင္းရြက္ေတြပါ ၿဖန္းလို႔ရတဲ႔ အမ်ိဳးကိုး။ ဟိုေန႔ကေတာင္ ေၿပာေနေသး။ သူ၀ယ္လာတဲ႔ ပိုးသတ္ေဆးက ဟင္းသီးဟင္းရြက္ေတြပါ ၿဖန္းလို႔ရသတဲ႔ေလ။  ဒီေတာ႔ အိမ္ကလူမ်ား နံနံေတြကို ေဆးၿဖန္းထားသလား။ နံနံမွာ ပိုးသတ္ေဆးေတြပါလို႔ ဒီေလာက္ စပ္သလား။ ေအာ္ ပိုးသတ္ေဆးဆိုတာ ဒီလိုစပ္သကိုးလို႔ေတာင္ စိတ္ထဲ ေတြးေနေသး။

ၿမည္းေနရင္းနဲ႔ ပိုပို စပ္လာလို႔ ကိုယ္႔အိမ္ကလူကို ဖုန္းဆက္ေမးမွၿဖစ္ေတာ႔မယ္ဆို ဖုန္းဆီ ေၿပးဆက္တယ္။ အေရးထဲ ရံုးဖုန္းကို ဆက္တာ မကိုင္လို႔ ဟမ္းဖုန္းကို ဆက္ရတယ္။

"ဟယ္လို အေဖလား ..."

"ေအး ..."

"အေဖ မနက္က အပင္ေတြ ေရေလာင္းေသးတယ္မဟုတ္လား ..."

"ေအးေလ ..."

"ဒါေပမဲ႔ နံနံေတြ မေလာင္းဘူး မဟုုတ္လား။ နံနံေတြ ဘာၿဖစ္ကုန္ၿပီထင္သလဲ။ အကုန္ညိွဳးကုန္ၿပီ အေဖ ..."

"ဟုတ္တယ္။ မနက္က ေရေလာင္းေတာ႔ ေခါင္းရင္းက အပင္ေတြပဲ ေလာင္းတာ ... နံနံေတြ မပါဘူး ..."

"ဟင္ .. ဟုတ္လား။ အေဖက ဘာလို႔ မေလာင္းတာလဲ ... ထားပါေတာ႔။ အေဖ နံနံကို ပိုးသတ္ေဆးၿဖန္းေသးလား .."

"အင္ ... အင္း .... .... .... ..." (စဥ္းစားေနဟန္)
မၿဖန္းပါဘူး။ ... မၿဖန္းမိဘူးထင္တာပဲ ...."

"ဟုတ္လို႔လား ... ေသခ်ာလို႔လား အေဖရယ္ ... ဒီမွာ အဲဒီနံနံေတြ ခ်ဥ္ဟင္းထဲခပ္လိုက္တာ ခ်ဥ္ဟင္းၾကီး စပ္ကုန္လို႔။ အရင္က မစပ္ဘူးေနာ္။ ဆြိေလးေတာ႔ အဆိပ္မိၿပီထင္တာပဲ ..."

" ဟုတ္လို႔လား ... " (ရယ္ေမာလ်က္)

"ဟုတ္တယ္ ...ရယ္မေနနဲ႔ ... တကယ္ ... တကယ္ကို စပ္ေနတာ ... အဆိပ္ေတြလားမသိဘူး။ လူကေတာ႔ ေလာေလာဆည္ ဘယ္လိုမွေတာ႔ မေနေသးဘူး .. ေခါင္းမူးတာတို႔ ဘာတို႔ေတာ႔ မၿဖစ္ေသးဘူး ..."

"မၿဖစ္ႏိူင္ပါဘူးကြာ ... ေအး ... ေအး ... ေအး ... ဒါပဲ ..."  (ဖုန္းခ်မည္ ၾကံ ....)

"ေနဦး ခဏ ..."

" ေအးေၿပာ ..."

"ေနာက္ထပ္ ၅မိနစ္ေလာက္ေနရင္ ထပ္ေခၚၾကည္႔ဦး ..."

"ဘာလုပ္မလို႔တံုး ..."

"ေအာ .... ေသလား မေသလား ဖုန္းဆက္ေမးရေအာင္ေလ ... ေတာ္ ဒါေတာင္ မသိခ်င္ေတာ႔ဘူးလား ..."

(အၿဖစ္မွန္က ငရုပ္သီးေလွာ္တဲ႔ဇြန္းနဲ႔ ခ်ဥ္ဟင္းအိုးေမႊမိတာပါဗ်ိဳ႔ ...အိမ္မွာ ဒါမ်ိဳးေတြက ၿဖစ္ေနက်ဆိုေတာ႔ ဟိုက အေရးကို မလုပ္ေတာ႔တာ ... အဲ႔လို ... အဲ႔လို ... း)

ေတာ္တို႔ေယာက္်ားေတြရယ္   

အဘြားေပးတဲ႔ စပ္ထမီ

တစ္ေန႔က ေစ်းပတ္ေတာ႔ ဆိုင္တစ္ဆိုင္မွာ ပိတ္စေသးေသးေလးေတြကို စပ္ခ်ဳပ္ထားသည္႔ စကတ္ေလးေတြ၊ ဂါ၀န္ေလးေတြ ေတြ႔သည္။ ပန္းပြင္႔ဒီဇိုင္း ေရာင္စံုလြင္လြင္ေလးမ်ားကို စပ္ခ်ဳပ္ထားၿပီး၊ ခ်ဳပ္ပံုကလည္း၊ ခတ္မီကာ အေတာ္လွသည္။ ထံုးစံအတိုင္း သြားကိုင္ၾကည္႔ၿပီး ေစ်းႏံွဳးကပ္ၿပားေလး ဖတ္ၾကည္ရာ ေစ်းမွာ ေၾကာက္ခမန္းလိလိ မ်ားလွသည္။ ပိတ္စေလးေတြကို စပ္ခ်ဳပ္ရေတာ႔ အေတာ္ေတာ႔ လက္ေပါက္ကပ္မည္။ ဒါေၾကာင္႔ေစ်းမ်ားတာၿဖစ္မည္ဟု သေဘာေပါက္လိုက္သည္။

ထိုစပ္ဂါ၀န္ေလးေတြ၊ စကတ္ေလးေတြၿမင္ေတာ႔ မဆြိတီ ငယ္ဘ၀ကို သတိရသြားသည္။ မဆြိတီတို႔ ငယ္ငယ္ကလည္း အဘြားခ်ဳပ္ေပးသည္႔ စပ္ထမီေလးေတြ ၀တ္ဖူးသည္။ အဘြားမွာ အညာက အေဖ႔ဖက္က အဘြား၊ လူကသာ ေက်ာင္းဆရာမ၊ အခ်ဳပ္အလုပ္၊ အခ်က္အၿပဳတ္ အလြန္၀ါသနာပါသည္။ အဘြားသည္ ႏွစ္စဥ္ ေက်ာင္းပိတ္ရက္မ်ားတြင္ သူ႔ေၿမးမ်ားရွိရာ ရန္ကုန္သို႔လာလည္တတ္သည္။ လာလွ်င္လည္း ေၿမးေတြအတြက္ သူ႔လက္ၿဖစ္ လက္ေဆာင္ပစၥည္းေလးမ်ား ယူလာၿမဲၿဖစ္သည္။ အဘြားကိုယ္တိုင္ တီထြင္ခ်ဳပ္လုပ္ထားေသာ မင္းသား၊ မင္းသမီးရုပ္ကေလးမ်ား၊ စပ္ထမီ၊ ခ်ည္ထိုး အကီ္်၊ ေဘာင္းဘီ၊ သိုးေမႊးဦးထုတ္၊ ေၿခအိပ္ ၊ ထိုအရပ္တြင္ေပါသည္႔ ေၾကးလက္ေကာက္မ်ား.၊ အိုးပုပ္မ်ား၊ အစရွိသည္တို႔ ပါလာတတ္သည္။ ထို႔အၿပင္ စားစရာ ေခါပုပ္၊ ပဲၿမစ္၊ ကေရကရာလို၊ ထိုးမုန္႔လို၊ ကန္ဇြန္းဥယိုလို မုန္႔မ်ားလည္း ကိုယ္တိုင္ ထိုးၿပီး ယူလာေသးသည္။ အိမ္ေရာက္လွ်င္လည္း ဒန္ေပါက္၊ အုန္းထမင္း၊ မုန္႔တီလို မုန္႔မ်ိဳးစံုလည္း လုပ္ေကြ်းေသးသည္။ မဆြိတီတို႔ ေမာင္ႏွမမ်ားသည္ အဘြားမိွဳ႔လာလွ်င္ ဟိုဟာစားရ ဒါစားရႏွင္႔ အူအလြန္စိုရာ အလြန္လည္းေပ်ာ္ၾကပါသည္။

အဘြား ပထမဆံုး စပ္ထမီေလးေပးေတာ႔ မဆြိတီမွာ ၄-၅ႏွစ္သမီးမွ်သာ ရွိေသးသည္။ ထမီေလးရေတာ႔ ၀မ္းသာလိုက္သည္႔ၿဖစ္ခ်င္း။ မ၀တ္တတ္၊ ၀တ္တတ္ႏွင္႔ ၀တ္ရာ ထမီမွာမၿမဲ။ ေနာက္ပိုင္းတြင္ အေမမွ ဂံုနီအိပ္ၾကိဳးၿဖင္႔ ခ်ည္ေပးထားရသည္။ ဆင္းရဲလွေသာ ၀န္ထမ္းလိုင္းခန္းမ်ားမွာ ၄-၅ႏွစ္သမီး မည္သူမွ ဒုကၡခံ ထမီခ်ဳပ္ေပးေလ႔မရွိရာ အိမ္ေဘးမွကစားေဖာ္မ်ားအၾကား စပ္ထမီတကားကားႏွင္႔ စန္းပြင္႔သူမွာ အႏွီဘုတ္အီးမပင္ၿဖစ္ေလသည္။ ခေလးမ်ားမွာလည္း သူတို႔အေမေတြကို ထမီခ်ဳပ္ေပးဖို႔အေရး ပူဆာၾကရာ လူၾကီးမ်ားမွာ အခက္ေတြ႔ရေလသည္။ အေတာ္ၿဂိဳလ္ေမႊသည္႔ စပ္ထမီဟု က်ိန္ဆဲၾကမည္ထင္သည္။

ထိုအခ်ိန္က အဘြား၏ မေတာ္ရေသးေသာ ေခြ်းမ၊ အေဖ႔ေအာက္က ညီ၏ ရည္းစားသည္ ရန္ကုန္ စီးပြားေရးတကၠသိုလ္တြင္ ေက်ာင္းတက္ေနရာ အေဆာင္တြင္ေနသည္။ ရန္ကုန္တြင္ ေဆြမ်ိဳးမရွိရကား မေတာ္ရေသးေသာ ေဆြမ်ိဳးကို အရင္းလို သေဘာထားကာ ေက်ာင္းပိတ္ရက္မ်ားတြင္ အိမ္လာလည္ေလ႔ရွိသည္။ အေမႏွင္႔လည္း ညီအစ္မလို ခင္ေနသည္။ ခေလးလည္း ခ်စ္တတ္ရာ မဆြိတီတို႔ ေမာင္ႏွမေတြကို ထိမ္းေက်ာင္းေပးရင္း သီခ်င္းေလးတစ္ေအးေအး ဆိုေနေလ႔ရွိသည္။ သူဆိုသည္႔ သီခ်င္းမွာ ထိုေခတ္ အခ်ိန္က အလြန္နာမည္ၾကီးေသာ ေရဒီယိုသီခ်င္းမ်ား။ မဆြိတီနားအစဲြဆံုးသီခ်င္းမွာ "ခ်စ္သူရွိတယ္၊ ငရဲၾကီးလိမ္႔မယ္ " ဆိုေသာသီခ်င္း။ သူကေရွ႔ကဆိုေတာ႔ ၄ႏွစ္သမီး ဘုတ္အီးမေလးကလည္း လိုက္ဆိုရင္း ထိုသီခ်င္း တစ္ပိုင္းတစ္စကို အလြတ္ရသြားေလသည္။

ဖိုးဆိုခ်င္ ဆြိဆြိတီမွာ ေရဒီယိုမွ ထိုသီခ်င္းလာၿပီဆို အဘြားခ်ဳပ္ေပးေသာ စပ္ထမီကို၀တ္ကာ လိုက္ဆိုရင္း ေကြးေနေအာက္ ကေလေတာ႔သည္။ လူၾကီးေတြကလည္း ခေလးက ထမီေလး၀တ္ကာ မပီကလာ ပီကလာႏွင္႔ " ကြ်န္မမွာ ခ်စ္တူရွိရယ္ ... ခ်င္နရဲၾကီးလိမ္႔မယ္ ... အဲဟယ္ ... အဲဟယ္ .." ႏွင္႔ ဆိုသည္ကို အလြန္သေဘာက်ကာ အိမ္ လူလာတိုင္း ေဖ်ာ္ေၿဖခိုင္းေနေတာ႔သည္။ တစ္ခါသား မွတ္မိသည္မွာ ေဘးအိမ္မ်ားမွပင္ လာ၍ ဆိုၿပပါ ကၿပပါ၊ ဆိုသၿဖင္႔ ေဘာင္းဘီတိုေလးၿဖင္႔ ေဆာ႔ေနရာမွ ဘီရိုထဲမွ စပ္ထမီေလး ေၿပးယူကာ သြားကၿပရသည္ကို သတိရသည္။ ဤမွ်ေလာက္ စန္းပြင္႔ပါေသာ စပ္ထမီ၊ အဲ ဘုတ္အီးမပါေပ။

မဆြိတီေလးၾကီးလာေတာ႔ အဘြားေသြး အၿပည္႔ပါေလရာ အခ်ဳပ္အလုပ္ အခ်က္အၿပဳတ္လည္း အလြန္၀ါသနာပါသည္။ ေက်ာင္းေတြ ရက္ရွည္ပိတ္ေတာ႔ စက္ခ်ဳပ္သင္တန္းတက္ရာ အက်ၤီေလးေတြ ခ်ဳပ္ရတာကိုလည္း သိပ္သေဘာက်သည္။ ဆိုင္မွာအပ္ကာ တေမ႔တေမာ ေစာင္႔စရာမလို၊ ခုခ်ဳပ္ ခုၿပီးရာ အိမ္မွာ အဘြားအတြက္၊ အေမအတြက္၊ အေဖအတြက္တင္မက အကိုေတြအတြက္ပါ ခ်ဳပ္ေပးသည္။ တကၠသိုလ္တက္ေတာ႔လည္း အ၀တ္အစားအတြက္ မပူရ။ မ်က္ႏွာမငယ္ရပါ။ ရယ္ဒီမိတ္မ်ား မ၀တ္ႏိူင္ေသာ္လည္း ေစ်းေပါေပါ ပိ္တ္စေလးမ်ား၀ယ္၍ ေခတ္ပံုစံမ်ိဳးစံု ခ်ဳပ္၀တ္ေလသည္။

ထိုမွ ပိတ္စေလးမ်ား၊ အစပိုေလးမ်ားထြက္လာရာ ထိုအစေလးမ်ားကို တဲြစပ္၍ စပ္ထမီခ်ဳပ္ဖို႔၊ အက်ီ္ခ်ဳပ္ဖို႔ကား စိတ္ကူးမွ်ပင္မရပါ။ စက္ခ်ဳပ္တာသာ ၀ါသနာပါသည္။ စက္ခ်ဳပ္သည္႔ အလုပ္သည္ အင္မတန္ပင္ပန္းသည္ဟု ယူဆထားေသာ ဆြိဆြိတီၿဖစ္ပါသည္။ တူမေလးမ်ားသာမက သမီးေလးရေတာ႔လဲ ထိုအစေလးမ်ားကို တစ္ခါမွ်ပင္ စပ္ကာ ခ်ဳပ္ေပးဖို႔ စိတ္ကူးမရပါ။ အပင္ပန္းခံ ပိတ္စမ်ား တဲြစပ္ခ်ဳပ္မည္႔ အစားေတာ႔ အသစ္ပဲ ခ်ဳပ္ပါသည္။ ပိတ္စေလးမ်ားမွာ ေသးေသးေလးေတြ ၿဖစ္ရာ စပ္ထမီကြင္းလံုးၿပည္႔ဖို႔ရာ ခါးကိုက္ေအာင္ ခ်ဳပ္ရမည္ထင္သည္။

ထိုအခါမွ မဆြိတီသည္ အဘြား၏ ေၿမးမ်ားအေပၚ ထားသည္႔ ေမတၱာ၊ ေစတနာကို သေဘာေပါက္ပါသည္။ အဘြားသည္ ေၿမးအတြက္ ထမီအသစ္တစ္ထည္ မတတ္ႏိူင္ရာ ထိုစပ္ထမီေလးခ်ဳပ္စဥ္က အဘြားလည္း ပင္ပန္းပါလိမ္႔မည္။ ခါးနာတတ္ေသာ အဘြားကေတာ႔ ခ်ဳပ္ေနရင္းႏွင္႔ သူ႔ေၿမးမေလး၏ ၀မ္းသာအားရ ေပ်ာ္ၿမဴးေနေသာ မ်က္နွာေလးကို ၿမင္ေယာင္ကာ ပီတိၿဖင္႔ မေမာႏိူင္ မပမ္းႏိူင္ ခ်ဳပ္ေပးတာ ၿဖစ္လိမ္႔မည္။ အဘြားသည္ အတူေနသည္ မဟုတ္ေသာ္လည္း  ဘ၀တစ္ေလွ်ာက္လံုး ေတြ႔ဆံုရသည္႔ အခ်ိန္ေလးမ်ားမွာေတာ႔ ေမတၱာ၊ေစတနာအၿပည္႔ၿဖင္႔ ကူညီေစာင္႔ေရွာက္ခဲ႔သည္ ခ်ည္းသာၿဖစ္ပါသည္။

ယခုဆိုလွ်င္ အဘြားကြယ္လြန္ခဲ႔သည္မွာ ၄ႏွစ္ၿပည္႔ေတာ႔မည္။  အဘြားဆံုးခါနီး ဖုန္းေလးပင္ ဆက္ေဖာ္မရသည္႔ အဘြား၏ေၿမး မဆြိတီသည္ စပ္ထမီေလးကို အေၾကာင္းၿပဳကာ တမလြန္မွ အဘြားအား ဤစာကို ေရးရင္းၿဖင္႔ သတိရကာ မ်က္ရည္၀ဲမိပါသည္။

အုန်းနိူ့ခေါက်ဆွဲ ဆိမ့်သဗျ ..

အန်တီဆွိ အစားအသောက်ချက်နည်းများကို တင်ပေးနေရာ အမှန်တော့ အထူးအဆန်းများ သိပ်မပါလှပါ။ မြန်မာလူမျိုးများ အိမ်တွင် နေ့စဉ်ချက်ပြုတ်နေသော ဟင်းများ၊ မုန့်များကိုသာ အများအားဖြင့် တင်ပေးနေခြင်းဖြစ်ပါသည်။ ရည်ရွယ်ချက်ကတော့ ဟင်းလုံးဝမချက်တတ်သော starter များအတွက်၊ အိမ်တွင်ဘာမှမလုပ်ရ နိူင်ငံရပ်ခြားရောက်မှ မချက်တတ်၊ မလုပ်တတ်နှင့် အစားအသောက်အတွက် ဒုက္ခရောက်ရသူများအတွက် ပို၍ရည်ရွယ်ပါသည်။

မဆွိတီတို့ အိမ်မှာ အုန်းနို့ခေါက်ဆွဲ အားလုံးကြိုက်ကြပါသည်။ အထူးသဖြင့် မဂျူဂျူ ကြိုက်သည်ကို ဝမ်းသာရပါသည်။ ဂျူဂျူ အုန်းနို့ခေါက်ဆွဲ စားတတ်သွားပုံမှာ ထူးဆန်းသည်။ သူသည် အစားအလွန်ချေးများရာ မြန်မာအစားအသောက် မည်သည့်အရာကိုမျှ မြည်းစမ်း စားသောက်ခိုင်း၍မရ။ ခေါင်းလဲ အလွန်မာသည်။

တစ်ခါတွင် ဘန်ကောက်သို့ ဟောလီးဒေးထွက်ရာ လေယာဉ်ပေါ်တွင်စားရသော အုန်းနို့ခေါက်ဆွဲနှင့်ခပ်ဆင်ဆင် ယိုးဒယားစာတစ်ခုကို စားရာမှ ကြိုက်သွားခြင်းဖြစ်လေသည်။ သူသည် အိမ်တွင် စားဖို့ပြောရသလောက် လေယာဉ်ပေါ်ရောက်လျှင် အလွန်ဆာလေသည်။ လေယာဉ်ထွက်သည်နှင့် ဗိုက်ဆာပြီ၊ လေယာဉ်မယ်လေးတွေ လှုပ်လှုပ်ရွရွ တွေ့သည်နှင့် စားရတော့မှာလား။ သူတို့က မလာပေးသေးဘူးလား အစရှိသဖြင့် တတွတ်တွတ် ပူဆာတတ်သည်။ ခလေးတွေအားလုံး ဒီလိုပဲလားမသိ။ လေယာဉ်ပေါ်စားရလျှင် ဘာကျွေူးကျွေး စားလေသည်။  မဂျူဂျူမှာ ထိုစဉ်က စားခဲ့ရသော ခေါက်ဆွဲကို အကြောင်းပြု၍ နောက်ပိုင်း အိမ်တွင်လည်း လေယာဉ်ပေါ်မှ စားခဲ့ရသော ခေါက်ဆွဲဆိုကာ ချက်ကျွေးရာမှ အုန်းနို့ခေါက်ဆွဲသည် သူ့စိတ်ကြိုက်စားစရာတစ်ခု ဖြစ်လာလေသတည်း။ မှတ်သားလောက်ပါပေသည် ပိတ်သတ်ကြီးး)

အန်တီဆွိကတော့ ထုံးစံအတိုင်း ဗမာစာ ဘာဖြစ်ဖြစ် ကြိုက်ပါသည်။ ဦးခြ်ိမ့်ကတော့ သွေးတိုးကြောက်လို့ ကြိုက်ပေမဲ့ သိပ်တော့ မစားရဲပါ။  တစ်ခါတစ်ရံ သူ့အတွက်ချက်လျှင်  နို့စိမ်းတစ်ဝက်၊ အုန်းနို့တစ်ဝက်နှင့်ချက်ပေးရသည်။ ဘေးကင်းရန်ကင်း မနက် အိပ်ရာထ စိတ်ပူစရာမလို။

ပြီးခဲ့သည့်ပို့စ်မှာ ညီမငယ် မမြရီမှ အုန်းနိူ့ခေါက်ဆွဲချက်နည်းကို ကွန်မန့်မှတဆင့် မေးထား၍ ဓာတ်ပုံများလဲ အဆင်သင့်ရှိသည်နှင့် တင်ပေးလိုက်ပါသည်။ ဓာတ်ပုံများမှာ ကြာပြီဖြစ်ရာ အတိုင်းအတာများမှာ ခန့်မှန်းချေသာဖြစ်၍ လိုတိုး ပိုလျှော့ပေးပါရန် မေတ္တာရပ်ခံ အပ်ပါသည်။

 -------------------------------------------------------------------------------------------------------

အိမ်မှာ အများအားဖြင့် အုန်းနို့ခေါက်ဆွဲကို ပဲစိမ်းမှုန့်နှင့်သာ ချက်ပါသည်။ တချို့လည်း ကုလားပဲကို နူးအိနေအောင်ပြုတ် ညက်နေအောင်ကြိတ်ပြီး ချက်ကြပါသည်။ အရသာမှာ အတူတူပဲထင်ရာ အပင်ပန်းခံ၍ ပဲကို ကြိတ်မနေတော့ပဲ ပဲမှုန့်ကိုသာ အလွယ်ချက်ပါသည်။

လိုအပ်သောပစ္စည်းများ (လူ၄-၅ယောက်စာခန့်)

ပဲစိမ်းမှုန့် (မွှေး သို့ သင့်ရာ)ဆန်ချင် ခွက် ၄ပုံ ၃ပုံ (3/4) (သိပ်ပျစ်တာ မကြိုက်လျှင် ခွက်တစ်ဝက်သာထည့်ပါ၊ ဟင်းကျက်ခါနီးမှ ကိုယ်လိုသလို ထပ်ပျစ်ချင်လျှင် ပဲမှုန့်ကို အရေဖျော် ထပ်ထည့်လို့ ရပါသည်)

ကြက်ရိုး ရင်ညွန့်ရိုး ၂ရိုးခန့် ခုတ်ထစ်ထားပါ။ ငံပြာရည်၊ နနွင်းမှုန့်နှင့် နယ်ထားပါ။

ကြက်သွန်နီဥသေး ၁၀ဥ-၁၅ဥခန့် (မရှိလျှင်လည်း) ဥကြီး ၅ဥခန့်အလုံးလိုက် အခွံခွါထားပါ။

ဂျင်း ခပ်ထူထူ ၄၅ခုခန့် လှီးထားပါ။

ကြက်သွန်နီခပ်ကြီးကြီး ၂ဥ chop လုပ်ထားပါ (သို့) ကြိတ်ထားပါ။

ကြက်သွန်ဖြူ ၂၀မွှာခန့် ကြ်ိတ်ထားပါ။

ငရုပ်သီး အရောင်တင်မှုန့် လ္ဖက်စားဇွန်း တစ်ဇွန်းခန့်

ကြက်သား ရင်ပုံသား ၄၀၀ဂရမ်ခန့် သေးသေးလေးတွေ လှီးထားပါ။ ငံပြာရည်၊ နနွင်းမှုန့်၊ ဟင်းခတ်မှုန့်တို့နှင့် နယ်ထားပါ။

အုန်းနို့ ၂၀၀ဂရမ် တစ်ဗူး

သကြား ၂ဇွန်းခန့်

ဟင်းခတ်မှုန့် သင့်သလို

ဆီ စားပွဲဇွန်း ၁၅ဇွန်းခန့် (ပဲမှာ ဆီစုတ်၍ ဆီပိုထည့်ရပါသည်)

ငံပြာရည် သင့်သလို

ကြက်ဥ (သို့) ဘဲဥ ၆လုံးခန့် ပြုတ်ထားပါ။ ၃လုံးကို ပါးပါးလှီးထားပါ။

ပွဲပြင်ရန်

အကြွပ်ကြော် အနည်းငယ်

ခေါက်ဆွဲ၊( ဈေးမှ ဝယ်သော ခေါက်ဆွဲ အစိမ်းသာ ကောင်းပါသည်။ ပြုတ်သောခေါက်ဆွဲမှာ အုန်းနို့ခေါက်ဆွဲနှင့် မလိုက်ဖက်ပါ)

ကြက်သွန်နီ ၃-၄လုံးခန့် ပါးပါးလှီးထားပါ။

နံနံပင် ကိုလည်း ပါးပါးလှီးထားပါ။

သံပုရာသီး (သို့့) ရှောက်သီး  အစိတ်လေးတွေ စိတ်ထားပါ။

ပဲသွေး၊ ပဲကတ်ကြော်၊ ဗူးသီးကြော် ၊ ငါးဖယ်ကြော် ရှိလျင် လည်း ပြင်ထားပါ။

ကြက်ဥပြုတ် ၃လုံးကို ၄စိတ်စိတ်ထားပါ။

ဟင်းချိုအိုး ပြင်ခြင်း

ပထမဆုံး ပဲစိမ်းမှုန့်ကို ရေ ထည့်ပြီး အမှုန်လေးတွေကြေသွားအောင် ဖျော်ပါ။ ကြက်ရိုးကို ဟင်းချက်မဲ့ ဒန်အိုး စောက်နက်နက်ထဲထည့် ရေ သင့်သလို (လူ ၄-၅)ယောက်စာ မှန်းပြီး ထည့်တည်ပါ။ ပဲစိမ်းရေဖျော်ထားတာရယ်၊ ကြက်သွန်နီဥတွေ၊ ဂျင်းလှီးထားတာတွေရယ်ပါ တစ်ခါတည်း ထည့်တည်ပါ။ အဖုံးဖွင့်ထားပါ။ ပဲမှုန့်က ဝေလဲ ဝေတတ်၊ အိုးလဲကပ်တတ်ရာ မကြာခဏမွှေပေးပါ။ အိုးပွက်လာပါက မီးအေးအေးနှင့် တည်ပါ။

ကြက်သားကို ဆီသတ်ရန်

ဒယ်အိုးထဲ ဆီထည့်  မီးအနေတော်ထားပါ။ နနွင်းမှုန့် အနည်းငယ် ပစ်ထည့်ပါ။ ဆီကျက်ပါက ကြက်သွန်နီ ထောင်းထားသည်ကို ထည့်ကြော်ပါ။ ကြက်သွန်နီနွမ်းလျှင် ကြက်သွန်ဖြူ ထောင်းထားသည်ကို ထည့်ဆီသတ်ပါ။ မွှေးလာလျှင် ကြက်သားထည့်ကာ ဆီသတ်ပါလေ။ ကြက်သားအပေါ်ရံတင်းပြီး အနည်းငယ် ညိုလာလျှင် အရောင်တင်မှုန့်ထည့်ကာ မွှေပေးပါ။ အရောင်တင်မှုန့် မတူးခင် အုန်းနို့တစ်ဝက်ကိုပါထည့် ဆီသတ်ပါ။ (အိမ်မှာတော့ ဂျူဂျူက အစပ်မစားနိူင်၍ အရောင်တင်မှုန့် မထည့်ပါ။)

ဟင်းအိုးကျအောင်တည်ရန်

ကြက်သားမွှေးပြီး အကြောတင်းလာင်္ပြီဆို ဖိုပေါ်မှချ၊ စောနက ဟင်းချိုအိုးထဲ အိုးလိုက်သာလောင်းထည့်ပါ။ အုန်းနိူ့တစ်ဝက်ကျန်တာကိုလဲ ထည့်ပါ။ ကြက်ဥပြုတ်ပြီး လှီးထားတာ တစ်ဝက်ကိုလည်း ထည့်ချက်ပါ။ ကြက်ဥ၊ ဘဲဥက ဟင်းကို  အရသာ ဆိမ့်စေပါသည်။

ဟင်းအိုးကို ကျသည်အထိ နာရီဝက် ၄၅ မိနစ်ခန့်တည်ပြီး အငံ၊ အပေါ့၊ အချိုလိုပါက ဆား၊ ငံပြာရည်၊ သကြား၊ ဟင်းခတ်မှုန့်တို့ကို ထည့် စိတ်ကြိုက်အရသာ ရသည်အထိပြင်ပါ။ အုန်းနိူ့လိုပါကလည်း ထပ်ထည့်နိူင်ပါသည်။ ကြက်ရိုးရော၊ ကြက်သားရော ချိုပြီးသားဖြစ်ရာ ဟင်းကတော့ ချိုမည်သေချာပါသည်။

ပွဲပြင်ရန်အတွက်

ခေါက်ဆွဲကို ဇလုံ ခပ်ပတ်ပတ်ထဲ အရင်ထည့်၊ အပေါ်မှ ကြက်သွန်နီ၊ နံနံပင်၊ ကြက်ဥ၊ ဘူးသီးကြော်၊ ငါးဖယ်ကြော်၊ ပဲကတ်ကြော်၊ အကြွတ်ကြော် ငရုပ်သီးမှုန့် အစရှိသည်တို့ကို ထည့်၊ ဟင်းရည်ပူပူလေးဆမ်းကာ စားနိူင်ပါပြီ။ တစ်ချို့လည်း  သံပုရာရည်ညှစ်စားပါသည်။

စားၾကပါဦး အုန္းႏို႔ေခါက္ဆဲြ၊ အလြန္ဆိမ္႔သဗ်။

သူ႔ဖက္ကၾကည္႔ေတာ႔ ကိုယ္က စတုပစ္

ၿမစ္ဆံုကိစၥနဲ႔ ပတ္သတ္ၿပီး ၿပည္ၾကီးတရုတ္က လူေတြ တကိုယ္ေကာင္းဆန္တာ၊ ကိုယ္႔ဖို႔ပဲ သိတာေတြ၊ ပစၥည္းအတုေတြလုပ္ၿပီး လူေတြဒုကၡေရာက္ရတာေတြ ဟိုဒီေရးေနတာ ဖတ္ခဲ႔ရတယ္။ အန္တီဆြိလဲ စလံုးမွာ အလုပ္လုပ္တံုးက ၿပည္ၾကီး တရုတ္အခ်ိဳ႔နဲ႔ ေပါင္းဖူးတယ္။ ဟုတ္တယ္။ အမ်ားအားၿဖင္႔ ရုပ္၀ထၳဳဆန္တာ၊ တကိုယ္ေကာင္းဆန္တာေတြက မ်ားတယ္။ ကြန္ၿမဴနစ္စနစ္ေၾကာင္႔အၿပင္ ဘာသာတရား ဆံုးမမွဳမရွိ၊ လူဦးေရေပါက္ကဲြမွဳကေန ရလာတဲ႔ အက်ိဳးဆက္၊ သူ႔ထက္ငါသာမွ ေနရာရမွာမိွဳ႔ အၿပိဳင္အဆိုင္မ်ားမွဳေတြကေနရလာတဲ႔ ဆိုးက်ိဴးေတြလို႔ ထင္ပါတယ္။

စလံုးတရုတ္ေတြဆိုလည္း ၿပည္ၾကီးကဆို သူတို႔အရမ္းအထင္ေသးတယ္။ ၿပီးခဲ႔တဲ႔ အလုပ္မွာတံုးကဆို လုပ္ေဖာ္ကိုင္ဖက္ ၿပည္ၾကီးတရုတ္ေကာင္ေလးတစ္ေယာက္။ ကိုယ္ကေတာ႔ သူ႔ကို တၿခားၿပည္ၾကီးေတြနဲ႔ စာရင္ ေတာ္ေတာ္ေပါင္းလို႔ေကာင္းတယ္လို႔ထင္တယ္။ သူကလဲ မဆိုးပါဘူး။ တစ္ဖဲြ႔ထဲ အတူတူသြားလာၾကတာမယ္ ၾကံဳဖူးတာ lady first ေတြ ဘာေတြ သိတယ္။ အလုပ္မွာ အမ်ိဳးသမီးလုပ္လို႔ ခက္ခဲတဲ႔ တစ္ခ်ိဳ႔ေနရာေတြ ကူညီညာလုပ္ေပးတယ္။ သူ႔မွာ လူလူခ်င္း ညွာတာရမယ္၊ ေထာက္ထားရမယ္၊ ရိုင္းပင္းရမယ္ဆိုတဲ႔ စိတ္ကေလးေတာ႔ရွိေနေတာ႔ မဆိုးဘူးေပါ႔။ ကိုယ္ကေတာ႔ သူ႔အေပၚ အေကာင္းၿမင္ ဆက္ဆံပါတယ္။

ဒါေပမဲ႔ဗ်ာ စလံုးတရုတ္ေတြကေတာ႔ ၿပည္ၾကီးဆို ၀ါးလံုးခ်ီးသုတ္ ႏွိမ္ေတာ႔တာပဲ။ ကင္တင္းသြားတာကအစ စားတာေသာက္တာ ၾကည္႔ၿပီး ႏွိမ္လိုႏွိမ္၊ အလုပ္မွာလဲ အလုပ္တကယ္မရွိလို႕ ဒီတိုင္းေနတာကို ေၿပာလိုေၿပာနဲ႔ ေတာ္ေတာ္ကို အဆင္မေၿပဘူး။ ဒါေတာင္ အဲဒီေကာင္ေလးက NTU မွာ ဘက္ခ်လာကို စေကာ္လာနဲ႔တက္၊ အဲ႔မွာပဲ မာစတာ ၿပီးခဲ႔တာ။ ေနာက္ဆံုးေတာ႔ သူလဲ အလုပ္ထြက္သြားတယ္။ ထားပါေတာ႔။ စလံုးတရုတ္ေတြရဲ႔ ၿပည္ၾကီးေတြအေပၚ သေဘာထားကိုေၿပာၿပတာပါ။

ဒီဖက္ေရာက္ေတာ႔လဲ ဒီမွာလဲ တရုတ္ေတြအမ်ားၾကီးပဲ။ ၿပည္ၾကီး၊ ထိုင္၀မ္၊ ေဟာင္ကီး၊ စလံုး အစံုပဲ။ ရုပ္၀ထၳဳဆန္တာေတြကေတာ႔ အားလံုးအတူတူပါပဲ။ ေငြသာလ်င္အဓိက၊ လူလူခ်င္းညွာတာ ေထာက္ထားမယ္၊ အနင္႔နာခံမယ္ဆိုတာလဲ မရွိၾကဘူး။  အန္တီဆြိ ဒီေရာက္မွ ေပါင္းမိတဲ႔ တရုတ္မတစ္ေယာက္နဲ႔ စကားစမည္ေၿပာၾကရင္း အိမ္မွာဘာလုပ္လဲ၊ ဘာ၀ါသနာပါလဲေမးၿဖစ္ၾကတယ္။ ကိုယ္က အားရင္ ဘေလာ႔ဂ္ေရးတယ္ ဖိုရမ္ထဲ၀င္တယ္ ဖတ္တယ္ဆိုေတာ႔ ဘာေၿပာတယ္ထင္လဲ၊ အဲဒါေတြေရးတာ ပိုက္ဆံရသလားတဲ႔။ ဘေလာ႔ဂ္ကေနေၾကာ္ၿငာေတြ ဘာေတြ ရလားေမးတယ္။ ဆိုလိုခ်င္တာကေတာ႔ ေငြမရပဲ ဘာလို႔ ဒါေတြလုပ္ေနလဲ ဆိုတဲ႔ သေဘာေၿပာတယ္။ အန္တီဆြိကလဲ အစကထဲက အေၿခတင္ေတြ ေၿပာတာ ၀ါသနာမပါေတာ႔ ဘာမွေတာ႔ မေၿပာလိုက္ပါဘူး။ ေငြမရလဲ ငါ၀ါသနာပါရာ လုပ္တာ။ အပ်င္းေၿပတယ္လို႔ပဲ ေၿပာလိုက္တယ္။

တစ္ခါသား ကမ္ဘာရာဖက္ေရာက္တံုး ပါလီမန္ကို၀င္ၾကည္႔တာ၊ ကိုယ္ေတြက ေအးေအးေဆးေဆးထိုင္ ဓာတ္ပံုေလးဘာေလးရိုက္ေနတံုး ဟမ္မေလး ၿပည္ၾကီးတရုတ္ တိုးလ္အဖဲြ႔တစ္ခုနဲ႔ ဆံုတာ၊ ၅ပါးကိုေမွာက္ေရာ။ ဓာတ္ပံုရိုက္ၿပီးလို႔ ၿပန္အထြက္မယ္၊ ေအးေအးေဆးေဆးမရွိ၊ အတင္းတြန္းက်ိတ္တိုးၿပီး ၀ရုန္းသုန္းကား၀င္လာၾကတာ။ လူကို၀င္တိုက္လိုတိုက္။ ေတာင္းပန္ရမွန္းလဲ မသိ။ နည္းနည္းမွကို ယဥ္ေက်းမွဳမရွိၾကဘူး။ ပါလာတဲ႔ ၿမန္မာအေဖာ္ဆို ေၿပာတာ ရစရာကိုမရွိဘူး။ အဲလို အေတြ႔အၾကံဳေတြက အမ်ားၾကီးပဲ။

ဒီေန႔မနက္ သမီးေက်ာင္းပို႔မယ္ၾကံေတာ႔ ကိုေရႊမိုးက ၿပိဳမေယာင္ တစ္မိုးလံုး အုံ႔မိွဳင္းလို႔ေနတယ္။ မိုးမရြာခင္ သားအမိ၂ေယာက္ေက်ာင္းကို ေၿပးၾကတာေပါ႔။ ဒါေပမဲ႔ မေနပါဘူး။ သမီးေက်ာင္းလဲေရာက္ေရာ မိုးက ရြာပါေလေရာ။ သမီးကေတာ႔ မိုးမမိဘူး။ အေမေတာ႔ မိုးမိေတာ႔မယ္ဆို ေၿပာေၿပာနဲ႔ အိမ္ၿပန္ေလွ်ာက္လာ။ လမ္းေရာက္ေတာ႔ ထီးအၾကီးၾကီးနဲ႔ မီးပိွြဳင္႔လမ္းကူးအၿပီး၊ အိမ္ဖက္ေလွ်ာက္အလာ လမ္းေဘး ပလက္ေဖာင္းေလးက လူ၂ေယာက္ေလွ်ာက္ရံုစာေလးရယ္။ ကားလမ္းမၾကီးကလည္း ရံုးခ်ိန္မိွဳ႔ ကားၾကီးကားငယ္ ဥဒဟိုသြားေနၾကတာ။ မိုးတဖဲြဖဲြ ပလက္ေဖာင္း လမ္းက်ဥ္းေလး ထီးအၾကီးၾကီးေဆာင္းလို႔ အေလွ်ာက္၊ ေရွ႔မွာ ၿပည္ၾကီးတရုတ္မတစ္ေယာက္လို႔ ထင္တာတာပဲ၊ ခေလး ေက်ာင္းလိုက္ပို႔တာ ၿဖစ္မယ္။ ခေလးကေတာ႔ မိုးကာအကီ်အလံုနဲ႔ ထီးမေဆာင္းဘူး။ ေရွ႔ကေလွ်ာက္တယ္။ အေမကေတာ႔ ေနာက္က၊ ကိုယ္႔လို ဧရာမထီးၾကီးေဆာင္းထားတယ္။ ေဘးတစ္ဖက္က ၿခံစည္းရိုးက အပင္ေတြကလဲ ပလက္ေဖာင္းေပၚအထိေရာက္ေနေတာ႔ တစ္ခ်ိဳ႔ေနရာေတြမွာ ၂ေယာက္သြားလမ္းဟာ တစ္ေယာက္သြားစာ သာသာေလာက္ပဲရွိတယ္။ ေဘးတစ္ဖက္ကလဲ ကားၾကီးကားငယ္ ဥဒဟိုသြားေနတဲ႔ လမ္းမၾကီး။ ဟိုးငယ္ငယ္က ေမးဖူးတဲ႔ ပေဟဠိလို ထီးဧရာမၾကီးနဲ႔ အမ်ိဳးသမီး၂ေယာက္ မ်က္နွာခ်င္းဆိုင္ လမ္းက်ဥ္းေလးမယ္ ဘယ္လိုေလွ်ာက္ၾကမည္လဲ ????????

၂ေယာက္ဆံုခါနီးက် ကိုယ္႔စိတ္ထဲမွာ ေတြးတာ ... ဟိုက ခေလးလဲပါတယ္။ ကားလမ္းဖက္ အႏၲရာယ္မ်ားလွတယ္၊ ကိုယ္က လူလြတ္ပဲ၊ အနင္႔နာခံစရာရွိ၊ ငါခံမယ္ဆို၊ သိပ္ေတာင္မစဥ္းစားေနပါဘူး။ ဟီးရိုးတီတီဆြိက ထီးအၾကီးၾကီးနဲ႔ ကားလမ္းဖက္ကို ကပ္ေရွာင္ေပးလိုက္တယ္။ ဟိုအမ်ိဳးသမီးကေတာ႔ ေဘးကင္းရာ ၿခံစည္းရိုးဖက္ကပ္၊ ထီးၾကီးေဆာင္းၿပီး ရပ္ေစာင္႔ေနတယ္။ အစကတည္းက ၿပည္ၾကီးတရုတ္မဆိုေတာ႔ သူ႔ဖက္က အနင္႔နာခံ ကားလမ္းဖက္ေတာ႔ ကပ္ေရွာင္ေပးမယ္မဟုတ္ဘူးဆိုတာေတာ႔ ခန္႔မွန္းၿပီးသားပါ။ ဒါတင္မက သူက ကားလမ္းဖက္ ကပ္ေရွာင္ေနတဲ႔ ကိုယ္ကို ၾကည္႔ေနတယ္။

သူ႔ကိုယ္႔ကိုၾကည္႔တဲ႔ပံုစံက stupid  ဆိုတဲ႔ အခ်ိဳးနဲ႔ပါဗ်ား။

(အန္တီဆြိ ဒီပို႔စ္ကို ေရးတာ Mainland Chinese ေတြကို racist လုပ္ခ်င္လို႔ ဟုတ္၀ူးေနာ္။ ကိုယ္႔လူမ်ိဳးမွာလဲ အားနည္းခ်က္ေတြ အမ်ားၾကီးရွိတာပဲ။ ၿမင္တာေတြ႔တာေတြကို ေၿပာၿပတာပါ။ ေၿပာသာေၿပာတာ အန္တီဆြိကိုယ္တိုင္လဲ ၿပည္ၾကီးတရုတ္ေသြး ပါသဗ်။ ဟိုးအဘီၾကီးေတြက ၿပည္ၾကီးကလာတဲ႔ တရုတ္အစစ္ေတြ။ ဗမာေတြနဲ႔ ေသြးေႏွာရင္းနဲ႕႔ ခုေတာ႔ အန္တီဆြိမွာ ၁၂ၿပားခဲြဘိုးလား၊ ၆.၂၅ၿပားလား မေသခ်ာ၊ ဗမာေသြးကေတာ႔  ၉၀%ေက်ာ္ေတာ႔ ေသခ်ာပါပါသဗ်ာ )

ပို႔စ္မွာ အလႅာပ သလႅာပ

ခုတစ္ေလာ အန္တီဆြိတစ္ေယာက္လည္း ဘာၿဖစ္သည္မသိ။ စာေရးဖို႔ အလြန္ပ်င္းေလသည္။ စိတ္ထဲတြင္စီထားေသာစာမ်ား လက္ေတာ႔ပ္စခရင္ေပၚမေရာက္သည္ၿဖစ္ရာ ပို႔စ္တက္လည္း အလြန္နည္းသြားသည္။ အေဟာင္းမ်ား တင္ရလြန္း၍ စာလာဖတ္သူမ်ားအား အားနာလာရာ အသစ္တင္မည္စိတ္ကူးသည္။ အသစ္သည္လည္း အလႅာပ၊ သလႅာပ ပင္ၿဖစ္ေနရာ သည္းခံ၍သာ ဖတ္ၾကပါကုန္။

ပန္းမွာ ခရမ္းၿပာ

စိန္ပန္းၿပာၿပာ

၀ါေသာခါမွ

မသာ နင္႔ကို ငါခ်စ္မည္။

ခုတစ္ေလာ ဆစ္ဒနီတြင္ ခရမ္းၿပာပန္းမ်ား ပြင္႔ၿပန္ၿပီ။ အရင္ ဗားရွင္း အဲေလ အရင္ပန္းႏွင္႔မတူေသာ ေနာက္ထပ္ ခရမ္းေရာင္ပန္းမ်ားၿဖစ္သည္။ တစ္ပင္လံုး ေ၀ေနသည္ၿဖစ္ရာ စၿမင္စက စိန္ပန္းၿပာေတြမ်ားလားဟုေတြးကာ အေပၚက ကဗ်ာေလးကို မၾကာခဏရြတ္ကာ ၿပံဳးမိေလသည္။ အဘယ္စာဆိုေက်ာ္ကမ်ား အႏွီကဗ်ာကို ေရးခဲ႔ပါလိမ္႔။ ဘယ္အရာမဆို ဟာသလုပ္ပစ္တတ္ေသာ အန္တီဆြိမွာ ထိုခရမ္းေရာင္အပင္ေတြ႔တိုင္း ထိုကဗ်ာကို စိတ္ထဲမွာ ရြတ္ေနမိသည္။ ၿပံဳးေနမိသည္။

အရြက္က စိန္ပန္းရြက္ႏွင္႔တူေပမဲ႔ ပန္းကေတာ႔ သတ္သတ္စီပါ။ ဘယ္ေနရာသြားသြား ခရမ္းၿပာပန္းမ်ားေ၀ေနရာ ဆစ္ဒနီသည္ တစ္ခ်ိန္တိုင္း ပန္းတစ္မ်ိဳးေတာ႔ ေ၀ေနၿမဲၿဖစ္ရာ ပန္းၾကိဳက္သူမွာ သေဘာအက်ၾကီးက်ေနသည္။

အိမ္နားေရာက္ေတာ႔ အိမ္ေဘးကအပင္မွာလည္း ခရမ္းၿပာပန္းမ်ားပြင္႔ေနရာ ၿခံ၀န္းအၿပင္မွသာ ထင္သာၿမင္သာသည္။

ေၾကြက်၊ ေၿမခေတာ႔ လွည္းရဦးမည္။

 အစားမွာ မုန္႔ဟင္းခါး

ဟိုေန႔က ေစ်း၀ယ္ရင္း မုန္႔ဟင္းခါးမစားရတာ ၾကာၿပီၿဖစ္ရာ မုန္႔ဟင္းခါးစားခ်င္လာသည္။ စပါးလင္၀ယ္မရ၍ စိတ္ပ်က္ေနရာ ေနာက္ေန႔ ဘုန္းၾကီးေက်ာင္း ေစ်းေရာင္းပဲြကို သတိရသည္။ ေစ်းေရာင္းပဲြမွာ ၿမန္မာမုန္႔မ်ိဳးစံု၊ အစားအေသာက္မ်ိဳးစံုကို ေရာင္းၿပီး၊ ရေသာေငြၿဖင္႔ ဘုန္းၾကီးေက်ာင္းကို လွဴၿခင္းၿဖစ္ရာ ရည္ရြယ္ခ်က္ အလြန္ေကာင္းေလသည္။ ၿမန္မာစာၾကိဳက္ေသာ အန္တီဆြိတို႔လို ပရိတ္သတ္အတြက္လည္း အလြန္အဆင္ေၿပသည္။ တစ္လတစ္ခါ ပထမဆံုးေသာ တနဂၤေႏြေန႔တြင္ လုပ္ေပးၿခင္းၿဖစ္သည္။ ဆစ္ဒ္နီမွ ပရိတ္သတ္မ်ား လာေရာက္အားေပးလိုလွ်င္ ေအာက္ကပံုမွာ လိပ္စာပါပါသည္။ အေပၚဆံုးမွာ ဘုန္းၾကီးေက်ာင္းလိ္ပ္စာၿဖစ္ပါသည္။ ေနာက္လ ဒီဇင္ဘာလ ၄ရက္ေန႔ တနဂၤေႏြေန႔တြင္ ေစ်းေရာင္းပဲြရွိသည္။ ဘုန္းၾကီးေက်ာင္းမွာ တရားစခန္း၀င္လိုသူေတြအတြက္ ၁၀ရက္ တရားစခန္းလည္း ရွိသည္။ အေသးစိတ္ကို 61-2-9729 2343 ကို ဆက္သြယ္ေမးၿမန္း ႏိူင္ပါသည္။

ၿပီးခဲ႔သည္႔ ေန႔ ေစ်းေရာင္းပဲြ ဖိတ္စာ။

 သို႔ႏွင္႔ မေန႔က ေစ်းေရာင္းပဲြ သြားၾကရာ မုန္႔ဟင္းခါး ၀ယ္စားသည္၊ တစ္ပဲြ၅က်ပ္၊ အရသာ အလြန္ေကာင္းပါသည္။ ဦးၿခိမ္႔မွ ေကာင္းသည္ ... ေကာင္းသည္ဆိုကာ လာၿမည္းၿပီး ဇြန္းမခ်ေတာ႔ရာ၊ တရား၀င္စားသူမွာ အနည္းငယ္မွ်သာ ဗိုက္ထဲေရာက္ေလသည္။ စားရတာ ဖတ္သလပ္လပ္ႏွင္႔ ေနာက္ထပ္၀ယ္စားခ်င္ေသာ္လည္း သမီးစားသည္႔ ၾကက္ဆီထမင္းမကုန္လွ်င္ စားရမည္႔ တာ၀န္ရွိေသးရာ ထပ္မစားေတာ႔ပါ။ ေစာနက မုန္႔ဟင္းခါးကုိ တစ္၀က္မွ် ကုန္ေအာင္ၿမည္းသူသာ စားေကာင္းသည္ဆိုကာ ေနာက္တစ္ပဲြထပ္ ၀ယ္စားေလရာ သူ႔ကလွည္႔က် တစ္ဇြန္းမွ်ပင္ ၿမည္းခြင္႔မရခဲ႔ေပ။ မည္သို႔လုပ္လိုက္သည္ကို အမွန္တကယ္မသိ။ အိမ္ေရာက္မွ ဟင္ သူစားတာ ငါလဲ တစ္ဇြန္းမွ် မၿမည္းလိုက္ရပါလားဟု ေတြးမိကာ မစားလိုက္ရေသာ မုန္႔ဟင္းခါးအတြက္ အခဲမေက်ၿဖစ္ရသည္။

ငတ္ၾကီးက်ေန၍ ဓာတ္ပံုမ်ားလည္း တစ္ပံုမွ မရိုက္ထားလိုက္ရပါ။ ၿပန္ခါနီး ၾကက္သားပတ္ဖ္၂ခု၊ အသိဆိုင္မွ အားေပးသည္။ ဖာလူဒါတစ္ခြက္ ၃က်ပ္ခဲြ ၀ယ္ေသာက္လိုက္ေသးသည္။

အသီးမွာ သရက္

 ဆစ္ဒနီတြင္ သရက္သီးေပၚခ်ိန္ၿဖစ္ရာ သရက္သီးမ်ား အလြန္ေပါေလသည္။ ခ်င္က်ားပူတြင္ တစ္လံုး ၅က်ပ္ေလာက္ေပးရေသာ မခ်စ္စုလို အလံုးၾကီးမ်ိဳးကို ၂က်ပ္သာေပးရသည္။ ၿပီးခဲ႔သည္႔အပတ္က ေကာင္းမွန္း၊ မေကာင္းမွန္း မေသခ်ာ၍ တစ္လံုးသာ ၀ယ္သည္။ သရက္သီးသည္ကား အသီးမွာသရက္ဆိုေသာ စကားႏွင္႔အညီ ခ်ိဳ၊ ေအး၊ေမႊး ၿဖစ္ေနရာ တစ္လံုးတည္း ၀ယ္မိသည္ကို ေနာင္တ အၾကီးအက်ယ္ရသည္။ ဒီအပတ္ေတာ႔ ၃-၄လံုး၀ယ္မည္စိတ္ကူးရာ သြားေမးေတာ႔ တစ္လံုး ၃က်ပ္ၿဖစ္သြားသည္။ တစ္လံုး ၃က်ပ္ဆိုေတာ႔လဲ ေစ်းမ်ားေပရာ တစ္ပံုးလံုး၀ယ္လွ်င္ေတာ႔ ၂၀တဲ႔ ၁၀လံုးပါသည္။ ဒီ႔ထက္ေစ်းေပါတာမ်ားရမလားလို႔ ဟိုဒီေလွ်ာက္ပတ္ၾကည္႔ၾကရာ စိတ္တိုင္းမက်။ ဦးၿခိမ္႔မွ ၿပန္မည္လုပ္ရာ ဒီအပတ္ သရက္သီးမွမပါလွ်င္  အိမ္အၿပန္ ရာသီဥတုမေကာင္းမည္႔ အရိပ္အေယာင္ကို ၿမင္သည္မူ ေစာနက သရက္သီးဆိုင္ ၿပန္ေခၚသြားသည္။  အစိမ္းမ်ားမ်ား ပါေသာ ပံုးတစ္ပံုး ၂၀ႏွင္႔ ၀ယ္ခဲ႔မွ ႏွမေတာ္၏ ေရႊမ်က္နွာေတာ္ ၿပံဳးရႊင္သြားေလသတည္း။ (ရလဲ႔ တယ္ ဟုတ္ပါလား း))

 

ဦးဦးဖ်ားဖ်ား ဘုရားဆြမ္းေတာ္တင္ရာ ကလပ္နွင္႔ မဆန္႔။ ကလပ္ကပင္ ေသးေနေသးသည္။

တစ္လံုး ခဲြလိုက္ရာ မယံုမရွိႏွင္႔၊ တစ္ပန္းကန္အၿပည္႔ရေလသည္။ အေစ႔သည္ ပါးပါးေသးေသးေလး ၿဖစ္ရာ စိုက္ထားမည္စိတ္ကူးသည္။

ထမင္းမွာ အုန္းထမင္း

ညေနက် ၾကက္ၿမစ္၊ၾကက္သဲဆီၿပန္ခ်က္၊ ခ်ဥ္ေပါင္၊မွ်စ္ေၾကာ္ရာ အေမ႔ကို သတိရသည္။ အေၾကာင္းမွာ အေမသည္  အုန္းထမင္းခ်က္တိုင္း ခ်ဥ္ေပါင္မွ်စ္ေၾကာ္၍ ၿဖစ္သည္။ အုန္းထမင္းဆိုမွ အုန္းထမင္းကို အေမ႔ထက္ ပိုသတိရသြားရာ အုန္းႏို႔တစ္ဗူး အဆင္သင္႔ရွိသည္ႏွင္႔ အုန္းထမင္းခ်က္ေလသည္။ 

ဦးၿခိမ္႔က ေသြးတက္တတ္၍ မစားရာ အုန္းထမင္း အိမ္မွာခ်က္ခဲသည္။ သူ႔အတြက္ မေန႔က ထမင္းအက်န္ေႏႊးၿပီး အုန္းထမင္းႏွင္႔ေရာေကြ်းလွ်င္ရတာပဲ ဆိုကာ အုန္းထမင္းကို ဇြတ္ခ်က္သည္။ ညေနစာစားေတာ႔ ေမာင္မင္းၾကီးသားက အုန္းထမင္းကိုသာ အားစိုက္တြယ္ေလရာ သူ႔ေသြးတိုးအတြက္ စိုးရိန္မိသည္။ မနက္က် အိပ္ရာထစ သြားႏိွဳးမည္ၿပင္ရာ မႏိွူးရဲေခ်။ မေတာ္ ေသြးတက္ၿပီး တစ္ခုခုၿဖစ္ေနလွ်င္ မခက္လား။ မႏိွဳးရဲ၍ အိပ္ရာထဲတြင္ ေပေနရာ ေသြးတက္သူက လာႏိွဳးမွ ထခ်င္ေယာင္ေဆာင္ကာ သက္ပ်င္းခ်ရေလသည္။ ေနာင္တြင္ ဆင္ခ်င္ရမည္။

 

ခ်ဥ္ေပါင္ရြက္ ဘယ္ကရသနည္းေမးေသာ္ ဘုန္းၾကီးေက်ာင္းမွတဆင္႔သြားေသာ ၿမန္မာဆိုင္မွ ဆီႏွင္႔လွိမ္႔ထားသည္ဆိုေသာ အထုတ္ၾကီး ၅က်ပ္ၿဖင္႔ ၀ယ္လာၿခင္းၿဖစ္ပါသည္။ အေၿခာက္အၿခမ္းမ်ားကို ဘယ္ေတာ႔မွ မၾကိဳက္ေသာ အန္တီဆြိသည္ ခ်ဥ္ေပါင္ ခ်င္ၿခင္းတက္လြန္း၍သာ ၀ယ္လာသည္။  ေကာင္းမည္လား မေကာင္းမည္လား မေသခ်ာ။ ေၾကာ္ၿပီးမွ ခ်ဥ္ေပါင္ပင္က လတ္လတ္ဆတ္ဆတ္ခူးေၾကာ္သည္႔အတိုင္းၿဖစ္ရာ အလြန္သေဘာက်လ်က္ရွိေပသည္။ 

က်န္သည္႔ ခ်ဥ္ေပါင္ တစ္၀က္ကို  ေရခဲေသတၱာအေပၚထဲ ထည္႔ခဲထားလိုက္သည္။ Frozen Rosella Leaves ဟုေရးထားပါသည္။ ခုမွသတိထားမိသည္။ (date မွာ expire ၿဖစ္ေနၿပီ ... ဒုကၡ ...)

ၾကက္ၿမစ္ၾကက္သဲ ဆီၿပန္။ ဆီမမ်ားပါ။ ေအာက္မွ ေရမ်ားၿဖစ္ပါသည္။ ဆီကပ္ေနေအာင္တည္လိုက္ေသာအခါ ဆီ ဆမ္းစားစရာ နဲနဲပင္က်န္ပါသည္။ (ဆီမ်ားသည္ဆိုေသာ စပါယ္ပန္းမကို ႏွူတ္ပိတ္ၿခင္း)

စားမကုန္သည္မွာ ကင္မ္ခ်ိ

ကင္မ္ခ်ိသည္ ဆိုင္တြင္ အလြန္ေစ်းၾကီးေလသည္။ ဗူးေသးေသးေလး တစ္ဗူးကို ၄-၅က်ပ္။ အိုးရွင္းထုပ္ တစ္ေပြ႔တစ္ပိုက္ၾကီးမွ ၂က်ပ္ကို ကင္မ္ခ်ိလုပ္ေသာ္ အိမ္တြင္ရွိေသာ ပလပ္စတစ္ဗူးအၾကီးဆံုးႏွင္႔ တစ္ဗူးအၿပည္႔ရေလ၏။ ထိုေန႔က အိမ္တြင္ဂ်င္းနည္းေန၍ အိုးရွင္းတစ္၀က္သာ လုပ္ရာ ကင္မ္ခ်ိမွာ ယခုခ်ဥ္ၿပီ။ အိမ္မွာ စားမကုန္ရာ အသိမ်ားကို ခဲြေ၀ေပးေနရသည္။ ကင္မ္ခ်ိ ၀က္သားေၾကာ္ အလြန္ေကာင္းသည္။ ကင္မ္ခ်ိ ဟင္းခ်ိဳလည္းၾကိဳက္၏။

 

Kimchi Soup

 

ကင္မ္ခ်ိဆို၍ ကင္မ္ခ်ိလုပ္နည္း ေမ႔ေန၍ ကိုယ္ေရးထားတာ ကိုယ္ၿပန္ဖတ္ရာ ကြန္မန္႔၂ခု ဘယ္တံုးက မန္႔ထားသည္မသိ။ ဆိုးဆိုးရြားရြား မန္႔ထားေလရာ အင္မတန္ စိတ္ပ်က္မိသည္။ ဖတ္သူေတြ တစ္မ်ိဳးတစ္မည္ ထင္ႏိူုင္ေသာ ကြန္႔မန္႔ၿဖစ္ရာ ထိုသို႔ အေၾကာင္းမဲ႔ attack လုပ္သူမ်ားကို နားမလည္ႏိူင္ၿဖစ္ရသည္။ 

http://auntysweet.blogspot.com/2009/04/blog-post_09.html

ေကာင္းကင္ေပၚမွာေရးတဲ႔ ရည္းစားစာ

မေန႔ကမနက္ အိပ္ရာထ ေစာေစာစီးစီး ေကာင္းကင္ေပၚမွာ ေလယာဥ္မီးခိုးတန္းေတြနွင္႔ တစ္ေယာက္ေယာက္ ရည္းစားစာေရးေနၿခင္းၿဖစ္သည္။ ကာရကံရွင္မ်ား ေတာ္ေတာ္ romantic  ၿဖစ္မည္။ ပိုက္ပိုက္လည္း ေတာ္ေတာ္ကုန္မည္ထင္သည္။

I

LOVE YOU 

X  X 

တဲ႔ ေရးထားတာ ဖတ္ၿပီးေတာ႔ ေကာင္ေလးက ေကာင္မေလးကို propose လုပ္တာၿဖစ္မည္ဟု သေဘာေပါက္သည္။ ၾကည္႔ေနရင္းနဲ႔ ပထမေရးထားတာေတြ မီးခိုးေငြ႔ေတြလြင္႔ကာ မွုန္၀ါးကုန္မွ ဓာတ္ပံုရိုက္ဖို႔ သတိရသည္။

ေအာက္ဆံုးမွ X   X  ဆိုသည္ကို ေကာင္မေလး နာမည္လား၊ ဘာလဲ နားမလည္ရာ ညေန သမီးကို ၿပရင္းနွင္႔မွ မယ္မင္းၾကီးမွ မဂ်ဴဂ်ဴ ဘာသာၿပန္ေပးရာ X ဆိုသည္ကား kiss လို႔ အဓိပါယ္ရသည္တဲ႔။ သမီးရွင္းၿပမွ သိရေသာ အေမဘ၀ေရာက္ေလၿပီဟု ေရးေရး သေဘာေပါက္မိသည္။

ဤတြင္ သတင္းမ်ားကို ေၾကၿငာ၍ ၿပီးပါၿပီခ်င္။     ။