ဘလော့ဂါရွာမှ တွေ့ဆုံဘူးချင်သူများ ...

သူငယ်ချင်း တန်ခူးက ကိုယ်လို ဘလော့လောကထဲဝင်ကာစ ဘလောဂါပေါက်စကို လူရာသူရာ အဲ ဘလောဂါရာသွင်းပြီး တက်ခ်ထားတော့ ရေးရအုံးတော့မှာပေါ့နော်။ တစ်ခုကြိုတောင်းပန်ချင်တာက တန်ခူးတို့လို့ ကိုယ်က နုနုလှလှချစ်စရာလေးတွေ မရေးတတ်တော့ ပိတ်သတ်များ ဖတ်ပြီး တစ်ခါဆက်ဆံ ၁၀ခါလန်ဆိုတာမျိုး ဖြစ်သွားမှာကြောက်လို့ ကြိုတင်တောင်းပန်ပါသည်။

ဘလောဆိုတော့ အစကနေ စရေးရရင် ဟိုးအရင် ကိုယ့်အိမ်ကလူကြီးက ပြောပြောနေတာ ... ဘလော့ ... တို့ ... ဖိုရမ်တို့ ... ကိုယ်က အဲဒီအချိန်က အဲလို စကားလုံးတွေနဲ့ မနီးစပ်တော့ ... ယောက်ျားရယ် ... ဘာတွေပြောနေတာလဲဟင် ဆို... သူကရှင်းပြ ... ကိုယ့်မှာ နားလည်သလိုလို ... ဘာလိုလို ... မသဲကွဲပါဘူး။ နောက်တော့ မြန်မာကျူးပစ်ဖိုရမ်မှာ စာလေးတွေစရေးရင်းနဲ့ တစ်ဖက်ကလဲ ဘလော့လေးတွေ လျောက်ဖတ် လျောက်လည်ရင်း အော် ... ဖော်ရမ်ဆိုတာ ဒီလို ... ဘလော့ဆိုတာ ဒါ ... ဆို သိလာရတယ်။

ကိုယ်တွေ့ဘူးချင်တဲ့ ဘလော့၈ါတွေက ကိုယ်ဟိုးရှေးရှေးထဲက ဖတ်ခဲ့တဲ့ ဘလော့ဂါတွေ အပါအ၀င် အခု ဘလော့ လေးလုပ်ပြီးမှ ခင်မင်ခဲ့ရတဲ့ သူတွေပဲ ဖြစ်မှာပါ။ ဘလော့မှာရေးတာဆိုတော့ ကိုယ့်ရဲ့ "တွေ့ဆုံဘူးချင်သူများ" ဆိုတာကို "ဘလော့ရွာမှ တွေ့ဆုံဘူးချင်များ" လို့ နာမည်ပြောင်းရေးလိုက်တော့မယ် တန်ခူးရေ။

ပထမဆုံးကိုယ်ဘလော့တွေ စဖတ်မိတာ နိူင်းနိူင်းစနေ ဘလော့ပါ။ သူရေးတာလေးတွေ ငယ်ငယ်ကအကြောင်းလေးတွေ စိတ်ဝင်စားဖို့ကောင်းတယ်။ ဗဟုသုတရစေတဲ့ ဘာသာပြန်ဆောင်းပါးလေးတွေ၊ ဘာသာပြန် ဟာသလေးတွေ စိတ်ဝင်စားစရာ ဖတ်စရာတွေအများကြီးမှို့ ၀မ်းသာအားရ သွားဖတ် ခဲ့တယ်။ ငယ်ပေမဲ့ စာရေးကောင်းတဲ့၊ ဗဟုသုတအကြားအမြင်လေးတွေပေးတတ်တဲ့ ညီမလေးကို တွေ့ဘူးချင်တယ်။

နောက်တော့ ကိုယ်မှတ်မိတာ ကိုအန်ဒီရဲ့ We She Me ဆိုတဲ့ ဘလော့လေးနဲ့ ရင်းနှီးခဲ့ပြန်တယ်။ အော်စီအကြောင်း၊ ခလေးတွေ အကြောင်း၊ ဟင်းချက်နည်းလေးတွေ သွားသွားဖတ်ရင်း ဗဟုသုတလဲရ ဖတ်လို့လဲကောင်းလို့ မကြာခဏ သွားလည်ခဲ့တယ်။ အခွင့်ကြုံရင် ကိုအန်ဒီတို့ မိသားစုနဲ့ ကိုယ့်မိသားစု၊ သူ့မိသားစု အကြောင်းလေးတွေပြောပြီး စကားလက်ဆုံကျချင်ပါရဲ့။

မှတ်မှတ်ရရရှိတဲ့ နောက်ဘလော့ကာကတော့ ကို နဗန ရဲ့ ဘလော့ပါ။ သူတို့ ငယ်ဘ၀အကြောင်း၊ ဆံမြိတ်ခုံရွာ အကြောင်း ရေးထားတာ ကိုယ်တကယ်ကို အညာဒေသရောက်သွားသယောင် ရေးနိူင်ပါပေရဲ့။ ကိုယ်တို့အမေကလဲ အဲလိုအင်မတန်ခေါင်တဲ့ ရွာလေးကပဲလေ။ ကိုနဗနက သူ့ရဲ့ ငယ်ဘ၀ကို မချွင်းမချန်ဟာသလေးတွေ ရောပြီး ရေးခဲ့တာ ဖတ်ရင်း ရယ်မောလို့။ ဆရာကြီး သော်တာဆွေရဲ့ ကျွန်တော့ ဘ၀ဇာတ်အကြောင်း ကိုတောင် သွားသတိရမိသေးတယ်။ အဲဒီဘလော့ကို သိသိချင်း စာတွေ ဆက်တိုက်ဖတ်တာ ၂ည၊ ၃ညလောက်နဲ့ စာတွေ အကုန်ဖတ်ပြီး ပို့စ်အသစ်တွေကို အမြဲမျှော်နေရတဲ့ ဘလော့ပေါ့။

နောက်တော့ ညီမမိုးချိုသင်းရဲ့ ဘလော့လေးဝင်ပြီး ဖတ်ပြန်ရော။ သူကလဲ စာရေးတာ အတော်စွဲဆောင်မှုရှိတာပဲ။ ဖတ်ပြီး မရပ်ချင်ဘူး ။ ရေးတာနောက်ကောက်ကောက်ပါအောင် လိုက်ဖတ်မိတာပဲ။ ကိုအန်ဒီပြောသလို မိုးချိုသင်း ဟိုမုန်းဆိုတာ သိပ်မှန်တယ်။ ဖတ်ရင်းနဲ့ သူ့သဘော၊ သူ့အထာ၊ သူ့စရိုက်ကလေးတွေ ကိုယ်ကရင်းနှီးလို့ ။ အပြင်မှာကို ခင်မိချင်နေတယ်။ ပထမရေးရင်းနဲ့ နောက်ပိုင်း တလွဲလေးတွေ၊ ဂွကျကျအဖြစ်အပျက်ကလေးတွေနဲ့ ဇာတ်သိမ်းလို့ သူ့စာဖတ်ပြီးတိုင်း ပြုံးမိတာချည်းပါပဲ။

နောက်တော့ ကျွန်မတို့ရဲ့ အမကြီး မခင်ဦးမေ အလှည့်ကျတာပေါ့။ ပထမတောာ့ ကွန်းမန့်တွေ အများကြီးနဲ့ ဘာလို့များလဲဆို စိတ်ဝင်စားလို့ ဖတ်ကြည့်လိုက်တာ။ ကျွန်မတို့ရဲ့ အစ်မကြီး ဘာလို့ လူချစ်လူခင်ပေါသလဲဆိုတာ သဘောပေါက်သွားတယ်။ အစ်မကလဲ အတော်ပွင့်လင်းတာ။ သူ့အိမ်က ချစ်ချစ်နဲ့ သူနဲ့ အကြောင်းဖတ်မိရင် မပြုံးပဲနဲ့ ၀ါးလုံးကွဲရယ်ဆိုသလိုကို ရယ်မိပါရဲ့။ ဖတ်ရင်းနဲ့ အပြင်မှာ တွေ့ချင်မြင်ချင် စကားတွေပြောချင်စိတ်ပေါက်မိတယ်။ သူငယ်ချင်း မသက်ဝေက ပုဝါလေးနဲ့ အစ်မလှလှဆိုရေးဘူးတော့ ဟိုနေ့က MRT ပေါ်မှာ ဗမာလို့ထင်ရတဲ့ ပုဝါလေးနဲ့ အစ်မလှလှတွေ့တော့ တို့အစ်မကြီးလားဆို အကြာကြီးကြည့်မိလို့ ဟိုကညက်စောင်းတောင်ထိုးသွားသေးတယ်။

နောက်တော့ ဘလော့လေးလုပ်မှ ရင်းနှီးရတဲ့ ကိုယ်နဲ့ ၀ါသနာတူ ဟင်းချက်ဖော်ညီမလေးတွေနဲ့ တွေ့ချင်နေတယ်။ သင်းကြန်တုံးက တဗွမ်းဗွမ်းနဲ့ရေတွေ လာလောင်းသွားတဲ့ မိုးကောင်းသူညီမလေး။ မနောဖြူတဲ့ ဂျိန်းဖောသူလေးမြူးသျှရီ၊ဟင်းချက်ကောင်းတဲ့ ရှင်မင်းတို့ စုဘူးအိမ်တို့နဲ့ ဟင်းတွေ အတုချက်ကြပြီး ထမင်းလက်ဆုံစားချင်တယ်။

ခဏခဏလာလည်ပြီး ကွန့်မန့်လေးတွေနဲ့ အားပေးတတ်တဲ့ ၊စာရေးကာင်းတဲ့ မောင်လေး ကိုထွေးနဲ့လည်းတွေ့ပြီး ကျေးဇူးတင်ကြောင်းပြောချင်တယ်။မဇနိ၊ ကိုဇနိ၊ ရွာသားလေး၊ မကေ တို့ ကိုလဲ တွေ့ချင်တယ်။

ရေးရင်းနဲ့ ၁၀ယောက်ကျော်သွားပြီ။ သူငယ်ချင်းမသက်ဝေတို့၊ တန်ခူးတို့၊အန်တီစုချစ်တို့၊ကိုပေါတို့ကတော့ အပြင်မှာ ရင်းနှီးဘူး ခင်ဘူးဆုံဘူးသူတွေဆိုတော့ မပါလို့ စိတ်မကောက်ကြနဲ့ဦး။

တန်ခူးရေ၊ ကိုယ်ခုချိန်ထိ ဘလော့တွေ အကုန်က ပိုစ့်အကုန်ကို လိုက်မဖတ်နိူင်သေးတော့ ကိုယ်သေချာ ပို့စ်အကုန်နီးပါးဖတ်ဘူးတဲ့ ဘလော့ဂါတွေကို စိတ်ထဲမှာ တွေ့ဘူးချင်တာ မဆန်းပါဘူးနော်။ ကိုယ်အခုလျောက်လည်နေဆဲ ဖတ်နေဆဲပါ။ နောက်ပိုင်းကျရင် ဒီ့ထက် တွေ့ချင်သူတွေများလာတော့မှာ ။