ကျွန်မနာမည် မအုန်းစိန်

မဆွိတီတို့မောင်နှမတွေမှာ ထန်းရွက်ကလေးနဲ့ခေါက်ပြီး လုပ်ထားတဲ့ ခပ်ဝါ၀ါအရောင်ရှိတဲ့ ရက်ချုပ် ဇာတာလေးတွေရှိတယ်။ အဖေ့ဘက်ကအဖွားက ဘုန်းကြီးတစ်ယောက်နဲ့ ဗေဒင်တွက်ချက်ပြီး လုပ်ပေးထားတာပါ။ ကိုယ့်ဘ၀တစ်ခုလုံးအတွက် တွက်ချက်ထားတာဆိုတော့ ဘုရားစင်ပေါ်မှာ တရိုတသေ သိမ်းထားရပါတယ်။

အဲဒီမှာ ပုံလေးတွေ ဂဏန်းလေးတွေ စာလေးတွေက ရှေးဆန်ဆန်ဘုန်းကြီးလက်ရေးနဲ့ ရေးထားတာ။ နောက်ဆုံးမှာ "မောင်ဘယ်သူ၊ မဘယ်သူ သက်တော်၁၂၀ ကျော် ရှည်စေသော်"ဆို အဆုံးသတ်ပါတယ်။ ဇာတာထဲမှာ နာမည်လေးတွေ ပါတာပေါ့။ ပြီးတော့ အဲဒီနာမည်တွေက ကျောင်းနေရင်ပေးတဲ့ နာမည်အရင်းတွေနဲ့မတူဘူးရယ်။ ဘုန်းကြီးပေးတာဆိုတော့ ရှေးခပ်ဆန်ဆန် ခပ်ရိုးရိုးနာမည်တွေ။

ဒါပေသည့် မဆွိတီတို့မောင်နှမတွေကတော့ အဲသည်နာမည်တွေကိုပဲ တစ်ယောက်နဲ့တစ်ယောက် သူ့နာမည်ကောင်းတယ်၊ ကိုယ့်နာမည်လှတယ်ဆို ရှာကြံပြီး ပြိုင်နေကြတာပဲ။ အကိုတစ်ယောက်ရဲ့နာမည်က အဲဒီအချိန်က အလွန်နာမည်ကြီးတဲ့ ၀န်ကြီးတစ်ယောက်နာမည်ဆိုတော့ သူ့နာမည်ကို ဂုဏ်ယူပြီး ကြွားနေတာပဲ။မောင်လေးတစ်ယောက်နာမည်ကတော့ အဆိုတော်တစ်ယောက်ရဲ့နာမည်နဲ တူနေပြန်ရော။

တစ်ခါသား မဆွိတီ အမေတို့ရုံးကို အမေနဲ့လိုက်သွားပါတယ်။ သူငယ်တန်းပဲ ရှိအုံးမယ်ထင်ရဲ့။
အမေတို့ရုံးက အမေ့မိတ်ဆွေတွေက မသန်းစိန်သမီး ဆိုလာကြည့်ကြ၊ ခလေးဆိုတော့ ချစ်စနိုး စ ကြ နောက်ကြ ၊ မေးကြပေါ့။ အဲသမှာ အမေ့မိတ်ဆွေတွေက သမီးနာမည် ဘယ်လိုခေါ် လဲဆို အဲဒီအရွယ်တည်းက လျှာရှည်တဲ့မဆွိတီ ဘယ်လိုဖြေတယ်ထင်သတုံး။

" ကျောင်းနာမည်က ဆွိတီ၊ အိမ်နာမည်က ဘုတ်အီးမ၊ ဇာတာထဲကနာမည်က မအုန်းစိန် " ဆို အမေ့ရုံးကလူတွေ ရယ်လိုက်ကြတာ။ ဘယ်သူက ဇာတာထဲက နာမည်ထည့်ပြောမယ်ထင်မှာတုံး။ နာမည်ကလဲ ကြည့်အုံး မအုန်းစိန်တဲ့ ကိုး။

အဲဒီနောက်ပိုင်းမှတ်မိတာ အမေတို့ရုံးလိုက်သွားရင် တွေ့တဲ့သူတိုင်း နာမည်ချည်းမေးတော့တာပဲ။ ဒီကလဲ မမောနိူုင်မပန်းနိူင် အဲဒီနာမည်တွေ ရွတ်ပြတော့တာပဲ။

(မြန်မာကျုးပစ်ဖိုရမ်တွင် ဖော်ပြပြီး) အပေါ်မှ ဇာတာပုံကို http://bakaung.blogspot.com မှ ယူပါသည်။ Credit to http://bakaung.blogspot.com