Home Made KFC (or) Kentucky Fried Chicken

KFC ဆိုတာ အမေရိကန်နိူင်ငံ  Kentucky ပြည်နယ်၊ Corbin မြို့လေးမှာ ကြက်ကြော်ဆိုင် Restaurant ဖွင့်ထားရာကနေပြီး နာမည်ကြီးရာက ကမ္ဘာကြော်  fast food ဆိုင် ဖြစ်လာတော့တာပါပဲ။ ဂျူဂျူတို့လို ခလေးတွေဆို သိပ်ကြိုက်ကြသပေါ့။

မနေ့က သမီး ကျူရှင် ပို့ပြီး အပြန် ဦးခြိ်မ့်တစ်ယောက် ခါးနာနေတာနဲ့ ဘယ်မှ မသွားချင်ဘူးတဲ့။ အဲဒါ အိမ်မှာပဲ Chicken mid  wing လေးတွေ နယ်ထားတာ အဆင်သင့်ရှိတာနဲ့ ကြော်စားဖြစ်တယ်။ ပြီးတော့ သူက ထမင်းနဲ့စားမယ်ဆိုတော့ ပဲပြုတ်ဗူးလေးထုတ် ပြီး သုတ်ပေးလိုက်တယ်။ အန်တီဆွိကတော့ Wedge potato လေးတွေ ကြော်စားတယ်။ coke ဗူးလေးပါ အဆစ်ပါသေးတယ်။

ခုတစ်ခါ ကြော်တာကတော့ KFC  က ကြက်တောင်ပံ ကြော်နဲ့ အနံ့ရော အရသာရော တော်တော်လေးကို ဆင်တူလို့ ရှယ်ပေးလိုက်တာပါ။ တူဆို သူက Kentucky အကြော်မှုန့်နဲ့ ကြော်တာကိုး။ အရသာလဲ တော်တော်လေးကို ကောင်းတယ်။ ပြီးတော့ ကြော်ရတာလဲလွယ်လိုက်တာ။

အရင်က အမှုန့်ပေါင်းစုံ၊ နည်းမျိူုးစုံနဲ့ ကြော်ဖူးတယ်။ ဒီတစ်ခါလောက် တစ်ခါမှကို အရသာ ရှိရှိ အဆင်ပြေပြေ မရှိလှဘူး။  အန်တီဆွိကလဲ အစားကောင်း အသောက်ကောင်း စားရရင် ကိုယ့်မိတ်ဆွေတွေ သတိရဆိုသလို ကိုယ့်ပရိတ်သတ်တွေ သူငယ်ချင်းတွေ သိရအောင် ရှယ်ပေးချင်နေတော့တာပဲ။

ကြက်တောင်ပံ (Chicken mid wing) 1kg
ကြက်သားမှုန့်  2 tea spoon
ဆား  1/3 tea spoon
ဆနွင်းမှုန့် 1/3 tea spoon
Unifood Kentucky seasoning အကြော်မှုန်တစ်ထုပ်
ဆီ ( ကြက်သားကြော်ရန်)

ပထမဆုံး  ကြက်တောင်ပံ အလယ်ရိုးလေးတွေကို ကြက်သားမှုန့် ဆား၊ ဆနွင်းမှုန့်  တို့နဲ့ နယ်ထားပြီး ရေခဲသေတ္တာ အောက်ခန်းထဲ နေ့ဝက်ခန့်နှပ်ထားပါ။

ကြော်ခါနီးရင် ပန်းကန် တစ်လုံးထဲ ကြက်ဥ အကာရည်တစ်လုံးစာ ထည့်ပါ။

နောက်ပန်းကန်တစ်လုံးထဲ Kentucky အကြော်မှုန့် ၁၀ဇွန်းစာခန့် ထည့်ထားပါ။

ကြော်မဲ့ ဒယ်အိုးထဲ ဆီတွေကို ကြက်တောင်ပံ မျြုတ်အောင်ထည့်ပါ။ ဆီပူလာရင် ကြက်တောင်ပံတစ်ခုချင်းစီကို ကြက်ဥ အကာထဲ အရင်နှစ်။ ပြီးမှ အကြော်မှုန့်ကို နှံ့အောင်လူးပြီး ဆီထဲ အသာထည့်ပေးပါ။ အမှုန့်တွေ သိပ်ထူဖို့ မလိုပါဘူး။ မီးကိုလဲ အရမ်းမပျင်းစေပဲ medium မှာထားပါ။ မီးအရမ်းပျင်းရင် ကြက်တောင်ပံ အထဲက မကျက်ပဲ အပေါ်ကတူးကုန်မှာ စိုးလို့ပါ။ ကြက်တောင်ပံလေးတွေ ကြွပ်လာသည်အထိ (၁၂ မိနစ်ခန့်) ကြော်ပြီးရင် ဆီစစ်ပြီး စားလို့ရပါပြီ။ ထမင်းမပါပဲ  ဒီတိုင်းလေး အပျော်စားလဲ ကောင်းတာပဲ။ အကြော်မှုန့်ကိုယ်တိုင်က အနံ့အရသာနဲ့ ပြည့်ပြီးသားမှို့ ကြက်သားကြော်ကလဲ တော်တော်လေးကို အရသာ ရှိလှပါတယ်။