Sunday, May 3, 2009

မျောက်မူးလဲ သားအမိ ...(၂)

မနေ့က အောက်ထပ်မှ သမီးသူငယ်ချင်း မြန်မာခလေးတစ်ယောက် အိမ်မှာလာဆော့သည်။ သူကယောက်ျားလေးပေမဲ့ အတော်ငြိမ်သည်။ ရောက်ကတည်းက ငြိမ်ငြိမ်လေးထိုင်ကာ TV ကြည့်ရင်ကြည့် မကြည့်ရင်လဲ သူ့ဟာသူလေးထိုင်ကာဆော့သည်။ သမီးလေးမှာကား ဟိုပေါ်တက်လိုက်၊ ဒီပေါ်ဆော့လိုက်၊ ပြေးလိုက်၊ စကားများလိုက်၊ အမေကို တိုင်လိုက်နှင့် မျောက်တစ်ကောင်လိုဖြစ်နေသည်ကို သတိထားမိသည်။ သမီးကို ငြိမ်ငြိမ်နေဘို့ လိမ္မာဘို့ရာ ထိုခလေးနှင့်နှိဲုင်းယှဉ်ကာ ပြောမိတော့သည်။

ဒီလိုအဖြစ်မျိုးကြုံလာတိုင်း ကိုယ့်အိမ်ကလူက ရယ်နေပြီး သမီးက ညည်းတူတာဆိုကာ ခနဲ့တဲ့တဲ့ပြောလေ့ရှိသည်။ သူဆိုလိုချင်တာက ကိုယ့်အပြစ် ကိုယ်ခံဆိုသည့်သဘော။ သူငယ်ငယ်က သူ့အမေသည် အလွန်စည်းကမ်းကြီးကာ သူသည်လည်း အလွန်ငြိမ်ငြိမ် အေးအေးလေးနေတတ်သော ခလေးတစ်ယောက်ဖြစ်သည်မှို့ သမီးမျောက်ရှုံးအောင်ဆော့ခြင်းသည် သူနှင့်မဆိုင် ... တဲ့။ ကိုယ်လွတ်ရုန်းသွားလေသည်။

ပြောလည်းပြောစရာပေပင်။ ကိုယ်ငယ်ငယ်ကရော သူ့လိုငြိမ်ငြိမ်လေးနေသော ခလေးတစ်ယောက်ဖြစ်ခဲ့လို့လား။ ကိုယ်ငယ်ငယ်က နေသည်က တန်းလျားလို ခလေးပေါင်းစုံစုစည်းရာ နေရာမှာ ကြီးပြင်းခဲ့သည်။ ကစားသည့်အချိန်ဆို ခလေး၁၀ယောက် ၁၅ယောက်လောက်စုကာ ကစားလေ့ရှိသည်။ တစ်ခါသား မှတ်မိသည်မှာ ညအချိန် အုပ်စု ၂စုခွဲကာ ပြေးတိုင်းလိုက်တန်း ကစားကြသည်။ ကိုယ်ပြေးရင်းနှင့် အိမ်ဘေးတစ်အိမ်မှ အ၀တ်ကြိုးတန်းနှင့်ငြိကာ မြေကြီးနှင့် ရိုက်မိသည်လား တိုင်နှင့်ရိုက်မိသည်လားမသိ ခေါင်းထဲ ကြယ်တွေလတွေ မြင်လိုက်ရတာသာ သိလိုက်သည်။ ခဏနေတော့ သူငယ်ချင်းတွေက ဆွိ ... ဆွိ .... ထ ... ထ ဆိုပြီး အတင်းလှုတ်မှ ... အင်း ... ဆို သံရှည်ဆွဲကာ သတိရလာသည်။ ဘာဖြစ်မှန်းရုတ်တရက်မမှတ်မိ။ အဲသလို သတိမေ့အောင်တောင် ဆော့ဘူးပါသည်။

နောက် မှတ်မိသည်က ရေနှင့်စည်းတားကာ ယောက်ျားလေးတစ်ဖက်၊ မိန်းခလေးတစ်ဖက် ထုတ်စီးတိုးတမ်းကစားသည်။ ဒီကစားနည်းကိုလည်း အတော်စွဲသည်။ ထုတ်စီးတိုးရင်း ကိုယ်က ပိန်ပိန်သေးသေးနှင့် ဖမ်းသူကို မွှေ့ကာ ဖြတ်ဆို လျပ်တပျက်ဝင်တိုးရတာ အရသာတွေ့သည်။ထုတ်စီးတိုးပြီးကာစ ညများဆိုရင် ညအိပ်ရင်းနှင့် ခဏခဏလန့်ကာ ဖြတ်ကနဲဖြတ်ကနဲ ခြေလှုတ်၊လက်လှုတ်ဖြစ်သည်။ အိပ်မက်ထဲယောင်ကာ ထုတ်စီးတိုးနေခြင်း။ တစ်ခါတရံ ယောင်ပြီး ငြင်းသေးသည်တဲ့။ မိတယ်၊ မမိဘူး၊ ညစ်တယ် အစရှိသဖြင့် ဘေးက အဖွားကပြောပြသည်။

၅တန်း၆တန်းလောက်မှာ သားရေပင်များကို ဆက်ကာ ခုန်ရသော အီစွတ်ဆိုသည့်ကစားနည်း ခေတ်စားလာသည်။ ဘာပြောကောင်းမလဲ ... ဘုတ်အီးမတို့ ဆော့လိုက်သည့်ဖြစ်ခြင်း ။ အရပ်ရှည်ရှည် ပိန်ပိန်နှင့် ကိုယ့်ခန္ဒာကိုယ်ကြောင့် အမြင့်ခုန်တွေဆို သူများတွေထက် ပိုခုန်နိူင်ကာ အသင်း၂ဖက်ခွဲကစားလျင် ကိုယ့်ကို ၂ဖက်လုံးက သူတို့ဘက်တွင် ပါစေချင်ကြသည်။ ရွှေလား၊ငွေလားဖွက်တမ်းကစားလျင် ကိုယ်ပါချင်သည့်ဘက်က ရွှေဖွက်ပါ အစရှိသဖြင့် တစ်ကြိုပြောထားရသည်။ မုန့်စားကျောင်းဆင်းလျင် စားဖို့သတိမရ ။ မမောမပမ်း အီစွတ်သာ တွင်တွင်ခုန်တော့သည်။ ကျောင်းပြန်တက်ရင် ချွေးသံတရွှဲရွှဲနှင့် ရေစိုထားသည့်အလား။ အဲသလောက် ဆော့ပါသည်။

အိမ်တွင်လည်း အမေတွေအဖွားတွေက ဟင်းချက်ပြီး သမီးကြည့်ပေးနော်ဆိုကာ ထားခဲ့လို့ကတော့ အဲဒီနေ့တစ်အိမ်လုံး ဟင်းအတူးသာ စားကြဘို့ ပြင်ကြပေတော့။ ဟင်းအိုးပစ်ပြီး တမေ့တမော ဆော့နေတော့ တစ်ခါတရံဟင်းအိုးတူးခြစ်လို့ အနံ့ရမှ သတိရသည်။အဆူခံရသည်လည်း ခဏခဏ။ ထိုအကျင့်က အခုအထိစွဲကာ ဟင်းချက်လျင် အိုးတူးမှာကြောက်၍ ဘေးမှာငုတ်တုတ်ထိုင် စောင့်သည့်အကျင့်ကရလာသည်။

၉တန်း၊ ၁၀တန်း လောက်ရောက်တော့ ကစားနည်းက အဆင့်မြင့်သွားသည်။ အိမ်ရှေ့အိမ်မှ သူငယ်ချင်းနှင့် ကော်ခွက်တွေနှင့် တကယ့်ထမင်းဟင်းတွေထည့်ကာ ဟင်းချက်တိုင်းကစားသည်။ ကော်ရုတ်မတွေကို အ၀တ်တွေ တကယ်ချုပ်ပေးကာ အင်္ကျီအမျိုးမျိုးပြောင်းဝတ်ပေးရတာကလည်း အလုပ်တစ်ခု။ ကြီးတဲ့အထိ ဆော့နေ၍နောက်ဆုံး အမေက အရုပ်တွေ ခွက်တွေအားလုံး ညီမ၀မ်းကွဲလေးတွေ အလည်လာတော့ ပေးပစ်လိုက်မှ နားအေးသွားသည်။


ငယ်ငယ်က ကလေးပေါင်းစုံနှင့် စိမ်ပြေးတိုင်း၊ ထုတ်စီးထိုးတမ်း၊ ခြေတစ်ပေါင်ကျိုးလိုက်တမ်း၊ အရူးမကြီးမစာဥတမ်း၊ရွှေစွန်ညိုတမ်း၊ ဘုတ်တလုတ်တောက်တဲ့၊ အဘိုးကြီး ဘာတွေတူး၊ ရွှေတံခါးကြီးဖွင့်ပါဦး အစရှိသဖြင့် မျောက်ရှုံးအောင်ဆော့ခဲ့သည်များကို သတိရကာ ယခုတော့ သမီးလေး မျောက်ရှုံးတာ အမေတူလို့ဆိုသည့် စကားကို မသိချင်ယောင်ဆောင်ကာ မကြားယောင်ပြုကာ နေတတ်နေလေပြီ။

(မြန်မာကျူးပစ်ဖိုရမ်တွင် ဖော်ပြပြီး)

2 comments:

  1. ဟယ် ၉တန်း ၁၀တန်းအထိ ဟင်းချက်တန်း ကစားနေတုန်းပဲ:)

    ReplyDelete
  2. ငယ်တုန်းဆော့ရတာ ဆော့ပါစေ အန်တီဆွိ၊ ညီမလည်း ငယ်ငယ်တုန်းက အဆော့မက်တဲ့နေရာမှာ အိပ်ချိန်နဲ့ ထမင်းစားချိန်ပဲ အိမ်မှာရှိတယ်။ ဒါကြောင့် အမေပေးတဲ့နာမည်က လမ်းဗိုလ်တဲ့ (ဟိဟိ)၊ ညနေစောင်းလို့ အမေ့ရဲ့  လမ်းဗိုလ်ရေလို့ အော်သံမကြားမချင်း ဘယ်တော့မှ အိမ်မပြန်ဘူး။

    ReplyDelete