အသဲကြားက မဲ ၂ပြားဖြစ်တော့မလို့ .. အဆက်

ဦးခြ်ိမ့်က ပါတ့်စ်ပို့စ် ပေးပါဆိုလို့ ပေးလိုက်ပြီး နောက် ဝင်ခဲ့တော့ ဆိုတော့ မဲရုံထဲ ရောက်သွားပါတယ်။ အထဲမှာ စားပွဲခုံ အရှည်တစ်ခုပေါ်မှာ စာရွက်စာတမ်းအချို့ တင်ထားပြီး အမျိုးသမီး ၃ယောက် ထိုင်နေပါတယ်။ ဘယ်အစွန်ဆုံး တစ်ယောက်က မဲရုံမှုး လက်မှတ်ထိုးဖို့ရန်ဖြစ်ပြီး အလယ် တစ်ယောက်က စာရင်းပါ မပါစစ်ဆေး၊ ညာအစွန်တစ်ယောက်က မဲပြားတွေ ရှာ ထုတ်ပေးရတဲ့ တာဝန်ယူပါတယ်။ တာဝန်တွေကိုလည်း စားပွဲပေါ်မှာ ကတ်ပြားလေးရေးပြီး ထောင်ထားတော့ မဆိုးပါဘူး စနစ်ကျသားလို့ ပေးလိုက်ပါတယ်၊ တစ်မှတ်။

ဒီမှာ အလယ်က မမက ကိုယ့်ပါ့ပို့စ်က အချက်အလက်တွေနဲ့ မဲစာရင်း တိုက်ဆိုင်စစ်ဆေးပြီး မှန်ကန်တယ်ဆိုတော့မှ ဘေးက တစ်ယောက်က သူ့ထိုင်ခုံနောက်မှာ ကြွပ်ကြွပ်အိပ်ကလေးတွေနဲ့ သနား စဖွယ် ထုတ်ပိုးထားချည်နှောင်ထားတဲ့ မဲပြားတွေကို မြို့နယ် အလိုက် လိုက်ရှာဖွေပါတော့တယ်။ မဲပြားထည့်ထားတဲ့ ကြွပ်ကြွပ်အိပ်ကတော့ဗျာ ဈေးထဲမှာ ဗယာကြော်ထုတ်တဲ့ ကြွပ်ကြွပ်အိပ်ထက်တောင် ပါးမလားမသိ။ ထုတ်ချင်းပေါက်မြင်ရတဲ့ အစိမ်းရောင် ပါးပါးလေး။ ထုတ်ထားတာလဲ အကြော်ထုတ်ထားတဲ့အတိုင်း အပေါ်ကနေ ထုံးပြီးချည်ထားလိုက်သေး ။ အွန် ဒါကျ ခန့်ခန့်ငြားငြား မရှိလိုက်တာ၊ နိူင်ငံတော် title နဲ့ လုပ်တဲ့ ရွေးကောက်ပွဲက မဲပြားထည့်တဲ့ ပလပ်စတစ်အိပ်တဲ့၊ မခန့်ချက်ဆို နှုတ် လိုက်ပါ ပြီ တစ်မှတ်။

မင်္ဂလာဒုံဆိုတဲ့ ကြွပ်ကြွပ်အိပ်အောက်က စာတန်းကိုမြင်တော့ ဘယ်ရပ်ကွက်လဲ မေးပြီး လိုက်ရှာတော့ ထွက်လာပါပြီ လွန်ခဲ့တဲ့ ၂လလောက်ကတည်းက မဲပေးဖို့ လုံးပန်းခဲ့ရတဲ့ ရလာဒ်၊ မဲပြားလေးတွေ။ အဝါရောင် စာရွက် အရှည်လေးတွေပါ။ မဲပြားဆိုပေမဲ့ အများထင်ကြသလို ကတ်ပြားမဟုတ်ပဲ စောနကပြောသလို မဲစာရွက်ရှည်လေးတွေပါ။ ဒီမှာ အမျိုးသားလွှတ်တော်၊ ပြည်သူ့လွှတ်တော်ဆို ၂စောင်ပဲ ထွက်လာပါတယ်။ ဟင် ညီမ ဒီမှာ ၂စောင်ပဲတွေ့တယ်၊ ညီမတို့ နေရာက ၂ခုပဲ ရှိတာနဲ့တူတယ်ဆိုတော့ ညကတည်းက ကိုယ့်မြို့နယ်မှာ လွှတ်တော် စုံမစုံ သေချာကြည့်ခဲ့ လို့ ဒီကိစ္စမှားမှာစိုးလို့ ကြိုတင် မောင်းတင်လာ သူ တီတီဆွိပဲ ဘယ်ရလိမ့်မလဲ။

အစ်မ ကျွန်မပေးရမဲ့ မဲဆန္ဒနယ်မြေက လွှတ်တော် ၃ခုလုံး ပြည့်ပြည့်စုံစုံ ရှိပါတယ်။ ကျွန်မည ကတည်းက စစ်လာခဲ့တာပါ။ ၂ခုတည်းဆိုရင်တော့ ကျွန်မ မပေးနိူင်ပါဘူး။ ပေးရမယ်ဆိုရင်လည်း ကျန်တဲ့ တစ်ခုကို ဘယ်အချိန်ပေးရမလဲဆိုတာ တိတိကျကျ သိပါရစေဆိုတော့ အစ်မတို့လည်း ဟိုဖက်က ပေးတဲ့ အတိုင်းပဲ လုပ်ရတာဆိုတော့ ဘာမှလုပ်မပေးနိူင်ပါဘူး၊ မတတ်နိူင်ပါဘူးတဲ့ ဗျာတို့ရေ။

အခြေတင် ပြောဆိုနေတုံးမှာပဲ မဲပြား၊ အဲလေ မဲစာရွက် ရှာတဲ့ မမက ဟောတွေ့ပြီ၊ တွေ့ပြီ၊ တိုင်းဒေသကြီး ရေးထားတာ တိုက်ကြီးနဲ့ မှားဖတ်မိလို့ ဆိုပြီး နောက်ထပ် မဲတစ်ပြား ထပ်ရပါတယ်။ တော်သေးတာပေါ့။ နောက်မှို့ ဆို အသဲပြားက မဲ ၂ပြားပဲရတော့ မလို့။ နောက်ဆုံးတော့့စုစုပေါင်း မဲ၃ပြားရယ် မဲထည့်မဲ့ စာအိပ် ၃ခုရယ်ရခဲ့ပါတယ်။ မဲရုံမှုးက ကိုယ့်ရှေ့တင်ပဲ မဲပြားမှာ လက်မှတ်ထိုးပါတယ်။ မဲပြားတွေကို သက်ဆိုင်ရာ စာအိပ်တွေနဲ့ ပူးတွဲလို့ ထပ်ရှင်းပြပါသေးတယ်။ စာအိပ်တွေကို လွှတ်တော် နာမည်အလိုက် အရောင်တွေနဲ့ ထပ် ခွဲထားတာမှို့ တစ်ခု ခြစ် ပြီးတာနုဲ့ တစ်ခုကို တစ်ခါထဲ စာအိပ်ထဲထည့် လို့ သေချာ မှာလိုက်ပါသေးတယ်။ အဲဒါတော့ ကေးျဇူုးတင်ဖို့ကောင်းပါတယ်။ နောက်မှို့ စာအိပ်တွေမှားထည့်မိရင်လဲ ပယ်မဲ ဖြစ်သွားမှာလေ.။ ပေးလိုက်ပါပြီ။ တစ်မှတ်။ စေတနာလေးတွေ မဆိုးဘူး သေချာရှင်းပြတယ်ဆိုပြီးတော့။

ဒါနဲ့ မဲစာရွက်တွေယူ မဲပေးရမဲ့ ကန့်လန့်ကာလေးတွေ ကာထားတာ ၃နေရာက ညာဖက်အစွန်မှာ အားနေတာနဲ့ အဲဒီကိုသွား မဲစာရွက်မှာ ကိုယ်ပေးချင်တဲ့ပါတီကို အမှတ်ခြစ်ရပါတယ်။ အမှတ်ခြစ်ရာမှာလဲ ကြိုတင်သိထားတဲ့ အတိုင်း အပေါ်က အကောက်လေးမပါအောင် သေချာ ခြစ်ရသေးတယ်။ အဲဒါကို စောနက တချို့တွေ သိပ်မသိကြလို့ မဲရုံအဝင်ဝမှာ A4 စာရွက်မှာ နမူနာ ခြစ် ပြီးတောင် ပြခဲ့ရပါသေးတယ်။ ပြီးတော့ မဲစာရွက်ကို ခေါက်၊ သူနဲ့တွဲပါတဲ့ အိပ်ထဲ သေချာထည့်ပြီး တစ်ခါထဲ ကော်ကပ်ရပါတယ်။ ကော်ကပ်တော့ ကော်ဗူးက ကြီးနေတော့ တစ်ချို့က အထဲရောက်လိုရောက် အပြင်ထွက်လိုထွက်နဲ့ ပြန်သုပ်ရသေးတယ်။ ကျန်တဲ့ မဲနှစ်ရွက်လဲ ထိုနည်းအတိုင်းဆောင်ရွက်ပြီး၊ အပြင်မှာ ပေနေတဲ့ကော်တွေ ခြောက်အောင် ပါးစပ်နဲ့ မှုတ်ရပါသေးတယ်။ တော်နေ အထဲရောကိမှ အချင်းချင်းကပ်ကုန်ရင် ခွာမရပြုမရနဲ့ ပယ်မဲများ ဖြစ်ကုန်မလား စိုးရိန်လို့ပါ။ ပြီးတော့ မဲပုံးတွေထဲကို သေချာအောင် ထည့်ခဲ့ပါတယ်။ မဲပုံးကလဲ ၃ပုံးထောင်ထားပြီး အရောင် ၃မျိုး ခွဲထားတာမှို့ စာအိပ်ပေါ်က ရေးထားတဲ့ အရောင်နဲ့ ကိုက်ထည့်ရုံပဲ ဆိုတော့ လွယ်ကူသွားပါတယ်။

ဒါနဲ့ အောင်မြင်စွာ မဲပေးပြီးလို့ သံရုံးကနေ မနက် ၁၀ နာရီခွဲလောက်မှာ ဓာတ်ပုံရိုက်ခွင့် မရှိုဆိုတဲ့ စာရွက် ကပ်ထားတဲ့ နေရာနားမှာပဲ အမှတ်တရ ဓာတ်ပုံရိုက်ခဲ့ကြပါတယ်။ ဦးခြိမ့်က သံရုံး အဖွဲ့တွေဆီကို တစ်ခါမှ သံရုံးမရောက်ဖူးလို့ အမှတ်တရ ရိုက်ပါရစေလို့ ခွင့်တောင်းပြီး ရိုက်ခဲ့ကြတာပါ။ မဲလ်ဘန်း အဖွဲ့့ကတော့ အထဲမှာ မဲပေးပြီး ကျန်ခဲ့ကြပါတယ်။ တီတီဆွိတို့ ဆစ်ဒနီ အဖွဲ့ကတော့ မဲလဘန်းမှ ကိုယ်စားလှယ်တော်ကြီးများကို နှုတ်ဆက်ပြီးသကာလ နောက်တစ်နေရာကို ခရီးဆက်ခဲ့ကြပါတော့တယ်။

ဒါကတော့ တီတီဆွိရဲ့ သမိုင်းဝင် ပထမဆုံး မဲပေးတဲ့ အတွေ့ အကြုံပါ။ ကိုယ့်အတွက်တော့ အစစ အရာရာ အဆင်ပြေ ချောမွေ့ခဲ့ပါတယ်။ အားလုံးကို ကျေးဇူးတင်ပါတယ်။

အသဲကြားက မဲ ၂ပြားဖြစ်တော့မလို့ ..

တီတီတီတီ ... ဒေါင်ဒေါင် .. တီတီတီတီ ... ဒေါင်ဒေါင် ..

မနက်စောစောစီးစီး အိပ်လို့ ကောင်းတုံး နာရီနိူးစက်က ထမြည်ပါတော့တယ်။

မနက် ၅နာရီ Alarm..

ခါတိုင်းဆိုရင်ဖြင့် နာရီနှိုးစက်သံကို အင်မတန်မှ မြင်ပြင်းကပ်တဲ့ တီတီဆွိဟာ ဒီနေ့တော့ အော် .. မဲပေးရမဲ့နေ့ပါလားဆို ချက်ချင်းသတိရ၊ ငေါက်ကနဲ ထထိုင်ပြီး ရေချိုးခန်းထဲ အပြေးဝင် ရေချိုးသန့်စင် ပါတော့တယ်။ ခါတိုင်း အလုပ်သွားမဲ့နေ့ဆို အိပ်ရာက မထချင်တာနဲ့ အီလေးဆွဲနေတဲ့သူက ဒီကနေ့ သွက်ချက် မြန်ချက်ကတော့၊ စိတ်တွေကလဲ ကြည်လင်လို့ ရေချိုးရင်းနဲ့ သီချင်း လေးတောင်ဆိုလိုက်သေး။ ငယ်ငယ်က ကြားဖူးနား၀ အောင်ကိုလတ်ရဲ့ သီချင်း "မဲရုံ .. မဲရုံ ကိုလာ ... တပြည်လုံးပဲ မဲပေးကြမယ် ...တရွာလုံးပဲ မဲပေးကြမယ်" ...

ရေချိုးပြီးတာနဲ့ ဖီလိမ်းပြင်ဆင်၊ သမီးကိုနှိုး၊ ဟိုဖက်ခန်းက င်္ဦးခြိမ့်ဆီကလဲ တချွတ်ချွတ်နဲ့ အသံတွေ ကြားနေရပါပြီ။ သမီးလေးကလဲ င်္ဒီနေ့တော့ သိပ်မနှိုးလိုက်ရပဲ မျက်နှာသစ် အဝတ်အစားလဲ မြန်မှမြန်။ သားအမိ သားအဖတွေ အားလုံးပြင်ဆင်ပြီးကြတော့ ကားပေါ် လိုတာတွေတင်ကြ၊ အနွေးအကျီ၊ လမ်းမှာ သောက်ဖို့ အအေးဗူး၊ ကျွဲရိုင်းဗူး၊ သွားရေစာ စားစရာတွေ ထည့်၊ ပြီးတော့ ဦးခြ်ိမ့်ကို ညကထဲက ပြင်ဆင်ထားတဲ့ ပတ်စ်ပို့စ်၊ မဲစာရင်း အစရှိတဲ့ စာရွက်စာတမ်းတွေ ထည့်ထားတဲ့ ဖိုင်အပြာ ပါရဲ့လားမေးတော့မှ သူမေ့နေဟန်တူပါတယ်။ အိမ်ထဲ အပြေးပြန်ယူရတယ်။ ကံကောင်းလို့ အဲဒီဖိုင်ကျန်ခဲ့ရင်တော့ ဟိုရောက်မှ တပ်ခေါက် ပြန်ရုံပဲ ရှိတော့မှာ၊ အတိုချုံးသော် လိုတာ အကုန်တင်ပြီး မဲပေးဖို့ ၂၇၅ ကီလို ခရီးကို စခဲ့ကြပါတော့တယ်။

အိမ်ကထွက်တော့ မနက် ၆နာရီ။

လမ်းရောက်တော့ သူငယ်ချင်းတွေနဲ့ ခရီးအစ မက်ဒေါ်နယ်မှာ ဘရိတ်ဖက်စ် ဝင်စားဖို့ ချိန်းကြတယ်။ ဘရိတ်ဖက်စ်ဆိုင်မှာဆုံကြ စားကြသောက်ကြပြီးလို့ ပြန်ထွက်မယ်အလုပ် သူငယ်ချင်း တစ်ယောက်ရဲ့ကားက ရုတ်တရက်ကြီးထပျက်လို့ နှိုးမရပြုမရဖြစ်နေတာနဲ့ ကား၃ စီး အတူသွားကြဖို့ရာ တစ်စီးက နေခဲ့ရတော့တယ်။ အန်တီဆွိတို့မှာ ရှင်နည်းရာ အဂ လူထွက်ဆိုသလို စ စီစဉ်တုံးက လူအယောက် ၂၀၊ ကား၄စီးလောက် စီစဉ်ထားရာကနေ မဲစာရင်းမပါလို့ ကျန်ခဲ့သူ၊ အကြောင်းကြောင်းကြောင့် မလိုက်ဖြစ်သူနဲ့ နောက်ဆုံး ကား၃စီး လူ ၈ ယောက် ကနေ ခုတော့ ကား၂စီး လူ ၅ယောက်သာ ကျန်ပါတော့တယ်။ ဒီမှာက မြန်မာတွေ ရှိပေမဲ့ အတော်များများဟာ အော်ဇီန်ိူင်ငံသားဘ၀ရောက်သွားကြပြီမှို့ မဲပေးဖို့ အခွင့်အရေးရှိသူ နည်းရတဲ့ ကြားထဲမှာ မဲစာရင်းမပါသူတွေကလဲရှိနေသေးတော့ မဲတကယ်လာပေးတဲ့့ဦးရေဟာ တော်တော်ကို နည်းသွားပါတော့တယ်။

ဒါနဲ့ ကား၂စီး မနက် ၆နာရီ ၄၅ လောက်မှာ ဆက်ထွက်လာကြပြီး လမ်းမှာ ဦးခြိမ့်က မဲလ်ဘန်းက လာမဲ့ သူ့သူငယ်ချင်းမိသားစုကို ဖုန်းဆက် အကျိုးအကြောင်းမေး၊ ဟိုမှာဆုံဖို့ ချိန်းကြပါတယ်။ အဲဒီသူငယ်ချင်းက သူ့သမီးကျောင်းနှုတ်ဆက်ပွဲ ည ၁၂ နာရီမှ ပြီးတာကို မနက် ၃နာရီခွဲ ထ ကားမောင်းထွက်ခဲ့သူပါ။ ကီလို ၇၀၀ ခရီးကို ၈နာရီ လောက် မောင်းရမှာမှို့ ဦးခြ်ိမ့်က စိတ်ပူပြီး သူ့သူငယ်ချင်း အိပ်ငိုက်မှာစိုးလို့ alert ဖြစ်အောင် တစ်လမ်းလုံး ဖုံးခဏခဏ ဆက်နေပါတော့တယ်။ လမ်းရောက်မှ နောက်ကျန်ခဲ့တဲ့ ကားကလည်း သူ့အလိုလို စက်က ပြန်ကောင်းလာပြီး နောက်က လိုက်ခဲ့တယ်လို့ သတင်းပို့ပါတယ်။ ဒီလိုပဲ လမ်းမှာ မထင်မှတ်တဲ့ အနှောက်အယှက်ကလေးတွေက ဝင်တတ်လို့့သူငယ်ချင်းကို အေးဆေး သာ မောင်းပြီး လိုက်ခဲ့ပါလို့သာ ပြောလိုက်ပါတော့တယ်။

လမ်းမှာ နောက်ထပ် မက်ဒေါ်နယ် ဆိုင်မှာ ဝင်နားဖို့ ပြောထားကြပေမဲ့ ဟိုရောက်ပြီး မဲပေးဖို့သာ စိတ်ထက်သန်နေကြတော့ ကားနှစ်စီးဟာ ၁၁၀ မောင်းရတဲ့လမ်းကို ၃နာရီခရီးဆက်တိုက် တစ်စက်ကလေးမှ မနားတော့ပဲ ကမ်ဘာရာမြို့ကို စ ဝင်လာပါတော့တယ်။ ကမ်ဘာရာလမ်းဟာ လမ်းဖြောင့်ဖြစ်ပြီး အင်မတန်မှ မောင်းရလွယ်ပါတယ်။ လမ်းက ဖြောင့်လွန်းတော့ ဦးခြ်ိမ့်က Cruse နဲ့ လီဗာနင်းစရာမလိုပဲ တစ်လမ်းလုံးမောင်းလာတော့ သက်သာတယ်ပြောပါတယ်။ ဒါပေမဲ့ အိပ်ငိုက်မှာ ကြောက်လို့ ပြိုင်ပွဲဝင်ကစားသမားတွေလို ရေတိုက်လိုက်၊ ကျွဲရိုင်းတိုက်နဲ့ တစ်လမ်းလုံး စကားတွေ အမျှင်မပျက်အောင်လဲ ပြောရပါသေးတယ်။

ဒါတောင် တီတီဆွိဟာ လမ်းမှာ ဓာတ်ပုံတွေ ရိုက် Face Book ကိုလဲ status တွေ တင်ပြီး chat box ကနေလည်း သူငယ်ချင်းတွေနဲ့ chatting လဲ လုပေ်နသေးတယ်။ အဲဒီမှာ ညီမတစ်ယောက်ဆီကနေ မနက် ၄နာရီကလာတာ သူ့ရှေ့မှာ ၂ကီလို တန်းရှိတယ်ဆိုလား ပို့လာတော့ ဟင် တို့အော်စီလဲ စင်ကာပူလိုပဲ အစောကြီး တန်းတဲ့့သူတွေ ရှ်ိပါလား၊ တို့ရောက်ရင်တော့ ကားရပ်ဖို့တောင် နေရာရှိပါ့မလား စိတ်ပူနေရတယ်။ နောက်မှ သူက စင်္ကာပူက အကြောင်းပြောတာဖြစ်မှပါဆို သို့လောသို့လောနဲ့ပဲ ခရီးဆက်ခဲ့ကြပါတော့တယ်။

ဒီလိုနဲ့ ကားလေး၂စင်းဟာ မြန်မာသံရုံးရှိရာ ကမ်ဘာရာမြို့့ကို စ ဝင်လာပါတယ်။ ၂ ကီလိုမီတာလောက်မောင်းပြီး သံရုံးရှေ့ရောက်တော့ လူသူလဲ မတွေ့၊ ကားပတ်ကင်မှာလဲ အချောင်ကြီး ဖြစ်နေတာနဲ့ ဝမ်းသာအားရ ကားတွေ ပတ်ထားခဲ့ပြီး ရှေ့တင် သံရုံးကို လှမ်းမြင်နေရပါပြီ။ သံရုံး အထဲမှာ လူလေး တွေ ရုတ်စီရုတ်စီ မြင်နေရပါတယ်။ သံရုံးထဲက ထွက်လာတဲ့ အမျိုးသမီး ၃-၄ ယောက်က "သူတို့ အဆင်ပြေအောင် တော်တော် လုပ်ပေးထားတာပဲ မဆိုးပါဘူး" ဆို နားစွန်နားဖျား ကြားလိုက်ရပါသေးတယ်။ စိတ်ထဲမှာ ထင်ထားသလို လူတန်းရှည်ကြီးလဲ မရှိ၊ သံရုံးထိပ်မှာတော့ ဓာတ်ပုံမရိုက်ရဆိုတဲ့ စာရွက်လေး ကပ်ထားလို့ ဓာတ်ပုံရိုက်ပြီး တင်ချင်တဲ့သူက ရွံ့တွန့်တွန့် ဖြစ်သွားပါတယ်။

သံရုံးအဆောက်အဦထဲ ဝင်မယ်လုပ်တော့ အထဲမှာတော့ လူတွေက အပြည့်ဖြစ်နေပါပြီ။ ဒါပေမဲ့ တန်းစီထားတာမဟုတ်ပဲ အခန်းကျဉ်းလေးထဲမှာ လူ ၂၀- အစိတ်လောက် တော်တော်လေးကို ဖရိုဖရဲ နေရာယူထားကြသလို ဖြစ်နေတော့ ကိုယ်တွေက ရုတ်တရက် ဟင် ဘာလို့ တန်းမစီကြတာလဲ ဆို မေးလိုက်တော့ သူတို့က မြို့နာမည် ခေါ်တာကို သွားရတာပါလို့ ပြောပါတယ်။

နောက်မှ သိရတာက ထိုအဖွဲ့ဟာ ည ၁၂ နာရီထဲကနေ ဘတ်စ်ကား စင်းလုံးငှါးပြီးလာတဲ့ မဲလ်ဘန်းက၂၄ ယောက် အဖွဲ့ဖြစ်နေပါတယ်။ မဲဘန်းက ကိုယ်စားလှယ်ကြီးများ ပေါ့ ခင်ဗျာ ။ လူငယ်တွေများပြီး တစ်ယောက်နဲ့ တစ်ယောက် စ ကြ နောက်ကြနဲ့ ပျော်စရာကြီးပါ။ သူတို့ထဲက ညီမလေးတွေက အန်တီဆွိဆို မိတ်ဆက်လာလို့ သူုတို့နဲ့လဲ ခင်မင်ခွင့်ရခဲ့ပါတယ်။ သူတို့တွေ ပြောဆိုနေတုံး ကိုယ်တွေက ဝင်တန်းစီလိုက်တော့ သံရုံးက အဲဒီကျမှ တန်းစီ စနစ်ကို စတင်ပါတယ်။ အဲဒီတော့ တီတီဆွိတို့ ဆစ်ဒနီက ၅ယောက်အဖွဲ့က နောက်မှ လာပြီး တန်းထဲ ရှေ့ဆုံးကရောက်သွားပါတော့တယ်။ မဲလ်ဘန်းက အဖွဲ့ကို အရင်ဝင်ပါဆိုတော့ သူတို့့က ကီလို ၇၀၀ ည၁၂ ထဲက မောင်းလာရတဲ့သူတွေဆိုတော့ ဆစ်ဒနီက ကိုယ်စားလှ.ယ်ကြီးများကို ဦးစားပေးတယ်လို့ နောက်ပါတယ်။

ပထမတန်းစီတဲ့လူကို ခေါ်နေရင်းနဲ့မှ သံရုံးမှ မမ တစ်ယောက်ကနေ အဲဒီလူနဲ့ မြို့နယ်တူသူကိုလည်း အပြင်ထွက်ပြီး တစ်ခါထဲ ခေါ်ပါတယ်။ မဲစာရွက်အထုတ်တွေ တစ်ခါထဲ ဖောက်ပြီးသားဆိုတော့ လွယ်အောင်ထင်ပါတယ်။ ဥပမာ ကျောက်တံတား ရှိလားဆို အကုန်လုံး ကျောက်တံတားဆို ဝိုင်းကူအော်ပေးကြနဲ့ ပျော်စရာကြီးပေါ့ခင်ဗျာ။

ဒီအချိန်မှာပဲ မဲပေးပြီး ပြန်ထွက်လာတဲ့ အထဲက အရပ်ရှည်ရှည်နဲ့ အသက် ၃၀လောက် ကောင်လေးတစ်ယောက်က သူ ၂မဲ ပဲ ထည့်ခဲ့ရတယ်.။ သူ့မြို့နယ်က တိုင်းဒေသကြီး မပါလို့ဆို တစ်ယောက်ကနေ သူ့ ဖုံးနဲ့ စစ်ပေးတော့ ၃မဲ ဖြစ်ရမှာသေချာနေပါတယ်။ ပထမတော့ သူလဲ မသေချာတော့ မပြောရဲလို့ ပြန်ထွက်လာခဲ့တာ။ ခု သေချာတော့ သံရုံးက အစ်မတစ်ယောက်ကို ခေါ်ပြီး မဲ ၃မဲမှာ ၂မဲပဲ ပေးခဲ့ရလို့ နောက်တစ်မဲ ပေးခွင့်ရအောင် စီစဉ်ပေးပါဆိုတော့ အဲဒီမမကပဲ တောင်းတောင်းပန်ပန်နဲ့ သူတို့လဲ ဟိုက ပို့ပေးလာတဲ့ အတိုင်းပဲ ဆောင်ရွက်ရတဲ့ အတွက် ဘာမှ မတတ်နိူင်ကြောင်းပြောလို့ ၁၀ မိနစ်လောက် အခြေတင် ပြောဆိုနေကြပါတယ်။

အဲဒီအချိန်မှာပဲ ဦးခြိမ့်ဝင်ပြီးသွားလို့ အန်တီဆွိ ပေးရမဲ့ အလှည့်ရောက်ပါတော့တယ်ခင်ဗျာ။

(စာရှည်သွားလို့ မနက်ဖြန်မှ ဆက်ရေးပါတော့မည်။ မှတ်တမ်းအနေနဲ့ ရေးတာမှို့ ခွင့်လွှတ်ကြပါကုန်)

ဝက်သား ကောက်ညှင်းပေါင်း

ပြီးခဲ့တဲ့ Sunday က အန်တီဆွိတို့ အိမ်မှာ မနက်စာ ဝက်သား ကောက်ညှင်းပေါင်း လုပ်စားပါတယ်။ စင်္ကာပူမှာတုံးကတော့ ဆိုင်မှာ အဲဒါလေးပေးပါဆို လက်ညှိုးလေးထိုး ဝယ်စားရုံပါပဲ။ ဒီရောက်တော့ စားချင်းလွန်းတော့ ကိုယ့်အားကိုယ်ကိုးမှပဲ စားရတော့တယ်။

ကောက်ညှင်းထုတ် ၅ ထုတ်စာလောက်အတွက် လိုတဲ့ ပစ္စည်းများ

ကောက်ညှင်းဆန် ဆန်ချင်ခွက် ၃ဗူး

ဝက်သား အဆီအသား 300 gram

Dried shiitake mushroom - မှို ခြောက် ၃ -၄ ပွင့် (ရေစိမ်ပြီး ပျော့လာရင် ပါးပါးလေးတွေ လှီးထားပါ)

Lap Xoung- တရုတ် ဝက်အူချောင်း ၃ ချောင်း (ပါးပါးလေးတွေ အစောင်းလိုက် လှီးထားပါ)

Five spices powder - တရုတ်မဆလာ

တရုတ် ဟင်းချက်ဝိုင်

ပဲငံပြာရည် အကြည်ရည် ( Lee Kum Kee - Premium Soy Sauce)

ပဲငံပြာရည် အနောက်ရည် (ABC - Sweet Soy Sauce)

ငရုပ်ကောင်းမှုန့် white papper

ကြက်သွန်ဖြူ  ၈ မွှာခန့်  (နုတ်နုတ်စင်းထားပြီး တစ်ဝက်ကို နှမ်းဆီ စားပွဲဇွန်း ၂ဇွန်း၊ ပဲဆီ စားပွဲဇွန်း ၃ဇွန်းနဲ့ မိုက်ခရိုဝေ့ထဲ 80 sec လောက် ထည့်ပြီး ဆီချက်ထားပါ)

ပြောင်းမှုန့် (corn stretch) လဖက်ရည်ဇွန်း ၂ ဇွန်းခန့် ( ရေနဲ့ ဖျော်ထားပါ)

ပဲငံပြာရည် အကြည်ရည်၊ သူလဲ သုံးဖူးသမျှထဲမှာ အကောင်းဆုံးပါ။

ပဲငံပြာရည် အနောက်ရည် အချိုပါပါတယ်။ ရိုးရိုး ပဲငံပြည်ရည်ပဲ သုံးမယ်ဆို သကြားထည့်ချက်မှ ချိုတဲ့ အရသာ ရပါမယ်။

တရုတ်မဆလာ - သုံးဖူးသမျှထဲမှာ အကောင်းဆုံး brand ပါ)

တရုတ္၀က္အူေခ်ာင္း

Dried shiitake mushroom - မှို ခြောက်

ပထမဆုံး ကောက်ညှင်းနဲ့ မှိုတွေကို ညကတည်းက ရေစိမ်ထားပါ။

မနက် လင်းတော့ ကောက်ညှင်းကို ရေစစ်၊ ရေတစ်ထပ်ဆေးပြီး  ဇလုံထဲမှာ ထည့်၊ အပေါ်က ကြက်သွန်ဖြူဆီချက်၊ ပဲငံပြာရည် အကြည်ရည် ၂ဇွန်း၊ အနောက်ရည် နှစ်ဇွန်း၊ ဆား  ဇွန်းတစ်ဝက်၊ တရုတ် မဆလာ ဇွန်းဝက်၊ ငရုပ်ကောင်းမှုန့် ဇွန်းဖျားခန့် ထည့်ပြီးနယ်ပါ။ ပြီးရင် ပေါင်းအိုးထဲကို နာရီဝက်ထည့်ပေါင်းပါ။ (ဇွန်း = tea spoon =လဖက်ရည်ဇွန်း) (အိမ်မှာတော့ ထမင်းပေါင်းအိုးနဲ့ ပေါင်းပါတယ်။ သူနဲ့ အတူပါလာတဲ့ ဇကာလေးနဲ့ ထည့်ပေါင်းပါတယ်။ လေလုံတော့ အတော်ကို ပေါင်းလို့ အဆင်ပြေပါတယ်)

ကောက်ညှင်းပေါင်းနေတုံး ဝက်သားလေးတွေကို ပါးပါးလှီးပြီး တရုတ်ဟင်းချက်ဝိုင်  တစ်ဇွန်း၊ ပဲငံပြာရည် အကြည်အနောက် ၂ ဇွန်းစီခန့်၊ ဟင်းခပ်မှုန့်၊ တရုတ်မဆလာ ဇွန်း တစ်ဝက်ခန့် ထည့်ပြီး နယ်ထားပါ။ (ဇွန်း = tea spoon =လဖက်ရည်ဇွန်း)

ပြီးရင် ဒန်အိုး တစ်လုံးထဲကို ဝက်အူချောင်းတွေ ၂ မိနစ်ခန့် ထည့် လှော်ပြီး ပန်ကန်နဲ့ ကော်ထားပါ။ သူက ဆီပါပြီးသားဆိုတော့ ဆီ မထည့်ရပါ။

 နောက် ဝက်သားနဲ့ မှိုကို အချိုချက်ပါမယ်။

ဒယ်အိုးထဲကို ဆီ ၂ ဇွန်းခန့်ထည့် ကြက်သွန်ဖြူဆီသတ်ပါ။ ကြက်သွန်ဖြူ  ရွှေဝါရောင်လေးသန်းလာရင် စောနက နယ်ထားတဲ့ ဝက်သားတွေနဲ့ ပါးပါးလှီးထားတဲ့ မှိုတွေကို  ထည့် ဆီသတ်ပါ။ မွှေးလာရင် ပဲငံပြာရည် အနောက်ရည် တစ်ဇွန်းခွဲခန့် ထည့်မွှေပါ။

မှိုတွေရော ဝက်သားတွေရော ၅မိနစ်ခန့် ကျက်အောင် တည်ပြီးရင် ပြောင်းမှုန့်ကို ရေဖျော်ပြီး အနှစ်လေးနဲ့ ပျစ်ပျစ်လေးဖြစ်အောင် ၅ မိနစ်လောက် ထပ်တည်ထားပါ။ မကပ်အောင် ရေကို လိုလျှင် ထပ်ထည့်ပါ။

 ကောက်ညှင်းပေါင်းထားတာ ကျက်ပြီး၊ ingredientတွေ အားလုံးပြင်ဆင်ပြီးရင် ပုံမှာပြထားတဲ့ အတိုင်း ပန်းကန်လုံးလေးတွေ အောက်ခြေမှာ ဝက်အူချောင်းရယ် ဝက်သားနဲ့မှို အနှစ် ချက်ထားတာရယ်ကို စီပြီး ခင်းလိုက်ပါ။

 အပေါ်ကနေ ကောက်ညှင်း ပေါင်းထားတာကို ပန်းကန်းလုံး ပြည့်အောင် ထည့်လိုက်ပါ။  အဲဒါမျိုးလေးတွေ ၅လုံးခန့်လောက် ရပါမယ်။ကောက်ညှင်းထုတ်ဖို့ ဝါးရွက်မရှိတော့ အဲလို ပန်းကန်လုံးလေးတွေနဲ့ လုပ်တဲ့ သဘောပါပဲ။

 ကောက်ညှင်းကို ပြန်ပေါင်းဖို့  sauce အတွက် ပဲငံပြာရည် အကြည်အနောက် ၂ဇွန်းစီ၊ ရေ ၂ ဇွန်း ခန့်ရောပြီး အပေါ်ကနေ ဇွန်းလေးနဲ့ တစ်ဇွန်းခန့်စီခန့် နှံ့ အောင် လောင်းချပါ။ (ဇွန်း = tea spoon =လဖက်ရည်ဇွန်း)

  ပြီးရင် ပန်းကန်လုံးလေးတွေကို ပေါင်းအိုးထဲမှာ စီပြီး ၁၀ မိနစ်ခန့်ပြန်ပေါင်းရင် အနံ့ အရသာနဲ့ ပြည့်စုံတဲ့ ဝက်သား ကောက်ညှင်းပေါင်း ရပါပြီ။

ပွဲ ပြင်ဖို့ အတွက်ကတော့ ပေါင်းထားတဲ့ ပန်းကန်လုံးလေးတွေကို ဒါးလေးနဲ့ ပတ်ပတ်လည် ကော်ပြီး စားမည့် ပန်းကန်ပြားထဲ မှောက်ချလိုက်ရင် အပေါ်က Ingredient လေးတွေနဲ့ စားချင်စဖွယ် မွှေးကြိုင်နေတဲ့ ဝက်သားကောက်ညှင်းပေါင်းကို စားနိုင်ပါပြီရှင်။

အန်တီဆွိ သုံးတဲ့ ပစ္စည်းလေးတွေကို တမင် ဓာတ်ပုံရိုက်ပြီး ပြထားပါတယ်။ တခြား ပစ္စည်းတွေ သုံးရင်တော့ ဒီလောက် အရသာ ကောင်းပါ့မလားလို့ ထင်မိလို့ ဖော်ပြပေးလိုက်တာပါ။

Hokkien Prawn Mee

Hokkien Prawn Mee ကို အိမ်မှာကြော်စားတာ ခဏခဏ ရှိနေလို့ ချက်နည်းက အလွတ်ရနေပါပြီ။ ဒါပေမဲ့ ချက်နည်းကိုတော့ တစ် ခါမှ မရေးဖူး၊ မရှယ်ဖူးသေးပါဘူး။ ဘာလို့လဲဆိုတော့ အန်တီဆွိ ရေးတာတွေဟာ မြန်မာလူမျိုး အများစု အတွက်ပဲ ရည်ရွယ်တာဆိုတော့ local က မြန်မာတွေက ဒီတရုတ်စာကို ကြားတောင် မကြားဖူးပါဘူး၊  စင်္ကာပူမှာ နေဖူးတဲ့ ဗမာတွေသာ ကောင်းကောင်းသိကြ စားဖူးကြမှာမှို့ လူကြိုက်နည်းတဲ့ အစာဆိုပြီး မရေးဖြစ်တာပါ။ ဒါပေမဲ့ အဲဒါလေး ဒီနေ့ချက်ပြီး ပုံလေး Face book မှာ တင်လိုက်တော့ တောင်းဆိုသူတွေ ရှိနေလို့ ချက်နည်းလေး ရှယ်ပေးလိုက်ပါတယ်။

Hokkien Prawn Mee ကို ပထမဆုံး စ စားဖူးတော့ အနံ့သင်းသင်းလေးနဲ့ အနှစ်ကလေးကလဲ အဖြူရောင် ပျစ်ပျစ်လေးဆိုတော့ အုန်းနို့နဲ့ ချက်ထားတာလို့ ထင်လိုက်တာ။ တကယ်တော့ ပုဇွန်က အချိုရည် (prawn broth) နဲ့ နန်းလတ် ခေါက်ဆွဲဖတ်က ထွက်တဲ့ အဖြူုရောင်အရည်နဲ့ ရောသွားတော့ အုန့်နိူ့လို ခပ်ပျစ်ပျစ်လေးဖြစ်သွားတာပါ။ အဓိက အချိုရည်က ပုဇွန် ခွံတွေ၊ ခေါင်းတွေက ပြုတ်ပြီးရတဲ့ အရည်ကနေ ယူတာဆိုတာ နောက်မှ သိရပါတယ်။

လူ ၃-၄  ယောက်စာ အတွက် လိုအပ်သော ပစ္စည်းများ

ပုဇွန် အကောင်ကြီးကြီး ၁၀ ကောင်ခန့် (သို့) 400 gram (Tiger prawn ဆို ပိုကောင်းပါတယ် )

ဝက်သား သုံးထပ်သား 300 gm, ပါးပါး သေးသေး လေးတွေ လှီးပြီး ကြက်သားမှုန့် ဆားထည့်ပြီး ကျက်အောင် ပြုတ်ထားပါ။

ဝက်ဆီဖတ် 200  gm, ပါးပါးလှီးပြီး ကျွပ်နေအောင် ကြော်ထားပါ။ ဆီကိုလည်း ကြော်ရအောင် သိမ်းထားပါ

Squid 250 gm, သန့်စင်ပြီး အကွင်းလိုက်လေးတွေ လှီးထားပါ။

 Fish cake အပြား ၃ခုခန့်  - ပါးပါးလေးတွေ လှီးထားပါ။

ပဲပင်ပေါက် အထုတ် တစ်ဝက်ခန့်

Chives တစ်စည်း ၂လက်မခန့် ရှည်ရှည်လေးတွေ ဖြတ်ထားပါ။

သံပယိုသီး (သို့) သံပုရာသီး တစ်ခြမ်း ၄စိတ်စိတ်ထားပါ။

Hokkien mee ( ဂျုံခေါက်ဆွဲ အဝါ) 500 gm

နန်းလတ် ( ဆန်ခေါက်ဆွဲ) 300 gm

ကြက်ဥ ၃ လုံး

ကြက်သွန်ဖြူ  ၅ မွှာခန့် နှုတ်နှုတ် စင်းထားပါ။

ငါးငံပြာရည် သင့်သလို

ကြက်သားမှုန့်

Singlong တံဆိပ် Sambal Chilli Prawn  မလေးရှား ငပိ အစပ်ကြော်

 ပထမဆုံး ပုဇွန်တွေကို အမြီးပိုင်းထိပ် အခွံလေးပဲ ကျန်အောင် အခွံခွာသန့်စင်ပြီး ခေါင်းတွေရော အခွံတွေရော ရောပြီး အိုးတစ်လုံးထဲ ရေထည့် ရေမြုတ်အောင်ပြုတ်ပါ။ ပုဇွန်ပြုတ် အချိုရည် 300 ml ခန့်ရအောင် မိနစ် ၂၀ ခန့် ပြုတ်ပါ။ ပြီးရင် အရည်ကို စစ်ပြီး ခွက်တစ်ခုနဲ့ ဖယ်ထားပါ။

  အပေါ်ကပြောတဲ့ အတိုင်း Ingredient တွေအားလုံး အဆင်သင့်ဖြစ်ရင် စ ကြော်ပါတော့မယ်။

တရုတ်ဆိုင်က ဆီ၀နေတဲ့ ဒယ်အိုး သို့ non sticker ဒယ်အိုး ခပ်ကြီးကြီး ထဲကို စောနက ဝက်ဆီဖတ်ကြော်ထားတဲ့ ဆီ Table spoon ၅ ဇွန်းခန့် ကိုထည့် ပထမဆုံး

 ကြက်သွန်ဖြူ နုတ်နုတ်စင်းထားတာ ကြော်လိုက်ပါ။ မီးကို အပြင်းဆုံးမှာ ထားပါ။

 မွှေးလာရင် ပုဇွန်နဲ့ squid ထည့်ကြော်ပါ။

ပုဇွန်ကျက်ခါနီးရင် ဝက်သားပြုတ်ထားတာနဲ့ fish cake လှီးထားတာတွေကို ထည့်ကြော်ပါ။

အားလုံး မွှေးလာရင် ကြော်ထားတာတွေ ဘေးပတ်ပတ်လည်ကို  အသာပို့ပြီး အလယ်ခေါင် ဆီစုနေတဲ့နေရာမှာ  ကြက်ဥ ၃လုံးဖောက်ိထည့်ပြီး ကြော်ပါ။ ကြက်ဥတွေ ကြေသွားအောင် မွှေပေးပါ။

ကြက်ဥကြော်တာ ကျက်ရင် ဘေးက အသားတွေနဲ့ ေ့ရာမွှေလို့ရပါပြီ။

ခဏ မွှေပြီးရင် ပဲပင်ပေါက်၊ ခေါက်ဆွဲ အဝါ၊ အဖြူ အားလုံးထည့်ကြော်ပါ။

ငါး ငံပြာရည်၊ ကြက်သားမှုန့် သင့်သလို ထည့်ပါ.။

အောက်က နဲနဲ ကပ်လာပြီဆို ပုဇွန်ပြုတ်ရည် ၃- ၄ဇွန်းလောက် ထည့်ပြီး အသာလေး မွှေပေးပါ။

အဲလိုပဲ ပုဇွန်ပြုတ်ရည်နဲနဲချင်းထည့်ကာ ခေါက်ဆွဲတွေ ပျော့လာ အိလာရင် ဝက်ဆီဖတ်ကြော်ထည့်၊ Chives လေးတွေထည့်ကြော် အရည် ရွှဲရွှဲလေးနဲ့ အပေါ့ အငံမြည်းကာ ချလို့ရပါပြီ။

ပွဲပြင်ဖို့ကတော့ ပန်းကန်ပြားထဲ ကို ပူပူနွေးနွေး ခေါက်ဆွဲကြော်ကို ထည့် ဘေးက သံပုရာသီး တစ်စိတ်နဲ့ ငပိအကြေ အစပ်ကြော် လေး ဘေးက ပုံလိုက်ရင် စားလို့ရပါပြီ။ အလွန် အနံ့ အရသာနှင့် ပြည့်စုံသော Hokkien Prawn Mee ဖြစ်ပါတယ်။ အာဂ ပါးစပ် လူဖြစ်ကျိုး နပ်လောက်ရဲ့ ဆိုတာ တကယ်ပါပဲ။

ကြက်ဥ ပူတင်း

အန်တီဆွိ ကြက်ဥပူတင်း လုပ်စားပေါင်း များလှပါပြီ။ တစ်ခါမှ recipe ကို မှတ်ထားတယ် မရှိလို့ လုပ်ခါနီးမှ ကမန်းကတမ်း ဂူဂဲမှာရှာ၊ အချိုးအစားပြန်ကြည့်ရတယ်။ ဒီတစ်ခါတော့ ဘယ်ရမလဲ။ မှတ်နေကျ ဘလော့ဂ် စာမျက်နှာလေးမှာ လာမှတ်ထားလ်ိုက်ပါပြီ။ အန်တီဆွိရဲ့ ပိတ်သတ်တွေလဲ အချိုပွဲလေး စားချင်ရင် လုပ်စားလို့ရတာပေါ့။ လုပ်ရတာ လွယ်ကူပြီး စားလို့လဲ သိပ်ကို အရသာရှိတဲ့ ကြက်ဥ ပူတင်းလေးပါ။

ကြက်ဥ ပူတင်း ၆ခုစာ အတွက် လိုတဲ့ ingredient တွေကတော့ ....

ကြက်ဥ ၅လုံး

နွားနို့ ၅၅၀ ml

သကြား ၈၀ ဂရမ်

Vanilla Essence 2 tea spoon

Bread Crumb ပေါင်မုန့် ၂ချပ်စာခန့် ( ပေါင်မုန့် ၂ချပ် ကို bread crumb  လို ဖြစ်အောင် blender နဲ့ မွှေလိုက်ရင်လဲ ရပါတယ်။)

ဆား 1/4 tea spoon

----------------------------------------------------------------

သကြား 8 table spoon (for caramel)

ပထမဆုံး oven ကို 200 deg C အပေါ်မီး၊ အောက်မီးနဲ့ pre-heat လုပ်ထားပါ။

အပေါ်က ingredient ၆ မျိုးကို mixing bowl ထဲကို ထည့်ပြီး မွှေစက် (mixer) ထဲကို အားလုံးသမသွားအောင် ၂ မိနစ်ခန့် မွှေပေးပါ။

Caramel အတွက် သကြား ၈ ဇွန်းကို ရေ ၃ ဇွန်းခန့်ထည့်ပြီး ညောင်စေးကျပြီး ရွှေဝါရောင်လေး ရသည်အထိ ကျိုလိုက်ပါ။ မီးအနေတော် medium နဲ့ ကျိုပါ။ ကျိုပြီးပြီးချင်း caramel အရည်ပျစ်ပျစ်လေးကို ပူတင်းမုန့်လေးတွေ ဖုတ်မဲ့ ပန်းကန်လုံးလေးတွေထဲကို စားပွဲဇွန်း တစ်ဇွန်းခန့်စီထည့်ပါ။ ပန်းကန်လုံး အောက်ခြေ မျက်နှာပြင်မှာ ညီသွားအောင် ပန်းကန်လုံးကို လက်ကလေးနဲ့ လှည့်ပေးပါ။ Caramel တွေက ချက်ချင်းခဲသွားတတ်လို့ အမြန်လုပ်ရပါမယ်။

ပန်းကန် ၆လုံး စလုံး အောက်ခြေမှာ caramel လေးတွေခဲသွားမှ အပေါ်ကနေ စောနက မွှေထားတဲ့ မုန့်နှစ်ရည် လောင်းထည့်ပါ။ ပန်းကန်လုံးရဲ့ လေးပုံ သုံးပုံခန့် ပြည့်အောင် မုန့်နှစ်ရည်တွေ လောင်းထည့်ရပါမယ်။ ကြက်ဥပူတင်းက ဖုတ်လိုက်ရင် ပွပြီး အပေါ်တက်လာလို့ နေရာ ချန်ထားရပါတယ်။ ပန်းကန်လုံး ၆လုံး စလုံး မုန့်နှစ်ဖြည့်ပြီးရင် မုန့်ဖုတ်တဲ့ သံလင်ပန်း ဇောက်နက်နက်ထဲကို ရေ တစ်စင်တီမီတာ အနက်ခန့် ထည့်၊ မုန့်ပန်းကန် ၆လုံးကို စီထည့်င်္ပြီး oven ထဲထည့် အပူပေးရပါမယ်။ မိနစ် ၄၀လောက်ဆိုရင် ပူတင်းကျက်ပါပြီ။ ပူတင်းကို မကြာခဏ စစ်ပေးပါ။ oven တစ်ခုနဲ့ တစ်ခု သိပ်မတူတတ်လို့ တူးသွားမှာ ကြောက်လို့ပါ။

ပူတင်းကို နည်းနည်း အအေးခံပြီး ခပ်နွေးနွေး အနေအထားကျရင် ပူတင်းလေးတွေကို ဓားအချွန်လေးနဲ့ အသာလှည့်ထုတ်ပြီး ပန်းကန်ပြားထဲထည့်ကာ စားနိူင်ပါပြီ။ အနံ့ အရသာနဲ့ ပြည့်စုံတဲ့ စားချင်စဖွယ် ကြက်ဥ

 ပူတင်း ရပါပြီ။

ဒီလငျ့ချ လေး အတိုငျး လုပျရငျလဲ ရပါတယျ။ https://www.youtube.com/watch?v=AdhxJ9XcamM

အာလူး ကတ်တလိတ်ကြော်

ဂျူဂျူစားချင်တယ်ဆိုလို့ အာလူးကတ်တလိတ် ကြော်ပေးရတယ်။ ငယ်ငယ်က ခဏခဏ ကြော်ပေးတာ သိပ်စိတ်မဝင်စားပဲ MKR ရှိုးမှာ ပြတာနဲ့ ခုစားချင်တယ်ဆို ထ ကြော်ပေးရတာ သူအရမ်းကြိုက်တယ်တဲ့။

မှတ်မိတုံးလေး ကြော်နည်းလေး အကြမ်းဖျင်းရေးလိုက်ဦးမယ်။

အာလူးကို အိလာအောင်ပြုတ်ပြီး အခွံခွါ ထောင်းပါ။ ထောင်းတဲ့အခါ ဆား၊ ငရုပ်ကောင်းမှုန့်၊ ဟင်းခတ်မှုန့်နဲ့ ထောပတ်နဲနဲပါထည့်ထောင်းပြီး ကိုယ်ကြိုက်တဲ့ အနေအထား အပေါ့ အငံရအောင် မြည်းကြည့်ပါ။

အထဲအစာသွပ်ဖို့အတွက်ကတော့ ဝက်သားအကြေလေးတွေကို ကြက်သွန်ဖြူထောင်းထားတာနဲ့ ကြက်သွန်နီလေးတွေ chop လုပ်ထားတာနဲ့ ဆား၊ ငရုပ်ကောင်း၊ ပဲငံပြာရည် အနည်းငယ်နဲ့ ရောကြော်ထားပါ။

ကြက်ဥတစ်လုံးကို ခေါက်ထားပါ။

Bread crumb ကို ပန်းကန်ပြားတစ်ချပ်မှာ ထည့်ထားပါ။ Bread crumb က flavor ပါတဲ့ အမျိုးဆို ပိုကောင်းပါတယ်။

ပြီးတော့ အာလူးထောင်းထားတာကို အလုံးလေးတွေလုံး အထဲမှာ ဝက်သားအကြေကြော်ထားတာကို ဌာပနာပြီး ပြန်ပ်ိတ်အလုံးတွေပြန်လုံးပြီး ကြက်ဥခေါက်ထားတဲ့အထဲ ကြက်ဥတွေ ရွှဲနေအာင်နှစ်ရပါတယ်။ ဒါမှ ကြော်တဲ့အခါ ဌာပနာတွေ ပေါက်မထွက်မှာပါ။ ပြီးတော့ bread crumb ထဲ ထည့်လိမ်းပြီး ဆီပူပူထဲ ထည့်ကြော်ပါ။ တစ်ခြမ်း အညိုရောင်သန်းလာရင် နောက်တစ်ဖက်ကို လှန်ပေးပါ။ အရသာ ရှိတဲ့ အာလူးကတ်တလိတ်ကြော်ရပါပြီ။ သူ့ချည်းပဲစားစား ထမင်းနဲ့ပဲစားစား စားလို့အရသာသိပ်ရှိပါတယ်။ မဆလာတွေ အစပ်တွေ မပါတဲ့ ခလေးတွေကြိုက်မဲ့ ဗားရှင်းပါ။

မုန့်ဦးနှောက်

အန်တီဆွိ ခုတစ်လော ဘလော့ဂ်ထဲ ရောက်ရောက်လာပြီး ဟင်းချက်နည်းတွေ ဟိုတင်ဒီတင်နဲ့ ပြန်တက်ကျွလာတာလားဆိုရင်တော့ မဟုတ်ပါဘူး။ အန်တီဆွိက သတိမေ့တတ်လို့ ဟင်းချက်နည်းတွေ မုန့်လုပ်နည်းတွေ လုပ်ကြည့်ပြီး မေ့မေ့သွားလို့ မမေ့ခင် ဘလော့ဂ်မှာ အမြန်လာချရေးတာပါ။ ဖေ့စ်ဘွတ်မှာ တင်ရင် ဘလော့ဂ်မှာလောက် စုစုစည်းစည်း မရှိတာရယ်၊ ရှာရ ခက်တာရယ်ကြောင့်ပါ။ စာပြန်ရေးဖို့ရာတော့ အလုပ်တစ်ဖက်၊ သမီး စာမေးပွဲတစ်ဖက်၊ အိမ်အလုပ်တစ်ဖက်နဲ့ လောလောဆည်တော့ မအားလို့ ပြန်မရေးနိူင်သေးပါကြောင်း ပိတ်သတ်ကြီးအား သိစေအပ်ပါသည်။

ပြီးခဲ့တဲ့အပတ်က အန်တီဆွိ မွေးနေ့ရော မွေးရက်ရော ထူးထူးခြားခြား တိုက်ဆိုင်ပါတယ်။ မွေးနေ့အတွက်ဆိုပြီး ဘုန်းကြီးကျောင်းမှာ လုပ်အားပေးတဲ့သူတွေရယ်၊ အသိမိတ်ဆွေ နည်းနည်းကျဉ်းကျဉ်းရယ် ဖိတ်ပြီး မြီးရှည်ရယ်၊ မုန့်အချို အချို့ရယ် လုပ်ပြီး ဒါနပြုခဲ့ပါတယ်။ အဲဒီမှာ မုန့်ဦးနှောက်လုပ်တာ နဲနဲပျော့သွားလို့ ဒီနေ့နေ့လည်က မကြေပွဲ ထပ်လုပ်ပြီး အမှတ်ရအောင် ဒီပို့စ်လေးကို တင်ပါတယ်။ အန်တီဆွိရဲ့ ပ်ိတ်သတ်တွေလဲ လုပ်နည်းလေးသ်ိရတော့ တစ်ချက်ခုတ် နှစ်ချက်ပြတ်ပေါ့။ မုန့်ဦးနှောက် လုပ်ရတာ အရမ်းကို လွယ်ပါတယ်။

မုန့်ဦးနှောက် လုပ်ဖို့ လိုတဲ့ ပစ္စည်းတွေကတော့  ...

ဆန်မုန့် - 2 cup

ကောက်ညှင်းမှုန့် - 2 table spoon

အုန်းနို့ ၄၀၀ ဂရမ် တစ်ဗူး

နို့စိမ်း  -  1  cup

ရေ - 2 cup

အုန်းနို့ - ၄၀၀ ဂရမ် ၃ဗူး  (အုန်းဆီချက်ရန်)

သကြား - 1 1/2 cup ( တစ်ခွက်ခွဲ)

ဆား - လဖက်ရည်ဇွန်း တစ်ဝက်

သာကူစေ့ - 3/4 cup

ထုံးရေကြည် - 1 cup

အရောင် ဝါချင်ရင် - အဝါရောင် အစားအသောက်ဆိုးဆေး အနည်းငယ်

pan-dam leaves အနံ့ အနည်းငယ် (ဆွမ်းမွှေးရွက် အဆီ)

ပထမဆုံး သာကူစေ့တွေကို ရေပွက်ပွက်ဆူထဲ ထည့်ပြုတ်ပါ။ အစေ့ပျောက်သွားရင်  ရေစစ်ပြီး ရေအေးအေးနဲ့ လောင်းချ အအေးခံထားပါ။

အုန်းနို့ကို အိုးတစ်လုံးထဲ ဆီအနည်းငယ်ထည့်ပြီး အုန်းဆီချက်ထားပါ။

ပြီးရင် ဆန်မှုန့် ၊ နွားနို့၊ အုန်းနို့၊ သကြား၊ ဆား၊ ထုံးရေကြည်၊ အဝါရောင်ဆိုးဆေး၊ ဆွမ်းမွှေးရွက် အဆီအစရှိတာတွေ  အားလုံးကို ရောသမသွားအောင်မွှေပြီး မီး အနေတော် (medium) နှင့် တိုဟူးကြိုသလို  ကြိုပေးပါ။ မုန့်နှစ်တွေ ပျစ်လာရင် ခဲပျစ်ပျစ်ကြီး ဖြစ်လာပါလိမ့်မယ်။ ဒါပေမဲ့ စိတ်မပူပါနဲ့။ ယောင်းမနဲ့ စက်ဝိုင်းပုံ နာနာမွှေပြီး သမသွားအောင်ကြိုပါ။

ကြိုလို့ ညောင်စေးကျခါနီးလာရင် သာကူစေ့တွေထည့်ပြီး သမအောင် ထပ် မွှေပေးပါ။ ပြီးရင်  အောက်က ဗန်းပေါ်မှာ ဆီသုတ်ပြီး မုန့်တွေကို လောင်းချပြီး အအေးခံထားပါ်။ အပေါ်ရံ အသားညီအောင် ဇွန်းကို ဆီသုပ်ပြီး သပ်ချပေးပါ။

မျက်နှာပြင် ချောပြီး ညီသွားရင် အပေါ်ကနေ အုန်းဆီချက်ကို ဖြူးပြီးသပ်ချထားပါ။

မုန့်များ အေးပြီး ခဲသွားလျင် ဓားဖြင့် လေးထောင့်တုံးများ ပုံဖော်င်္လှီးပြီး ချိုဆိမ့်မွှေးသော မုန့်ဦးနှောက် စားနိုင်ပါပြီ။ ဒီနေ့ ဘုန်းကြီးကျောင်းမှာ အားပေးခဲ့တဲ့ အန်တီတစ်ယောက်ကတော့ အန်တီဆွိလက်ရာက သိပ်ကောင်းပြီး ရောင်းတန်းဝင်ပါသတဲ့။ ဘုန်းကြီးကျောင်း ရံပုံငွေ ဈေးရောင်းပွဲမှာ ရောင်းပါလားတဲ့ အားပေးသွားပါတယ်။ အန်တီဆွိ ပိတ်သတ်ကြီးလဲ လုပ်ကြည့်ကြပါဦး။

အန်တီဆွိ စစ်ကိုင်းဖက်သွားတုံးက မုန့်ဦးနှောက်ဆိုတာကတော့ ဖက်ကလေးတွေနဲ့ ထုတ်ထားပြီး သကြားမပါပဲ ဆား နှမ်းထောင်းနဲ့ ဆီလေးနဲ့ အဆိမ့်စားရတာပါ။ အဲဒါကတော့ ဒီမှာ ဖက်ကရှားတော့ ဆွမ်းမွှေးရွက် အဆီလေးနဲ့ လုပ်ကြည့်ပါဦးမယ်။ နောက်အပတ်ပေါ့နော်။

မြီးရှည် လုပ်စားကြရအောင် ....

 

မြီးရှည်ကို ဘယ်တုံးကစ ကြားဖူးတာလဲဆို အန်တီဆွိတီတို့ ဟိုးငယ်ငယ်လေးထဲက စစ်ကိုင်းက  အဘွား ရန်ကုန်လာလည်ရင် အဘွားက အမြဲ လုပ်ကျွေးတတ်ပါတယ်။ ဒါပေမဲ့ အဲဒီအချိန်က အရမ်းငယ်သေးတော့မြီးရှည်လိုဟာမျိူး စားရကောင်းမှန်း၊ ကြိုက်ရကောင်းမှန်းလဲ မသိသေးပါဘူး။ အဲဒီအချိန်ိကတည်းက မြီးရှည်ဆိုတာ ကြားဖူးနေခဲ့ပေမဲ့ အိမ်မှာတော့ တစ်ခါမှ လုပ်မစားဖြစ်ပါဘူး။ စင်္ကာပူမှာနေတော့လဲ မြီးရှည်ဆိုတာ ဘယ်လိုဟာမျိုးမှန်း အစပင် ဖော်မရပါ။ စိတ်ထဲမှာ မြီးရှည်ဆိုတာ ရှမ်းခေါက်ဆွဲလိုလား၊ ရှမ်းခေါက်ဆွဲ ချက်ရတာနဲ့ တူတူပဲလား မသဲကွဲခဲ့ပါဘူး။

ဒီဖက်ပြောင်းလာတော့ ဘုန်းကြီးကျောင်းဈေးရောင်းပွဲမှာ အသိ အန်တီတစ်ယောက်ရောင်းတာ စားဖူးမှ မြီးရှည်ဆိုတာကို သဲသဲကွဲကွဲ သိရပါတော့တယ်။ အဲဒီတုံးက မြီးရှည်ကောင်းလွန်းလို့ အမြဲအမှတ်ရနေပြီး အိမ်မှာ လုပ်စားဦးမယ်ဆို တေးထားခဲ့တာပါ။

မြီးရှည်လုပ်ရတာ ingredient တွေက အရမ်းများပါတယ်။ 

ဟိုးအရင် ပထမတစ်ခါ လုပ်ကထဲက နောက်လုပ်ရင်မှတ်မိအောင် လုပ်နည်းလေးရေးချင်တာ။ မရေးဖြစ်ခဲ့ဘူး။ ခုတစ်ခါတော့ မနေ့ကပဲ ဘုန်းကြီးကျောင်းမှာ လုပ်အားပေးတွေအတွက် လူ ၃၀ စာလောက် ချက်ပြီးလှူခဲ့လို့ ပူပူနွေး မှတ်မိတာလေးတွေ ချရေးပေးပါ့မယ်။ သတိမေ့တတ်တဲ့ အန်တီဆွိအတွက်တော့ နောက်တစ်ခါ လုပ်ရင်တော့ အလွယ်တကူ လာကြည့်ရုံပဲ။

မြီးရှည်အတွက် လိုတဲ့ ပစ္စည်းတွေကတော့  ...

.................................

နန်းလတ်အဖတ် အစို (သို့့) အခြောက်ကို ပြုတ်ပြီး ရေစစ်ထားပါ။

ဝက်သား သို့ ကြက်သား ကို ပဲငံပြာရည်၊ ဆား၊ တရုတ်မဆလာ၊တို့နဲ့နယ်၊ ဂျင်းထည့် ပြုတ်ပြီး ပါးပါးလှီးထားပါ။

ကြက်သွန်ဖြူုကို ကြိတ်ပြီး ဆီချက်ချက်ထားပါ။  ( ရှမ်းစာမှို့ ဆနွင်းမှုန့် လုံးဝမထည့်ပါနှင့်)

မြေပဲဆံကို ကြော်ပြီး ခွဲကြမ်း ကြိတ်ထားပါ။

နှမ်းလှော်ကိုလည်း ပြင်ထားပါ။

ငရုပ်သီးခွဲခြမ်းကို ဆီများများနှင့်ထည့်ကြော်ထားပါ။

ပဲငပိ အချိုဗူးကို ပြင်ထားပါ။ (တစ်ချို့ကလဲ ဆီတို့ဟူးကို ရေဖျော်ထည့်ပါတယ်။)

ရှမ်းချဉ် (သို့) မုန်ညင်းချဉ်ကို ပါးပါးလှီးထားပါ။

ပလောပီနံမှုန့် (Tapioca starch)  ကို ခပ်ကျဲကျဲဖျော်ပြီး ကော်ကျိူထားပါ။ ကျိူနေစဉ် ပဲငံပြာရည်၊ဆား၊  ကြက်သားမှုန့်ထည့်ပြီး မွှေပေးပါ။

ကြက်သွန်ဖြူကို ညက်နေအောင်ထောင်းပြီး ရှာလကာရည်၊ ရေနွေးတို့နဲ့ ပျစ်ပျစ်လေး ဖျော်ထားပါ။

ပဲပင်ပေါက်နဲ့ မုံညင်းရွက်တွေကို ရေနွေးဖျောထားပါ။

ကြက်သွန်မြိတ်နဲ့ နံနံပင်ကို ပါးပါးလှီးထားပါ။

ဝက်ရိုး (သို့) ကြက်ရိုးဟင်းချိုကို ပြင်ထားပါ။

ကြိုက်တတ်ရင် ဝက်ခေါက်ကြော်ကို လဲ အဆင်သင့်ပြင်ထားပါ။

ပွဲ ပြင်ရန်အတွက် မုန့်ဖတ်တွေကို ဝက်ရိုးပြုတ်ရည်ထဲ စကာနဲ့စစ်ပြီး ပွဲပြင်မည့် ပန်းကန်ထဲ ထည့်ပါ။

ပြီးရင် အပေါ်က ingredient တွေကို ထည့်ပြီး စားရင် အရသာရှိလှတဲ့ မြီးရှည်ရပါပြီ။ ဝက်ရိုး ဟင်းချို ပူပူလေးနဲ့ အင်မတန်မှ လိုက်ဖက်လှပါတယ်။

ဓာတ်ပုံရိုက်ဖို့ မေ့နေလို့ ဦးခြိမ့် နောက်တစ်ပွဲစားတာကို အတင်းလုပြီး ဓာတ်ပုံရိုက်ထားရတာပါ။

ဝက်သားပြုတ်ရာမှာ ထည့်တဲ့ five spice power တရုတ်မဆလာပါ။ သုံးဖူးသမျှထဲမှာတော့ fresh အဖြစ်ဆုံးနဲ့ အကောင်းဆုံးပါပဲ။

အန်တီဆွိ သုံးတဲ့ တရုတ်ပဲငပ်ိပါ။ salted soya bean တွေထက် အငံပေါ့ပြီး အချိုလေးပါတယ်။

ဦးခြိမ့် အလုပ်အတွက်ပါ ထုပ်ပေးရပါတယ်။