ညက်ခုံးမွှေးဇာတ်လမ်း

မဆွိတီတို့ ဆရာမလုပ်တုံးက အဆောင်မှာနေရတာ သိပ်ပျော်တာ။ ပျော်မှာပေါ့၊ အဆောင်မှာ same batch သူငယ်ချင်းတွေရော၊ အတန်းကြီးတဲ့ အစ်မ ဆရာမတွေရော အတူနေတော့ အရမ်းခင်ပြီး ညီအစ်မအရင်းတွေလို ပြောမနာဆိုမနာတွေ ဖြစ်လို့။ အိမ်မှာဆိုရင်တော့ မိန်းခလေးတစ်ယောက်တည်းဆိုတော့ ပျင်းစရာကြီးကိုး။

အဲဒီမှာ အစ်မတွေထဲက တစ်ယောက်ပေါ့ဗျာ။ သူက သွားလေးတွေ မလှရှာဘူး။ စကားပြောတာတော့ သိပ်ချစ်ဖို့ကောင်းတယ်။ ခင်တတ်တယ်။ စတတ်၊ နောက်တတ်တယ်။ လူချစ်လူခင်ကလဲ သိပ်ပေါတာ။ သူက မဆွိတီရှေ့သွားလေးတွေကြည့်ပြီး အမြဲပြောတယ်။ ဆွိကြီးသွားလေးတွေက လှလိုက်တာ။ သူသိပ်အားကျတယ်ဆို တွေ့တိုင်းပြောနေတော့တာပဲ။ အဲဒီအစ်မ အိမ်ထောင်ကျတော့ဗျာ ကျောင်းသားထဲကပဲ တော်တော်ကြည့်ကောင်းတဲ့ ကောင်လေးတစ်ယောက်နဲ့ အိမ်ထောင်ကျသွားတယ်။ အဲဒီကောင်လေး သွားလေးတွေက ပုလဲလုံးလေးတွေလိုစီလို့ သိပ်လှတာ။ အဲဒီမှာ ကောက်ချက်ချတာက လူတွေက သူတို့မှာရှိတဲ့ အားနည်းချက်ကို ကိုယ့်ရဲ့ နံရိုးပိုင်ရှင် အိမ်ထောင်ဖက်ဆီမှာ ရှာယူကြပါကလားဆိုတာပါပဲ။

နောက်တစ်ခုက သူ့မှာ မျက်ခုံးမွှေးကလဲ အရမ်းပါးတာ။ မပါကို မပါသလောက်ပဲ။ အဲဒီတော့ အဲဒီအစ်မက သွားလေရာ မျက်ခုံးမွှေးဆွဲ ခဲတံဆောင်ထားရတယ်။ မနက်မိုးလင်း မျက်နှာသစ်ပြီးရင် ပထမဆုံးစလုပ်ရတဲ့ အလုပ်ကတော့ အဲဒီမျက်ခုံးမွှေးဆွဲဖို့ပဲ။ မျက်ခုံးမွှေးသာ မရှိတာ၊ သူ့မျက်ခုံးမွှေး ရှိစုမဲ့စုကိုလဲ နှုတ်ထားသေးတယ်။ ရှိတာလေးကိုပဲ ၃ရက်လ ဖြစ်အောင်နှုတ်ပြီး အဲဒီပေါ်ကမှ မျက်ခုံးမွှေးဆွဲခဲတံနဲ့ ထပ်လိုက်တာပေါ့။ တစ်ကြောင်းတည်းနော်။

တစ်ညတော့ ဗရုပ်ဗရက် မဆွိတီက ထုံးစံအတိုင်း နောက်ချင်တာနဲ့ အဲဒီအစ်မ မရှိတုံး သူ့အခန်းထဲဝင်ပြီး ရှိသမျှ မျက်ခုံးမွှေးဆွဲတံတွေ ယူပြီးဖွက်ထားလိုက်ပါရော။ မနက်မိုးလင်းတော့ သူ့မှာ တစ်ယောက်တည်း တခြောက်ခြောက် တချက်ချက်နဲ့  မျက်ခုံးမွှေးခဲတံ ကြိတ်ရှာနေတာ၊ ရယ်ရတယ်။ နောက်တော့ သူ့အခန်းထဲလာပြီး စပ်ဖြဲဖြဲလုပ်နေတဲ့ မဆွိတီကို ရိပ်မိသွားပြီး ဆဲပါလေရော။ အဲဒီအစ်မက စာတွေလဲရေးတယ်ဗျ။

မန်းလေးဘက် တစ်နှစ်သွားတုံးကလဲ သူနဲ့တစ်ဖွဲ့ထဲ။ အဲသမှာ မဆွိတီတို့ ရည်းစားနဲ့ပြတ်ပြီးအသဲကွဲလို့ တငိုငို တရီရီဖြစ်နေတော့ သူက ဆွိကြီးဇာတ်လမ်းကို ၀ထ္ထုရေးဦးမယ်ဆို ခဏခဏပြောနေတာ။ ခုတော့ သူလဲမန်းလေးက ပြန်ရောက်ရုံမက စင်္ကာပူတောင် တစ်ခေါက်ရောက်ပြီး ဒေါက်တာဘွဲ့ယူ၊  ခလေးတစ်ယောက်အမေတောင်ဖြစ်နေပြီ။ ခုချိန်ထိ မရေးပေးသေးဘူးဂျာ။ သူက ဟိုးအရင်က အပျိူစင်လို မဂ္ဂဇင်းတွေမှာ စာတွေရေးရေး နေတဲ့ စာရေးဆရာမေx (စက်မှုတက္ကသိုလ်) ဆိုတာပါပဲ။ သူ့အကြောင်းတွေဖွတာ သိရင်တော့ စိတ်ဆိုးတော့မှာပဲဂျာ။ ခုတော့ အစိုးရဌာနတစ်ခုမှာ လူကြီးဖြစ်နေပြီ။

အမ်မယ် ... သူများတွေသာနောက်တာ  တကယ်တော့ မဆွိတီမလဲ မျက်ခုံးမွှေးက စောနက အစ်မထက်သာရုံလေး၊ ပါရုံလေးသာပါတာပါ။ သူ့လိုပဲသွားလေရာ မျက်ခုံးမွှေးဆွဲတံ ဆောင်ထားရတာပါပဲ။ ငယ်ငယ်တုံးကတော့ သိပ်မသိပေမဲ့ သိတတ်တဲ့အချိန်၊  လှချင်တဲ့ အချိန်ကစပြီး မျက်ခုံးမွှေးကို ဆွဲလာလိုက်တာ တစ်ချို့ရင်းနှီးသူတွေတောင် မဆွိတီကို မျက်ခုံးမွှေး မဆွဲပဲနဲ့ မမြင်ဖူးဘူးဗျ။ မျက်ခုံးမွှေးက နည်းရတဲ့ အထဲ အပြားလိုက်ကြီး ပေါက်နေတော့ အလယ်လောက်က ခဲတံလေးနဲ့ လိုက်မှ လူက နဲနဲကြည့်ကောင်းသွားတာ။ ခုနေများ အသက်နည်းနည်းကြီးလာတော့ လူက ဘာရယ်မဟုတ်၊ တစ်ခါတစ်လေ ပျင်းပြီး မျက်ခုံးမွှေးများ မဆွဲမိတဲ့နေ့ဆို ဘယ်လိုပုံများ ပေါက်နေတယ်မသိ။ အစ်မ နေမကောင်းဘူးလားချည်း အမေးခံရတော့တာပဲ။

ခုနောက်ပိုင်းတော့ ပင်နစူးလားက ဆိုင်တစ်ဆိုင်မှာ တစ်လတစ်ခါ၊ ၂လတစ်ခါလောက် မျက်ခုံးသွားသွားရိတ်ရတယ်။ သူတို့က မဆွိတီရဲ့ ရှိစုမဲ့စုကို ဇင်ယော်ပုံလိုလေး ဖော်ပေးလိုက်တော့ အပေါ်က ခဲနဲ့ ထပ်ဆွဲရတာ လွယ်သွားတာပေါ့။ ဆွဲရတာလဲ ညီသွားတယ်။ အဲဒါကလည်း အကြောင်းရှိတယ်။ တစ်ခါတစ်လေ မနက် ရုံးချိန်နောက်ကျပြီဆို ကမန်းကတန်းနဲ့ နဂိုအပြားကြီးကို ဒီတိုင်းဆွဲရတော့ မျက်ခုံးမွှေး ၂ဖက်ကမညီဘူးဗျာ။ တဖက်ကထူ၊ တစ်ဖက်ကပါး၊ တစ်ဖက်က အပေါ်ရောက်၊ တစ်ဖက်က အောက်ရောက်နဲ့ မျိုးစုံပဲ။ မဆွိတီတို့ရုံးကလူတွေ တော်တော်သည်းခံရှာတယ်။ မျက်ခုံးမွှေးကို ဘယ်လို ဘယ်ပုံ ဆွဲလာဆွဲလာ တစ်ယောက်မှ ကွန်ပလိန့်မတက်ကြဘူး။ ကိုယ့်ဟာကိုယ် အိမ်သာထဲဝင်ကြည့်မှ ဟယ် နာ့မျက်ခုံးမွှေးတွေ ဘယ့်နှာဖြစ်နေပါလိမ့်ဆို ပြန်ပြင်ဆွဲရတာချည်းပဲ။  (အမှန်က မဆွိတီတို့ဌာနမှာ ကောင်လေးတွေ၊ အငယ် ယောက်ျားလေးတွေချည်း ရှိတော့ ဘယ်သူက စိတ်ဝင်စားမှာတုံး။ ဒီအဒေါ်ကြီးရဲ့ ညက်ခုံးမွှေးတွေကို ...း))

အိမ်မှာလဲ မျက်ခုံးမွှေးဆွဲ ခဲတံတွေ အများကြီးပဲ။ အဲဒီထဲမှာမှ ကိုယ်ကြိုက်တဲ့ အညိုရောင်လေးကိုပဲ ဆိုးဖြစ်တာများတယ်။ တစ်ခါတစ်လေ ခဲတံက ဆိုးရင်းဆိုးရင်းနဲ့ တိုပြီး တုံးတုံးသွားရင် မဆွိတီ မျက်ခုံးမွှေးလဲ ပြားပြားသွားတယ်။ ဇင်ယော်တောင်ပံကနေ ဇင်ယော်တစ်ကောင်လုံးပုံဖြစ်ဖြစ်သွားတယ်။ မနက် ကမန်းကတမ်းဆိုတော့ ချွန်ဖို့ရာလဲ အချိန်မပေးနိူင်ဘူးလေ။ အရင်က မှန်တင်ခုံအံဆွဲထဲမှာ ခဲတံချွန်စက်လေးထည့်ထားတာ၊ ဂျူဂျူယူသလား၊ သူ့အဒေါ်ပဲယူသလားတော့ မသိဘူး။ မတွေ့တော့ဘူး။ အလွယ်တစ်ကူ မရှိတော့ မချွန်ဖြစ်တော့ဘူးပေါ့။

ဒီနေ့မနက်တော့ မဆွိတီရဲ့ မျက်ခုံးမွှေးဆွဲတံဟာ ဆိုးလို့မရလောက်အောင်ကို တုံးနေပါပြီ။ ဖိဆိုးတာတောင် အရာမထင်ချင်တော့ပါ။  ဖိလိုက်ရင်ကို ခဲတံက သစ်သားအချွန်နဲ့ ခြစ်မိတဲ့အထိကို ဖြစ်နေပါပြီ။ ဒီတော့မှ မဖြစ်တော့ချေ ဆိုပြီး ဂျူဂျူး ကွန်ပါဘူးထဲက ချွန်စက်ကို သွားယူပြီးချွန်လိုက်တာ ၅စက္ကန့်တောင်မကြာပါဘူးဗျာ။ မျက်ခုံးမွှေးခဲတံချွန်ချွန်လေးနဲ့ ဆွဲလိုက်တာ အရင်နေ့လို မျက်ခုံးပြားပြားကြီး မဟုတ်တော့ပဲ ဇင်ယော်တောင်လေးဖော်လို့၊ စိတ်ရှည်လက်ရှည်နဲ့ အလှတွေပြင် ကိုယ့်ဟာကိုယ်တောင် လှတယ်ထင်နေသေး။ (အဟမ်း အဟမ်း ...  ပေါချက်တော့း)

အော် ငါ့နှယ် လူကငပျင်းထူပြီး မျက်ခုံးမွှေးခဲတံ တုံးတုံးကြီးနဲ့ နေ့တိုင်းဆွဲနေတာ။ ချွန်လိုက်တော့ လဲ ခဏပဲဟာကို။ ပျက်အစဉ် ပြင်ခဏဆိုတာတွေ ဘာတွေတောင် တွေးနေတာ။ ဒီနေ့တော့ ရုံးမှာ အိမ်သာထဲဝင် မျက်ခုံးမွှေး ပြင်စရာမလိုဘူးပေါ့။

 မျက်ခုံးမွှေးတွေမလှဘူး။ မထူဘူးဆိုလို့ စောနက ဇာတ်လမ်းပြန်ဆက်ရရင် အိမ်ကလူကတော့ ညက်ခုံးမွှေးလှချက်တော့ ယောက်ျားလေးတန်မဲ့ ဇင်ယော်တောင် ညက်ခုံးမွှေးထူထူနဲ့ပါဗျား။  တကယ်တော့ ဟိုအစ်မကို ကောက်ချက်ချသလိုမျိုး ကိုယ့်ရဲ့ အားနည်းချက်ကို သူ့ဆီမှာ ရှာယူခဲ့တာတော့ မဟုတ်ဘူးဗျ။ သူ့ဟာသူ ဖူးစာ ပါတယ် ထင်တာပါပဲဂျာ။  ။

(အန်တီဆွိ ဒီပို့စ်ကို စလုံးမှာ အလုပ်လုပ်တုံးက ရုံးမှာ အားနေတုံးရေးထားတာ။ ခုမှ draft ထဲ ပြန်တွေ့လို့ တင်လိုက်တာ)