စင်္ကာပူမှာ အိမ်ဝယ်မယ်ဆိုရင် ...(၄)

(မြန်မာကျူးပစ်ဖိုရမ်မှ ကိုမောင်ခြိမ့်ရေးထားသည်များကို ပြန်လည်ကူးယူဖေါ်ပြပါသည်။
စုစုပေါင်း အပိုင်း ၇ပိုင်းရှိပါတယ်။ တစ်ပိုင်းစီအေးအေးဆေးဆေးဖတ်နိူင်အောင် တင်ပေးသွားပါမယ်။)

(၁၀ ) ကျွန်တော်တို့တစ်တွေ အိမ်ဝယ်တဲ့ အခါမှာ ငွေဘယ်လောက်လက်ထဲမှာ နဲ့ စီပီအက်ဖ် စုစုပေါင်းငွေ ဘယ်လောက်ရှိသင့်သလဲဆိုတာ အကြမ်းဖျဉ်း သိပြီးတဲ့နောက် ပွဲစားကိုဆက်သွယ်ကြတာပေါ့။ တချို့တစ်တွေက ပွဲစားမပါပဲနဲ့ အိမ်ဝယ်တဲ့ သူတစ်ယောက် ၂ယောက်ကို တွေ့ဖူးပါတယ်။ ကျွန်တော်အနေနဲ့တော့ အားမပေးပါဘူး။ လိုအပ်တဲ့ စာရွက်စာတမ်း၊ ဘဏ်ဆက်သွယ်မှု့၊ ရှေ့နေ နဲ့ JDB ရဲ့ ရုံးလုပ်ငန်းတွေလုပ်ကိုင်ဖို့ အတွက် ကိုယ့်မှာမရှိတဲ့ အချိန်တွေကို ပွဲစားက ကိုယ်စားလုပ်ပေးတာပါ။

ပွဲစားကို ဆက်သွယ်ချင်ရင် ဘယ်လိုဆက်သွယ်ရသလဲဆိုရင် ကိုယ်လိုချင်တဲ့ နယ်မြေမှာ ရှိတဲ့ ပွဲစားကို သတင်းစာထဲက Classified Section မှာသော်လည်းကောင်း၊ စာတိုက်ပုံးထဲမှာ စိတ်ပျက်လောက်အောင် လာထည့်တဲ့ ကြော်ငြာစာရွက်တွေထဲက လည်ကောင်း ဖတ်ကြည့်ပြီး တယ်လီဖုန်းနဲ့ ဆက်သွယ်ဆောင်ရွက်ပေါ့။ ပြီတော့ ပွဲစားပြတဲ့ အိမ်တွေကို လိုက်ကြည့်ပါ။ ပွဲစားတိုင်း မကောင်းပါဘူး။ တချို့က အရမ်းအေးရင်လည်း ဈေးဆစ်တာ တွေ လုပ်ငန်းဆောင်ရွက်တာတွေမှာ ကိုယ်က သူ့ကို ပြန်ပြီး လမ်းညွန်နေရတဲ့ ပွဲစားတွေလဲ ရှိပါတယ်။ တချို့ပွဲစားတွေက သိပ်လည်လွန်းအားကြီးပြီး ရောင်းသူ ၀ယ်သူ နှစ်ဖက်လုံးကို လက်ဝါးကြီအုပ်ချင်တဲ့ ပွဲစားတွေလည်း ရှိပါတယ်။ ဘာပဲဖြစ်ဖြစ် သတိထားတာ ကောင်းပါတယ်။

နောက်တစ်ခုက ကျွန်တော်တို့မြန်မာလူမျိုးက အားနာတတ်ပါတယ်။ ပွဲစားလိုက်ပြတဲ့ အိမ် ၄-၅ အိမ်လောက်ဆိုရင် အားနာနေတတ်တာပါ။ ဒါကြောင့် ကိုယ်သိပ်ကြိုက်တဲ့ အိမ် မဟုတ်ပေမဲ့လည်း ပွဲစားအားနာလို့ ၀ယ်ရတဲ့ အဖြစ်မျိုးကို မဖြစ်ပါစေနဲ့။ ပွဲစားဆိုတာ အိမ်တွေကို လိုက်ပြရမဲ့တာဝန်၊ နဲ့ ပြတဲ့ အိမ်တိုင်းကိုလည်း သူတို့ရဲ့ အတတ်ပညာနဲ့ မယူ ယူဖြစ်သွားအောင် တိုက်တွန်းတာ သူတို့အလုပ်ပါ။ ကျွန်တော်တို့အနေနဲ့လည်း ကိုယ်ပိုင် အိမ်အဖြစ်ဝယ်တယ်ဆိုတာ ပေါ့ပေါ့လေးရွေးချယ်လို့မရပါဘူး။ ကိုယ်ကြိုက်နှစ်သက်မှ ၀ယ်ပါ။ အားမနာပါနဲ့။ မကြိုက်ရင်လည်း မကြိုက်ဘူး နောက်တအိမ် ထပ်ပြဖို့ ပြောပါ။
ကြုံလို့ ပြောရရင် ပွဲစားကို အိမ်ခန်းပေါင်း ၅၀ ကျော် လိုက်ပြပြီး အဲဒီ ပွဲစားနဲ့ မ၀ယ်မိလိုက်ပဲ နောက်တစ်ယောက်နဲ့ အဆင်ပြေသွားတဲ့ မြန်မာတွေလည်း တွေ့ဖူးပါတယ်။ အယ် အဲဒီလောက်ကြီးတော့ ဂျီးလည်း မများနဲ့ပေါ့ဗျာ။ ၀ယ်တော့မယ် ဆိုကတည်းက ကိုယ်ဘယ်လိုမျိုး အိမ်မျိုးကို ကြိုက်နှစ်သက်တတ်သလဲဆိုတာကိုတော့ ပွဲစားနားလည်အောင်ပြောပြထားလိုက်ပါ။

(၉) အိမ်တွေကို လိုက်ကြည့်ပြီဆိုတာနဲ့ အိမ်ထဲကို ရောက်ပြီ သော်လည်းကောင်း၊ မရောက်ခင် သော်လည်းကောင်း Valuation Report ( ရာဖြတ်မှတ်တမ်း ) ကို တောင်းကြည့်လို့ရပါတယ်။ အဲဒီ မှတ်တမ်းထဲမှာ အိမ်ရဲ့ အကျယ်အ၀န်း၊ အိမ်ကို အကြမ်းဖျဉ်း ဘယ်လို ပြင်ဆင်ထားသလဲ၊ အိမ်ပတ်ဝန်းကျင်မှာ Amenity လို့ခေါ်တဲ့ ဈေး၊ ကျောင်း၊ Shopping Centre, MRT Station, Community Park စတဲ့ နေရာတွေနဲ့ အကွာအဝေး ဘယ်လောက်မှာ ရှိသလဲဆိုတာ ကို အကြမ်းဖျဉ်း ရေးထားပါတယ်။ အိပ်ခန်း ဘယ်နှစ်ခန်းပါသလဲ။ မာစတာ အခန်းက ဘယ်လောက်ကျယ်သလဲ၊ Build-in Wardrobe ပါတယ် မပါဘူး စသည်တို့ကိုလည်း ရေးထားတတ်ပါတယ်။ နောက်ဆုံးအရေးကြီးဆုံးက ရာဖြတ်က ဒီအိမ်ကို ဘယ်လောက်တန်ပါတယ်ဆိုတဲ့ စကားလုံးပါပဲ။ အဲဒါကို Valuation Price လို့ခေါ်ပါတယ်။

(၁၀) ကျွန်တော်တို့ မိသားစု က ဈေးသည် မိသားစုပါ။ ၀ယ်မယ်လို့ ဆုံးဖြတ်ပြီးမှ ဈေးဆစ်တာကို သဘောကျပါတယ်။ ဈေးဆစ်လို့ ရောင်းတဲ့သူက ပေးမယ်လို့ ပြောတဲ့အခါကျမှ ၀ယ်သူက သူပြောတဲ့ ဈေးကိုပေးလို့ ဒွိဟဖြစ်ပြီး မယူဘူးဆိုရင် ရောင်းတဲ့သူက တော်တော်လေးကို စိတ်ဆိုးပါတယ်။ ဒါကြောင့် အိမ်တွေကို လိုက်ကြည့်ပါ။ မကြိုက်ရင် နောက်တစ်အိမ်ပြောင်းကြည့်ပါ။ မကြိုက်သေးရင် ဈေးမဆစ်ပါနဲ့။ ကြိုက်မှ ဈေးဆစ်ပါလို့ ပြောပါရစေ။

(၁၁) စင်္ကာပူမှာ အိမ်တော်တော်များများက Valuation Price+ အပိုငွေ ဆိုပြီး ဈေးခေါ်တတ်ပါတယ်။ အိမ်ရဲ့အခြေအနေ တော်တော် မကောင်းတာ သို့မဟုတ် အိမ်ရောင်းမဲ့သူက အမြန်ရောင်းချင်တဲ့အခါမျိုးဆိုရင်တော့ Valuation Price သို့မဟုတ် အဲဒီထက် လျော့တောင်းတာမျိုး ရှိပါတယ်။ အများအားဖြင့်တော ၉၀ ရာနှုန်းတော်တော်များများဟာ Valuation Price ထက် ဘယ်သူမှ လျော့မရောင်းတတ်ပါဘူး။ ကျွန်တော်တို့တစ်တွေ ဈေးဆစ်ရင် အပိုငွေ ကို ပဲ ဈေးဆစ်ကြတာများပါတယ်။ အပိုငွေကို ဒေါ်လာ ၃၀၀၀ လောက်ကနေ ၃၀ ၀၀၀ လောက်အပိုတောင်းတတ်ပါတယ်။ အိမ်ကို ငွေကုန်ကြေးကျ အကုန်ခံပြီး ပြင်ဆင်ထားတတ်တဲ့ အိမ်ရှင်တွေ ဆိုရင် ၃သောင်းလောက်က တောင်းတတ်ပါတယ်။ ကျွန်တော် ၀ယ်တုံးက အပိုငွေ ၃၇၀၀၀ အပိုပေးရပါတယ်။

=======
ဈေးဆစ်ပြီး ဈေးတည့်ပြီးတဲ့နောက် ဘာတွေ အဓိကထားလုပ်ရမယ်ဆိုတာ ဆက်ပါမယ်။

ဆက်ပါမည်။